لعله القدر

Bart 22

الممنوع مرغوب، انك تلاقي حاجه قدامك ومسموح ليك تقرب منها او تبعد عنها دا شيء بالنسبالك عادي،ومش هيكون عندك فضول حوليه، لكن لما تلاقي الحاجه بعيده ومحظوره عليك ومش مسمحولك تقرب منها حتي، دا بيخليك عندك فضول قوي تعرف الحاجه دي وتمتلكها.... ♥
♡♡♡♡♡♡♡♡♡♡♡♡♡♡♡♡♡♡♡♡♡♡
كريم وهو يمسح وجهه: انتم واقفين كدا ليه...
شهد: والله السؤال دا نسأله لحضرتك بتعمل اي هنا..
كريم: وانتي مالك انتي اصلا، وبعدين اوضه خطيبتي وواقف قدامها...
روضه وشمس وشهد ونور: خطيبتك...؟؟!
شمس: خطيبه مين انت بتقول اي...
نور: الي هو ازاي يعني هو في اي بقا ما كفايه الي عملته ف البت انت عايزها تموت عشان ترتاح... 
روضه: انت اي معندكش قلب ولا رحمه...
كريم بغضب: باااااس اخرسوووووو، هي السبب اصلا ف كل حاجه حصلت، انا لا عايز اشوفها ولا اعرفها كان يوم اسود يوم ما شوفتها.... بس مش انااا الي حته بت زي دي هتخلي الكل يقول اني بجري وراها انا الحوت فاهمه انتي وهييييي....
شهد: حوت علي نفسك...لا بص بقا اسمعني كويس انت لو فاكر انها مش هتلاقي حد يحميها منك تبقا غلطااان...
هنا تدخل اياد: وانتي بتتكلمي كدا علي اساس انك من بقيت اهلها ولا خالتها وانا معرفش...
شهد: وانت مالك اهلك...
سحبها اياد من يدها بغضب خلفه.... حاولت الثبات ولكن فشلت لضعف جسدها بالنسبة له...
شمس و روضه: انت واخدها فين سبها...
نور: اياد بيه احنا ف المستشفى مينفعش كدا...
صرخ اياد بغضب: كل وااااحد تخليها ف حاله مش هي عامله سبع رجاله ف بعض اخرسوووو بقااااااا
تراجعت الفتيات خوفا من اياد...
شهد: اوعاااا ايدي انت رايح فين ي حيوان... ي شمس ي نور الحقيني ي روضه... انتم خايفين منووو
سحبها من يدها ثواني.. وهي تصرخ بشده...
شهد وهي تضربه: انت بتعمل اييييي سبني بقولك
اياد: هتمشي معايا ولالا...
شهد: لا مش ماشيه انت مين اصلا عشان اجي معاااك، اوعاااا كداااا
اياد: لا برضو تمام انتي الي اخترتي...
اقترب ليحملها لتصرخ به...
شهد بخوف: انت هتعمل اييي
اياد: هتشوفي...
شهد: لا بص هنتفاهم بس...
جرت منه الي الخارج بالشارع اخذ يجري خلفها مثل الاطفال امام الممرضات والمرضي والجميع بالخاارج...
««««««««««««««««««««««««««««««
اما بالاعلي...
روضه: لا بجد كدا بقا الموضوع زفت اووي...
اتجهت شمس الي كريم...
نور: هو انا عندي سؤال معلش انتم كلكم حيوانات كدا ولا في حد عاقل نشتكيله من الهبل دا...
روضه وشمس: احنا هننزل نشوف شهد وانتي خليكي هنا مع كيان ي نور..
نور: تمام طمنوني...
تحركت روضه وشمس الي اسفل...
««««««««««««««««««««««««««««««««««
وصل احمد و محمد الي المستشفى اخيرا...
احمد: كويس انك لحقتني...
محمد: انا مش فاهم حاجه خالص هو اي الي حصل..
ثواني ونظر الاثنان باتجاه باب المستشفى الذي فتح لتخرج منه شمس و روضه...
محمد بدهشه: شمس...؟!
شمس وهي تنظر الي الصوت: دكتور محمد!
اقترب محمد منها وكانت روضه تسير خلفها..
رفعت روضه عيناها لتري احمد لتصرخ وهي تسحب شمس...
