كان التوتر والخوف هو شعروها الاول والاخير لا تعلم لما ولكن فورا جرت من مكانها دون اي كلمه، اما هو وقف والتفت البنات حوله واحده تصرخ باسمه والاخري تريد صوره معه كان محاصر منهم يريد اللحاق بها ولكن لا يستطيع...
وصلت كيان الي اصدقائها وصرخت....
كيان وهي تختبأ خلف نور فهي اكثرهم عرضا: خبيني خبيني احيه دا جه لحد هناااا اعااااااا
نور بعدم فهم: هو مين دا في اي...
كيان: القرش هنا... اي اقصد العقرب... ي اختاااي اسمه اي الواد دا...
شهد: قصدك الحووووت؟!
كيان: ااه هو البتاع دا...
روضه بانبهار: احلفي اعاااا عايزه اتصور معاه...
نظرت كل من نور وكيان وشهد اليها بغضب وقرف..
كيان: اتف عليكي دلوقتي انا ولا اعمل اي.. هي نقصاااكي...
نور: طب وانتي خايفه ليه انتي عملتي حاجه...
كيان: مش هو قالي لو مجتيش هحبسك... ابن الجزمه... الحيوان دا...
شهد: بت انتي هبله انتي اصلا شغلك لسه مجاش معاده دا اولا ثانيا بقا اجمدي كدا احنا معاكي وثالثا بقا تعالى نشوف هو جاي ليه يمكن جاي يعتذر ولا حاجه...
ثواني وسمع الجميع صوته الجوهري الرجولي...
كريم: اعتذر من مين وعلي اي...
التف الجميع الي الصوت....
كيان وهي مازالت خلف نور: انت اي الي جابك هنا..
كريم: طب اطلعي بس من ورا صحابك كدا وكلميني..
نور وشهد و روضه: طب ما تجرب انت تقرب منها و ورينا نفسك...
كريم وتقدم خطوه: اممم مين فيكم شهد...
شهد بشجاعه: انا
كريم وهو ينظر اليها: انت بقا ام لسان طويل الي هزأتني ف الفون وقالت عليا حرامي صح...
شهد بشجاعه: اه انا الي هزأتك وهمسح بيك بلاط الكليه دلوقتي لو قربت من كيان....
كريم بضحك مستفز: انتي عارفه انت واقفه قدام مين ي حلوه... انا الحوت.. سمعه...
هنا صرخت بيه روضه: حوت حوت اي يعني هتبلعنا في اي هو محدش عارف يقفلك ولا اي مش كفايه الي عملته فيها جاي تعمل اي هنا...
كانت نور تخبأ كيان التي حقا ارتجفت خوفا علي اصدقائها وعلي نفسها منه....
ثواني و دخل عميد الكليه. عليهم ليجد كريم يقف بكل ثقه ويتحدث مع الفتيات ولكن لم يسمع النقاش الحاد هذا...
العميد: اهلا كريم بيه الكليه نورت والله اتفضل معايا علي المكتب واقف هنا ليه...
كريم وهو ينظر الي كيان: لا كنت بتفرج علي الكليه يعني عشان كنت بفكر اعمل فرع للمطعم بتاعي هنا ف الكليه عشان الطلاب وهيكون علي قد المكان والطلاب فاهمني... ونفس الوقت هيكون ف فرص عمل لشباب جنب الدراسه...
العميد: دي فكره حلوه جدا ي كريم بيه، فعلا حضرتك مثال لكل شاب مكافح وناجح...
كيان بصدمه: هو مين دااااا... لالا اوعي ي بت ي نور كدا بيقوله انت مثال للبتنجان.....
شهد و روضه ونور بضحك علي صديقتهم: يخربيتك بتنجان اي...اسكتي هتروحي ف مصيبه...
العميد: في اي ي كيان مالك...
كريم: كيان... امم اسمك حلو لا وجديد...
شهد بصوت منخفض: عمل نفسه اول مره يشوفها بروح امه...
كيان: لا والله...
كريم: اه اسمك حلو بس اسلوبك اممم يعني...
العميد: لالا ي كريم بيه انسه كيان من احسن واشطر الطلاب ف الكليه ومثال للبنت المثاليه بس هي ساعات بتهب منها شويه...
