لنبدأ من جديد، نعطي الجميع الفرص المستحقه، نتصافى مع انفسنا، نتمسك بالاحلام، نرتب الافكار، نتجاوز الصعاب، نحب الحياه كما هي... ❣️✨
♡♡♡♡♡♡♡♡♡♡♡♡♡♡♡♡♡♡♡♡♡♡♡
صباح يوم جديد...
استقيظت كيان اخيرا من نومها لتجد خالد ينام علي الاريكه المجاوره لها... ابتسمت ثم تحركت من مكانها بهدوء تستند علي السرير...
فتح الباب ودخل ليجدها تقف وتتمسك بالسرير..
كريم: بتعملي اي قومتي ليه...
امسك يدها بسرعه ويده الاخري حول ذراعها...
نظرت اليه بغضب...
كيان: انت الي بتعمل اي اوعا و اطلع برا خالد نايم..
كريم ومازال متمسك بها: مانا شايف انه نايم... رايحه فين انتي قومتي من مكانك ليه..
كيان: هفضل نايمه يعني انا ولا اي وبعدين انت مالك.. وابعد عشان ادخل الحمام...
كريم: طب تعالى انا معاكي اهو...
كيان: معايا اهو اي بقولك داخله الحمام...
كريم: ايوه اي يعني هاجي معاكي عشان انتي لسه تعبانه ولسه فايقه دلوقتي..
كيان: لا دا هبل بقا وبعدين متعملش خايف عليا وانت السبب اصلا ف كل الي انا فيه دا..
كريم: اوووف طب هنتكلم ف كل حاجه بس مش دلوقتي يلا تعالي عشان اغسلك وشك..
كيان: لا شكرا مش محتاجه حد بعرف اعمل كل حاجه لوحدي حتي لو بموت..
كريم: طب كفايه عناد بقا ممكن تعالى يلا..
كيان بعناد اكبر: قولت لا يعني لا خلاص الموضوع انتهي...
كريم بنظرات طفوليه بريئه: طب عشان خاطري متخفيش والله هدخل معاكي اغسلك وشك بس وبعدين اخرج مش هعمل حاجه بجد..
نظرت اليه ثواني واكمل هو بنبره مليئه بالحب والحنين..
كريم بحب وهدوء: يلا بقا عشان خاطري طيب.. لالا عشان خاطر اي حد غيري.. انا عدوك اللدود صح..
ابتسمت علي تعبيرات وجهه ثم اكملت: اه صح فعلا
كريم: لا ثواني العصابه بتاعتك امبارح مقلوش صح قالو حاجه تانيه استني هفتكر..
كيان بضحك: اه اه مش بيقولو صح بيقولو صوووح هههه و اسمهم صوووحااابك
كريم بضحك: ايوه هما بيمدو بوزهم كدا فعلا هههه مجانين والله...
ضحك الاثنان معا لثواني ثم نظرت هي بعينه لتتوقف عن الضحك وتسرح بضحكته هو وعيناه التي تغلق مع ابتسامته.. ثواني وسرح هو ايضا بعيناها بعد ان توقف عن الضحك...
بتلاقي عيناهم بهذا الشكل اقترب هو اكثر منها وكأن اجسادهم كالمغناطيس تتجاذ الي بعضها ولكن شعرت هي بذلك لتحاول الابتعاد وتصرخ..
كيان بهروب ممثله الغضب: وبعدين انت اصلا ازاي تتكلم علي صحابي اوعااا من وشي...
كريم وهو يسندها الي الحمام: يعني غلطت ف البخاري انتي كمان دول اهبل من بعض...
وقفت امام الحوض فتح الماء وتحدث..
كريم: غمضي...
كيان: طب ما خلاص انا هغشل وشي روح انت..
كريم: كيان بقا انا مشفتش حد بيعاند زيك كدا بجد يلا غمضي مش هاكلك يعني.. ولا هسرق منك عين ولا ودان هغسلك وشك بس...
كيان بتأفأف: اوووف طيب اهو...
اغمضت عيناها...