روضه: ي نهااااار مهبب اي الي جابه هنا دا...
حاولت الاختباء بين شمس ومحمد...
روضه: معلش تعالي هنا شويه كدا وانتي قربي شويه كدا ي شمس اتحركي هيشوفني...
محمد: في اي هو مين الي يشوفك...
روضه: يعم انت مالك تعالي كدا شويه بس...
نظر محمد الي اتجاه عيناها ليرى احمد يتحدث بالهاتف...
كان يقترب احمد منهم وهو يتحدث: طب خلاص طالعين اهو اه معايا...
روضه: لالا والنبي قولي انك مش جاي هنا لا والنبيي مش ناقصه خالص...
شمس: في اي ي روضه مالك انتي عماله تشدي فيا وف الراجل زي الحراميه...
هنا تحدث احمد الي محمد: يلا عشان...
لم يكمل حديثه لوقوع عينه عليها...
احمد: انتيي.....
روضه بسرعه وهي تخبئ وجهها خلف شمس: لالا مش هي لا....
احمد بضحك: انتي بتعملي اي هنا...
محمد: ثواني انتم تعرفو بعض منين...
احمد: مهي دي يعم...
روضه مقاطعه اياه: ايوه مهي دي الي خطفت قلبه... اه اقصد يعني حبني اه حبني مش كده...
احمد بابتسامة لا يعرف سببها: اه اه طبعا هي دي الي قولتلك عليها ي محمد..
محمد بفرح شديد لانها لم تكن شمس الذي اخبره عنها: احلف هي دي قول والله اعاااااااا...ههههه
حضن محمد احمد وظل يقفز بفرح لم تفهمه شمس او روضه...
محمد: مش تقول كدا اعااااااا....هات بوسه.. هات بوسه...
احمد وهو يبتعد بحذر: في اي ي ابني... اهدي مش كدا الناس بتتفرج علينا...
شمس وهي تسحب روضه: انتي بتقولي اي... يخربيتك انتي عارفه مين دا...
روضه: هيكون مين يعني اومال عيزاني اقول اي هو دا الي نمت ع رجله ي شمس في اي فكري شويه...
هنا رن هاتف احمد...
احمد: ي نهار مهبب دا الحوت يلا يلا..
محمد: يلهووي دا انا نسيته خالص... اه صح شمس انتي بتعملي اي هنا...
شمس: ثواني بس انت قولت الحوت... ونسيته انت تقصد كريم البحيري...
محمد: هو في حوت غيره...
شمس: هو انت تعرفه منين...
محمد: دا ي ستي يكون...
احمد: انجز انت لسه هتشرح يلا بسرعه...
روضه: ثواني ما احنا كمان طلعين عنده عشان كيان..
محمد: لا تعالوا كدا معانا عشان مش فاهم حاجه...
صعدت شمس مع محمد وخلفهم روضه بجوار احمد..
احمد وهو يسير بجوارها: لينا كلام سوا ي قمر انتي..
روضه بتوتر: ها لا اقصد اه طبعا مفيش مشكله... بس عدي الموضوع دلوقتي مش ناقصه احراج لو سمحت..
ضحك احمد علي احمرار وجهها وصعد الي اعلى..
«««««««««««««««««««««««««««««««««
بغرفه كريم....
دخل محمد وخلفه شمس وبعدهم احمد و روضه...
محمد بمرح: اي ي حوت مين الي اصطادك ههه
كريم: والنبي مش طلباك خالص.. وبعدين اي الي جاب دول معاكم...
شمس: لا دا انا سكتالك من الصبح في اي ي بتاع انت... ولا عشان اخوك خطف شهد قوله يرجعها عشان والله لو حصلها حاجه لبلغ عنه...
لف محمد الي الخلف ليجد خالد وانچي ومنير ومنال يجلسون ايضا...
محمد بدهشه: اي دا خالد انت بتعمل اي هنا...
خالد: والله انا جاي اشوف خطيب اختي مستقبلا واختي الي مش فاهم عملوا اي ف بعض...
محمد: اختك... اختك مين...
تعالت اصوات الجميع... انچي التي تدافع عن كريم.. وخالد وساره الذان يدافعان عن كيان... وشمس ومحمد واحمد و روضه... ليصرخ منير بهم بشده..
