بعض الاحيان نحكم علي الحياه بأنها غير عادله، نعم هذا صحيح ولكن نفكر بتلك الطريقة فقط عندما نشعر بالحزن والضيق، هل تعتقد ان الحياه غير عادله ايضا عندما تشعر بالسعاده والبهجه...اجزم لك ان حينها تحدث نفسك قائلا لا الحياه عادله.... 💕
_____________________________________
صباح يوم جديد مليء بالاحداث الشيقه...
استيقظت جميلتنا كيان...
كيان لنفسها: صباح الخير ي كوكي...
ثواني وتذكرت ما حدث بالامس لتبتسم...
________________فلاش باك ______________
ابتعد كريم عن كيان بعد هذه القبله العميقه التي اختلطت بمشاعرهم...
كيان وهي تنظر اليه بصدمه: انت... انت اي الي عملته دا..
كريم وهو ينظر اليها: بثبتلك انك بتعشقيني ي كيان
كيان: اعشقك؟ انت مجنون صح.. انت اكيد مريض.. مستحيل مستحيل احبك حتي عشان اعشقك..
كريم: لو مكنتيش بتعشقيني مكنتيش اتفعلتي معاياااا انتي قلبك ليا انا ليااا فاهمه...
كيان بغضب: انت حيوان وقليل الادب...
كريم و اقترب منها مره اخري: لا واضح انك مبتتعلميش من غلطك او عجبك الي حصل وعايزه يحصل تاني...
هنا ضربته كيان بالالم علي وجهه بكل قوتها...
كيان بصراخ: انت انسان حقير و زباله....
دفعته بكل قوتها وجرت الي الخارج... متجهه الي منزلها لتصل اليها مسدج من نور..
(جهزي نفسك مسافرين بكره شرم ومفيش مجال للرفض اه وساره جهزت حاجاتكم بنعرفك بس اننا هنكون هناك بكره اشطا... See you soon)
وصلت كيان المنزل لتجد ساره تجلس وتشاهد مسلسل تركي باندماج كالعاده...
كيان وهي تلقي بنفسها بجوار اختها: بتعملي اي..
ساره: بتفرج ع مسلسلي روح قلبي دا..
كيان: اسمه اي اسمعني برضو..
ساره: لالاخلصت الحلقه بتاع اسمعني دا واحد تاني بس جامد بصراحه...
كيان: انت زهقتيني بمسلسلاتك دي ما كفايه انا حياتي مسلسل اهو..
ساره: وانتي حكايتك دي تيجي اي جنب المسلسلات التركي ي بنتي انتي صفر جمبهم...
كيان: وريني كدا بتتفرجي علي اي..
ساره: خدي اهو دا مسلسل قديم بس حلو عجبني..
كيان وهي تنظر الي اسم المسلسل: السيد الخطأ...؟! اه يبقا اكيد البطل كريم..
ساره بضحك: ههههه لالا دا جان يمان بس المسلسل اسمه كدا عشان جان دا واحد صايع يعني وكدا والبنت دي واحده اختيارتها كلها غلط وهتختاره بق..
كيان: لولولولولولولولوليييي...
ساره بضحك: بتزغرطي علي اي ي بت الناس الطيبين انتي...
كيان: اصل عملوا حياتي مسلسل واخيراااا
ساره: الي هو ازاي بق..
كيان: هو دا المسلسل السيد الخطا دا حكايتي اصلا انا واحده اختيارتها كلها غلط وهتختار واحد صايع..
ساره بتفكير: ثواني ثواني... يخربيتك تصدقي صح.. حكايتك شبهم اوي ليه بق عشان جان ف المسلسل دا عنده مطعم برضو.. بس لالا البنت الي ف المسلسل عندها علاقات كتيره وماشيه تحب ع نفسها انتي عاقله ي بت وكمان سوري يعني كريم شراني لكن القمر بتاعي دا لا... امشي امشي...
كيان: صح انا هقوم اغير كتك داهيه انتي ومسلسلك.. هي نقصه حكايات كفايه عليا حكايتي انا والاربع معاتيه صحابي..
اتجهت كيان الي غرفتها لتصرخ ساره..
ساره بصراخ وهي ترقص علي الكنبه: اعااااااااا صحيح احنا رايحين شرم الصبح ايوااا ايواااا....
كيان بخضه: حرام عليك ي بنت المجانين قطعت الخلف... هتوتيني ناقصه عمر....
ساره: ايييي مبسوطه في حد هيبق رايح شرم ويبق هادي..
كيان: افرضي خالد موفقش...
ساره: انا كلمته واقنعته وهو اصلا ملبوخ ف ستين حاجه مش فاضي لينا..
كيان: طب قومي نجهز الشنط...
ساره بجديه: جاهزه ي فندم... او بمعني اصح انا خدت الدولاب كله بتاعك وبتاعي...
كيان: كتها نيله الي عايزه خلف...
ساره: بقيتي زي خلتي نبويه ف نفسك كدا ليه..
كيان: صبرني يارب هلقيها منين ولا منين...
دخلت كيان غرفتها ونظرت بالمرآه وهي تفك خمارها لينساب شعرها الحريري الطويل و تخرج احمر الشفاه من مكياج ساره وتضع منه القليل وهي تتحسس شفتاها وتبتسم بخجل....
كيان لنفسها: هو اي الاحساس دا... هو فعلا صح ولا اي... انا... انا... لالا مستحيل... انا بعشق الحوت...؟! لالا اي الهبل دا روحي نامي ي كيان بلاش عبط حوت اي دا الي احبه... هو يعني عشان طويل وعضلات وشعره حلو وكدا وريحه برفانه بنجنني يبق بحبه لالا طبعا... نظرت الي نفسها مره اخري لتبتسم ثم تذهب لنوم...
________________باك_______________
ساره بصراخ: انتي لسه ناااايمه قومييي اتاخرنا يلاااااااااا.....
كيان وهي تضربها بالمخده: حرام عليكي حراااام عليكي هتموتيني ف مره وانتي بتخضيني كدااا اتقييي الله انا لسه صاااحيه...
قامت كيان واتجهت لتتوضأ وتصلي...
ثم خرجت بعد قليل وارتدت ملابسها...
المكونه من جيبه سمرا وبدي ابيض فوقه شميز لبني وخمار كافيه... 🤎
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
