بعض الاحياء تشعر وكأنك بضيق لا يمكنك الهروب منه وكأنك بمكان مغلق لا مفر منه ويحيطك الظلام ومن حيث لا تدري تجد ضوء ينير ما حولك وتفتح الابواب اتعلم ما هذا...؟ انه لطف الله بك ي عزيزي♡
________________________________
كريم: ها وبعدين..
كيان: انسا انساااا مستحيل...
كريم: ي بنتي هو انا هكلك عادي يعني هو يوم واحد علي ما المشكله دي تتحل...
كيان: ولا خمس دقايق حتي..
كريم: يوووه انا تعبت بق اقولك حاجه خلاص روحي نامي ع البحر انا هدخل اغير هي ناقصه جنان..
كيان: ما تروح انت وخلي عندك دم وسبني ارتاح..
كريم: خلاص ادخلي ونتفاهم جوا طيب.. هنفضل وقفين ع الباب كتير كدا...
كيان: مستحيل مش هيحصل شوف لما تقف علي صوابع ايدك كدا..
كريم: بلاش اتعصب عشان عصبيتي بتقلب بجنان وانتي جناني بيزعلك...
كيان: جنان.. جنان اي بس ي بابا اتكلم علي قدك ي حبيبي... قال جنان قال اتجنن علي نفسك..
نظر كريم اليها لوهله ثم نظر الي الاعلي قليلا...
كريم: اي دا صورصار دا ولا اي..
كيان بخوف : اي دا فين دا...
نظرت باتجاه ما ينظر وهنا سحبها كريم من يدها ال الداخل بسرعه واغلق الباب..
كيان بشهقه وخضه: يخربيت اهلك كنت هموت من الرعب ابو شكلك...
كريم وهو امامها مباشره: قولتلك بلاش اتعصب عشان عصبيتي بتقلب بجنان..
كيان وهي تقف امامه وظهرها ملتصق بالحائط: علي فكره بق انا مش خايفه منك زي مانت فاكر بس انا.. انا مش بحب انام مع حد ف نفس المكان بس..
كريم بخبث وهو يقترب اكثر: اممم بس لما دخلت اوضتك اول مره جيت بيتكم كان في سريرين.. دا معناه ان في حد بينام معاكي...
كيان: ها لا دا.. دا مش حد دي ساره..
كريم بابتسامة جذابه: وهي ساره دي كيس شيبسي يعني مهي حد..
كيان بتوتر: لا انا اقصد حد غريب...
كريم وهو ينظر الي عيناها ورفع يده الي وجهها واخذ يمشي اصابعه علي وجهها: ومين قالك اني غريب..
كيان وهي تحاول ان تبعد يده: كريم اياك اياك اوعا ايدك دي...
كريم: كيان انا....
كانت تنظر اليه والي عيناه المتعلقه بشفتاها...وتجزم ان قلبها كاد ان يخرج من ضلوعها من شده نبضه.. ترتجف يدها واقدامها وترمش عيناها بشده...
كريم: انا...
هنا طرق باب الغرفه ليعود من شروده وينظر بعيد عنها...
كيان: احم... شوف مين..
فتح كريم ليجد احدى موظفين الفندق..
الموظف: كريم بيه ياريت يلا عشان الفطار ي فندم... استاذ ماهر قالي انادي حضرتكم...
كريم وكاد ان يقتله: بص عشان انا مش عايز ازعل اهلك عليك... ثانيه واحده لو لقيتك قدامي اعرف انها اخر ثانيه ليك ع الكوكب..
ثواني وجري الموظف من امامه... ليغلق كريم الباب مره اخرى وينظر اليها..
كيان بتوتر وخجل: كنت بتقول اي..
كريم: ها لا مفيش انا هدخل اخد شور وانتي غيري براحتك لحد ما اطلع...
كيان: نعم وافرض طلعت وانا لسه بلبس...
كريم: ي ستي قبل ما اخرج هنادي تقولي اجي ولا لا.
كيان بشك: اممم احلف..
كريم: صبرني يارب...
كيان: اعاااااااا..... بقولك احلف
تركها كريم واخذ ملابس واتجه الي المرحاض لتجري خلفه... وتشده من ذراعه..
كيان بغضب: هو انا مش بكلمك ولا انا شفافه...
