لعله القدر

Bart 17

فكر لحظه معي، ماذا ستفعل ان كنت محاصر بين اختيارين احدهما ان تستمر خلف احلامك التي لا تضمن تحقيقها و ان تبني احلام جديده وتضمن تحقيقها....، الوقت يمر دوم تيك دوم تيك...
~~~~~~~~~~~~~~~~~~~~~~~~~~~~~~~
منير: دا اخر قرار عندك...
كيان: ايوه انا اسفه مقدرش.. دي حياتي وانا مش هعيشها مع ابنك... انا مش طيقاه دقيقه استحمله 6شهور مستحيل...
منير: معاكي حق... وانا مقدر كلامك ومحترمه جدا.. وبرضو لسه عند كلامي ف مصاريف ساره و لو عايزه تاخدي الشيك وتديه لكريم انا معنديش مانع..
كيان: لا شكرا لحضرتك بجد انا مش عارفه اقولك اي انت غير ابنك خالص..
منير: صدقيني انا كنت اسوء من كريم بس اتعلمت واني بقيت اب دا غير كتير فيا وهو كمان هيتغير..
كيان: اممم، انا بجد اسفه مش هقدر بعد اذنك...
تركته كيان و رحلت...
بعد دقائق دخل اياد و احمد الي مكتب منير...
اياد: ها حصل اي..
احمد: اكيد وافقت تبقا غبيه لو موفقتش يعني وبعدين دا الحوت البنات كلها تتمنى منه نظره شوف بقا الي هتتجوزه دي اكيد اغمى عليها لما سمعت...
منير وهو ينظر اليه بطرف عينه: لا زي مانا توقعت رفضت..
احمد وفتح فمه الي اسفل: ناااااااعمممم..
اياد: رفضت... طب ليه. 
منير: عشان مش كل تفكرها ف الفلوس والمنصب والكلام دا لا هي عايزه حب وللاسف الي بتحبه مش معبرها والي بيحبها بيحاربها...
احمد: مين الي بيحبها دا..
منير: اقسم بالله غبي غبيييي الحوت ي حيوااان...
احمد: بس كريم مقلش كدا..
منير: ومش هيقول دا الحوت انت ناسي..
اياد: صح... الحوووت... غامض بس يشدك... غريب بس تحبه... يختفي فجاه ولما يظهر يبهرك...
احمد: طب والحل كدا الموضوع باظ خلاص..
منير: عيب عليك دا منير البحيري...لو هو الحوت ف انا البحر.. ولو هي عروسه البحر تبقا ف ملعبي... هتوافق بس شويه...
احمد: شويه اي دا كريم ناوي علي الخطه انهارده
منير: خليه يخطط وانا الي هنفذ... اصبر بس انت وهو.. اهم حاجه الصحافه جهزت..
اياد: طبعا دول ما صدقوا..
احمد: كل حاجه تمام بس الهدف نفسه مش معانا...
منير: الهدف هيكون معانا وبمزاجه...
احمد: نفسي اعرف بتفكر ف ايه..
منير: تؤتؤ دا انا البحر...
اياد بضحك: والله دا انتم عيله غريبه واحد البحر وتاني الحوت هههه طب خلاص وانا العقرب..
احمد: وانا هبقا اي بقا...
منير: انت تروح تشوف شغلك عشان هسميك كلب البحر او فرس النهر لو متحركتش...
ضربه منير علي كتفه.. ليتألم احمد..
احمد: اااااه براحه دا انتم عيله ظالمه...
اياد: ي بن...
جري احمد الي الخارج واستمر اياد مع والده لمناقشه اعمال الشركه...
«««««««««««««««««««««««««««««««
اما هي كانت تسير وتفكر بكل ما حدث...
