الحياه مليئه بالعجائب، كل يوم جديد تشرق فيه الشمس تتلاشي احلام وتبنى احلام.. والقدر يدور ويدور.. ولعله القدر الذي كتب لنا هو الافضل.. ❤
_______________________________
كيان: الو كريم
كريم بمرح: اي لحقت اوحشك ي روحي
كيان: عايزه اشوفك دلوقتي ممكن
كريم بدهشه: دلوقتي؟ في اي انتي كويسه..
كيان: اه كويسه ي كريم بس عايزه اشوفك ضروري ممكن..
كريم: دلوقتي متأكده الساعه 3 في اي متقلقنيش..
كيان: كريم قولتلك يلا عايزه اشوفك تمام خمس دقايق وهنزل اقابلك تمام..
كريم: تمام ثواني وهبقي عندك بالعربيه متنزليش ف الشارع لحد ما ارن عليكي اوك..
كيان: طيب يلا مستنياك..
اغلق الهاتف بوجهه دون استماع لرد..
كريم بقلق: استر يارب..
__________________________________
شهد: اياد انا عايزه نسافر بعد الفرح..
اياد وكان ينظر الي اللابتوب باهتمام...
شهد: انا بكلمك ع فكره
اياد: ثواني ي حبيبتي وهبق معاكي..
شهد: اممم طيب..
رن هاتف اياد ليقوم بسرعه ويرد علي الهاتف..
شهد بشك وفضول من هذا الاتصال الذي يقفز اياد له
شهد: مين الي بيتصل دلوقتي
وبالطبع غلبها فضولها وتحركت ببطيء لتسمع المكالمه..
اياد: بجد يعني وافقت وجايين بكره.. هههه عيب ي بنتي هو انا ليا غيرك... بق كدا خلاص ي ستي ليكي عندي هديه جامده.. ههههه طيب ماشي عندك المره دي بس المره الجايه عندي انا بقولك اهو عشان هتيجي يعني هتيجي... هههههه لالا مش الاسود خليه الازرق بق.. اه بيكون جامد بصراحه... اه اه خليه طويل.. بصي لا خليه قصير بيكون ملفت كدا.. خلصانه اتفقنا هستناكي سلام...
كانت شهد تستمع لكلمات اياد دون ان تستمع لنص الاخر من الحديث وكأي انثى غلبها جانب الغيره والوسوسه...
شهد بهمس لنفسها: وافقت وجايين؟؟ ليا غيرك...؟ هديه جامده؟؟ المره دي عنك والمره الجايه عندي...؟ وبلاش الاسود الازرق احسن؟؟ بيكون جامد كمان؟؟ وبلاش الطويل القصير بيبق ملفت...؟؟ اعااااااا بيخوني... طب دلوقتي اواجهه ولا استنا اقفشه متلبس.. بق كدا طيب اصبر عليا ي اياد الكلب..
هنا دخل اياد من البلكونه ليجدها تقف وتحدث نفسها..
اياد وهو يقبل راسها: شهدي انتي كويسه..
شهد بتوتر: ها اه.. لا اقصد تمام في حاجه..
اياد: لا ي روحي دي مكالمه شغل متشغليش بالك بقولك انا هروح بق وبكره اخلص شغل واعدي عليكي نروح نتغدا برا تمام..
شهد: مش هتكمل قهوتك طيب..
اياد: الوقت اتاخر اوي انت شايفه الساعه كام.. وبعدين بابا وماما عارفين انك لوحدك عشان ميزعلوش يعني..
شهد: يزعلوا ليه هو انت غريب احنا متجوزين انت نسيت ولا حاجه..
اياد: لا طبعا بس عشان لسه الفرح متمش هو بالنسبالهم انا لسه غريب.. عشان منزعلهمش بس.
شهد بشك من حديثه: يعني انت دلوقتي هتروح..
اياد وهو ياخد اشيائه: اه اكيد اومال هروح فين..
شهد: اه تمام... صحيح بقولك عايزه رقم ماما منال عشان اكلمها اخد رايها ف حاجات يعني وكدا وعايزه اخلي علاقتنا كويسه..
