كيان: يلا ي بنات عشان المحاضره وبعدين همشي بقا عشان اروح الشغل...
نور: انتي مش خايفه تقابلي الواد دا هناك..
كيان: وانا هقابله هناك ازاي يعني اكيد لا... ممكن يكون كان هناك بصدفه او عشان الشغل الله اعلم..
شهد: برضو خلي بالك من نفسك كويس
كيان: اي ي جماعه مش هيعملي حاجه متخفوش وبعدين يعني انا هشتغل ويتر مش حاجه صعبه يعني..
روضه: ي بنتي مش حكايه الشغل حكايه المسدج خايفين عليكي...
كيان بابتسامة: عارفه بس يلا بقا عشان نادوره وحشني والله...
شهد وهي تضربها: عدي ي اختي يارب بس يخلي عند امه دم ومنطردتش تاني...
كيان بضحك: اتلموا انتم وتهو يحطنا ف عينه...
روضه: لا انتي عايزه يحطك ف قلبه هههه
وصلت الفتيات الي المحاضره...
ثواني ودخل دكتور نادر بابتسامة جذابه...
دكتور نادر: صباح الخير ي شباب...
الجميع: صباح النور ي دكتور
نادر: عايز اقولكم بقا ان انهارده محاضره لذيذه جدا.. بمعني طبعا كلنا بنحب الاطفال صح...
الجميع: اكييد
نادر: عايز بقا اسمع منكم اي الي بيخلينا نحب الاطفال وايه المقابل الي بنعمله بسبب حبنا ليهم...
دار النقاش بين الطلاب والدكتور حتي رفعت روضه يدها...
نادر: اتفضلي ي روضه..
روضه: حبنا للاطفال بيكون نابع مننا احنا قبل ما يكون منهم لان الانسان بالفطره نقي وصافي ومايل للهدوء والسلام و دا كله بيكون ف الاطفال واحنا عشان كبار واغلب النقاء دا بيكون تلاشي مع الوقت او اتغطا جوانا بمعني اصح دا بيكون دافع اننا ندور عليه عشان يكمل عندنا...وعشان كدا بنحب الاطفال وننجذب ليهم اوي.. لدرجه اننا بنلاقي السلام النفسي وبنفرح بمجرد ما بنشوف طفل بيضحك او بيلعب او بيحاول يتكلم...
نادر بانبهار: برااافو عليكي ي روضه... تفسير منطقي جدا...
روضه: شكرا ي دكتور...
جلست روضه لترفع كيان يدها..
نادر: اتفضلي ي كيان... رايك..
كيان: انا مع روضه ف كل حاجه بس هزود علي كلامها ان الحب الحقيقي بيكون صدق نظرات العين والمشاعر الي واصله من القلوب يعني انت بتكون السبب ف ان الي قدامك يحبك... اسلوبك معاه كلامك.. نظراتك.. تصرفاتك كل دا بينعكس علي الي قدامك... وعشان كدا لازم نتعامل بحب مع الاطفال عشان هما كمان يحبونا العكس صحيح لو عملناهم وحش هيعملونا وحش...
نادر: كلامك صح بس هل الاطفال فاهمين لغه العيون..
رفعت نور يدها فاشاره نادر لها ان تتحدث
نور: كل انسان مولود فيه فطره الاحساس والاحساس بينعكس علينا ف عيونا بمعني ان لو مبسوطه عيني هتلمع لو زعلانه عيني هتعيط لو مخنوقه عيني هتبقا دبلانه...
شهد: بعد اذنك ي دكتور بس عايزه اقول حاجه لنور..
نادر: اتفضلي.. النقاش مفتوح..
شهد: مش كل احساس بيبان ف عيونا بيكون مفهوم.. والدليل علي كدا في واحده اعرفها بتحب شخص اوي اوي بجد وبيبان دا عليها ومع ذلك هو مش فاهم خالص انها بتحبه...
توترت كيان بشده ونظرت الي شهد بغضب...
نادر: اتفضلو اقعدوا كلامكم كلكم صح وجميل بالنسبه لسؤال شهد ف انا احب اجاوب.. كل حاجه ممكن تتفهم صح وممكن تتفهم غلط يعني حب صحبتك دا ممكن يكون مجرد اعجاب مش حب حقيقي لانه لو كان حقيقي كان هيكون متبادل..