كيف ان تنقلب الحياه بيوم هكذا كانت حياتي كأي انسانه طالبه جامعيه تعيش مع اخواتها تذهب للعمل بمحل ملابس بسيط وتهتم باعمال بيتها وتذاكر وانتهي اليوم... كيف ان تنقلب وتصبح حياتي مليئه بتلك الاحداث والمغامرات...اصبحت فتاه مهددت بالسجن تريد الكثير من المال لتنجو من شخص يمتلك الكثير من الاموال والسلطه...ورغم ذلك اشتري لى ملابس وهدايا... وكتب رسالتان متناقضتان... الاولي زوجك المستقبلي... والاخري هتندمي... كيف لشخص ما ان يمتلك هذا الاسلوب بالتعامل..
ثواني ووجدت نفسها تبتسم عندما تذكرت احتضانه لها بالمصعد وايضا بالكليه بعد ان اخذ منها سندوتش المربي..
كيان بضحك: تصدقي برضو دمه خفيف...لا وفي بنا حاجه مشتركه بنحب المربي بالقشطه.. ههه
ليرد عليها عقلها: انتي اتهبلتي دا عدوك وبينتقم منك حاجه مشتركه اي فووووقيييي...
كيان لنفسها: صح اي الهبل الي انا بقوله دا... اوووف هي الساعه كام..
اخرجت هاتفها لتجد 6مكالمات من ساره، 8من شهد، 5من نور، 7من روضه، 10من شمس...
كيان: ب نهار ابيض دا انا نستهم خالص دا انا هتنفخ.
جرت بسرعه و اوقفت اول تاكسي امامها واتجهت الي الكليه...
حاولت الاتصال باي منهما ولكن هاتف شمس مغلق.. وشهد وروضه ونور نفس الشيء وساره لا تجيب..
كيان: طب اعمل اي انا دلوقتي اكلمهم ازاي كلكم قفلتوا الفون مره واحده... طب حتي انتي ي روضه دا انتي مبتقفليش الفون غير ف الامتحانات بس..
ثواني وفتحت عيناها بدهشه لتنظر الي اليوم والتاريخ... وتصرخ..
كيان: اعاااااااااااا دا انهارده في امتحان فعلا والساعه داخله علي 9ونص والامتحان عشره ي نهااار روحتي ف داهيه ي كيان هتشيلي السنه عشان سي زفت ربنا يغرقك ف بحر اسود متطلعش منه ي حوت... ي بن ام الحوت انت...
السائق: بتقولي اي ي انسه..
كيان: مبقولش حاجه بسرعه والنبي مستقبلي بيولع...
بعد قليل وصلت كيان وهي تجري بسرعه الي داخل الكليه...
دخلت سكشن الامتحان لتجد الجميع بالداخل والامتحان بدأ بالفعل والجميع مندمج بالحل...
نادر: اي ي دكتوره ناسيه ان وراكي امتحان ولا اي..
كيان: انا... انا اسفه ي دكتور حصلت ظروف وغصب عني يعني..
نادر: مفيش حاجه اسمها غصب عنك انتي دكتوره فاهمه مكانتك و ان وقتك لازم يكون منظبط ولالا.. وخصوصا لما تكون واحده متفوقه زي حضرتك وبتدرس بمنحه بس واضح انك عايزه تضيعي كل دا
كيان بغضب من اسلوبه: قولت لحضرتك ان حاجه غصب عني ممكن ادخل عشان الحق وقت الامتحان بقا. 
نادر: اتفضلي بس دا اسمه تهريج...
دخلت كيان وجلست بمكانها و نظرت الي الاسئله ولكن عقلها يرفض ان يتذكر ما درسته وما تفهمه وتحفظه...
كيان لنفسها: ينهااار دا وقته انسا يارب... يارب مستقبلي بيضيع يارب فكرني يارب... لا اله الا انت سبحانك اني كنت من الظالمين.... يارب فكرني...
ثواني ووجدت عقلها يجيب علي جميع الاسئله ويدها تكتب بسرعه تعجبت هي من نفسها...واستمر الامتحان ومراقبه نادر اليها...
