من منا لم يتردد بين اختيارته بالحياه، نعم هناك بعض الامور التي يكون بها الاختيار دون تردد او تفكير ولكن هناك ايضا بعض الامور التي يكون بها الاختيار محير ومخيف....🖤
____________________________________
هبطت كيان وهي تلتزم الصمت التام.... نظر اليها خالد ليجدها تتجه اليهم ولكن بتعابير غير مفهومه..
خالد: كيان.. انتي كويسه..
لم تجيبه ليحرك يده امام عيناها...
خالد: كيان في اي مالك...
كريم: كيان كياااان...
عادت من شرودها ونظرت الي كريم ثم تحدثت...
كيان: ايوه كنت بتقول حاجه..
كريم: كنا بنسألك مالك بس شكلك مش هنا خالص..
كيان: لا معاك اهو مفيش حاجه كنت سرحانه شويه بس.. المهم فين ساره والبنات...
كريم بشك: جايين ف السكه...
كيان: اه تمام كويس..
ثواني و اتجهت اليهم انچي واحتضنت كريم بشده..
انچي: عامل اي ي روحي بقيت احسن...
كيان بدهشه من هذا العناق الذي بادله كريم بنفس الحب.. دون غضب.. شعرت وكأنها تريد ان تقتل تلك الفتاه التي احتضنته وهي لا تعلم انها اخته ولكن ايضا غضبت من نفسها لهذا الشعور...
كريم: انا بخير ي حبيبتي.. متقلقيش المهم انتي كويسه..
كيان بتدخل و بعض الغيره: مهي زي القرده اهي لو مكنتش كويسه مكنتش خدتك ف حضنها بالشكل دا...
كريم ولاحظ هذه الغيره: اه مهي لازم تحتضني اوي كمان دي روحي اصلا ولما بشوفها روحي بترجعلي..
خالد: تقصد روحك بتروح دي بومه...
انچي: بس ياض وبعدين بومه ف عينك ي اعمى..
كيان: خالد اي الي بتقوله دا مينفعش تغلط ف حد وبعدين حبيبته وهو حر معاها انت مالك.. بتدخل ليه..
انچي بضحك: حبيبته هههه هي دي كيان صح قولي صح هههه لا بجد طلعت عسوله خالص...
كيان ببرود: مش فاهمه اي الي بيضحك ف كلامي ولا انتي من الي ماشيين بمبدأ اضحك ع خيبتك...
انچي: لالا انا بضحك ع حاجه تانيه خالص هههه واخد بالك ي حوت...دي غيرانه مني... طلعت واقعه..
كريم بثقه: طبعا عيب عليكي...
خالد متدخل: تغير منك اي ي معفنه دا انتي شبه خله السنان ي بت لا وشعرك القصير دا عامله بالضبط زي خله السنان الي فيها زتونه....
انچي بغضب: دي رشاقه ي اعمى وبعدين مش هرد ع واحد زيك عنصري وبيفرق بالشكل ي معدوم الانسانيه...
خالد بشك مره اخري بتصرفاتها: هو انتي...
انچي: انا اي...
كيان: خالد انت بجد بقيت غريب انت اصلا مالك بيها صحبته وهو حر معاها...
كريم وهو يقترب منها: لا دي مش صحبتي متخفيش.
كيان وهي تبتعد قليلا: وانا مالي اصلا وبعدين تمام مغلطناش حبيبتك مش هتفرق...
كريم وهو يقرب منها اكثر: لا هي مش حبيبتي برضو.. هي كل حياتي اصلا.... اختي...
كيان بدهشه: اختك... انت عندك اخوات بنات...
كريم: اهي قدامك هي دي بس.. اخر العنقود...
خالد: دا عنقود بايظ... المفروض اخر العنقود دي بتكون سكره وطيبه وقمرايه زي البت سرسور كدا لكن اي دي اعوذ بالله...
تحركت انچي امامه ورفعت اصبعها بوجهه: انا بحذرك متلعبش معايا ي شاطر...
خالد: استني كدا اوبا ركبي بتخبط ف بعضها هقع ي كيان الحقيني... يلا ي بت اجري من هنا دا انتي واصله لركبي غوري غوري...
انچي: كريم عجبك كداااااا..... يعني ملقتش غير اكتر واحد بكرهه وتحب اخته...
نظرت كيان اليه بصدمه: بتحب...؟؟!
كريم: خالد خلاص بق عدي اليوم زودتها... وانتي ي انچي اطلعي نادي لبابا وماما عشان نمشي...
ابتعدت انچي وصعدت الي اعلى لتنادي اهلها اما خالد رن هاتفه ف ابتعد ليرد عليه...
نظر كريم اليها ثم تحدث..
كريم: عايز نقعد ف مكان لوحدنا عشان نتفق هنعمل اي ونحل الموضوع دا ازاي..
كيان بغضب: هو انت مصدق نفسك بجد انت وانا مستحيل نكون سوا شوف مستحيل كدا...
هنا فجأه جرت فتاه واحتضنت كريم بشده وتعلقت برقبته تحت صدمه كريم وكيان ايضا...
ماجي: ي روحي انت بخير صح... كنت هموت من الخوف عليك بجد...
كريم بغضب: انتي بتعملي اي هنا... و ازاي تيجي هنا اصلا وتعملي حاجه زي دي..