منير: بااااااااااااس مسمعش صوت حد اعمل اي اكتر من اني واخد جناح كامل ف المستشفى اييييي...
اتفضلوا اقعدو كلكم وحد ينادي لنور كمان كيان لسه هتفوق الصبح....
ذهبت روضه الي غرفه كيان و اتت ومعاها نور...
جلس الجميع بغرفه كريم... وقف منير بالمنتصف وبدأ كلامه...
منير: اولا احب اعرفكم ببعض عشان اللخبطه دي..
دا كريم البحيري ابني الي هو الحوت طبعا... و دي بنتي انچي اخت كريم.. واياد طبعا شوفتوه... بالنسبه لاحمد هو صاحب كريم من زمان اوي ويعتبر ابني هو كمان.. ودكتور محمد يبقا ابن خالت كريم وبرضو انا الي مربيه...
شمس: ابن خالته؟؟...
محمد: اه... بس لسه معرفش انتي مين بقا.. غير انك طالبتي يعني...انتي واستاذ خالد...
منير: سبوني اكمل... محدش يقاطعني... بالنسبه لخالد وساره هما اخوات كيان الي هتكون خطيبه كريم قريب ان شاء الله، اما شمس و روضه و نور و ام لسان طويل شهد يكونوا صحابها الانتيم.. صح..
نور وشمس و روضه بمرح: صووووح...
ضحك احمد بشده عليهم: لالا دا كدا مربى واناناس ههههه بق كيان يطلع عندها كل دا...
خالد بغضب: تقصد اي ياض انت ما تظبط كلامك بدال ما اقوم اعرفك مقامك... واظبطي منك ليها..
سكتت روضه ونور وشمس تماما ونظروا الي الارض..
كريم: المهم بق طبعا كلكم شوفتو الاخبار... والي اتنشر صح..
الجميع: اكيد...
كريم: بعيد اني لو عرفت الي ورا الموضوع دا مش هرحمه الا ان لازم اشوف حل دلوقتي عشان كيان تعبانه اوي بسبب صدمتها وخوفها من الي حصل.. وقدام الكل انا بطلب من خالد يوافق ان انا وكيان نتجوز...
انچي باندفاع: لا طبعا وبعدين انت بتطلب منه ليه اصلا هي ملهاش راي ولا حاجه بطلوا العنصريه دي بقا لازم البنت تقول رايها...
نظر خالد اليها وتذكر شيء ثم ابعد هذه الافكار عن تفكيره ونظر الي كريم...
خالد: وانا معنديش مشكله بدال هتعرف تحافظ عليها ي كريم بس عارف لو حصلها حاجه تاني بسببك اقسم بالله....
قاطعه منير: لو حصلها حاجه انا الي هقف ليك ي كريم مش حد تاني و دا كلامي قدام الكل اهو...
كريم وهو ينظر الي منير بشك: متخفش هتكون ف عنيااا...
هنا دخل الطبيب بعد ان ترك الباب...
الطبيب: منير بيه كدا مينفعش حضرتك الحوت لسه تعبان ومحتاج راحه و كل العدد دا كتير اوي يكون موجود ف نفس الوقت...
خالد: انا اصلا ماشي راح لكيان يلا ي ساره...
تحركت ساره معه ثم نظرت الي شمس...
خالد: يلا ي شمس انتي و نور و روضه... وشهد فين كمان... انا هفضل ادور عليكم واحده واحده...
تحركت شمس من مكانها وكادت ان تتجه نحو الباب ليمسك ذراعها بسرعه...
همس بأذنها..
محمد: انتي رايحه فين خليكي هنا...
شمس: ليه هعمل اي هنا وبعدين هروح اطمن علي كيان...
محمد: طب هاجي معاكي...
خالد متدخل: تيجي معاها ليه ي دكتور...
انچي: وانت مالك هو انت عامل نفسك كبيرهم ليه..
خالد: اللهم طولك ي روح يبت فكك مني بدال ما ازعلك...
انچي: يعم امشي وانت شايف نفسك ديك البراري كدا...
خرج خالد وخلفه شمس وساره و روضه ونور...
خالد: نور خدي روضه و شمس و روحوا انتم وساره كمان انا هستنا مع كيان...
ساره: لا انا مش همشي...
خالد: روحي وتعالى الصبح ي سو ي قلبي يلا...