كريم وهو ينظر الي يدها الي تلمس جسده وشعر وكأن هناك كهربا سرت بجسده بكل مره تلمسه وتتقابل اعينهم يشعر بانجذاب لا ارادي اليها..
كريم: اممم... كيان ياريت تمشي من قدامي عشان بجد هعمل حاجه هندم عليها...
كيان بعدم فهم: يعني اي انت بتهددني ولا حاجه هتعمل اي يعني...
اقترب كريم من اذنها وتحدث اليها بهمس... ليحمر وجه كيان بشده وتنظر اليه بصدمه وتلقائي نزلت صفعه من يدها علي وجهه وجرت الي الخارج ودخلت شرفه الغرفه واغلقتها بسرعه...
كريم بضحك هستيري: يلهوووي انا اول مره اشوف لسه بنت بتتكسف يخربيت حلاوه امك وانتي بتحمري زي الفراوله كدا... يارب صبرني عليها..
دخل ليخد حماما ويبدل ملابس اما هي وقفت ونظرت الي البحر امامها وهي تبرطم بالكلام...
كيان: حيوان... قليل الادب... يلهوي في حد يقول كلام دا اي دا امه مقلتلوش ان دا كلام كبار.. يخربيتك لا دا حوت بجد....
نظرت الي الداخل بحذر ولم تجده فدخلت وبسرعه اخرجت ملابسها لتبدلها...
_________________________________
وبالغرفه المجاوره..
روضه: حضرتك هتنام ع الارض مليش دعوه...
احمد: ي بنت الناس ما ننام سوا وحطي بنا فاصل..
روضه: لا ضحكتني ولا احنا ف اعدادي هنا قولت هتنام ع الارض يعني هتنام ع الارض...
احمد: طب ما تنامي انتي ع الارض..
روضه بتمثيل: اااه قلبي انا الي انام ع الارض ليه فين الرجوله فين الشهامه اه ي مصر اااه ضاعت مصريتنا ضاع رجلنا ضاعت شهمتنااا اااه...
احمد بضحك وهو يصفق: الله ي ست الله ي فنانه واحده بق وانتي بترمي نفسك ع الارض كدا...
روضه بضحك وهي تضربه بالمخده: بطل تريقه ي بارد... وبعدين عايزه اعرف بق هو بجد انتم الي مدبرين الفندق ولا دا القدر بجد...
احمد: لو بالنسبالي انا فهي لو لعبه ف اشكر الي عملها من كل قلبي... ولو القدر يبق دا احلى قدر ف حياتي...
روضه بحنين: احمد هو انت ليه مهتم بيا وبتحب تكون معايا او يعني بحس بكدا..
احمد وهو يقترب منها: عشان دي الحقيقه ي روضه.. بصي انا هكون صريح معاكي بجد...
امسك يدها وجلس الاثنان بطرف السرير ونظر اليها..
احمد: بصراحه ومن غير لف و دوران انا هقولك كل حاجه بس اوعديني تفهميني ممكن..
روضه بتوتر: في اي ي احمد قلقتني..
احمد وهو ينظر الي الارض بخجل: اممم بصراحه كدا انا ف الاول كنت عايز... احم...
روضه: عايز اي..
احمد: كنت بصراحه عايز اتسلى بيكي ونقضي وقت مع بعض زي اي واحده عرفتها.. بس..
ترقرقت الدموع بعيون روضه ووقفت دون ان تنظر اليه..
اكمل احمد: بس...
روضه: اه بس اي.. كمل...
احمد: بس انا حبيتك بجد...
نظرت روضه اليه وهي علي وشك البكاء: اه صح..
احمد: صح اي انتي مش مصدقه..
روضه: لا طبعا ازاي.. مهو دا هدفك اصلا...
احمد: يعني اي...
روضه بصراخ: يعني هدفك دلوقتي واحنا ف اوضه واحده انك تخليني اصدق انك بتحبني صح عشان توصل لهدفك الي لسه كنت بتقولي عليه وبعدين كل واحد يروح لحاله صح..
احمد بصدمه وهو ينظر اليها: روضه اي الي بتقوليه دا انتي اكيد بتهزري صح...
روضه بغضب: بهزر... بهزر صح.. يعني انت شايفني واحده مش كويسه صح شايفني واحده شم** مش كدا...
احمد بغضب: انتي اكيد مجنونه بقولك بحبك حبيتك والله حبيتك افهمي...
