لنتفق مع الحياه، لنرى ان كانت ستوافقنا الطريق والتفكير، لنتأقلم مع وضعها ثم نغيرها لما نريده هل نستطيع؟...
««««««««««««««««««««««««««««
وصل الي مكان بعيد عن الجميع...اراضي زراعيه واسعه.. هدوء تام...فقط صوت الهواء..
كريم: انزلي..
كيان: احنا فين..
كريم: انزلي بقولك
تحركت كيان ونزلت من السياره لتنظر حولها حقا انبهرت بالمكان والطبيعه والهدوء..
كيان: الله المكان دا حلو اوي.. هو اسمه اي المكان دا.. ونركب اي عشان نوصله تاني عشان ابقى اجي..
كريم: تحبي اجيبك كل weekend تغيري جو..
كيان بعفويه ولم تنتبه لكلامها: اه ياريت دا حلو اوي..
كريم بغضب: بت انتي هتستهبلي انا مش جيبك هنا عشان افسحك انتي هبله ولا شاربه حاجه..
كيان وانتبهت اخيرا لمن هذا الذي يقف امامها وما حدث: انا... انا مش عارفه اقولك اي والله..
كريم بغضب وهو يمسك ذراعها بقوه: لا شغل الصعبنيات دا مش عليا....ايوه قولي بقا من الاول انك محدوفه عليا عشان اتجوزك بس لا ي ماما مش انتي الي تضحك عليا فاهمه....
كيان بغضب منه وهي تبعد يده عنها: ابعد ايدك دي كدا الاول... محدوفه علي مين انا اصلا مكنتش اعرفك غير من اليوم المهبب الي خلاني اخبط فيك..
وانت الي بتتلزق فيا مش انا ممكن افهم اي الي يخليك ي استاذ ي محترم لا محترم منين ي زفت انت تيجي ورايا لحد باب البيت لا وكمان من بجاحتك دخلت الشقه لحد اوضتي...
كريم: تصدقي انا غلطان عشان جيت وراكي اصلا عشان اعتذر عن الي حصل من ابويا.. بس مكنتش اعرف انك عملالي كمين...
كيان وصفعته علي وجهه: انت انسان حقير وانا بجد بشفق عليك...اقولك حاجه عايز تحبسني احبسني منك لله...
بكت امامه ليقف مكانه لا يعلم هل يغضب ام يلين لها.. ولكن حقا كل هذا لعبه القدر...وتخطيط الله وحده...
كريم بهدوء: ممكن افهم دلوقتي الحل اي ف المصيبه دي انا مستحيل اخطب ولا اتجوز وخصوصا انتي...
كيان بغضب: هو انت شايفني انا يعني الي ميته عليك انت لو اخر واحد ع الارض مستحيل اوافق عليك... انت وانا مع بعض مستحيل...
كريم وشعر بالغضب منها امسك يدها بعنف: عشان نادر صح... عشان بتحبيه...
كيان بالم وتوتر: نادر نادر مين... انت بتقول اي..
كريم: اي نسيتي نادر حبيب القلب اه استني افكرك دكتور نادر دكتورك ف الكليه...حلو كدا..
كيان: اوعا ايدي كدا انا مش فاهمه انت بتتكلم عن اي و اي علاقه دكتور نادر بيا وانت تعرفه منين..
كريم: انكري براحتك بس عينك فضحاكي...
كيان وهي تبعد يده: انت ماااالك ها انت مااااااالك احبه ولا اكره انت اي دخلك...
كريم: مليش بس احب اقولك انك اصلا مش ف باله نهائي وانك مخدوعه وعايشه ف وهم...
كيان: لا مش عايشه ف وهم ولا حاجه هو حس وحتي... حتي بعتلي هدايا كتير ع البيت امبارح منهم الفستان دا... يبقي هو حاسس بيا خليك ف حالك بقاااا
كريم بصدمه: بعتلك هدايا ع البيت امبارح... ولو كدا مخطبكيش ليه ولا عايزه تفهميني ان دكتور ف الجامعه لسه بيجهز نفسه يعني...
كيان: لا مش كدا بس هو ممكن يكون مستني اخلص الجامعه عشان ميقولوش ان في علاقه بين دكتور وطالبه بتاعته... وبعدين وبعدين انت مالك اصلا اي الي دخلك ف حياتيييييي....
كريم: انتي الي دخلتيني ف حياتك انتيييييي... ولا ناسيه ان ف اقل من ساعه خلتيني خطيبه وجيران زغرطولنا كمان....