ماجي بدلع: اي ي حوت دا انا ماجي يعني لو مش هقلق عليك انت ي روحي هقلق علي مين...
نظرت ماجي الي كيان من اعلى الي اسفل باشمئزاز ثم اكملت..
ماجي بقرف: اوعا تكون هي دي البنت الي كانت معاك والله ازعل اي المنظر دا...
كيان بغضب:اي المنظر دا؟ انتي بتتكلمي ع مين معلش اكيد تقصدي نفسك... مهو مش معقول تكوني انتي كدا وانا كدا وتقولي اي المنظر دا...
ماجي: يعني اي كدا دي انتي شيفاني ازاي... يلا ي ماما وانتي شبه الشحاتين بلبسك الكبير عليكي دا..
كيان: انا الي شبه الشحاتين اومال انتي تبقي اي ي بت دا انتي مش لبسه اصلا انتي مش شايفه بنطلونك المقطع دا والبلوزه الي مبينه لحمك للكل زي الحيوانات كدا... دا انتي شبه السمك الي هيتقلى من الدقيق الي حطاه ف وشك دا....
هنا ضحك كريم بشده علي تشبيه كيان لماجي...
هنا دخلت الفتيات و اتجهن الي كيان بعد ان سمعوا صوتها...
شمس: كيان في اي مين البت دي الي بتزعقي معاها..
ساره: كوكي انتي كويسه ي روحي مالك...
روضه: اه صح مالك صوتك جاي لاخر المستشفى..
نور وهي تنظر الي ماجي من اعلي الي اسفل: اوعي تكون البت الصفرا دي الي مزعلاكي...
كريم بتدخل: لا مفيش حاجه دي كانت ماشيه اصلا مش كدا ي ماجي..
ماجي: لا مش كدا ي حوت انا مكنتش ماشيه...
هنا دخل احمد واتجه اليهم بسرعه وخلفه محمد..
احمد: ماجي انتي بتعملي اي هنا...
نظرت روضه الي احمد بحاجب مرفوع: دا ما شاء الله مطلعتش جايه تجر شكل كيان بس...
ماجي: ي احمد كنت جايه اطمن ع كيمو و لقيت البت دي بتزعقلي...
كريم وهو يمسك يدها بغضب: اسمها كيان مش البت دي واسمي الحوت مش كيموو واطلعي من هنا دلوقتي عشان ميكونش اخر يوم ف عمرك...
ماجي بغضب: بقا كدا ي حوت ماشي بتزعق فيا عشان البت دي والله لتشوف...
تحركت ماجي الي الخارج وهي تتوعد لكيان بشده..
روضه اليها بصوت مسموع: حسبي لتقعي ع وشك الي مش باين منه ملامحك داااا...
ضحكت الفتيات ع اسلوبها الساخر ثم تحدثت ساره..
ساره: كيان هو بجد انتي وكريم هتتخطبوا..
هنا عاد خالد اليهم وعلي ملامحه تعابير الصدمه..
خالد: يلا عشان نروح...
كريم: لسه هنفطر سوا ي خالد مش اتفقنا..
خالد: لا معلش لازم نروح دلوقتي... يلا ي كيان يلا ي ساره...
كيان بعدم فهم: تمام يلا...
كريم: استني لسه مقولتيش هنتقابل امتي..
كيان: معرفش بعدين هقولك يلا ي ساره..
خرجت كيان مع ساره وخالد واتجهوا الي منزلهم...
احمد الي كريم: هو حصل اي..
كريم: معرفش..
روضه: كريم معلش كنا عايزين نتجمع معاك ونتكلم شويه لو ممكن..
كريم: مش فاهم مين الي يتجموا ويتكلموا كلنا يعني
شمس: لا احنا صحاب كيان وانت...
محمد: واحنا اكيد لازم نكون معاكم ولا اي..
احمد: طبعا...
نور: خلاص نتقابل ف الفيلا عندي اي رايكم...
روضه: فكره برضو..
كريم: طب ما تيجوا عندي احسن.. ف شاليه بتاعي او شقه اسكندريه ونغير جو..
محمد: والله فكره برضو...
شمس: لا مينفعش بس عايزين نتجمع معاك..
روضه: اه صح بنات هي شهد فين..
احمد: صحيح و اياد فين هو كمان...
نور: يلهوووي لا يكون الاتنين لسه سوا من امبارح..
كريم: لا معتقدش..
روضه: اقسم بالله لو...
قاطعها احمد: والنبي من غير حلفان شهد دي ميتخفش عليها يتخاف منها...
نور: المهم دلوقتي هنتقابل بليل عندي اشطا..
الجميع: اشطا، تمام، اتفقناااا
««««««««««««««««««««««««««««««««
وعلي الجانب الاخر...
هبطت شهد وهي ف قمه من الاناقه كالعاده..
أنت تقرأ
لعله القدر
Romanceليس كل ما نريده خيرا لنا ولكن هل ندرك هذا قبل ان نحصل عليه؟ نرغب باشياء وندعو ان تكتب لنا دون ان نعلم ما الذي ستترتب عليه تلك الاشياء، والدليل علي هذا كلام الله عز وجل (وعسى أن تحبوا شيئا وهو شر لكم ) 💙
