كانت تقف والصدمه علي ملامحها..وهنا دق الباب للمره الثالثه..
ساره وهي تفتح بغضب: هو في اي بقاااا ما خلااااص
لتجد خالد بوجهها يحمل بعض الاغراض...
ساره بابتسامة بلهاء: ها خالود حبيبي...
هنا عادت كيان من شرودها بقلق واخذت هذه الاشياء ودخلت الي غرفتها سريعا قبل ان يراها خالد.. وضعت الاشياء وخرجت الي الخارج مره اخرى...
كيان وهي تخبأ الورقه خلف ظهرها: خالود منور..
ساره: اه والله منور فعلا... هات عنك..
اخذت ساره الاشياء من يد خالد و دخلت الي السفره وضعتها وكانت هذه الاشياء هو العشاء.
خالد ولاحظ ارتباكهم: هو في اي انتم مالكم كدا..
كيان: اي مالنا ما احنا كويسين اهو...
ساره: اه انت الي مالك مش مجمع كدا...
خالد: انا الي مش مجمع برضو انتم عاملين مصيبه..
ساره وكيان ف نفس واحد: مصيبه مصيبه اي خير يارب مين فين امتي...؟
خالد: للااا انتم شكل الجوع اكل دماغكم...
ساره: صح هو الجوع... انا اصلا جعانه من الصبح يلايلا
سحبته ساره من يده وجلست علي السفره و اليد الاخري تسحب كيان...
ساره: ايوه كدا هناكل ونبقا فله قمر...تسلم ايدك ي خالود الواحد كان وحشه ساندوتشات الكفته...
خالد وهو ينظر الي كيان التي مازالت بصدمتها: كيان انتي كويسه؟ تعبانه ولا اي وشك اصفر...
كيان: ها لا ابدا انا هاكل ساندوتش واحد و ادخل انام عشان الجامعه بكره عندنا تدريب عملي وتعب يعني...
امسكت كوب الماء لتشرب منه... وهنا سألها خالد
خالد: اه صح اخبار شغلك الجديد اي كويس؟
سقط الكوب من يد كيان ليتحطم...
ساره وقد فهمت توتر كيان: اي دا ي كيان لا دا انتي مش مجمعه خالص ادخلي نامي عشان الصداع الي عندك دا وبكره نتكلم يلا يلا...
كيان: طب استني انظف المكان...
ساره وهي تدخلها الغرفه: لالا يلا انا هحل كل حاجه ادخلي بس انتي نامي... تصبحي علي خير ي كوكي..
لفت ساره لتجد خالد ينظر اليها بشك...
خالد: ساره... في اي..
ساره: في رز بلبن انما اي اختراعات لنجويني...ابداع ابداع...
خالد بمرح وبعض الشك: مين الي عمله بقا...
ساره بثقه: انا طبعا...
خالد: لا بدال كدا انا عرفت الي حصل لكيان...
ساره بصدمه: نعم اي الي حصل في اي...
خالد بمرح وهو يضربها علي قفاها: اكيد جلها صدمه من الرز بلبن بتاعك...
ساره وهي تجري وراه: بقا كدا والله لعضك ي ابن خديجه....
جري خالد الي غرفته واغلق الباب بسرعه...
ساره: هتروح مني فين البيت كله اوضه وصاله... انا واقفه اهو...
خالد فتح الباب ونظر اليها: كدابه البيت 3اوض وصاله ي هبله هههه😂
ساره: بس ي تافهه...
ذهبت لتنظف ما حدث بسبب كيان... خرج خالد وهو يرتدي التيشيرت...
خالد: سو بقولك ما تيجي كدا تجيبي طبقين رز بلبن من الي عملاه دا وكوبيتين شاي و نطلع البلكونه نرغي شويه... اي رايك...
ساره: فكره جامده جموده... بس شوفت لفيت ورجعت لرز بلبن بتاعي
خالد: اي الي رماك ع المر...
ساره: بكره تندم علي كلامك دا ي باشمهندس...
خالد: اقولك خليهم 3بقا وتعالي نهجم ع البت كيان.
ساره: ما بلاش كيان سبها دلوقتي...
خالد: لا شكلها مضايقه وانا مش بحب اشوف حد منكم زعلان يلا بقا تعالى عشان نرغي كلنا...