كيان: مانت السببب انت السبب يعنى تسكت خاااالص انت الي حطتنا ف ام المصيبه دي...
كريم: انتي الي ف مصيبه مش اناااا.... انا مليش دعوه انتي الي سمعتك هتبوظ والكل هيعرف انك كدابه والله اعلم كمان هيقولو اي علي وجودي معاكي وانتي بتكدبي عليهم...
كيان: حرام عليك بقاااا حرام عليك بقاااا... انت اي انت جماد... حجر مستحيل تكون انسان مستحيل..
كريم: ااااااه انا حجر ااااه وبقولك اهو بكره هتيجي الشغل عادي لحد ما يخلص المده بتاع العقد وتغوري من وشيييي... ودلوقتي هتروحي تعرفي اخوكي واختك كل الموضوع والكلام انتهى علي كداااا
كيان: انت بتتكلم علي انه عادي ليه كدااا انت مش مدرك الي حصل...
كريم: اومال عايزه نعمل اي بت انا وانتي مش هنتخطب لو عملتي اي كدااا
كيان: انا اصلا مستحيل اكون مع واحد زيك...
كريم: انتي تطولي اصلا وبعدين انا لو عايزك هتكوني ليااا
كيان: ههه ضحكتني انت فاكر نفسك مين ما تفوق بقااا..
كريم: ماشي ي كيان هتشوفي...
كيان: ممكن نروح عشان افكر ف حل للي حصل بعد اذنك...
كريم: تمام معاكي وقت تفكري ف حل لبكره واكيد عارفه ان في حفله بكره...متتاخريش علي الشغل وبعد الحفله هنتكلم ف الموضوع دا...ولما اتصل بيكي تردي عشان مزعلكيش....
تحركت كيان وركبت السياره... بعد مرور بعض الوقت وصلت الي منزلها لتدخل وتجد ساره بوجهها ومعها شمس...
~~~~~~~~~~~~~~~~~~~~~~~~~~~~~~
بقصر البحيري...
احمد: اي ي حوت من الصبح بكلمك ومش بترد فينك...
كريم: احمد مش فايقلك خالص دلوقتي سبني..
احمد: في اي ي دنجوان.. مالك..
كريم: كنت بخطب...
احمد: نعم؟؟
كريم وهو يخلع تيشرت لتظهر عضلاته ويتجه الي حمام السباحه...
كريم: زي ما سمعت...
احمد: لا انت هتسبني وتعوم تعالى هنا احكيلي...
كريم: هقولك اسمع...
حكي كريم ما حدث مع كيان ليقع احمد من الضحك ارضا...
احمد: ههههههههه مش قادر ههههههههه ي خربيت كدا لالا بجد همووت ههههههههه
هنا دخل اياد عليهم...
اياد: اي ي ابني ميت ضحك علي اي...
احمد: الحوت شكله وقع...
اياد: يعني اي...
كريم وهو يسحب احمد الي الماء: بقا كدا طب تعالي بقاااا...
وقع احمد بالمسبح مع كريم...
اياد: طب انا هتصل ب محمد يجي هو كمان بقااا
كريم: اه والله الواد دا وحشني اوي..
اياد: سال عليك الصبح زمانه جاي اصلا انا قولتله يجي نقعد كلنا...
احمد: ايوه بقا لا استنوا عليا اتصل بالبنات...
اياد بضحك: اهدى يعم انت ناسي ان منير بيه هنا ولا اي هيقتلنا هههه
كريم: اصلا الدوك كمان ملوش ف الجو دا خليه يجي ونحكي شويه قعدت شباب النهارده يعني..
احمد: اشطا عشان كمان تحكلهم علي حوريه البحر الي وقعت الحوت...
كريم: ياض اتلم بدل ما اغرقك...
اياد: لا دا انا هنادي للداده تجهز القعده بقا عشان الحوار مطول...
««««««««««««««««««««««««««««««««
بمنزل كيان..
شمس: يلا ي حلوه غيري هدومك وتعالى زي الشطره معانا كدا..
كيان: علي فين دا انا لسه جايه سبيني والنبي..
شمس: ورحمه ابوكي وامك ابدا يلا بقولك دي ساره قاعده ومستنياكي...
كيان: هنروح فين بس..
شمس: عند نور البنات هناك وقالت نجيبك ونيجي عشان نفهم الليله دي وفي موضوع تاني عايزينك فيه...
كيان: اوووف طب خلوها بعدين..
ساره: بت اخلصي عشان انا هموت وافهم في اي...
دخلت كيان الي غرفتها وبدلت ملابسها الي..دريس اوفوايت وخمار بينك..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