احتضنها بشده وقبل راسها بحنان...
كانت تخرج من الغرفه لترحل و راته وهو يقبل راسها..
انچي بنفسها وهي تبتسم: شكله حنين اوي عليهم بجد... عامل زي كريم... فاكر نفسه جامد وصلب وهو ملبن... اي دا اي دا انتي بتقولي اي انچي روحي شوفي الي وراكي...
اخرجت هاتفها لتعبث به قليلا... 
««««««««««««««««««««««««««««««««««
خالد: يلا ي نور عشان الوقت اتاخر اوي..
نور: متاكد ي خالد مش عايز حاجه...
خالد: ي بنتي يلا متتعبنيش معاكي خديهم و امشو
سمعه احمد اثناء خروجه...
احمد: تحبي اوصلك ي روضه...
نور: لا شكرا هتروح معايا...
احمد: انا سألت روضه مش انتي...
روضه: اممم عادي بق هروح مع نور و خلاص...
اقترب منها وهمس بأذنها بشيء جعل وجهها يحمر بشده...
روضه بضحك بارد: هههه انت صدقت ولا اي هاجي طبعا يلا يلا... سلام ي شوباب...
سحبته من ذراعه وجرت بسرعه.... واحمد مستمر بالضحك علي اسلوبها...
نور بدهشه: اي الي حصل دا...
شمس بضحك: لالا دا موضوع كبير هقولك عليه واحنا مروحين... ههههه
هنا جاء محمد ايضا...
محمد: طب انا مروح تحبوا اوصلكم...
شمس: لا شكرا ي دكتور هروح مع نور... مش عايزين نتعب حضرتك...
محمد: مفيش تعب ولا حاجه يلا...
شمس وهي تنظر الي خالد املا ان يعترض ولكن لا يبالي بشيء...
شمس بحزن واحباط: تمم انا ماشيه ي خالد دكتور محمد هيوصلني..
كاد ان يرد لتصل اليه مسدج ليخرج هاتفه وينظر به وكل ما قاله..
خالد وهو ينظر الي هاتفه: تمم خلي بالك من نفسك
نظرت شمس الي نور وساره بحزن وتحركت مع محمد الذي غضب بشده من اسلوبها و نظراتها لخالد..
نور: يلا ي ساره انتي تعالي باتي معايا...
ساره: لا ي نور انا هفضل...
نور: ي ستي تعالى وانا بكره الصبح هاجي وتيجي معايا عادي... المهم سيبي لبس كيان هنا تمام..
ساره: خلاص تمام هروح احطه ف الاوضه بتاعها...
نور: طب يلا وبالمره اشوفها...
دخلت نور وساره الي غرفه كيان ليصدم الاثنان من هذا....
«««««««««««««««««««««««««««««««««
نظر الي هاتفه ليجد المسدج منها...
Black Moon: كنت مشغوله كتير معرفتش اكلمك
خالد: ولا يهمك بس مش فاهم انتي بتشتغلي كتير اوي ليه كدا انتي عندك كام سنه...
Black Moon: الشغل مش بالسن علي فكره
خالد: مش قصدي بس يعني انتي بنت ليه تشتغلي بدري كدا..
Black Moon: هو حضرتك فاهم ان البنت لازم تكون مدلعه بقا وعايزه حياه مرفهه ومتشتغلش عشان في حد بيصرف عليها صح
خالد: لا بصي انا مش فايق لكلام رضوى الشربيني دا
Black Moon: ليه مالك؟
خالد: مفيش شويه مشاكل كده بس هتتحل..
Black Moon: لو تحب احكي اكيد هساعدك لو اعرف
خالد: لا عادي مضايق شويه بس بسبب موضوع الحوت الي اتنشر دا..
Black Moon: اي الجديد ما اخبار الحوت كل يوم ف جديد وبعدين معلش البت مش حلوه
خالد: هي مين الي مش حلوه دي احلى من القمر..
Black Moon: اي دا هي عجباك بقا قول كدا
خالد: اه عجباني زيك كده..
Black Moon: زيي ازاي يعني هو انت شوفتني عشان اعجبك وبعدين دا انت مش بطقني
خالد: يمكن مشفتكيش بس حبيت شخصيتك و دا اهم من الشكل زي مانتي قولتي ف اول كلامنا خالص...