كريم وهو يزيل نظارته من علي وجهه ويعلقها بالتيشرت: لا عادي لطيفه برضو... وصحابها كمان..
العميد: دول من احسن الطلاب عندي ف الكليه
كريم: مش اوي كدا في منهم لسانه طويل شويه...
نظر الي شهد لترد عليه
شهد: لسانهم طويل مع قليل الادب بس...
كريم: صح معاكي حق..عايزك ف كلمتين بعد اذنك ي سياده العميد..
العميد: اه طبعا اتفضل معايا...
خرج العميد لينظر كريم اليهم بثقه...
كريم: علي فكره انا ممكن باشاره واحده مني دلوقتي ارفدكم كلكم..
كيان: شوفتوا ابن ال..
قاطعها كريم: تؤتؤ عيب كدا ي كوكي الفاظك مينفعش...
روضه: هو انت بتعمل كدا ليه...
نور: بعد اذنك ي كريم بيه اتفضل شوف حضرتك جاي تعمل اي يلا...
خرج كريم وتركهم وكان كل ما يشغل باله فرحه كيان وهي تقف مع نادر...
كاد ان يدخل مكتب العميد ليرى نادر يتحدث مع احد زملائه...
كريم لحدى الفتيات..
كريم: لو سمحت ي انسه هو مين الي هناك دا...
الفتاه بهيام: ها هو انت بجد بتكلمني...
كريم: اه بسالك علي الاستاذ دا.. تعرفيه..
الفتاه وهي تنظر الي نادر: اه دا دكتور نادر..
كريم: دكتور هنا يعني... اممم شكرا ي قمر..
الفتاه بعد ان ابتعد كريم: قالي ي قمر اعاااا انا قمر قالي ي قمرررر...
~~~~~~~~~~~~~~~~~~~~~~~~~
بكليه الاداب...
شمس بفرح: الحمدلله كنت متوقعه اني هجيب درجه زفت بس الحمدلله عدت علي خير هههه
احلام: اه عدت بس لسه اختبار العملي والي هيكون ف كليه تجاره ي حلوه..
شمس: اموت وافهم مين الغبي الي اختار الكليه الي هنقدم فيها العملي..
محمد: انا....
التفت شمس واحلام الي الخلف وكانت الصدمه تحتل ملامحهم...
احلام: ها دكتور محمد....انا اه عندي مشوار مهم...
جرت احلام وتركت صديقتها بهذا الموقف...
شمس: بت بت احلاااام...
محمد: لالا هربت خلاص متحاوليش...
شمس بتوتر: امم..اه صح دا انا كمان عندي مشوار مهم بعد اذنك...
تحركت لتذهب ولكن فورا سحبها من يدها خلف الحائط الموجود بجوارهم...
كانت تقف ظهرها للحائط ووجهها له...
شمس: دكتور محمد حضرتك بتعمل اي...
محمد: كنتي بتقولي مين الغبي الي اختار الكليه..
شمس: ها لا مقولتش..
محمد: قولتي..
شمس: مقولتش...
محمد: اممم متاكده..
شمس: اه مين قال اني قولت الكلام الي انت قولته..
محمد بضحك وهو يبتعد عنها: يخربيتك انتي وشك بقا زي الطماطم خلاص خلاص متتوتريش اهدي..
تركها ورحل تحت صدمتها...
شمس لنفسها: اوووف هموت وافهم انا ليه كل ما اشوفه اتوتر وركبي تسيب كدا دي عمرها ما حصلت اني احس بالاحساس الغريب دا قدام حد بتوتر اوي منه ومن نظراته ومن قربه اي دا... شمس اجمدي كدا..
توجهت الي مكتبه الكليه لتأخذ منها بعض الكتب وعندما دخلت وجدت خالد يجلس مع مريم ويضحك بشده...لتشتغل غيظا منها...
شمس بنفسها: لالااااا كدا كتير والله لوريكي...
تقدمت نحوهم وهي تتصنع البرود...
شمس: عاملين اي..
خالد: بخير ي شموسه انتي عامله اي.
شمس: تمام.. كنت جايه اقولكم ان دكتور محمد اختار كليه تجاره عشان العملي.. عرفتم..
مريم: اه سمعت..
خالد: لا لسه عارف منك دلوقتي..
شمس: اي دا غريبه يعني.. انتي عارفه وهو لا..