جلبت ساره الاطباق وحمل خالد الشاي و فتح الباب باقتحام...
خالد بمرح: سلمووو نفسكم المكان محاصر... كله يرفع ايده لفووووق... بدل ما افجر الاوضه دي😂
كيان بضحك: الحمدلله انك مدخلتش كليه الشرطه انت ظابط فاشل هههه
خالد: دا انا كنت ابقا قمر ف البدله البيضه بتاعهم دي..
ساره: تصدق صح ي واد ي خالد.... انا صحابي كلهم بيكراشوا عليك...
خالد بمرح: مفيش شبهي ف بلدك ... مش عارف اودي حلاوتي وجمالي دا فين...
كيان وهي تضربه بالمخده: و ديهم للي بتحبك ي اهبل..
خالد: الي هي مين بقا اكيد انتي و سو محدش بيحبني غيركم...
ساره: لا ي قلب سو في واحده هبله واقعه فيك جامد..
خالد متصنع عدم الفهم وبمرح: واقعه فيا ليه هو انا حفره هههه
كيان: وحشه علي فكره بطل تفاهه.. احنا بنتكلم بجد
خالد: اوووف بقا ي حبيبي شمس دي زيكم كدا اختي التالته مينفعش اشوفها غير كدا فاهمين حاجه..
كيان بغضب: اه بس تشوف الحربايه بتاع الصبح الي اسمها مريم دي حلو صح...
خالد بضحك: حربايه والله انتي ظالمه البت دي..
ساره: مين الحربايه دي معرفهاش احكوووولييييي
كيان: باااس صوتك ي جزمه ودني باظت...
خالد: انا اقولك ي ستي...
ظل الحوار مستمر بين هؤلاء الأخوه بمرح وضحك وتفاهم وحكايات...من يراهم يتمني ان يكون واحد من عائلتهم...رحل الوالدين وترك خلفهم ابناء صالحين يحبون بعضهم بشده... كل منهم يهتم بالاخر ولا يفصل بينهم اي حاجز... حتي هذا اليوم...
«««««««««««««««««««««««««««««««««
صباح يوم جديد اشرقت الشمس علي القاهره...
استيقظت جميلتنا الرقيقه...لتجد نفسها نائمه وساره بجوارها تنام بشكل عشوائي وتضع قدمها علي بطن كيان... وخالد يضع ظهره علي الحائط و بفمه قطعه من الشيبسي...
كيان بصراخ: اصحوووووووووووو... اي المنظر داااااااااا
لم يتحرك اي منهم فتحركت كيان وجائت بجوار اذن ساره وصرخت
كيان: ساااااااااااااااااااااره
ساره بصراخ وهي تقفز من مكانها: مين حرامي فين ها اكل اي التلاجه يلهوووي لالا تلفوني فين..
كيان بضحك علي شكلها: ههههه يخربيتك حرامي مين ههههه والحرامي هيجي ياكل...
ساره بغضب: تصدقي انك عيله صغيره اي شغل الطفال دا...
كيان ومازالت مستمره بالضحك: كل دا والبيه لسه نايم هو شكله اتعود يصحى بكبايه المياه السقعه...
هنا هب خالد بسرعه من مكانه وجري الي الخارج: لالا صحيت والله خلاص تعبت من المياه الساقعه حرام عليكي هو انتي مرات ابويا ي بت
كيان وساره بضحك: هههه انت كنت رامي ودن بقا وعامل نفسك نايم...
خالد وهو يطبل علي التربيزه بالصاله: دخل الحرامي وانا نايمه شوف قله ادبه...
ساره برقص: وانا عامله نفسي نايمه وانا عامله نفسي نايمه هيهيهييي.
كيان بمرح: حلو عرفت اختارت فنون جميله ليه شكلها عندها موهبه متدفونه هتشتغل رقاصه ههههه
نظر خالد بالساعه ليجدها الثامنه صباحا
خالد: احيه انا اتاخرت اوي ي نهار وانتي ي هبابه هتاخرتي علي الكليه...
جرت كيان هي الاخري بسرعه لتتوضأ وتصلي...
بعد ان انتهت كيان من صلاتها ودعت الله ان ينجيها من هذا الحوت كما يسمى...
ارتدت كيان ملابسها المكونه من دريس باللون البينك به بعض الزهور وخمارها باللون الاخضر الفاتح... 💚
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