Black Moon: اممم طب انا هقفل عشان انام لاني تعبانه شويه..
خالد: اي دا انتي بتهربي... طب خلاص خلاص اكيد وشك احمر دلوقتي... ههههه
Black Moon: لا علي فكره خالص انا مرهقه بجد وعايزه انام
خالد: خلاص تصبحي علي خير ي قمري... ♥
Black Moon: 🙂♥
اغلق الهاتف و ابتسم وبداخله شعور جديد يلامس قلبه... اما هي وضعت راسها علي الوساده ونظرت حولها وهي تبتسم...ولا تعلم لما تسعد بكل مره تتكلم مع هذا الشخص المجهول ايضا بالنسبة لها.. ف خالد ايضا لا يكتب اسمه ع الاكونت بل يضع اسم مستعار مثلها وهو(fire star)...
_______________♕♕♕♕_______________
اما بغرفه كيان...
نور: دكتور نادر انت بتعمل اي هنااا
نادر: جيت وسألت علي الاوضه وملقتش حد منكم فضلت قاعد جنبها ومحدش جه...
نور: طب متصلتش علي حد مننا ليه..
نادر: مجاش ف بالي وبعدين عادي يعني هو حصل اي..
ساره: حصل اي ازاي يعني... حضرتك تقعد جنبها بصفتك اي.. وكمان معرفتش حد مننا انك هنا..
نادر: ثواني بس ي شاطره انتي مين الاول عشان تكلميني كدا..
ساره: شاطره اي.. وبعدين انا اختها...
نادر: وانا دكتور..
ساره: دكتور نادر... دكتور الجامعه بتاعهم... اتفضل برا بق عشان اخويا جاي دلوقتي ومش عايزين مشاكل..
هنا فتح باب الغرفه ليدخل كريم...
نور: احيه كدا كملت...
كريم بدهشه وهو ينظر اليه: هو اي الي بيحصل هنا.. انت بتعمل اي هنا...
نادر: انت الي بتعمل اي هنا مش كفايه الي حصل لها دا بسببك..
اقترب كريم منه حتي اصبح امامه...
كريم: بسببي؟! برافو... انت مالك بقا...
نادر: يعني اي انا مالي... انت الي مالك و اطلع برا مش كفايه الي حصلها...
كريم: تعرف لو مكنتش ف مستشفى محترمه كنت عرفتك مقامك.. و ازاي تتكلم معايا... انا الحووت.. دا اولا، ثانيا بقا كيان لو فكرت بس تبصلها او تكلمها هتبقا بتنتحر... رقم تالته بقا...
قاطعه نادر: هههه لالا ضحكتني... وانت معلش بتأمر كدا بصفتك اي...
كريم: خطبها...
نادر بصدمه: خطبها؟؟...
كريم: اه... اسمعك تاني...
نظر الي نور ثم اكمل..
كريم: نور خدي دكتور ناجي.. لالا نبيل... تؤ ثواني هفتكر اه دكتور قليل هههه اقصد نادر يعني عشان يكشف ع ودانه شكله مش سامع...
نادر: نور الكلام دا بجد...
كريم بغضب وهو يقترب اكثر: انا كلامي واضح...ومتسألش بعده تمام...
نظر نادر الي كيان التي تنام بعمق غير واعيه لكل هذا...واكمل..
نادر: لولا انها تعبانه كنت...
قاطعه كريم بلكمه بوجهه ليتراجع نادر الي الخلف وتصرخ نور وساره..
كريم بغضب وهو يسحبه من بدلته: دي عشان بصتلها بس لو اتكررت تاني هتشوف نتيجه افعالك اي... برااا
فتح الباب و القاه برا واغلقه...
نور: كريم انت كويس..
كريم بغضب: اقسم بالله ي نور لو لعبتوا عليا هزعلكم.. لسه هي تفوق بس وهتشوفووووو
خرج كريم وتركهم..
ساره: نور انا خايفه من الي جاي...
نور: ربنا يسترها... يلا عشان نمشي..
هنا دخل خالد ومعه بعض العصائر...
خالد: اي دا انتم لسه هنا...
نور وساره: ها لا ماشيين اهو كنا بنتطمن علي كيان بس يلا سلام...
خرجت نور ومعها ساره من المستشفى واتجهت الي ڤيلا نور...
يتبع...