روضه: بلاش كدب بقا بلااااش...
جرت روضه الي الحمام واغلق الباب خلفها وظلت تبكي بشده..
_______________________________
وهذه الغرفه التي كانت للفتيات..
ساره: ياااه الجو تحفه بجد دة انا هبوس البت نور دي ع الرحله الي غيرت مودنا كلنا دي...
شهد: غيرت مودكم انتم انا لا...
ساره: اضحكي بق ي شهودي... ي بنتي والله كل حاجه هتتحل انا واثقه..
شهد: ان شاء الله خير..
ساره: طب يلا البسي عشان نروح نفطر..
شهد: حاضر هدخل اغير..
_______________________________
وكانت هذه الغرفه الاكثر مرحاً بينهم...
نور بضحك: اقسم بالله مش قادره اصدق اي دا حتي القدر متفق معانا وحبس كل اتنين مع بعض...
ماهر بضحك: شوفتي بق ربك لما يسهل.. لا و ايه عشان احنا نيتنا حلوه رتبها لينا...
نور وهي تلقي بجدسها ع السرير: تفتكر اياد هيلحق يوصل...
ماهر: كلها كام ساعه ويجي اصبري انتي بس انا عارف صحبي..
نور: طب بالنسبة لينا بق هنام ازاي..
ماهر بمرح: اممم انا بقول ننام سوا عادي..
نور: لا والله..
ماهر: اه والله... اي دا مش واثقه ف شوشو ولا اي..
نور بعدم فهم: شوشو مين..
ماهر بضحك وغمز: شوشو الشيطان يعني ههههه
نور: هههههه لا مهو انا عشان واثقه انك هتمشي ورا شوشو بتاعك بقولك اهو من اولها حضرتك هتنام برا ف البلكونه دي..
ماهر بطفوله: واهون عليكي..
نور: تهون ونص كمان.. في اي ياض احنا هنتسهوك..
ماهر: لا ي صحبي اسد يلا في اي..
نور بضحك: ايوه كدا اجمد.. انا هدخل اغير بق عشان الجو دا عايز لبس جامد جموده كدا..
ماهر: اشطايه وانا هطلع لبسي وحاجتي لحد ما تغيري متتاخريش بدل ما افتح عليكي الباب انا بقولك اهو..
نور بضحك: اعملها عشان اولع فيك...
_________________________________
اما هذا الوسيم الذي يطق شرار نتيجه شعوره بالغيره ذهب الي المطار وقطع اول طائره عائده الي مصر متجه الي شرم...
اياد: مش هسيبك ي شهد..
نظر الي هذه الاشياء التي معه ثم ابتسم...
_______________________________
وبالقاهر...
خالد: ايوه ي زفته انتي فين...
انچي: انا تعبانه اوي مش هقدر اجي ي خالد معلش..
خالد: هو احنا ف ثانوي هنا هتقولي للمستر كنت تعبانه..
انچي وهي تكح: والله تعبانه انت اي معندكش دم.. وبعدين تمام هلبس واجي..
اغلق بوجهه الهاتف ورغم تعبها الشديد ارتدت ملابسها واتجهت اليه...
خالد: صوتها تعبان بجد.. بس انا مالي.. اووف لما تيجي هنشوف..
_________________________________
كانت تقف امام المرآه تعدل شعرها بسرعه قبل ان يخرج من المرحاض...
اما هو نتيجه ما حدث وصفعتها له ترك ملابسه بالخارج..
كريم: اوووف انا ازاي نسيت... اه مهي واخده عقلي..
امسك المنشفه ولفها حول خصره فقط وكان صدره عاري تماما ومغمر بالماء وشعره مبعثر بطريقه زاده وسامته بشده...
فتح الباب وندا عليها ولكن كانت تعدل شعرها وهي تغني لرامي صبري..
كيان:(قوليلي يلا اي الجمال دا كلو.. قوليلي يلا اي الدلال دا كله.. دا الي زيك ف الزمان دا قلو... ليلي ليلي ي عيني ي ليل...استني خليكي معايا... دا انا سبت كل الي ورايا مانا ف الجمال شيفك ايه..)
كريم: كيااان كياااان...
لم تجيبه اليها...
ثواني وثبت مكانه وكأنه اصبح كالجليد انبهر بجمال شعرها الحريري.. وتمايل جسدها وهي تغني...
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
