القدر يغير كل شيء..هل فكرت يوما ان حياتك ممكن ان تنقلب بسبب شخص ما...هل ممكن ان تحارب من اجل شيء ثم تتوقف وتجد ان كل ما فعلته ما هو الا اضاعه لوقتك من اجل شيء لم يكتب لك...
~~~~~~~~~~~~~~~~~~~~~~~~~~~~~~
كيان: انت بتعمل اي هنااا...
كريم: انا... انا...
كيان بصراخ: هو اي الي اناااا اناااا انت ازاي تدخل هنا وازاي تيجي هناااا اصلا اطلع براااا....
كريم: والله مش زي مانتي فاهمه... استني بس..
كيان وشعرت انها لا ترتدي خمارها... لتصرخ بوجهه وتغلق باب غرفتها بسرعه...
كيان من الداخل: امشي من هنااااااا حااالااا بدل ما ابلغ البوليس امشييي...
كريم: طيب انا همشي والله بس لازم اتكلم معاكي... هنا جائت ساره وكانت تحمل بعض الاغراض...لتجد باب الشقه مفتوح لتدخل وتجده يقف علي غرفه كيان ويتحدث بصوت عالي وكيان تصرخ من الداخل..لتجري ساره فورا وقفزت عليه واخذت تضربه بكل قوتها وتعضه من رقبته وتشده من شعره..
ساره وهي تقفز عليه: حرااااميييي حراااامييي اطلعي ي كيان بسرعه انا مسكته اطلعيي...
لتخرج جارتهم علي صراخ ساره بالمقشه...
وفاء: هو فين ي بت هو دا الحرامي.
ضربته ام محمد (وفاء) بالمقشه ليصرخ كريم بشده من الالم لتخرج كيان بعد ان ارتدت خمارها...
كيان: يخربيتك ي ساره اوعي كدا هتودينا ف داهيه دا مش حرامي... ابعدي كدا...
انزلت كيان ساره من علي ظهر كريم...وابعدت ام محمد عنه...
كريم بألم: ااااه يخربيتك...اي دااا دراكولااا
كيان وهي تضحك عليه بشده: انا... انا اسفه ي كريم بيه بجد ههههه..
كان يمسك عينه بألم اثر بوكس اخذه من ساره.. ولاحظت كيان ان ذراعه ينزف الدماء اثر عضتها...
كيان: يلهوي انت اتعورت.. يخربيتك ي ساره انتي هببتي اي..
ساره: انتي بتدافعي عنه ليه دا حرامي.. انا شوفته وهو واقف علي باب الاوضه وانتي جوا بتصوتي..
ام محمد: اه صحيح لو مش حرامي يبقا مين دا...
كيان بتوتر: دا.... دا... مديري ف الشغل...
ام محمد: مديرك... طب ومديرك جاي يعمل اي هنااا..
هنا دخلت بدريه تجري بيدها عصايه...
بدريه: فين فين الحرامي... سرق اييي..
كيان بنفسها: يلهوي طنط بدريه اهي كملت...كدا روحت ف داهيه..
نظرت بدريه الي كريم ودققت به كدا ثم صرخت..
بدريه: اي دااااا مش دااا الشاب الي سأل عليكي ي بت ي كيان من كام يوم كدا...
كيان: مين لا مش هو...شاب اي انتي بتقولي اي ي طنط بدريه...
بدريه: لا والنعمه هوه حتي عربيته الكبيره دي تحت اهي... شوفتها...
ام محمد: هو انتي تعرفيه ي بدريه..
بدريه: اه والنبي اعرفه حتي سأل ع البت كيان وانا عرفته البيت من كام يوم... صح ي عسل انت..
كريم بألم وهو ينظر الي كيان: مش فاكر...
ام محمد: انطقي ي بت ي كيان مين دا و ازاي يجي هنا كذا مره... اخص عليكي ي كيان اوعي يبت تكوني بتعملي حاجه غلط...
كيان بسرعه: لالا والله ابدا انتم فهمتوا اي انتم عارفين اخلاقي عرفين انا مين...
بدريه: احنا معدناش عرفين حاجه ي اختي يعني اي واحد يسأل عليكي كذا مره وبعدين دلوقتي نلقيه عندكم ف البيت لا وعلي باب اوضتك... ي اختييي لالا ربنا يستر علي وليانااا....
ام محمد: بقا دي اخرتها ي كيان تعملي كدا... اخص عليكي...
كيان وهي علي وشك البكاء من كلامهم ونظراتهم ولا تعلم ماذا تفعل وبماذا تجيب وتبرر هذا الموقف فورا جائتها فكره لتخرج من هذا الموقف...
كيان وهي تنظر الي الارض: بصراحه... بصراحه يعني... دا خطيبي....