♡♡♡♡♡♡♡♡♡♡♡♡♡♡♡♡♡♡♡♡♡♡
كريم: اوووف اي دا الساعه 10..
استيقظ وذهب لياخذ شور و ارتدي ملابسه وهبط الي اسفل ليجد احمد يجلس مع والدته ويضحك..
احمد: والله ي طنط زي ما بقولك كدا البت قالتلي انا زي القمر وبعتتلي صور ليها اي يلهوي يغمى عليكي من جمالها ولما روحت لقيت سيد صحبي هههه لا سيد اي دا سيد املس عنها دي عندها شنب مش عندي....
منال بضحك: يخربيتك ي احمد هتموتني اسكت كفايه ههههه
كريم: اه يعني سيبني نايم وبتحكي حوديت هنا...قوم ي زفت عشان عندنا شغل..
منال: مش هتقولي صباح الخير حتي..
كريم: صباح الخير حتي كدا حلو... يلا ي زفت ورايا..
خرج كريم وخلفه احمد ركب سيارته واتجه الي المطعم...
«««««««««««««««««««««««««««««««
بكليه الاداب..
محمد: اولا اهلا بيكم كلكم طبعا الكل مستغرب ازاي نجمع كليه اداب مع كليه تجاره و اي علاقه دا بالمشروع.. الفكره هي اننا عارفين ان كل انسان عنده تفكير مختلف عن التاني وكل شخص ليه ابداع جديد فحبينا نشوف اي الي ممكن يقدمه طلبه من كليه الاداب قسم مساحه مع طلبه من كليات تجاره قسم الاداره... اي حد عنده اساله...
خالد: انا...
محمد: اتفضل..
خالد: ممكن اعرف تقسيم المجموعات كان علي اي اساس اصل يعني انا بصراحه محبش اشتغل مع بنات...
نظرت اليه بغضب شديد ثم رفعت يدها...
الفتاه: غريبه مع انك شكلك مسهوك يعني...
خالد: افندم...
الفتاه: زي ما سمعت... اصل يعني شكلك مستقل بينا.. واحنا ارجل منكم اصلا...
محمد: احم ف شباب نهدى عشان نتفق مع بعض...
خالد: مش سامع بتقول اي ي دكتور..
محمد: خالد حافظ علي نبره صوتك عشان مطلعكش براا..
نظر خالد اليها بغضب ثم نظر الي محمد...
محمد: اي اساله تانيه.. 
شمس: انا ي دكتور مش عارفه مجموعتي لسه..
محمد: انتي هتكوني مع نهي و زياد..
شمس: تمام... مين بقا زياد انا عارفه نهي..
ثواني ورفع زياد يده...
محمد: اتفضل جنبها ي زياد عشان كل مجموعه تعرف بعضها...
تحرك الجميع الي اماكنهم...
ظلت هي مكانها وبجوارها صديقتها...
محمد: خالد... اتحرك..
خالد: نعم لا مستحيل متقوليش ان دي الي هشتغل معاها...
نظرت اليه بحاجب مرفوع...
خالد: لا انتي ايه...
الفتاه: انچي.. ايه اهي...
خالد: صلاه النبي احسن.... لا انا عايزه ابدلهم...
انچي: تبدل اي انت شايفنا تيشرتات... في اي...
خالد: لا مهو انا مش هشتغل معاكي...
انچي: احسن برضو اسقط...
محمد: بااااااس احنا لسه اول يوم اتفضلوا كل واحد يروح مع مجموعته ف مكان عشان تتفقوا وتتعرفوا علي بعض...
تحرك محمد الي الخارج وخرج الطلاب خلفه...
««««««««««««««««««««««««««««««
بكليه العلاج الطبيعي..
كيان: اوووف الحمدلله عدت علي خير...
نور: خير اي دا انا هولع فيكي...
كيان: ليه بس ليه...