ظل النقاش مستمر حتي نهايه المحاضره...
وبعد ان انتهت.. خرجت كيان والبنات خلفها...
كيان بغضب: اي الي انتي عملتيه دا ي شهد...
شهد: عملت اي..
كيان: هو اي الي عملت اي كلامك دا ازاي يعني ترمي كلام عليا وانا قاعده..
شهد: انا...؟ محصلش انا كنت بتكلم عادي مش قصدي عليكي يعني وبعدين انا حتي مبصتلكيش..
كيان: شهد بلاش استهبال... كلنا عارفين انك قصداني..
شهد: في اي ي كيان انتي عايزه تتخانقي وخلاص..
روضه متدخله: خلاص انتي وهي في اي صوتكم عالي...
نور: كيان شهد مش قصدها حاجه انتي عارفه..
كيان: لا شهد دايما كدا طول عمرها بتتكلم وتزعلنا وبعدين ترجع تقول مكنتش اقصد...
روضه: كيان اهدي عشان صوتك عالي بجد..
كيان بغضب: بلا اهدى بلا زفت بقا انا رايحه شغلي عشان اتاخرت..
تركتهم كيان وذهب من الكليه الي عملها الجديد..
شهد ببكاء: انا والله مكنتش اقصد حاجه... هي ليه بتعمل كدا.. 😭
روضه: متزعليش ي شهوده انتي عارفه كيان هبله بتطلع تطلع وتنزل علي مفيش...
نور: اه والله هبله بجد هي بس اتحرجت من كلامك.
شهد بغضب: اي انا مقولتش اسمها انا بقول واحده صحبتي..بتحب واحده لا قولت اسمها ولا اسم سي زفت نادر دا كمان.. 😡
خرج دكتور نادر بتلك اللحظه الي الخارج لينظر اليهم بصدمه....
نادر: هو سي زفت نادر دا انا؟؟؟
نور وشهد وروضه بصدمه: هااااااااا
نادر بغضب: بقول مين نادر دا انااا؟؟
روضه بصوت منخفض: احيه ي ابا روجدي روحنا ف داهيه...
نور بتمتمه: نهار اسود انت رامي ودنك معانا...
شهد: ها لا مش انت اكيد ي دكتور...
نادر: اومال مين...
شهد بتوتر: ها دا... دا ما تتكلمي ي نووور...
نور: اه اه هتكلم صح... ما تقولي حاجه ي رووووضه
روضه: طبعا طبعا انا... انا الي هقول... طبعا
ثم نظرت اليهم واكملت.. طب انا اقول لمين بقا انتي ي شهد رميتي لنور ونور رمت ليا انا بقا ارمي لمين هاااا... مليش دعوه مش لاعبه...
تحركت بعض الخطوات لتتابعها نور: اه ولا انا مش لاعبه...
شهد: معاكم حق لعبه رخمه اصلا... يلا بينا...
تحرك الثلاثه بعض الخطوات ولكن اوقفهم صوته..
نادر: خمس دقايق وتيجم المكتب بتاعي...
نظر الثلاثه الي بعضهم... ثم ف نفس واحد
الثلاثه: طبعااااا.. وراااك اهووو..
تحركت نور وشهد و روضه خلفه...
♡♡♡♡♡♡♡♡♡♡♡♡♡♡♡♡♡♡♡♡♡♡
بالكليه الاداب...
انتهت محاضره دكتور محمد وحقا احب جميع الطلاب هذا الدكتور الذي لديه حس فكاهي وحديث لبق واسلوب مميز بالحديث والشرح وابتسامه جذابه.. رغم انه لا يمتلك الكثير من الوسامه الا انه يجذب الانظار لثقه العاليه بنفسه...
خرج الجميع من المحاضره...
وهو خلفهم...
اسرعت بعض الفتيات اليه.. للحديث معه...
احلام الي شمس: تعالي نسلم عليه احنا كمان ونتعرف عليه..
شمس بتوتر: ها لا مش عايزه بلاش...
احلام: ي بنتي تعالي بس..
سحبتها احلام من يدها الي الدكتور...
احلام: دكتور محمد... انا احلام.. بجد حضرتك ممتاز ف الشرح انا فعلا حبيت الماده خلاص..
محمد: شكرا ليكي من ذوقك بس لسه السنه طويله... وبعدين يمكن عشان اول محاضره متحكميش ع الكتاب من عنوانه...