وضع الصابون علي يده وبعض الماء ومسح وجهها لتصرخ به...
كيان: يخربيتك انا مش بحب الصابوون لالا متفقناش علي كدا...
كريم بضحك: بس ي هبله اسكتي صوتك... ههههه او فتحتي عينك هتحرقك...
كيان: كريم بسرعه يلا... فين المياه..
كريم: ملكيش دعوه انتي انا بغسلك وشك اهو...
مسح وجهها بالماء برفق وحنين...
كريم: اهو ي ستي خلاص الصابون راح... فتحي بقا..
فتحت عيناها لتجد خمارها التي مازلت به منذ امس تراجع الي الخلف وبانت بعض الخصلات من شعرها من امام...
كيان بصراخ: ي نهاار اي دااا اي المنظر داااا
سحب الخمار الي الامام بعشوائيه وصرخت به..
كيان: اطلع براااااا...
كريم بتعجب من اسلوبها: براا في اي ما كنا كويسين.
كيان: بقولك برااا..
اخرجته الي الغرفه واغلقت الباب خلفها...
كريم: البت دي اكيد مجنونه... لا دي اكيد برج الجوزاء دي مش طبيعيه...
اتجه الي خالد وايقظه...
كريم: خالد قوم.. خااالد ي خااالد...
استيقظ خالد ووقف بسرعه: ها في اي كيان ملها فين... حصل ايي
كريم بسرعه: لالا مفيش حاجه هي كويسه دخلت الحمام انا بصحيك عشان تنزل معايا نفطر او نجيب فطار لينا يعني وعايز اتكلم معاك شويه...
خالد: حرام عليك ي كريم خضتني والله
كريم: والله الي يخض اختك مش انا يلا يلا..
تحرك خالد وكريم الي اسفل... اما هي بالداخل...
كيان: انا مش عارفه اي الي بيحصلي لما ببص ف عينه بجد بحس بلخبطه واني متوتره اووف بقا..
وبعدين انا عايزة اغير بقالي يومين باين بنفس اللبس دا انا عايزه اضرب بالشبشب...
فتحت الباب بحذر لتتأكد انه رحل خرجت واخذت الحقيبه الموجوده ودخلت الي الحمام مره اخري لتغير ملابسها...
«««««««««««««««««««««««««««««««
و علي الجانب الاخر بغرفه كريم..
استيقظت منال ولم تجده لتقلق وتتصل به ولكن لا اجابه..
منال: منير منير اصحااا منير كريم مش موجود..
منير: عارف ي منال اسكتي بقا ما صدقت نمت شويه
منال: نمت اي اصحااا انا مش فاهمه حاجه من امبارح و سيباكم تلخبطوا براحتكم بس انا ابني مش هيتجوز البت دي مهما يحصل...
منير بغضب وهو يقف امامها: والبت دي مش عجباكي ليه ان شاء الله
منال: هو كدا مش عجباني كفايه الي عملته ف ابني حبيبي.. دا مفيش بنت واحده تجرأ تزعله هي بقا حاولت تقتله وعايزني اجوزهاله... مستحيل
منير: ابنك حبيبك دا كان عايز بلاش اكمل بقا ... والبت دافعت عن نفسها... وهيتجوزها غصب عنه كمان عشان هي الي هتعدله فاهمه..
منال: تعدل مين بتقول كانت هتموته..
منير: منال كلامي يتنفذ و اياكي تقفي ف وش الموضوع دا...
منال: منير انت عايز كريم يتجوز صح خلاص انا هجبله عروسه ومن مستوانا مش من الشارع...
منير: اولا البنت دي مش من الشارع وانا سألت عنها ومش معنا ان اهلها متوفين انها وحشه ما احنا عايشين اهو ومش عارفين نربي ابنك ي هانم..
منال: اوووف منير انا قولت الي عندي كريم مش هيخطبها ولا يتجوزهاا انا هجبله عروسه احلي مليون مره... دا الف لا الف اي دا مليون بنت تتمنى بس نظره منه...
منير: هو بقا بيحب البنت الي مش طيقاه...