نور وهي ترفع شعرها الي اعلي وتستعد لضرب كيان.. فورا جرت كيان منها وجرت نور خلفها...
نور: ليه وكمان ليكي عين تسألي ي بجحه دا انا هكلك... تعالي هناااااا
روضه: ايوه ي نور ي جامده امسكيها نتفي رشهاااا
شهد: ايوه حد يربيها بدل ما اربيها انا بقولكم مجنونه ومعايا شهاده معامله اطفال اااه..
كانت تجري لتهرب من صدقتها ثواني وصدمته بظهرها وكادت ان تسقط ليمسكها من خصرها ويشدها اليه فورا... لاول مره تتلاقي عيناهم بهذه الطريقه... ولاول مره يلاحظ جمال عيناها البنيه ولمعتهااا..
نادر: انتي كويسه...
كيان: هااا
نادر: كويسه؟ حاسه بحاجه؟..
كيان: لالا انا تمام تمام اووي... تمام جدا...
نادر بإبتسامة: طب خلي بالك بعد كدا عشان مش كل مره هتلاقي حد ينقذك المره الجايه ممكن تقعي..
كيان: هقع اكتر من كدا..
نادر بعدم فهم: بس انا مسكتك موقعتيش..
هنا جرت شهد اليهم..
شهد: ها لا اصل هي وقعت من شويه وهي بتجري ف بتقولك هتقع تاني يعني هههه بتهزر...
روضه: طبعا طبعا كفايه هزار ي كوكي...
كيان وفاقت من شرودها: اه صح معاهم حق انا اقصد كدا يعني..
هنا اتصل هاتف نادر ليبتعد ويجيب...
نادر: الو... انا قولت الموضوع منتهي انت ليه مش عايز تفهم انا مش هرجع تاني....لالا هي عايشه حياتها دلوقتي عادي مفيش مشكله بنا حتي... مش فاهم مين الي طلب الورق دا بجد...
كانت تستمع اليه وتذكرت الاوراق التي شاهدتها عند منير لتحزن وتبتعد...
كيان: بنات انا همشي عشان الحق الشغل تمام..
نور: استني ف موضوع مهم لازم تقولي عليه واحنا كمان نقولك عليه...
كيان: بعدين ي بنات بعدين...
تركتهم وجرت الي الخارج تفكر بما حدث...
«««««««««««««««««««««««««««««
كانت تسير بحزن لا تعلم ما سببه ولكن تشعر وكأنها محبوسه بغرفه مغلقه لا تعلم كيف تخرج منها..
راته يقف بشرود وينظر الي شيء..
اقتربت منه ببطيء شديد لتنظر من خلفه علي ما يشاهد لتجده ينظر الي صورتها...
رن هاتفه ف ابتعدت بخوف واختبأت لتسمعه...
كريم: اه عايز فستان يكون حلو و محترم وينفع لبنت مختمره...
صدمت مما تسمع ولكن حاولت ان لا تحدث صوت...
كريم: ايوه خلال ساعه بالكتير.. اه تمام..
اغلق الهاتف ثم تنفس بعمق وتحدث بصوت مسموع
كريم: عملتي اي ي كيان...
سمعته وابتسمت ثم تحركت الي الداخل...
اما هو اكمل: لعبتي مع الحوت هخليكي تشوفي النجوم ف عز الظهر هتشوفي هعمل فيكي اي...
««««««««««««««««««««««««««««««««
نور: يلا ي بنات عشان نروح الاتيليه نجهز...
روضه: انا قلقانه احنا كدا ممكن نحرجها...
شهد: لا طبعا احنا بنساعدها..
روضه: بس احنا مقولناش ليها الي هنعمله..
نور: هي الي مشيت من غير ما تسمعنا نعمل اي بقا..
روضه: ربنا يسترها يلا بينا..
شهد: يلا...
نور: طب شمس...
روضه: فونها مقفول...
نور: خلاص هي اكيد عارفه وهتكلمنا...