نظر الي شمس ثم اكمل: ولا انتي اي رايك ي انسه اي...
شمس: شمس
محمد: حلو شمس مفيش احلى منها طاقه دائمه ومتجدده...
شمس: شكرا ي دكتور محمد...
محمد: العفو... صح انتي كويسه...
شمس بتوتر: ها اه كويسه.... مش هبقا كويسه ليه يعني...
محمد: لا ابدا بس شكلك هبطانه شويه.. يلا المهم انا ف مكتبي ي بنات لو عايزين حاجه انا اخوكم الكبير..
تحرك دكتور محمد الي مكتبه وعينه علي شمس...
احلام: بت هو انتي تعرفي دكتور دا قبل كدا..
شمس بتوتر: وانا هعرفه منين لا...
احلام: ي بت.. قولي الحقيقه..
شمس: مفيش حاجه ي احلام بقا يلا عشان ناكل.. ولا نشرب اي حاجه...
احلام: طيب يلا....
~~~~~~~~~~~~~~~~~~~~~~~~~~~~~~
كان يقف بشرفه مكتبه ليجدها تصعد الي اعلى..
كريم بابتسامة: حلو اوي كدا... احمد. احمد تعالى بسرعه..
احمد: في اي ي ابني...
كريم وهو يضع يده علي كتف احمد: هي طالعه تمام بص هتقابلها بعصبيه هي متاخره ربع ساعه وقولها انتي متاخره اوي ي انسه وكلام دا بس متزودهاش اشطا... وبعدين هتاخدها المكتب عشان تمضي علي العقد بتاع الشعل وبعدها انا هقابلها تمام...
احمد: طب ما تقابلها انت الاول... وبعدين تمضيها..
كريم: غبي... هي لو عرفت اني صاحب المكان هتمشي وانا مش عايزها تعرف دلوقتي...
احمد: مش فاهم اي الفرق مع بعد ما تعرف ممكن تمشي برضو...
كريم: لا انا هقنعها ملكش دعوه...
احمد: خلاص ي حوت متقلقش...
««««««««««««««««««««««««««««««
دخلت كيان الي المطعم لتجد به بعض الزباين وبعض الموظفين والتي كان معظمهم او بمعني اصح كلهم فتيات الا فقط ثلاث او اربع شباب....
اتجه اليها احمد متصنع الغضب: اتفضل معايا علي المكتب ي استاذه كيان...
دخلت كيان خلفه الي المكتب...
احمد: حضرتك متاخره نص ساعه تقريبا و دا اول يوم بس ودا طبعا الي كلمت حضرتك فيه امبارح
كيان: انا اسفه والله بجد بس طريق كان زحمه اوي..
احمد: انا مش عايز مبررات بعد اذنك لو مش هتقدري تلتزمي بوقتك يبقا بلاش احسن..
كيان: انا اسفه بجد بس اوعدك اخر مره...
احمد: تمام اتفضلي عقد الشغل امضي عليه...
كيان: هو لازم عقد...
احمد: اكيد لازم عشان تعرفي مرتبك قد اي وساعات العمل وتفاصيل الشغل انتي هتشتغلي ف سلسله الحوت يعني احسن مطاعم وكافيهات...
كيان: تمام كنت بفهم بس...
امسكت كيان العقد ومضت ثم اعطته الي احمد...
احمد: تمام كده اتفضلي علي شغلك...
خرجت كيان واتجهت الي زميلاتها بالعمل لتندمج معهم... بعد خرجها...
كريم: ها كله تمام...
احمد: اه اهو العقد انا مش فاهم والله انت مستخبي ليه منها...
كريم: هتعرف بس اصبر.. يلا انا هطلع برا اقعد زي اي زبون اراقب الوضع وانت كمل شغلك اشطا..
خرج كريم وتوجه الي تربيزه مطلعه علي الشارع... ورفع قائمه المشروبات امام وجهه حتي لا تراه..
كانت تاخذ الطلبات من الزبائن بابتسامة لطيفه وتأتي بالطلبات اليهم...
كان المكان قمه بالرقي والجمال والنظام...وتعالت اصوات السماعات بالمكان اغنيه حماقي... ي ستااار...
كانت تدندن وهي تمشي...
(ي ستااار... قلب ولع نار... داانا عيني منك.. مستحيل استغنى عنك....نظره ترضيني...)
