وصلت الفتيات الي مكانهم المعتاد وهو كافي صغير ولكن بساطته تجعل منه غايه بالجمال والهدوء ويعتبر المفضل لديهم لان صاحب المكان هو رجل عجوز بسيط للغايه توفى ابنه الوحيد وزوجته لذلك يعطي كل حبه وعاطفته لكل من يدخل هذا المكان ويتميز ايضا مكانه بصوت الاغاني القديمه التي تلمس قلوب الجميع.. اغاني السيده ام كلثوم، عبدالحليم حافظ، فريد الاطرش، شاديه، صباح، واغاني فيروز العتيقه، نجاة الصغيره، وغيرهم... 🤍
عند دخولهم وجوده يخدم كل من بالمكان بحب كبير رغم كبر سنه والشيخوخه التي تملكت منه الا انه مازال بصحه جيده و بابتسامة بشوشه... ، كان صوت
اغاني ام كلثوم تعلو بالمكان
(حب ايه الي انت جي تقول عليه، انت عارف قبل معنى الحب ايه...لما تتكلم علييه لما تتكلم عليه..♥)
عم شعبان بابتسامة: اهلا بالقمرات الي مجوش بقالهم زمان ونسيو عمهم شعبان خالص....
روضه بابتسامة: والله ما نقدر ي عمه شعبان دا انت الحب كله...
شهد: لالا معلش كله الا حبيبي ي بت انتي وهي دا الغالي دا الكراش بتاعي.. مش كدا ي شوووعبااان😉
عم شعبان بضحك: طبعا طبعا انا الكرش بتاعها ايوه ههه بتيجي تاكل هنا هي والبت نور...
نور بضحك: كرش ي عمه شعبان بتقولك كراش مش كرش ههه الكرش دا بتاعي انا الي انت بدلعه باكلك الي ملوش زيي...
عم شعبان: ايوه كل مره تضحكوا عليا بالكلمتين دول بس هي الي بتحبني فيكم بجد البت كيان كل فتره بتيجي تطل عليا اه بتيجي باحزانها بس مش مهم بقا المهم انها تيجي هههه
روضه: طب يلا ي عمه بقا اكلك الجامد وحصلنا علي مكانا عشان شكل خزان الاحزان هينفجر دلوقتي..
شهد: ايوه انا عايزه كفته من القمر بتاعتك...
نور: وانا ي عمه وزود الطحينه...
روضه: ومياه السلطه النار بتاعتك... اشطا..
اتجهت الفتيات الي مكانهم المعتاد بهذا المطعم البسيط... ليجدو كيان تضع يدها علي خدها بحزن وتنظر اليهم..
روضه: في اي مالك..؟
شهد: حصل اي..؟
نور: مين زعلك..؟
لم تجيب كيان علي اي منهم نظرت فقط والصمت يحتل المكان...
شهد: كياااان انتي معانااااا
روضه: بت مالك؟ 🤨
نور واقتربت من اذنها: كياااااااااااااااان....
صرخت كيان بهم: اييييييييي اهدوووو شويه كتكم داهيه كلكم... هي نقصاااكم..
شهد: الحمدلله عايشه🙂
كيان: اترزعي انتي وهي وهي وهي علي ما البومه الرابعه تيجي🙂
روضه: مين دي..
نور: اكيد شمس يعني هي كيان تعرف حد غيرنا اصلا
روضه: اها فكرت اننا نسينا حد ولا حاجه...
هنا دخلت شمس تجري عليهم...
شمس بخوف: اي الي حصل... في اي... مين مات... عملتوا اي ف البت.. ما حد يرد عليااااا
نظرت كل منهما اليها بصمت ولا اجابه...
شمس بصرااخ: ايييي انتم موتوووو
رفعت روضه كتفها بعدم معرفه لشيء... مدت شهد شفتيها ايضا بعدم معرفه لشيء.. ف نظرت شمس الي نور.. ولكن ايضا نور رفعت يدها بعدم معرفه لشيء...
فورا نظر الجميع الي كيان الي مازالت تضع يدها علي خدها بحزن...
الجميع لكيان: هاااااااااا؟
كيان: معاكم 100الف جنيه...
