صباح يوم جديد اشرقت فيه الشمس علي احياء القاهره...
استيقطت كيان وشمس علي صوت ام شمس...
ام شمس: قومي ي بت انتي وهي هتناموا لحد امتي الساعه بقت 6ونص ي متعوسه منك ليها...
شمس بنعاس: ي ماما بقا شويه وهنقوم حاضر...
ام شمس: والله لو ما قومتي انتي وهي لاجيب ابو ورده انزله عليكم عشان تنطوا مفزوعين كدا اطلع خلفكم...
كيان وشمس ف نفس واحد: لاااا قومنا خلاص الا ابو ورده قومنا خلاص والله اهو...
ام شمس: لا لسه ف السرير اهو
رفعت ام شمس رجلها بحركه بلهوانيا تتطاير فيها شبشبها وامسكته بيدها...
لتجري شمس وكيان بسرعه من علي السرير الي الخارج...
كيان: بس هي امك شغاله مع سلاحف النينجا ولا اي.. ههههه
شمس: دي مش بعيد تكون هي المعلم رجدان اصلا هههه
ام شمس من الاوضه: سمعاكي ي جزمه انتي وهييي
كيان: حبيبتي ي طنط مش عارفه مين غيرك كان هيهزأني كدا..
ابو شمس وهو يشرب الشاي بالبلكونه: صباح الفل علي احلي بنوتين ف الحته كلها..
كيان بابتسامة: صباحك عسل ي ابو شمس..
ابو شمس: قولي بابا ي بت بدل ما اجبلك ام شمس تعلمك الادب ب ابو ورده هههه
كيان بضحك: لا كله الا ابو ورده... صباحك عسل ي بابا ابراهيم..
ام شمس: ما خلاص ي اختي انتي وهي الفطار هيبرد
كيان: اي دا اومال بابا ابراهيم بيشرب الشاي ازاي..
ام شمس: والنبي مانا عارفه راجل غريب كته داهيه بيشرب الشاي قبل ما يفطر وبعدين يشرب قهوه بعد الفطار..
شمس: متقوليش علي بابا حاجه وحشه ايتها الساحره الشريره...
ام شمس وهي تحدفها بالشبشب: انا شريره ي بنت الجزمه مانا اقول اي بنت ابوكي صحيح..
شمس وهي تتلم من الشبشب: ااااه مانا بنته فعلا اومال يعني لقياني علي باب جامع...
ثواني ودق جرس الباب لتفتح شمس وشعرها ظاهر وكان مش متسرح عشان لسه صاحيه من النوم ولبسه بيجاما مكونه من بنطلون وبلوزه قط..
ثواني وصرخت شمس وجرت مسرعه الي غرفتها واغلقت الباب...
كيان بدهشه: ملها البت دي اتكهربت من الباب ولا اي.
ابو شمس: يمكن بوليس ولا حاجه انا دايما اقول بنتي دي حراميه محدش مصدقني...
ضحكت كيان و ذهبت لتفتح الباب مره اخري بعد ان اغلقت شمس...
لتجد خالد وساره يقفون والدهشه علي ملامحهم...
خالد: اي الي حصل دا..!!؟
كيان بضحك: لالا ولا حاجه انا فهمت الي حصل..
ساره: والنعمه مجتش جنبها🙂
كيان وهي تنظر الي ساره بنظره فهمتها وتحدثت بضحك: لالا هي شموسه مجنونه كدا... 😂
خالد: انا مش فاهم حاجه بتضحكوا علي اي
ساره: مقدرتش تقاوم جمالك ي خالود🌚
خالد: بس ي بت اسكتي..
جلس خالد وساره مع اهل شمس علي طاوله الطعام لتناول الفطور...
دخلت كيان عند شمس الغرفه لتجدها ترتدي جيبه بيضاء وبلوزه باللون الكاشمير وطرحه بيضاء وتضع بعض من احمر الشفاه...
كيان بضحك: يعني كدا هينسا المنظر الي شافك بيه من شويه 🤣🤣
شمس بغضب طفولي: اوووف بس بقا انتي كمان انا اصلا مضايقه انه شافني كدا...
كيان: بس ي هبله هو يعني لازم يشوفك دايما زي القمر وشيك عشان يحبك، مهو لازم يشوفك مبهدله وتعبانه برضو...
شمس: هو يعني كان حس بيا وانا شيك و زي القمر لما يحس بيا وانا تعبانه ومرهقه...
كيان: طب ي هبله اطلعي بقا اقعدي معاهم علي ما اغير ساره جبتلي لبس اهو...
شمس: خلاص ماشي ربنا يسترها بقا... صح بقولك هتعملي اي ف موضوع الواد الي ضربتيه دا..
كيان بحزن: اسكتي والله انا خايفه وكمان في مسدج وصلتلي امبارح خوفتني اكتر...
شمس: مسدج اي دي..
اعطت كيان الهاتف الي شمس لتقرأ الرساله.. نظرت شمس الي كيان باستهزاء..
شمس: اتوكسي انتي كمان فكك من الهبل دا ميقدرش يعمل حاجه اصلا... يلا انا هستنا برا علي ما تلبسي تمام...
خرجت شمس وتركت كيان ترتديي ملابسها...
بعد قليل خرجت كيان وهي ترتدي دريس بلون الكاشمير الفاتح وخمار من نفس اللون...
جلست معهم تتناول الفطور...
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