اتجهت الفتيات الي الاتيليه....
««««««««««««««««««««««««««««««««
بكليه الاداب...
شمس: خالد معلش ممكن اعمل مكالمه من فونك عشان فوني اتكسر...
خالد: اه خدي اهو...
اخذت شمس هاتف خالد واتصلت بكيان لتجبها..
كيان: ايوه ي خالود وحشتني...
شمس: وليكي عين تدلعيه كمان ي رايقه دا انا هنفخك...
كيان: شموسه... وحشاني انتي كمان..
شمس: كدابه موت.. المهم مش وقته بقولك نور قالتلك علي الي هيحصل انهارده...
كيان: لا كا....
قاطع كلامها صوت كريم الذي صدمها من الخلف..
كريم: نسيب شغلنا بقا ونتكلم ف الفون صح...
كيان بعد ان اغلقت الهاتف: ها لا مش قصدي اسفه..
كريم: وانا اقبلها منين دي.. مفيش حاجه اسمها اسفه..
كيان بغضب: قولت اسفه اعمل اي يعني ابوس ايدك..
كريم: مستعجليش هتبوسيها.. 
كيان: لا والله..
كريم: اه والله هتشوفي..
كيان باقتراب منه: بلاش تتحداني ماشي..
كريم: ثواني كدا احمد احمد..
احمد: ايوه ي حوت...
كريم: قولي نفس الجمله تاني..
كيان: جمله اي انت بتهبل ولا حاجه...
كريم: اخر جمله قولتيها بتاع بلاش اي..
كيان: بقولك بلاش تتحداني ي حوت...
كريم: ايوه هي دي خايف ي عيد.. اي اقصد خايف ي احمد...
احمد بتريقه: يامي يامي يامي...
كريم بقتراب: شوفي شغلك ي حلوه...
تحرك من امامها وتركها تغلى من الغضب...
كيان: تصدق انت ابوك معاه حق يربيك من جديد ماشي اصبر عليا...
«««««««««««««««««««««««««««««««
خالد: بت بقولك اي اعدلي كلامك كدا انا بقولك اهو
انچي: انت باين عليك شايف نفسك انت فوق كدا واعرف انت بتكلم مين...
خالد: هكون بكلم مين يعني حته بت لا راحت ولا جات ملكيش لازمه اصلا...
انچي: تصدق بالي خلقك انت انسان غير متحضر وعشوائي...وصفيق...
خالد: انا اي ي اختي صفيح ازاي...
انچي: صفيق ي جاااهل...
خالد: غوري ي بت من هناا بدل ما اديكي ف وشك.. اقولك حاجه انا الي هغور...
انچي بغضب لايه صديقتها التي تضحك عليهم: انتي بتضحكي علي اي انتي كمان و ربي لعرفه قيمته الحيوان دا انا انچي منير البحيري حته واد يقولي انتي ملكيش لازمه دا انا هنفخه...
ايه: والله انا شمه ريحه كدا مش عارفه حساها حلوه ليه...
انچي: ريحه اي انا مش حطه بيرفيوم تقيل يعني...
ايه: لا مش البيرفيوم... دي ريحه تانيه..
انچي: اي هي...
ايه: هتعرفي بعدين يلا انا ماشيه... هسبقك..
انچي: تمام هجيب حاجه واجي...
««««««««««««««««««««««««««««««
حل المساء علي الجميع...
كانت اصوات الموسيقى عاليه للغايه...
الجميع يرتدي اجمل ما لديه... الفتيات يضعن الميك اب ويرتدوا فساتين جميله للغايه.. والشباب يتألق كل منهم بشكله واسلوبه...
كان يسير بالحفل يرحب بالجميع وتقع عينه عليها بين الحين والاخر.. وبعد قليل من الوقت... دخلت ثلاثه اميرات اجمل من بعضهم...
الاولي نور والتي ارتدت فستان اسود قصير ومفتوح.