منال بصدمه: بيحب...؟؟ لالا مستحيل انت بتتكلم عن مين بتتكلم عن كريم ابنك الحوووت...
منير: اتريقي براحتك بكره تشوفي....
»»»»»»»»»»»»»»»»»»»»»»»»»»»»»
اما هذه المجنونه الاخري.. استيقظت لتجد نفسها تنام علي كتفه بعمق شديد...
شهد بصراخ: اعااااااااااااا انت بتعمل اي هنااااا
اياد بفزع: يخربيت اهلك ي بنت المجانين في حد يصحى حد كدااااا
شهد: انت كمان بتزعقلي بقولك بتعمل اي هنااااا
اياد: والله انتي ف عربيتي....
شهد وهي تنظر حولها: ي نهااار احنا مروحناش من امبارح...
اياد: مانتي السبب اعملك اي يعني ومعرفش بيت اهلك فين..
شهد: انا مش فاكره هو اي الي حصل اخر حاجه عرفاها لما جريت ورايا ف الشارع وبعدين انا وقعت ورجلي اتنت مكنتش عارفه احركها وبعدين انت شلتني وجبتني العربيه و ادتني مسكن... اااااه قول بقاااا كدااا ان المسكن دا كان مخدر وانت نيمتني وعملت فيا حاجه صح ااااعااااااااااااا والله اوديك ف ستين دااااهيه...
اياد وهو ينظر اليها باندماج ف الحديث وتعبيراته مثيره لضحك علي كلامها: انت بتكتبي روايات...
شهد بجد: لا ليه..
اياد: اصلك مضيعه موهبه عظيمه ع الفاضي... اي الفيلم الهندي الي قولتيه دا.. انتي خدتي المسكن وفضلتي تشتمي فيا وتعيطي وتقولي رجلي وجعاني منك لله قولتلك نروح المستشفى قولتي لا عايزه اشم هوا عشان مخنوقه... اتمشينا بالعربيه وبعدين لقيتك نمتي حاولت اصحيكي بس ما شاء الله مقتوله ف بحر مش نايمه... صعبتي عليا سبتك تنامي.. شويه لقيتك سندتي راسك علي كتفي ونمتي اقولك لا...
شهد باحراج: بجد دا الي حصل... اه صح افتكرت.. يلهوي ع الكسفه السودا الي انت فيها ياض ي حازم.
نظرت الي الارض بخجل واعتذرت بصوت غير مسموع...
شهد: احم انا اسفه..
اياد: مش سامع بتقولي اي.. وبعدين ثواني انتي بتتكسفي بجد... لا وكمان بتبصي ف الارض ووشك بيحمر زي البنات اهو...
شهد بغضب: تصدق انك مستفز ومعندكش دم..
اياد: لالا خلاص والنبي كنتي حلوه من شويه هههه المهم بقا بيتكم فين ولا تحبي تكملي نوم...
غمز باخر جملته فضربته بكتفه بغضب..
شهد: لا عايزه اغير الهبل الي لبساه من امبارح دا مش بحب اللبس السواريه داا...
اياد: ليه دا حلو عليكي..
شهد: يبني انا قمر اصلا يلا يلا عشان متاخرش..
اياد: علي فين...
شهد: هتوصلني البيت وبعدين تمشي في مشكله..
اياد: سواق ابوكي انا...
شهد: خلاص هنزل اخد تاكسي عادي..
اياد وهو يمسكها بسرعه: بت انتي مجنونه..
شهد: اه وهبله كمان عندك مانع..
اياد: اه عندي...
شهد: مش عجبك شد ف حواجبك...
اياد: ي صبر ايوب بت اسكتي هديكي ف وشك...
تحرك اياد بسيارته الي المكان الذي اخبرته به...
»»»»»»»»»»»»»»»»»»»»»»»»»»»»»»»»
وعند المجنونه الثالثه من العصابه...
كانت ترتدي ملابسها المكونه من جيبه كشمير وبلوزه بيضاء.. وحجاب بنفس لون الجيبه...
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