اياد: اوك هاتي الفون..
كتب اياد رقم منال الي شهد وقبل راسها وخرج من المنزل واتجه الي قصره...
شهد: مش مطمنالك ي اياد...
___________________________________
شمس: ي محمد بق انت خطفني عايزه اروح..
محمد: مش هتروحي غير لما اخد بوسه مليش دعوه
شمس: ابدا ابدا لما تقف علي راسك كدا..
محمد: خلاص مش هتروحي..
شمس ببكاء طفولي: ي محمد حرام عليك بابا هيزعقلي بسببك..
محمد: لا متخافيش عمي كلمته وقولتله انك معايا..
شمس: طب عايزه اغير الهيلز وجعلي رجلي..
محمد: اقلعي..
شمس: نعم اقلع اي..
محمد: الهيلز ي ام تفكير زباله...
شمس بضحك: علي فكره بق انت الي تفكيرك قذر انا اقصد اقلعه واقعد حافيه..
محمد: ما احنا ف العربيه عادي يعني... اسلكي انتي بس..
شمس بمرح وهي تضربه بخفه: انت الي مش سالك وتفكيرك زباله...
محمد: تؤتؤ لو سمحت انا لحد دلوقتي مؤدب.. انتي متعرفيش الي هعمله بعد كتب الكتاب... دا انا هخربها
شمس: انت قليل الادب
محمد بضحك: شوفتي مين الي تفكيره زباله... انا اقصد اني مش هروحك وهحضنك براحتي بق قدام الناس مانتي مراتي..
شمس: طب يلا روحني..
هنا رن هاتف محمد... وكان المتصل احمد..
محمد: دا وقتك ي بغل بتتصل ليه..
شمس: رد شوف يمكن في حاجه..
محمد: لالا مش لازم..
شمس: محمد رد بجد بدال بيتصل دلوقتي يبق في حاجه...
محمد: اووف تمام.. الو اي ي زفت.. اي قسم قسم اي يخربيتك طب انا جاي دلوقتي..
شمس بقلق: في اي.. قسم اي..
محمد: احمد عمل مصيبه وفالقسم انا هتصل باياد ونروحله..
شمس: طب هاجي معاك..
محمد: تيجي فين لا انا هوصلك و اروح بسرعه..
شمس: هو اي الي حصل يعني.. مش فاهمه حاجه
محمد: مش عارفه ي شمس والله بس الي فهمته انه عمل حاجه ف روضه..
شمس بخوف: ناااااااعم روضه...
اخرجت شمس هاتفها بسرعه واتصلت بروضه..
شمس: الو رودي انتي كويسه في اي عمل اي الحيوان دا...
روضه: انا كويسه الحمدلله... معملش حاجه قل ادبه وانا بلغت عنه..
شمس: لا مش فاهمه حاجه.. في اي.. انتي فين دلوقتي
روضه: طالعه من القسم انا وخاله اهو.. بصي هكلمك بعدين عشان تعبانه شويه دلوقتي.. بس متقلقيش تمام...
شمس: طب خلاص بس هكلمك بكره اطمن عليكي..
روضه: خلاص تمام متعرفيش حد من البنات اهم حاجه عشان محدش يقلق...
شمس: حاضر متقلقيش...
اوصل محمد شمس المنزل واتصل باياد واخذه الي القسم لاحمد...
____________________________________
نور بضحك: خلاص خلاص حرام عليك مش قادره..
ماهر: استني بس اكملك والله لسه الي جاي احلى..
نور: لا مش قادره خلاص بطني وجعتني...
وصلت مسدج الي نور لتنظر بها واغلقت الهاتف..
ماهر: مين..
نور: مين اي..
ماهر: الي بعت مسدج دلوقتي..
نور: صحبتي..
ماهر: ايوه يعني مين..
نور: في اي ي ماهر صحبتي عادي يعني
ماهر: طب وريني..
نور: اوريك اي.
ماهر: الفون هشوف المسدج من مين..
نور: انت بتهزر صح..
ماهر: لا مش بهزر وريني بقولك...
نور: اوريك اي انت تشوف المسدج ليه اصلا...