مريم: اسفه ي خالودي نسيت اقولك..
خالد: عادي مش مهم..
مريم: خالد ممكن تروح تجبلي حاجه اشربها من الكافي عشان تشرحلي وانا مركزه اكتر...
خالد: اه تمام وهجيب قهوه ليا برضو.. شمس عايزه حاجه معانا..
شمس بابتسامة غير راضيه: لا عايز سلامتك
تحرك خالد وخرج ليأتي بالمشروبات...
تقدمت مريم نحو شمس وتحدثت باسلوب مستفز..
مريم: خالد مش بينزلي كلمه... زي الخاتم ف صباعي...بيخاف علي زعلي جامد...بجد مش عارفه اوصفلك..
شمس: اه باين...
مريم: اه وانا كمان مش هخلي اي واحده تاخده مني مهما كانت... نظرت اليها من اسفل الي اعلي ثم اكمل وخصوصا انتي.. ف متحاوليش كتير...
شمس بغضب: بت اتلمي بدل ما المك انا بقولك اهو..
مريم: لاتكوني فاكره انه عشان شالك بعد ما حاولتي تحرقيني امبارح انه هيحبك وانك هتاخديه مني تبقي غلطانه فوقي دا شايفك اخته وبس. .
شمس: اقسم بالله كلمه كمان وه...
لم تكمل كلامها لعوده خالد مره اخرى..
خالد: مالكم واقفين كدا ليه..
مريم بسرعه: لا ي خالودي كنت بس بوصف لشمس قد اي هي قمر انهارده... مش كدا ي شموسه..
شمس: لا.. عشان انتي واحده كدابه وزباله...
مريم ومتصنعه البكاء والصدمه: اهي... اهي دي جزاتي ي خالد اني بحاول اكون لطيفه عشان تحبني مش بترضي كل مره وتحرجني...
خالد بغضب من شمس: هو انتي اي بقا كل شويه تقولي كلام دبش كدا.. يلا ي مريم نمشي..
سحبها من يدها وتحرك الي الخارج تحت دموع شمس التي تجمعت بعيناها....
خرجت وهي تحاول كبت دموعها لتتجه الي حديقه الكليه لتجلس بها...
كانت تسير وهي تنظر بالارض وانفها وخدودها حمراء بشده اثر كتم دموعها...لشاهدها دكتور محمد..
محمد: شمس.. شمس...
لم تجيبه شمس واخذت تسرع بخطواتها... جرى وراها محمد ليحلق بها خوفا عليها...
جلست بحديقه الكليه وكانت خاليه تماما من الطلاب لانها قديمه بعض الشيء...
وجدها تجلس وهي تنظر الي الارض و لا تحرك قيد انملها..
محمد: شمس انتي كويسه..؟
شمس وهي تحاول كتم دموعها: اه كويسه
محمد وجلس بجوارها: في اي مالك احكي..
شمس: مفيش حاجه ممكن تسبني لوحدي شويه..
محمد وضع يده علي كتفها: طب ممكن تحكي مالك انتي تعبانه تحبي تروحي طيب..
نظرت اليه شمس بعيون مليئه بدموع وبثواني وضعت راسها بصدره واخذه تبكي بشده...
««««««««««««««««««««««««««««
خرج من مكتب العميد وهبط الي اسفل اتجه الي سيارته ولكن وجدها تقف بجوار روضه وتسند علي الحائط وتاكل سندوتش...
اتجها اليها واخذ من يدها السندوتش.. اكل منه ونظر اليها...
كريم: اممم مربى بالقشطه بعشقها بجد..
كيان بصدمه: انت بتعمل اي.. هات السندوتش بتاعي
كريم: تؤ خلاص اتصادر..
كيان وهي تحاول اخذه: بقولك هات اي الرخامه دي..
اكل منه مره اخرى..
كريم: حلو اوي بجد بحب مربى الفراوله جامد..
كيان: بقولك هات... اي البرود دا..
قفزت لتاخذه منها وكادت ان تقع ليمسكها كريم من يدها ويسحبها لتصدم بصدره وتتلاقي عيناهم..
كيان: ابعد
كريم: كنتي هتقعي..مسكتك..
كيان: تمام شكرا.. ابعد..
كريم: العفو..
تركها ثم همس بجوارها متتاخريش علي الشغل عشان لو مجتيش بكره هتكوني ف القسم...
