كانت تمسك يده وتصرخ بشده.. وهو يحاول الثبات قد الامكان حتي لا تقلق هي...
كيان بصراخ: هنموووت هنمووووت اااااااه لالا والنبي ياارب لا مش عايزه اموت هناااا للااااااء
كريم محاول تهدأتها: اهدي كيان اهدي مفيش حاجه اكيد بس غلط ف حاجه وهتتصلح دلوقتي اهدي لو سمحت...
كيان: غلط غلط ايييييي انت السبب انت السبب انت الي عملت كدا...انت الي كلمت الراجل وقولتله دلوقتي اهو دلوقتي اهووووو مش عارفين نخرج من هنااا مرتاح كدا حلو كدااااا...
كريم: والله لا انتي بتقولي اي انا كنت بقوله علي حاجه تانيه خالص...
كيان: حاجه تانيه اه واضح وانا هبله بقا عشان اصدق ان دا كله مش خطه منك... مش انت الي كل شويه هتندمي هتندمي...
هنا اشتغل المصعد مره اخرى ليختل توازن كيان وتقع عليه...
رجع قليلا للخلف اثر وقوعها عليه... كانت تميل علي صدره وهو يمسكها وظهره للحائط.. رفعت عيناها لتتلاقى عيناهم للمره الثانيه بهذا اليوم...
ثواني ووقفت بسرعه مكانها وهي تنظر الي الارض بخجل... واصبح وجهها احمر بشده...
كيان: انا.. انا اسفه لما الاسانسير اشتغل مره واحده كدا معرفتش اتحكم ف وقفتي يعني...
كريم وهو ينظر اليها وحقا لا يعلم ماذا يقول لاول مره يشعر وكأنه مقيد لا يستطيع الرد ولا يفهم ما هذا الشعور...
فتح المصعد بعد قليل ووجد بعض الرجال تقف امام المصعد وترتدي ملابس العمل...
العامل: احنا اسفين ي كريم بيه بجد والله كنا بنعمل تجديد ف السطح و واحد من الصنايعيه فصل الكهربا ولعب ف الحاجه وقع الاسانسير...
كريم بغضب: ما انتم بتلعبوا مش شايفين شغلكم اصلا.. يعني لو كانت هي لوحدها الله اعلم كان ممكن يحصلها اي...
كيان محاول تهدأت الامر: كريم بيه خلاص محصلش حاجه يعني انا بخير...
نظر اليها بغضب اكبر: اسكتي انتي دلوقتي خالص..
العامل: احنا اسفين ي كريم بيه مش هتتكرر تاني..
كريم: مش هتتكرر تاني عشان كلكم هتترفدوا دلوقتي..
العامل: والنبي ي كريم بيه انا عندي عيال صغيرين بلاش ي كريم بيه...
كريم: مفيش حاجه اسمها بلاش انت غلط و دا الي عندي...براا..
كيان بغضب: هو في اي ما الراجل قالك اسف هتقطع عيشه عشان غلطه صغيره...
كريم: وانتي مالك انتي اتفضلي علي شغلك يلا اي دا معدش غيرك الي هيكلمني كمان انتي مين اصلا...
كيان بغضب: انا انسانه عندها مشاعر ورحمه مش زيك ي بارد ي اله ي حجر ي معدوم المشاعر...
كريم بغضب: بقولك علي شغلك اتفضلي من هنا يلااا...
تركته كيان وهي تشتغل منه دخلت المطعم وهي تسبه وتعلن الحرب عليه...
كيان لنفسها: ماشي والله لعرفك ي حوت انت لو انت حوت ف انا المحيط ي ظريف انا هربيك ي كريم ي بحيري...
ارتدت ملابس العمل وكانت تتابع عملها باتقان امامه لا خطأ بالعمل حتي ان الاشخاص كانت تمدح بها بشده...انها هادئه بشوشه سريعه حريصه...
كان يقف يتابعها باندهاش من حب الناس لها.. خصوصا الاطفال كانت تمرح معهم اثناء عملها...
اتجها اليها وتحدث بابتسامة..
كريم: فنجان قهوه مظبوط وهاتيه مكتبي تمام..
كيان بابتسامة غير راضيه: تمام...
تحركت وجلبت القهوه من العامل ثواني وخطر ببالها فكره لتتجه الي رف التوابل ووضعت معلقه من الشطه بها دون ان يراها احد....
طرقت الباب ليأذن لها بالدخول...
كريم: ادخل..
كيان: القهوه اتفضل...