ام محمد وبدريه: نااااااااااعمممممممم....
بدريه: ي مصيبتي اتخطبتي من امتي واحنا منعرفش...
كانت الصدمه تحتل معالم وجه ساره للغايه لا تعلم ماذا تجيب ولا تدرك ماذا تسمع حتي الان...
وكريم ايضا الذي فتح فمه بشده الي اسفل...
ساره: ك... كيان انتي بتقولي اي.. مين دا...
كيان: لالا انتم فهمتوا غلط برضو اقصد يعني اننا بنحب بعض وهو كان جاي عشان يتكلم مع خالد وكدا وانا كنت فاكره خالد هنا ولما ملقتوش دخلت الاوضه عشان اشوف ساره...
ام محمد: وكان واقف ع الباب عندك ليه...
كيان بتوتر وهي تنظر الي كريم: اصل... اه اصل الباب اتقفل عليا وانا جوا ومكنتش عارفه افتحه وهو كان بيحاول بفتحه من برا... وبعدين ساره جات بقا وصوتت وفهمت غلط...
بدريه بفرح: يعني انت عريس... لولولولولولولولي....
ام محمد وهي تحتضن كيان: الف الف مبروك ي حبيبتي مش تقولي كدا من بدري قولتي مديرك ليه ا احنا نفرحلك يعني ي بت ي كيان اخص عليكي...
كيان: لا مش كدا بس يعني خالد لسه مش عارف حاجه وانا مكسوفه اقولكم...
ساره وهي تنظر الي كريم بشك من كلام اختها: يعني انت جاي تتعرف علي خالد عشان تتخطب كيان..
نظر كريم الي كيان وهو لا يعلم ماذا يفعل: لا هو الموضوع...
كيان وهي تضربه: ههه اي ي كريم انت نسيت ولا اي ي بابا دايما كدا تحب تهزر..
كريم وهو ينظر اليها: ههه اه طبعا...بحب اهزر انا اه..
ام محمد: طب بدال كدا بقا روحي ي بت ي ساره اعملي حاجه يشربها خطيب اختك... لولولولولولولولي....
بدريه وهي تحضن كيان: الف مبروك ي بت ي كيان
اقتربت من اذنها وهمست: متنسيش الحلاوه بقا ماشي لولولولولولولولي....
خرجت ام محمد وبدريه وتركت كيان مع كريم وساره ف شقتهم....
ساره: اتفضل حضرتك اقعد علي ما اخد كيان نعمل حاجه تشربها... بعد اذنك...
سحبت ساره كيان علي المطبخ وتركت كريم يجلس بالصاله
~~~~~~~~~~~~~~~~~~~~~~~~~~~~
كانت تسير بطريق تفكر بحزن بهذا الذي لا يبالي بحبها...
رن هاتفها لتجيب..
شمس: الو ايوه ي شهد...
شهد: ايوه ي شموسه انتي فين..
شمس: ماشيه ف الشارع مروحه...
شهد: طب بصي احنا مش عارفين نوصل لكيان خالص وقلقانين عليها...
شمس: هي مش المفروض مع الحوت دا ولا اي..
ثواني ورأت شمس سيارته تقف امام منزل كيان..
شمس بقلق: شهد الحقي دا كريم هنا عند كيان ف البيت..
شهد بصدمه: نعم انتي بتقولي اي.. ازاي يعني..
شمس: والله بجد عربيته هنا تحت البيت...
شهد: انتي متاكده انه هو..
شمس: اه متاكده هي نفس العربيه...
ثواني و رات خالد يدخل الشارع...
شمس: احيه احيه احيه دا خالد جه كمان ي نهااار اسود روحنا ف داهيه...
شهد: ي نهار ملوش ملامح والعمل كدا كيان راحت ف الباي باي...
شمس: طب استني بقا عشان هطلع مع خالد عشان اشوف اي الي هيحصل...
شهد: طب بصي اتصرفي اعملي اي حاجه لحد ما اجيب البنات ونيجي...
اغلقت شمس الهاتف وجرت مسرعه الي خالد..
شمس: خالد خااالد بقولك ي خااااالد..
خالد: شمس... اي ي بنتي بتحفظي اسمي..
شمس بتوتر: انت رايح فين؟
خالد: هكون رايح فين يعني طالع البيت..
شمس: ها طب ما تيجي عندنا شويه بابا كان عايزك..
خالد: والله تعبان ي شمس مره تانيه بقا عشان بجد مرهق جامد..
شمس: بس..
تحرك خالد وصعد المنزل.. فصعدت شمس خلفه..
شمس: ي خالد استنا بس هاجي معاك هشوف ساره وكيان...
