ليس كل ما نريده خيرا لنا ولكن هل ندرك هذا قبل ان نحصل عليه؟
نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
يتغير كل شيء بأقل من ساعات، كلمه تغير الحياه فعل يغير الترتيبات، فكره تحول التخيلات، نتيجه تبنى عليها نتائج.... شهد: اي دا في اي ههههه ايوه قولوا ان دا مقلب بق شمس: لا دا... نور: دا اي دي مصيبه... روضه: انا مش فاهمه حاجه...هي كيان فين... خالد: اي ي بنات ما تشوفوا كيان اتاخرت ليه كل دا بتعمل القهوه... هنا خرجت كيان بالقهوه ونظرت اليهم بتوتر شديد.. وقف الجميع ينظر اليها وهي تتجه الي كريم وتحمل القهوه وتنظر بخجل الي الارض... روضه: دا اكيد حلم... كيان شيله القهوه ورايحه نحيه الحوت... لا وكمان مكسوفه منه وبصه ف الارض.... نور: دا مش حلم دا كابوس والحوت دا اكيد هيبلعها دلوقتي... ساره بضحك عليهم: في اي انتم مش بتعرفوا تفرحوا شويه... اخرجت ساره هاتفها وصورت هذا المشهد... شهد: انتي بتعملي اي بتصوري اي يخربيتك... حاولت اخذ الهاتف منها الا ان ساره ابتعدت بسرعه.. ساره بغضب: اي ي شهد اسكتي عشان اصور كويس واحط ع الفيديو اغنيه العسيلي بتاع احساسك اي النهارده وانا جايلك ف بيتك جاي اقول لاهلك قد اي انا حبيتك... شهد بصدمه من ساره: حبك برص... انتي اتهبلتي ي بت... انتي مش عارفه الزفت دا عمل اي ف اختك... ساره بصدمه: عمل اي... شهد في اي انتم قلقتوني انا مش فاهمه حاجه خالص وكل شويه واحده تقول نص جمله وتسكت... ضربت شمس شهد لتسكت الان حتي ينتهي هذا الموقف... وكان علي الجهه المقابله كريم يبتسم بخبث شعرت به كيان دون الجميع... كريم: اي دا اي دا هخطب قمر ي جماعه... ملاك... كيان بابتسامة غير راضيه: امم شكرا.. وضعت كيان القهوه امام كريم وخالد و تحركت لتقف مع الفتيات ليمسك يدها بسرعه.. كريم: رايحه فين مش هنقعد سوا ولا اي ي عروسه.. نظرت الي خالد هيعطيها اشاره ان تجلس... جلست كيان ونظرت الي الفتيات وتشعر انها علي وشك البكاء...وكل ما يدور بعقلها سؤال ما الذي يخطط له هذه المره.. تصرفاته غير مطمئنه بالمره.. تحدث خالد لتخرج من شرودها... خالد: ممكن اعرف انت شوفت كيان فين ي كريم بيه..و من امتي.. كريم وهو ينظر الي كيان: بصراحه شوفتها ف.... قاطعه كيان بسرعه: ف ف الكليه اه ف الكليه كان جاي عشان يكلم العميد ف انه بيفتح فرع جديد لمطعمه ف الكليه عشان يساعد الشباب وكدا وطبعا العميد عرفه علينا عشان احنا اشطر ناس ف الكليه.. حتي... حتي عارف البنات مش كدا ولا اي ي بنات... الفتيات: طبعااااااا كريم: بالضبط عارفهم واحده واحده وكلمتهم كلهم... نظر الي كيان واكمل.. بس بصراحه مفيش حد شدني ليه غير كيان...شوفت فيها حاجه غريبه مش عند حد.. روحها خفيفه.. ادب واخلاق وما شاء الله جمال.. هذه المره كان يتحدث بكل صدق لا خداع.. كل كلماته خرجت من قلبه فعلا... حتي انها لامست قلب كيان و ازداد دقاته... فالقلوب ي ساده ترسل المشاعر بصدق دقيق... (ما يخرج من القلب يصل الي القلب♥) خالد: يعني افهم ان حضرتك جاي تتقدم لكيان عن حب صح.. كريم و قد عاد من شروده علي هذه الجمله التي لا يعلم ما هو شعورها... لا يعلم ما هذا الذي يسمى الحب.. نظر الي خالد ثم ابتسم وتحدث: انا معرفش يعني اي حب... بس لو انها توحشني وهي قدامي دا حب يبقا بحبها.. لو اني اشوفها اجمل واحده ف العالم هو دا الحب يبقا بحبها... لو ان اكون حابب اشوفها متعصبه وحابب اشوفها بتضحك ف نفس الوقت يبقا بحبها.. لو ان لما اشوف حد بيبص عليها من بعيد واكون عايز اموته ف ايدي يبقا بحبها.... نظرت اليه كيان باحساس غريب للغايه... كيان بنفسها: هو دا تمثيل ولا بجد...؟؟ انا حاسه انه بجد... لالا مستحيل بجد اي دا كله تمثيل وانتي عارفه عشان نخلص المصيبه دي... الحوت هيحبك انتي هبله وبعدين يحبك اي دا مهددك بالسجن فوقييي... اما علي جانب الفتيات التي اندهشن حقا مما سمعوا.. روضه: يلهووي دا طلع رومانسي خالص... هعيط... نور: انا مش مصدقه و داني... لالا انا اكيد جعانه... شهد: يخربيتك دا انت ممثل من درجه الاولى دا انا قربت اصدق... شمس: هو دا تمثيل بجد... انا مش عارفه ليه حساه حقيقي... ولا انا هبله وبصدق بسرعه... ساره: اموت وافهم فيكوا اي... انتم مش مبسوطين للبت ليه... شمس: هيهيهي... هتعرفي ي اختي هتعرفي ومش بعيد تقفي نفس وقفتنا دي وتقولي ياريت الي جرا ما كااان.... ««««««««««««««««««««««««««««««««« بشركه البحيري... منير: يعني اهلها متوفين..عندها اخ واحد واخت واحده...بتدرس بمنحه دراسيه ومتفوقه ف دراستها.. ف كليه علاج طبيعي يعني دكتوره...بتشتغل عشان تصرف علي نفسها كمان... دا غير انها محترمه واخلاقها ممتازه... وجميله كمان... وعارفه ربنا كويس اوي...لا وفوق كل دا كريم متمسك بيها... احمد: منير بيه كريم لو عرف اني حكتلك حاجه هيموتني... انت عارفه مجنون... دا ممكن يرميني للقرش.. منير بضحك: هههه لالا متخفش كل الي قولته سر بنا و طول مانت معايا متخفش كريم ميقدرش يعمل حاجه... انت ناسي انا مين ولا اي.... احمد: طب انا مش فاهم دلوقتي حضرتك سألت ليه علي كيان اشمعنا دي... منير: عشان دي مش زي اي واحده كريم عرفها... احمد: بس كريم عايزها زي اي واحده يعني غرضه ياخد منها الي عايزه ويرميها.... منير: ايوه بس هي مش هتديله الي هو عايزه عشان هي متربيه صح وعارفه ربنا كويس.. يبقا كريم معندوش حل تاني غير انه يحبها... احمد: مين... هههه لالا بجد حضرتك ضحكني... كريم والحب ف جمله واحده تيجي ازاي دي حضرتك ناسي انك بتتكلم ع الحوت... منير: هيحبها... احمد: مستحيل... لو مش مصدقني افتح اخبار اليوم ولا امبارح ولا اول افتح اي قناه او مجله افتح السوشيال ميديا هتلاقي كل الاخبار كريم البحيري مع فتاه... الحوت مع فريسه جديده... ابنك دنجوان ي منير بيه... منير وهو بحدفه بعلبه اقلام: مانت زيه ي حيوان... احمد: اه وعشان انا زيه بقول لحضرتك مستحيل كريم يحب... منير: هيحبهاا... دا انا حبتهااا... اطلع برا ي محبط غور ياض من هنااا.. احمد: طب بجد بقا ي عمي حضرتك عايز مني اي.. منير: عايز بكره ف الحفله الصحافه تيجي... عشان تاخد شويه صور حلوين ليهم... بس صور مش زي اي صور خدوها لكريم لا... صور انه هو الي بيجري وراها.. عشان الخبر يبقا كالتالي.. (الحوت يطارد فريسته المتمرده...) وكريم لما يشوف الخبر دا مش هيسكت وهيعمل المستحيل عشان يوصل لكيان...حتي لو وصل انه يتجوزهاا.. احمد: ايييي... طب ما ممكن يتجوزها وبعدين يطلقها.. ويرميها اي الهبل دا... منير: وانا روحت فين... انا يوم ما دا يحصل اولا هضمن لكيان فلوس متتعدش... ثانيا عشان اضمن ان كريم يحبها هديله شويه وقت حوالي 6شهور مثلا.. حبها هيكمل حياته معاها وهيبقا انسان بجد.. محبهاش انا الي هطلقها منه وهديها الي هي عايزاه ويولع هو ف ستين داهيه وهتبرى منه... احمد: دا موضوع خطير ي عمي بجد...