ماهر: مش بتقولي صحبتك وريني..
نور: انا مبحبش الاسلوب دا وانا مبكدبش علي فكره
ماهر: وانا مقولتش بتكدبي انا بقولك وريني عادي
نور: وانت تشوف مسدج صحبتي ليه افرض حاجه خاصه..
ماهر: انا خطيبك يعني عادي مفيش بنا اسرار..
نور بغضب وهي تقف: انا محدش يأمرني ولا بحب اسلوب التطفل دا... انت تمسك فوني وتشوف مسدجاتي ليه..
ماهر: هو انتي خايفه من اي مش فاهم مش هي صحبتك.. وانتي شوفتي المسدج فيها حاجه عيب يعني
نور: لا طبعا حاجه عيب اي مسدج عاديه بس انا مبحبش الاسلوب دا... انت بتشك فيا كدا
ماهر: انا مش بشك انا بتاكد مش اكتر..
نور: تتأكد من اي معلش... انت بتقول اي.. انت فاهم معني كلامك دا اي..
ماهر: نور.. في اي مش كنتي بتقولي اننا صحاب ومش بنخبي حاجه علي بعض..
نور: اه وعشان كدا لازم يكون في ثقه يعني مينفعش امسك فونك افتش ولا انت..
ماهر: علي فكره انا طلبته منك ممسكتوش من وراكي...
نور: انت بتبرر اي... اي الفرق مش فاهمه..
ماهر: انا مش فاهم انتي متعصبه ليه وخايفه من اي
نور: برضو هيقول خايفه انا ماشيه ي ماهر احسن ما نزعل من بعض...
ماهر: اهربي اهربي..
نظرت نور اليه بغضب ثم رحلت من حديقه ڤلته واتجهت الي ڤلتها...
نور وهي تمشي: هو اي دا بيشك فيا... هو مجنون..
_________________________________
كريم: الو يلا انزلي انا تحت...
كيان: تمام..
بعض الثواني وهبطت كيان الي اسفل
كيان: ممكن نروح مكان بعيد شويه عشان الحاره وكدا..
كريم: اه طبعا تحبي نتمشي ولا نروح بالعربيه..
كيان: اي حاجه بس بعيد يكون بالعربيه افضل..
كريم: تمام يلا..
فتح كريم لها باب السياره وركبت كيان بجواره واتجها الاثنان الي مكان بعيد بقرب النيل قليلا..
لم يكن هناك الا بعض الاشخاص اثنان او ثلاثه بالكثير...
كريم: ايوه وصلنا اهو احكي بق مالك.. اي الي مضايق القمر بتاعي..
كيان: كريم... انا...
كريم: انتي اي... قولي..
كيان: انا عايزه ايس كريم..
كريم ولم يستوعب عقله:.. يعني اي...
كيان: يعني ااي اي بقولك عايزه ايس كريم..
كريم: ايس كريم..؟
كيان: اه..
كريم: دلوقتي.. يعني انتي منزلاني دلوقتي عشان تقولي عايزه ايس كريم.. وتعالي بسرعه ومش عارف اي وقلقتيني عشان عايزه ايس كريم بجد.. وكمان ف البرد دا..
كيان: مهو الايس كريم حلاوته ف الشتا..
كريم: ي روحي عادي انا اجبلك المصنع كله بس انتي متاكده ان هو دا الموضوع..
كيان بتوتر: اه عايزه ايس كريم..
كريم: بس كدا عنيا...
بعد مرور ربع ساعه...
كريم: اتفضلي ي ستي احلي ايس كريم ف القاهره كلها...
كيان: شكرا..
كريم: بالف هنا بس كنتي عرفيني ان هو دا الموضوع انا بجد قلقت..
كيان وهي تأكل الايس كريم: كنت عايزه اسالك علي حاجه صحيح..
كريم: اسألي..
كيان: ثواني قبل ما اسئل اصورك..
كريم بضحك: اشمعنا..
كيان: معنديش صور ليك خالص..
كريم: بس كدا صوري ي ستي.. انا عارف اني قمر..
امسكت كيان هاتفها والتقت له صوره..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
