وصلت الاسعاف الي المستشفى... واجرت اللازم لشمس...
الممرضه: حضرتك الي خبطها...
الشخص: اه انا... بس بجد مكنتش اقصد والله
الممرضه: تمام هي الحمدلله بخير دلوقتي شويه وهتفوق ممكن هي لو هتعمل بلاغ تتفاهم معاها...
الشخص: تمام شكرا..
الممرضه: العفو بعد اذنك...
بعد خرج الممرضه دقيقتان وفتحت شمس عيناها...
شمس بألم: ااااه راسي... انا فين...
الشخص وهو يسندها لتعتدل: براحه انتي كويسه انادي لدكتور...
شمس: لالا انا كويسه بس دماغي مصدعه اوي ووجعاني.. هو اي الي حصل..
الشخص: انا انا اسف والله بس يعني حصل حادثه بسيطه...
شمس: حادثه؟
ثواني وتذكرت ما حدث وجريها لتبكي مره اخري..
الشخص: انتي بخير انادي لدكتور تاني..
شمس: لالا انا كويسه بس عايزه اروح ممكن
الشخص: اه ممكن طبعا... انتي بيتك فين عشان اوصلك..
شمس: لا مفيش داعي كفايه تعبت حضرتك لحد هنا
الشخص: مفيش تعب ولا حاجه انا الي بجد اسف عل الي حصل كنت بتكلم ف الفون وبعدين فجاه خبطك
شمس: انا الي كنت بجري بسرعه وبعيط مخدتش بالي... حضرتك مش غلطان
الشخص: تحبي اتصل بحد من اهلك او صحابك يعني، اه ولو تحبي ادفعلك تعويض انا معنديش مشكله
شمس: تعويض اي ي استاذ محصلش حاجه عادي يعني حادثه واحنا الاتنين غلطانين وانا كويسه اهو بس هي شنطتي فين...
الشخص: ف العربيه بتاعتي...
شمس: طب ممكن اعمل مكالمه من فون حضرتك
الشخص: اه اكيد اتفضلي...
اخذت الهاتف واتصلت كانت ستتصل بخالد ولكن تراجعت واتصلت بكيان وهنا رد عليها كريم...
كريم: الو..
شمس وهي تنظر الي رقم الاتصال لتتأكد من صحته..
شمس: الو مش دا رقم كيان...
كريم: اه هو
شمس: طيب هي موجوده ممكن اكلمها
كريم: لا للاسف هي مش موجوده دلوقتي.. اصل هي نسيت فونها معايا او بمعني اوضح نسيته ف مكان شغلها الجديد
شمس: بجد طيب حضرتك مين عشان اقولها تيجي تاخده..
كريم: لا متقولهاش حاجه ممكن بس تقوليلي العنوان بتاعها عشان اودلها الفون بدل ما اتعبها يعني...
شمس: عادي ممكن اجي انا اخده
كريم: متتعبيش نفسك قولي بس العنوان...
املت شمس عنوان بيت كيان لكريم ومن ثم اغلق الهاتف بوجهها دون اي كلمه...
شمس: الوو... الوو...
نظرت الي الهاتف بقلق... ثم اعطته لهذا الشخص..
شمس: شكرا لحضرتك
الشخص: العفو.. لو انتي احسن اتفضلي معايا اوصلك..
قامت شمس من مكانها وكادت ان تتحرك ولكنها شعرت بالدوار وكادت تسقط ولكن امسكها هو فورا من يدها و وسطها...
الشخص: انتي كويسه...
شمس: اه اه... بس حسيت بدوخه كدا فجاه..
نظرت اليه لتجده يمسك بها ويده عليها...
ابتعد فورا..
الشخص: اسف غصب عني كنت بس بشوف حضرتك كويسه ولا لا..
نظرت اليه شمس لثواني ولم تتحدث ففتح باب الغرفه وخرج منها... تابعته شمس حتي السياره وركبت معه ليوصلها الي المنزل...