وكمان تفتكر كيان هتوافق... منير: انا هقنعها...بس لسه بحاول اشوف كل حاجه عنها... وافهم حياتها بكره بالكتير هجبها هنا الصبح قبل الحفله عشان نتفق معاها علي كل حاجه... احمد: ربنا يسترهااا... انا همشي بقى ي عمي..اي حاجه تعوزها كلمني... خرج احمد وترك منير يفكر بخطته... ««««««««««««««««««««««««««««««« خالد: على البركه... خلاص كدا احنا كمان اسبوع نقرأ الفاتحه مع اهلك ي كريم بيه.. ونحدد كل حاجه.. كريم: مفيش كريم بيه بقى احنا اخوات خلاص قولي ي كريم بس او كيمو دا للعزيز بس ولو تحب تقولي ي حوت احسن برضو ههههه خالد: خلصانه ي حوت... كريم: طب ممكن اطلب حاجه منك بقى ومتكسفنيش... خالد: اتفضل اكيد... كريم وهو ينظر الي كيان: هاخد كيان وننزل نتمشي شويه بعد اذنك... خالد وهو ينظر الي كيان التي نظرت بالارض بتوتر وتدعو الله ان يرفض اخاها.... خالد: والله هو.. كريم: علي فكره انا عندي اخت بنت يعني هحط اختك ف عنيا متخفش عليها... خالد: انا واثق ف اختي كويس... تمام بس هي ساعه دقيقه زياده.. ه... قاطعه كريم: هي ساعه حلوه اوي حبيبي ي خالود... يلا ي كيان... كيان وهي تنظر اليه بغضب: يلا اي... كريم: يلا تعالى خالد وافق اهو... ولا انتي مش عايزه تيجي بقا لالا ازعل منك كدا يعني انا.... كيان: ها لالا اكيد جايه طبعا... هغير هدومي بس.. جرت علي غرفتها واغلقت الباب عليها بسرعه حتي لا يلحق بها الفتايات وتبدأ الاسئله... وقفت امام المرأه وهنا لم تستطع كبت دموعها... كيان: يارب اي الي انا بهببه ف حياتي دا... يارب انا تعبت يارب...الانسان الملعون دا من يوم ما شوفته وانا حياتي بتدمر كلها....حرام كدا بجد حرام... مسحت دموعها واخرجت دريس بينك وخمار ابيض به لون الدريس واللون الرمادي... كانت كالاميرات حقا...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت كيان ليقف كريم فور رؤيتها بانبهار لجمالها الذي يزداد بملابسها الفضفاضه... ساره وهي تحتضنها: الله اكبر الله اكبر زي القمر ما شاء الله... شهد بهمس وهي تحتضنها: حلوه اووي اووي بجد انا خايفه يخطفك ابن الهبله دا.. روضه: ي خلاثي عايزه ابخرك ي روحي عليكي... نور: ملاكي انتي ي روحي...قمر اوي بجد... خالد: خلي بالك من نفسك ي احلى واحده ف الكون كله.. قبل رأسها بحب ثم تركها لكريم... خالد: كريم انا مليش غيرها هي وساره ساعه وترجع زي ما هي.. انا بقولك اهو... كريم لم يستمع لاي شيء فقط منبهر بهذا الجمال المغلف بهذا الشكل الرائع... كريم: بجد زي القمر... اي.. اي... اقصد اتفضلي يلا... تحركت كيان امامه وركبت وهبطت معه الي اسفل لتجد بدريه تقف ببلكونه منزلها وتزغرط... بدريه: لولولولولولولولي الف مبروك ي بت ي كيان لولولولولولولولي.... كيان بصوت منخفض سمعه كريم فقط: الله يخربيتك فضحتينا.... كريم بابتسامة خبيثه: دا انتي يومك اسود انتي الي عملتي الفضيحه اركبي اركبي.... ركبت كيان السياره وهي ف قمه الخوف منه ومن جملته الاخيره.... ركب سيارته وقادها ليخرج من هذا الحي ويتجه الي مكان اخر بعيد عن الجميع لتبدأ لعبه جديده... يتبع.....