رفع كريم يده الي احدى الموظفات...
كريم: لو سمحت عايز عصير مانجا وياريت تبعتيه مع الانسه الي هناك دي..
الموظفه: اشمعنا دي ي كريم بيه...
كريم: اعملي الي بقولك عليه احسنلك ومتقوليش اني انا الي طالبها اتحججي باي حاجه وابعتيها...
الفتاه بخوف: تمام ي فندم...
ذهب الفتاه وجلبت العصير ثم نادت علي كيان...
الفتاه: لو سمحت ممكن تودي دا لتربيزه 7عشان لازم اعمل مكالمه ضروري... خدمه عشاني معلش.. غطي عليا عشان المدير..
كيان بابتسامة: اه اكيد بس متتاخريش اشطا بالمناسبه انا كيان..
الفتاه: تسلمي ي قلبي، اسمك حلو انا مني..
كيان: تسلمي ي مونمون...
اخذت كيان العصير الي هذا الذي يجلس ويعطيها ظهره ويمثل انه يتحدث بالهاتف...
عندما شعر بقربها منه قام من مكانه فجاه ورفع يده ليقع العصير عليها....
كيان بصدمه: هاااااااا.... 😳
كريم وهو يمثل الغضب: انتي عاميه ولا اي... مش تحاسبي...
كيان بصدمه اكبر: انت....؟
كريم: انتي تاااني؟ لا كدا كتير بقا.....؟ انتي ماشيه ورايا ولا اي...
كيان: انت بتعمل اي هنا...
كريم: انتي هبله ولا اي؟ لا وكمان للمره تانيه توقعي حاجه لا انتي عاميه بجد...؟
كيان: ما تحترم نفسك بقا هو في ايييي محدش مالي عينك...
كريم: وانتي بقا الي هتملي عيني مثلا...؟
كيان: انت قليل الادب بجد وعايز حد يربيك...
كريم: ومين بقا الي هيربيني ... انتي مثلا😒
كيان: انا هنادي للمدير حالا عشان يتصرف معاك ي حيوان...
كيان: استاذ احمد استاذ احمد...
احمد: في اي ي كيان اي الي بيحصل هنا...
كيان: الاستاذ دا بيعلي صوته عليا وشتمني ف مكان حضرتك المحترم وبعد اذنك انا عايزه حقي عشان دا انسان مش محترم...
احمد: كيان اسكتي دا....
كيان مقاطعه: دا... دا اي دا واحد حقير ومتحرش وماشي ورايا...
احمد: كياااان اسكتي...
كيان: اسكت؟ لا دا انا عايزه اقابل المدير الحقيقي للمكان بقا عشان هشتكي حضرتك كمان ي استاذ احمد...
كريم: اه ياريت تنادي المدير ي استاذ احمد...
كيان: انت مش خايف بقا..؟
كريم وهو يجلس ويضع قدم علي الاخري: تؤتؤ يلا ناديله...
كيان: بقا كدا لو سمحت اتصل بيه ي استاذ احمد
احمد: اصل...
كريم: لالا اتصل ي احمد يلا...
احمد بدهشه: اتصل؟!
كيان: اه يلا...
فتح احمد هاتفه واخرج الرقم واتصل...
كريم: اه افتح الاسبيكر...
احمد بعدم فهم: حاضر...
ثواني و رن هاتف كريم...
كريم: معلش تلفون مهم هرد...
فتح كريم الهاتف امام كيان وتحدث...
كريم: الو.. ايوه ي احمد....
احمد بعدم فهم للموقف: ها... اصل في هنا هبل بيحصل...
كيان بصدمه وهي ترى الصوت يتكرر من هاتف كريم واحمد...
كيان: اي دا... اي الهبل دا... هو في اي...
كريم بضحك: طب اقفل ي احمد عشان اشوف الهبل دا هههه🤣
اغلق الهاتف ونظر اليها..
كيان: هو اسمه اي دا انا مش فاهمه حاجه...
وقف كريم وتقدم نحوها وهمس بجوار اذنها بصوت مخيف....
كريم: يعني انا المدير الحقيقي للمكان ي حلوه.... انا الحووووت
كيان بصدمه حتي وقعت الصنيه من يدها: ناااااااعممممممم😳
يتبع.....
رايكم...
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