««««««««««««««««««««««««««««««««
كيان: بس ي ستي بقا دا الي حصل...
نور: يخربيتك لزقتي الواد علي وشه...
شهد: جدعه والله رجوله..
روضه: ي حرام صعب عليا والله يعني فونه اتكسر وكمان اضرب ي قلب امه...
شهد: بس ي بت يستاهل واحد حيوان قليل الادب
نور بغمز: بس قوليلي بقا الواد حلو😉
كيان بغضب: حلو اي وزفت اي انتم عارفين لو شفت ملك جمال كدا مش بيعجبني غير واحد بس..
شهد: كتك القرف ف زوقك
روضه: حرام عليكي ي شهد نادر مش وحش عل فكره انا مش عارفه مش بطقيه ليه...
شهد: هو كدا مش بينزلي من زور بحسه كدا عايش الدور ف نفسه...
نور: اكيد مش هيبقا عايش الدور اكتر من الي اضرب دا...
ضحكت كيان: بصراحه اه وبعدين مبسوطه عشان دا حيوان كان لازم يضرب... بس برضو مضايقه علي الفون والمحفظه دا انا معيش اتنين جنيه حتي... لا والفون ضاع وانا لسه جيباه جديد دا مدفعتش غير قسط واحد منه 😢
نور: طب متزعليش ي كوكي وحياتي كله هيتحل المهم اننا مع بعض...
اقتربت الفتيات من كيان وحضنوها حضن جماعي..
روضه: علي الحلو والوحش سوا ي بنات صح..
نور وشهد وكيان: صاااااح طبعا.....
نور يلا قومي ي بت انتي وهي عشان اوصلكم قبل ما اروح...
روضه: لا انا هروح عند خالتو عشان هبات عندها انهارده...
نور: تمام هوصلك وبعدين اوصل البت كيان و اروح..
شهد: ما تباتو معايا انهارده.. ما انتم عارفين بابا وماما مسافرين وهيجو كمان اسبوع..
نور: يوم تاني وعد بس انهارده مش هينفع انتي عارفه بابا عصبي لازم اخد رايه الاول ف كل حاجه
شهد بحزن: خلاص ماشي يلا...
نزلت الفتيات و اوصلت نور كل من هما الي منزله...
وصلت كيان الي شارعها بتلك الحاره الشعبيه...
كانت تسير بتعب الي منزلها لتجد احدى جارتهم تنادي عليها...
طنط بدريه: كيان بت ي كيااان...
كيان لنفسها: اووف مش نقصاكي خالص ي طنط بدريه...
بدريه: بت انا مش بنادي عليكي اي مش سامعه..
كيان: لا سمعت ي طنط بس تعبانه مش قادره ارد خير حصل اي...
بدريه: ولا حاجه ي روح خالتك بس كان في واحد كدا بعربيه انما اي حلوه اوووي بيسأل عليكي... 😏
كيان بدهشه: بيسأل عليا انا...
بدريه: ايوه ي اختي عليكي انتي ومش بس كدا سأل كمان علي البيت والدور وعندك اخوات ولالا.. دا عريس دا ي بت...
كيان: عريس اي بس ي طنط والنبي اسكتي اكيد قصده حد تاني...
بدريه: لا ي روح خالتك قصده عليكي انتي حتي وراني صورتك...
كيان بصدمه: صورتي صورتي انا ازاي داااا؟
بدريه: معرفش بس انا عرفت البيت وشكرت فيكي جامد عشان بس لما الامور تبقا حلوه كدا وتتم علي خير متنسنيش بالحلاوه ماشي..
كيان بغضب: صبرني يارب..
تركت كيان بدريه وذهبت تتمتم بكلمات غير مسموعه كادت ان تصعد عماره منزلها لتجد يبسبس عليها...
كريم بالسياره: بسبس بسبس.. انتي ي مجنونه..
كيان وهي تنظر اليه وتستجمع ملامحه: انت؟؟
كريم بابتسامة: اكيد منستنيش يعني انا اصلا متنسيش...