خالد: تعالى هتلاقي ساره فوق لكن كيان مش عارف.
دخل خالد ليجد كريم يجلس علي الكرسي ويضع قدم علي الاخرى.. ويلعب بهاتفه...
خالد بصدمه وظل مكانه وشمس بجواره...
نظر كريم اليه ووقف مكانه..
خالد وهو ينظر اليه وينظر الي الشقه: مين حضرتك..
كريم: انت الي مين...
خالد: لا والله بجد احنا هنهزر ي استاذ دا بيتي انت مين وبتعمل اي هناا... ي ساره ساااره...
خرجت ساره بسرعه وكيان خلفها...
ساره بتوتر وهي تنظر الي خالد وكريم: خالد حبيبي جيت امتي...
خالد: مين الاستاذ دا وبيعمل اي هنا... مين دا ي كيان..
كريم ووضع يده بجيبه بثقه: انا كريم البحيري...
خالد ونظر اليه لثواني ثم تحدث بدهشه..
خالد: الحووووت...؟!
كيان وهي تنظر اليهم بصوت عالي: الله بقااااا هووو في ايييي هو مين الحوووت الي كله عارفه الا انااا داااا
ساره: ازاي يعني جاي يخطبك ومتعرفيش ان لقبه الحوت...
كيان بصدمه: هااا لا انا بهزر هههه اقصد يعني اني مكنتش اعرف ف الاول وبعدين عرفت..
خالد بصدمه: انتي قولتي جاي يخطبك... مين الي جاي يخطب وجاي يخطب مين...
ساره: الحوت ايي اقصد كريم البحيري جاي يخطب كيان...
خالد بدهشه: اي دا ازاي يعني الكلام دا بجد ي كيان..
كيان وهي تنظر الي شمس التي تسمع الحديث ولا تحرك قيد انملها تقف مثل التماثيل مصدومه مما ترى وتسمع...
كيان بتوتر: ااااا.... اااه..
كريم: هو اي الي اهه
ضربته كيان بقدمه ليتألم كريم
كريم: ااااه...
كيان: شوفت اهو قالك...
خالد: مش عارف اقول اي والله نورتنا اتفضل ارتاح
كيان شوفي استاذ كريم يشرب اي..
كيان: ها قصدك الحوت.. بيشرب مياه هههه
كريم وهو يضربها علي كتفها: ههه لطيفه كيان لطيفه عسل.. ها عسل...
دخلت كيان وساره وشمس الي المطبخ وهنا اغلقت ساره الباب عليهم و وقف الاثنان امام كيان التي تحاصرت منهم لتبدأ التساؤلات..
شمس: بت اي الهبل دا... اي الي بيحصل دا..
ساره: ازاي الحوت جاي يخطبك انتي تعرفيه منين اصلا وكريم البحيري الي كل يوم مع واحده جاي يخطبك انتي...
شمس: يخطبها اي دا مهددها ب...
كيان: مهددني انه هيخطفني ونتجوز لو موفقتش ههه مجنون
ساره: الحوووت هيخطفك انتي اي دا انا عقلي مش عارف يستوعب بجد...
كيان: ليه بقا ي ماما هو انا وحشه ولا وحشه...
ساره: مش كدا بس..يعني بعيده اوي..انتي والحوت.
كيان: يادي النيله برضو هتقولي حوت وقرش اسمه زفت كريم...
شمس: كيان انا مش فاهمه حاجه.. و..
قطع كلامهم طرق الباب الشقه..
كيان: استرها يارب شكل الاسماك صحابه جايين..
شمس: هروح افتح خلصي القهوه يشربها بالسم الهاري...
ساره: بعيد الشر عنه دا قمر بتقولي كدا ليه..
شمس وهي تخرج: مانتي مش عارفه حاجه هحكيلك كل حاجه بس لما يمشي...
خرجت شمس لتفتح الباب لتجد شهد ونور وروضه بوجهها..
الفتيات: كياااااان فييين...
شمس: هااا نورتوا ادخلوا شوفوا المصيبه...
دخلت الفتيات الي الشقه ليجدوا كريم يجلس مع خالد ويضحكون سويا..
نور وشهد وروضه بصوت واحد: اي داااا الحووووت
كريم وهو ينظر اليهم وبضحك علي منظهرهم: ههههه العصابه كملت كدا حلو اوي...
خالد: انت عارف البنات..
كريم: طبعا...صحاب كوكي...
شهد: كوكيييي...
روضه: اي الي بيحصل دا...
نور: هو انا بحلم صح...
البنات كلهم الا شمس: هو في ايييي
شمس بابتسامة بلهاء: احب اعرفكم الحوت خطيب كيان...
الفتيات: مييييييين...؟؟؟؟
يتبع....
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