نظر اليه ليجدها تقف بابتسامة...
كريم: اممم اشربيها...
كيان: هاا
كريم: اشربيها اي الي هاا
كيان: لا مش بحب القهوه شكرا...
كريم: لا اشربي شويه بس...
كيان: مش بحب القهوه مظبوطه..
كريم: امم طب دوقيها بس عادي يعني مش هيحصل حاجه ولا انتي حطالي فيها سم بقا..
كيان: لا طبعا سم اي الكلام دا...مفهاش حاجه حتي دوق..
كريم: لا دوقي انتي عشان اتاكد..
كيان بتوتر: لا مينفعش بس والله مفهاش سم ولا حاجه..
كريم وهو يقترب منها: اومال فيها اي..
كيان بتوتر: بن و سكر ومياه....
كريم: تؤ بن وسكر ومياه و...
كيان: و اي....
كريم واصبح امامها مباشره: شطه مثلا...
كيان وهي تفتح عيناها بصدمه ووقع الفنجان من يدها: انت عرفت ازاي...
كريم: عشان انتي هبله ونسيتي انك ف مطعم الحوووت.. وفي كاميرات هنا ف كل حته
كيان: انا... انا...
كريم: متلعبيش معايا ي قطه بقا عشان شكلك وحش اوي...
كيان: انت مستفز وبارد...
هنا فتح باب المكتب ونظر اليهم لتتراجع كيان الي الخلف وكريم وقف مكانه بدهشه...
كريم: بابا.. انت بتعمل اي هنا...
منير وهو ينظر الي كيان: اي جاي مطعم ابني اشوفه ولا انت مش عايزني اشوف شغلك الي بتتكلم عنه..
كريم: لا طبعا نورت اتفضل.. بس معرفتنيش يعني..
منير بغضب: مانا مكنتش اعرف ان الوساخه الي كنت بتعملها ف الشركه نقلتها معاك هنا...
كيان بصدمه: لا حضرتك فاهم غلط انا مش....
قاطعها منير: اه مهو باين انك مش كده...حتي المختمره مسبتهاش ي حوت...
كيان بصدمه اكبر: لا انت بجد فاهم غلط ما تتكلم ي استاذ كريم قوله حاجه...
كريم: بابا محصلش حاجه من الي بتلمح ليها كيان موظفه عاديه...
منير: موظفه عاديه معاك ف المكتب لوحدكم وواقفه وانت قدامها والقهوه واقعه من ايدها ع الارض صح لا عاديه جدا بجد...ولا تكون كانت بتقولك سر..
كيان بغضب: لا كدة كتير بقا هو في اي هو انت وابنك...انا مسمحلكش تتكلم عليا بالاسلوب دا...
منير: وانتي مين عشان تسمحي ولالا اي واقفه مستنيه فلوسك اهي..
اخرج منير بعض الاموال والقاهم امامها..
كيان وهي تقف بصدمه ولا تعلم ما الذي تورطت به
كريم وهو ينظر اليها بدهشه ايضا: بابا اي الي انت بتعمله داااا انت...
قاطعه منير ايضا: اي لسه مش كفايه دول ولا اي...
كيان والدموع بعيناها: تعرف لولا انك راجل قد ابويا الله يرحمه واني متربيه كويس كنت هرد عليك واهينك وطوله اللسان مفيش اسهل منها بس انا متربيه صح...ربنا يسامحك انت وابنك...
خرجت من المكتب ومن المكان كله وهي تبكي بشده علي هذا الوضع...
كريم وهو يلحق بها: كيان كيان استني... اقسم بالله ما هسكت علي الي عملته داااا..
ترك مكتبه وخرج يجري خلفها ولكن اوقفت تاكسي وركبت به بسرعه...
~~~~~~~~~~~~~~~~~~~~~~~~~~~~~~
بمكتب كريم..
منير: واضح ان زي مانت قولت البنت محترمه ومش زي اي واحده عرفها قبل كدا... حبتها بصراحه... لالا انا زعلتها شويه بس كنت عايز اعرف هي هترد وتقل ادبها ولالا... كله هيكون تمام...
««««««««««««««««««««««««««««««««««
شهد: لا والله انتم هبل ولا مجانين احنا كدا هنجمع ال100الف يعني...
روضه: طب اعمل اي الدهب الي عندي كله لما فصلته طلع يجيب 16الف والفلوس الي معايا من تحويشي السنين دي كله 3500جنيه.. يعني كله 19500جنيه..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