ذهب وتركها لا تعلم ما هذا الشعور هي غاضبه كثيرا منه ولكن شعرت وكأن قلبها اطلق الطبول بقربه منها...
«««««««««««««««««««««««««««««»»»
.....: ايوه ي منير بيه هو طلع دلوقتي من الكليه العلاج الطبيعي...
منير: كريم ف كليه؟ بيعمل اي..؟ ومع مين؟
الرجل: كان واقف مع وحده وحضنها من شويه هبعت لحضرتك الصور...
منير: واحده؟ وكريم رايح لحد عندها؟
الرجل: ايوه ي باشا.. ثواني والصور هتوصل..
منير: تمام واعرف كمان كل حاجه تخص البنت دي فورا..
الرجل: تمام ي باشا...
«««««««««««««««««««««««««««««
بعد مرور عده ساعات...
كيان: يلا ي بنات انا همشي عشان متاخرش والقرش يبلعني...
شهد: انتي برضو مصممه.. مفيش فايده..
كيان: لا ي شهد مروحش والقي البوليس جاي يزفني من البيت صح...
شهد: اكيد في حل لكن ابن البارده دا لا..
كيان: لحد ما نشوف حل بقا لازم اكمل شغل..
ذهبت كيان تاركه اصدقائها علي نفس الحال التفكير المستمر بمشكله صديقتهم...
روضه: اي رايكم لو نعرف نادر بالي بيحصل..
نور: دا علي اساس ان نادر دا ابن خالتها يعني ولا اي.
روضه: لا بس ممكن يساعدنا نشوف حل..
شهد: اسكتي ي روضه عشان مولعش فيكي انا اصلا شايطه من ابن بياعه البليله دا...
»»»»»»»»»»»»»»»»»»»»»»»»»»»»»
بعد قليل وصلت كيان وكانت تجري لتلحق بالمعاد حتي لا تسمع منه كلمه تزيد من غضبها...كاد المصعد ان يغلق ولكن اوقفته بسرعه وهنا وجدته بوجهها..
كيان بصدمه: اعوذ بالله من الشيطان الرجيم..
كريم: بسم الله الرحمن الرحيم.. ها هنقرأ الفاتحه ولا اي..
كيان: اتفضل اطلع انت.. هطلع ع السلم..
كريم: تمام براحتك.. بس اعرفي معدتش وقت وانتي عارفه المطعم ف دور الرابع.. انتي الي هتتأخري علي شغلك..
كيان وهي تنظر اليه: طب مانا جيت اهو بس لسه هطلع..
كريم: مليش دعوه انا فوق المدير.. هنا لا.. التأخير عليه خصم وتهزيئ طبعا..
كيان: خصم ماشي التانيه لا...
كريم: الاتنين ها يلا... اختاري...
كيان: اوووف صبرني يارب.. جايه...
دخلت المصعد بجواره.. وقفت تنظر اليه دون ان يشعر.. ولكن كان يعلم انها تنظر اليه ويكتم ابتسامته..
كيان: هو انا ممكن اسال سؤال..
كريم: لا مش مرتبط..
كيان بعدم فهم: مش مرتبط ازاي...
كريم: يعني مفيش بنت ف حياتي..
كيان: وانا مالي اي علاقه دا بيا...
كريم: مش انتي بتقولي هسال سؤال انا بجاوب..
كيان: وانت فاهم اني هسال علي كدا؟ انا مالي اصلا.. انا كنت هسأل حضرتك جايب البرفان منين عشان اجيب واحد زيه..
كريم بدهشه: اممم لخطيبك..
كيان: لا ل... وانت مالك اصلا... خلاص متقولش هدور عليه بنفسي..
كريم: كنت هساعدك بس اشطا..
كيان وهي تنظر اليه بغضب: مهو واضح دا ان...
رن هاتف كريم ليجيب عليه..
كريم: الو.. ايوه دلوقتي... بقولك دلوقتي الشبكه وحشه الو... بقول دلووقتييييي سااامع...
وهنا اهتز المصعد بشده.... لتمسك كيان بذراع كريم وهي تصرخ..
كيان: اعااااااااا اي دااااااا...
وانقطع الكهرباء... وسقط المصعد بهم.....
يتبع....
رايكم..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