كيان: انت ازاي تيجي هنا؟ وازاي عرفت مكاني اصلا؟ هو انت بقا الي كنت بتسال عليا ليه وحشك الالم وعايز واحد تاني ولا حاجه 😡😡
كريم ببرود: شوف يعني جاي اعمل خير مفيش فايده الزباله زبالة ...
كيان بغضب: زبالة ف عينك ي حيوان والله ما حد زباله غيرك اتفضل غور من هنا بدل ما اصوت والم عليك الناس...
كريم: امممم صوتي لو تقدري... بس قبل ما تصوتي احب اقولك ان دا معايا...
رفع هاتفها ومحفظتها امامها.... اقتربت منه لتأخذ الهاتف بفرح ولكن رفع يده اعلي فورا ولان فرق الطول بينهم كبير نوعا ما لم تستطع كيان اخذه..
كيان: هات الفون...
كريم: تؤ خليه بقا مانا حيوان و زباله وانتي هتصوتي وتلمي الناس مش كدا ولا اي...
كيان: بقولك هات الفون انا مش بهزر...
كريم: ولا انا بهزر وبعدين انتي الي اختارتي...
كيان: لو سمحت ي استاذ هات الحاجات بتاعتي....
اقترب كريم قليلا لتراهم بدريه من بعيد...
بدريه لنفسها: وعامله نفسك مش عارفاه عايزه تاكلي عليا الحلاوه ماشي انا هوريكي.....
كريم: عيزاهم...
كيان وهي تنظر الي الارض بتوتر من قربه: بعد اذنك وبسرعه عشان وقفتنا كدا غلط...
كريم: اممم تمام هديلك الحاجه بس بشرط...
كيان: شرط شرط اي..
كريم: اركبي العربيه معايا هنروح مشوار..
كيان: افندم انت مجنون اركب العربيه مع مين...
كريم: لو مركبتيش العربيه معايا حالا مش هتاخدي الحاجه...
ركب سيارته ونظر اليها...
كيان بغضب: اولع بيهم مش عايزه حاجه... انسان حقير...
اعطته ظهرها وكادت ان تصعد لتسمع صوته...
كريم: علي فكره شعرك حلو اووي
هنا صدمت كيان...وتذكرت ان ساره صورتها بلبس المنزل وشعرها باين اول يوم اشترت به الهاتف...
كيان وهي تنظر اليه بصدمه: صور صور اي...
كريم: صورك...
كيان: انت شوفتها....
كريم: صوره صوره... بصراحه حاجه جااامده مووت..
كيان: ي حيوان ي حقير ي زباله...
كريم: تؤتؤتؤ علي فكره انتي بتغلطي كتير وانا صبري لو خلص هتزعلي...
كيان: حرام عليك انت عايز اي..
كريم: اركبي العربيه قولتلك...
نظرت كيان حولها بخوف وعندما لم تجد احد ركبت بسرعه بجواره واخفت نفسها... ولكن رأتها شمس من شباك غرفتها المطل علي الشارع...
~~~~~~~~~~~~~~~~~~~~~~~~~~~~~
شمس: مين الي كيان ركبت معاه دا...؟
كانت ستتصل بخالد ولكن تراجعت واتصلت بساره..
ساره: شموسه حبيبتي فينك..
شمس: موجوده اهو ي سرسور انتي عامله اي
ساره: بخير الحمدلله بس زعلانه منك مش بتيجي تقعدي معايا ليه زي زمان بقا..
شمس: والله غصب عني ي روحي.. المهم كنت هسالك هي كيان فين...
ساره: مش عارفه والله ي شمس انا قلقانه عليها اووي اصل انا من الصبح بتصل بيها ومحدش بيرد واتاخرت...
شمس بصدمه: طيب خلاص ي سو انا هكلم نور او روضه يمكن معاهم..
ساره: تمام ابقي طمنيني والنبي..
شمس: حاضر بقولك صحيح هو... هو خالد فين..
ساره: خالد لسه مجاش من الشغل بس يعني ساعه وهيجي...