الفتيات: كاااااام؟؟؟
نور بمرح: ي ستي شايله طاجن ستك كدا عشان 100جنيه خدي اهي
اخرجت نور من محفظتها 100جنيه لكيان...
نظرت كيان الي الفلوس ثم عادوت تنظر اليهم...
كيان: معاكم100الف جنيه سلف... 🙂
شهد: انتم سامعين زيي ولا انا وداني باظت... امي قالتلي سمعك تقل مصدقتهااااش
روضه: هي بتقول 100جنيه صح؟
نور: اه انا سمعت كدا... اهي حتي...
شمس: يمكن مش عجباها الفلوس بتاعتك تاخدي مني انا...
كيان بحزن: مفيش فايده ليكم حق تتصدموا دا انا نفسي مش مصدقه...
روضه: كيان بطلي هزار بقا في اي..
كيان بغضب: اقسم بالله ما بهزر انا عايزه 100الف جنيه.. 100الف مش 100جنيه... فوقي انتي وهي كدااا
شهد: نفوق اي فوقي انتي واعيه بتطلبي اي.. انتي شيفانا ف بنك هنا...
كيان: انا فايقه والله بس مش عارفه اعمل اي اجيب منين 100الف جنيه...
شمس: كيان احنا مش فاهمين حاجه انطقي اي حكايه ال100الف دول...
كيان: تمام اسمعوا المصيبه...
اخذت تروي كيان ما حدث مع كريم بالمطعم وطلبه منها وحديثه معها بالتفصيل....
«««««««««««««««««««««««««««««««
بقصر البحيري...
منال: منير كدا كتير اوي كريم زودها بجد... شوف الخبر الجديد..
امسك منير التاب من يدها ونظر به... وقرأ بصوت مسموع...
(مره اخرى الحوت مع فريسه جديده..، الشاب المدلل من العائله الثريه...)
منير بغضب: اوووف بقا انا تعبت...والله لربيك ي كريم... ماشي اصبر علياا...
اخرج منير هاتفه واتصل باحدي الرجال...
منير: الافتتاح امتي...
الرجل: بعد بكره ي فندم...
منير: هيبقا يوم اسود علي دماغه ان شاء الله..
اغلق الهاتف ثم اتصل برجل اخر...
منير: كريم ما يغبش عن عينك لحظه انت فاهم...
اغلق الهاتف وهو ينوي علي شيء ما...
««««««««««««««««««««««««««««««
كيان: بس دا كل الي حصل..
شهد بغضب: اقسم بالله انا لو مكانك كنت ضربته بحاجه موته... ابن الجزمه...
نور: اهدى ي شهد بقا دا مش وقته دي مصيبه بجد..
روضه: المبلغ كبير اوي فعلا... هنعمل اي..
شمس: نور متعرفيش تستلفي من باباكي المبلغ دا..
نور: والله احاول بس مستحيل يديني 100الف كتير اوي بجد..
كيان: لا ي نور متقوليش حاجه اصلا لباباكي.. عمه عصبي اصلا ومش عايزه مشاكل..
روضه: طيب وبعدين اي الحل..
كيان: هعمل اي يعني... هشتغل الاربع شهور دول🤷🏻♀️
شهد: نعم مستحيل دا انسان لا يطاق دقيقه اربع شهور ازاي والله اعلم هيعمل اي فيكي الوقت دا كله..
كيان: اي الي رماك علي المر.. الي امر منه... اي السجن ولا الحوت...
روضه: ي شيخه حوت يبلعه ونخلص منه اي المصيبه الي جات علينا دي...
هنا وصلت رساله اليها...
(فكرتي ولا العب انا براحتي... 😉)
لفت كيان الهاتف اليهم...
شهد: ي ابن الرقاصه....
روضه: دا عايز ياخد علي قفاه بشبشب الحمام..
نور: هو اسمه اي ي كيان...
كيان: اسمه... تصدقي معرفش لحد دلوقتي بس هو معروف باسم الحوت يعني...
فتحت نور الهاتف وبحثت عن اسمه فقط صاحب سلسله مطاعم الحوت...
وهنا خرج لها صور له و معلومات عنه وكان اول الاخبار...
(الحوت مع فريسه جديده مره اخرى..) وبعض الصور له...
كريم. منير البحيري..(الحوووت)
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