شمس: تمام لو مضايقه لوحدك البسي عبايه وتعالي اقعدي معايا..
ساره: لا عادي هعملهم عشا علي ما يوصلوا بقا
شمس: خلاص سلام بالهنا ليكم..
اغلق شمس الهاتف مع ساره وهي في قمه القلق علي صديقتها......
~~~~~~~~~~~~~~~~~~~~~~~~~~~~~~~~
وقف بعد قليل من السير بالسياره... نظر اليها..
كيان: ممكن بقا اخد الحاجه لو سمحت..
كريم: مستعجله اوي..
كيان: اه لو سمحت
كريم: اممم اتفضلي
اعطاها الهاتف والمحفظه... نظرت اليهم لتتاكد ان كل اشيائها بخير ليقترب منها ويمسك يدها...
كيان بصدمه: انت بتعمل اي ابعد ايدك..
كريم: تؤتؤ هننبسط شويه سوا بقا...
كيان بصدمه اكبر: انت حيوان وزباله.... اوعاااااا
امسكها من ذراعها لتقترب منه وتعضه بيده بشده حتي خرج الدم من يده...
كريم بصراخ: ااااه ايدي ي بت المجنونه...
كيان بصراخ: المجنونه دي تبقا امك ي زباااااله..
حاولت فتح السياره ولكن امسك يدها مره اخرى بغضب وحاول تقبلها لتصرخ كيان وتمسك طفايه سجاير كانت بالسياره وتصدمه بها علي راسه...
وفتحت السياره وجرت بكل قوتها وهي تبكي...
صرخ بشده وهو يمسك راسه...
كريم: اااااه وربي لاوريكي ي كيان اناااا هربييييكيييي مش كريم البحيري الي تعملي فيه كداااا😡😡😡😡😡😡
«««««««««««««««««««««««««««
وصلت الي شارعها وخافت من ان تصعد منزلها بهذا الشكل ذهب الي شمس...
فتحت شمس الباب لتجد كيان تبكي بشده..
شمس بصدمه: كياان في اي مالك حصل اي...
كيان وهي تحتضنها وتبكي بشده: مش قادره اخد نفسي...
سحبتها شمس الي غرفتها قبل ان تراها والدتها واغلقت الباب واعطتها الماء..
شمس: اهدي بس واشربي المياه وقوليلي حصل اي...
بعد قليل من الوقت... هدأت كيان و حكت ما حدث منذ البدايه لشمس...
شمس بغضب: ي ابن*** وربي لو كنت اعرف لكنت نزلت مسحت بيه بلاط الشارع...😡
كيان ببكاء: انا خايفه يكون مات ولا حصله حاجه..😭😭😭😭
شمس: يموت ولا يولع انتي مالك انتي كنتي بدافعي عن نفسك...
كيان: بدافع عن نفسي دي قدامكم لكن قدام القانون انا كنت ف عربيته😭😭😭😭
شمس وهي تحتضنها: طب خلاص عشان خاطري بقا بصي انا هتصل بساره اقولها انك هتباتي عندي عشان انا تعبانه...بسبب الحادثه...
كيان: اعوذ بالله متقوليش كدا علي نفسك..
شمس بضحك: لا انا مش بقول انا عملت حادثه بجد
كيان: نعم امتي وازاي..
شمس: قومي بس غيري كدا وانا هحكيلك كل حاجه ي اختي هو انا ليا حد غيرك اقوله..
كيان: ماشي... هقوم بس كلمي ساره عشان متقلقش..
شمس: اشطا هكلمها علي ما تغيري..
خرجت شمس من الغرفه تاركه كيان بها..
كيان: يارب ميكونش مات يارب انت عالم كنت بدافع عن نفسي وشرفي يارب😭
هنا وصلت رساله الي هاتفها من رقم...
(لسه الحساب بنا كبيرخلي بالك من نفسك ي قطه)
لتصدم كيان بشده وتقلق وتبكي من خوفها حتي نامت مكانها....
يتبع.....
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
