لعله القدر

Bart 38

من منا لم يحدث له شيء يغير حياته ويقلبها راسًا علي عقب.. اظن ان الجميع مر بهذا الشعور الذي يغير كل شيء... ولكن هل هذا التغير يؤثر علينا ايضا ام علي حياتنا فقط؟!
________________________________
خالد: استني هنا رايحه فين..
انچي: استنا اي.. انا.. انا مش فاهمه حاجه...
خالد بضحك هستيري: مش فاهمه اي...انتي ببساطه خدعتيني..
انچي: خدعتك..؟ انت بتقول اي انا انا اصلا مصدومه اكتر منك..
خالد بضحك: مصدومه.. هههه مصدومه صح لالا برافو ثواني بس هي فين الكاميرا..
انچي وكادت ان تبكي: كاميرا... كاميرت اي انت بتقول اي..
خالد وتجمعت الدموع بعينه: انا.. انا حبيتك بجد حبيت شخصيتك من غير ما اشوفك واتعلقت بيكي وف الاخر تطلعي انتي.. انتي بتضحكي عليا كل دا
انچي بصراخ حتي نظر الجميع عليهم: اضحك عليك  ايييييي انت مجنون انا وانت مكناش نعرف بعض اصلا كنا بنتكلم باسماء فيك مش حقيقه اعرفك ازااااااي... وبعدين ما يمكن انت الي كنت بتلعب بيا كل دة عشان تخليني احبك..
خالد: انا حبيتك بجد حبيييييتك...
انچي: وانا حبيت الشخص الي كلمته من غير ما اعرف هو مين.. حبيت الشخص الي مش فارق معاه انا مين ولا بنت مين...
خالد: وانا كذلك حبيت Dark Moon مش انچي..
انچي بصراخ: انچي هي Dark Moon  يعني انت..
خالد بدموع: يعني انا حبيتك مرتين..
انچي بعدم فهم: مرتين...؟!
خالد: مرتين.. اه مره حبيت Dark Moon والتانيه حبيت انچي..
انچي: انا.. انت.. مستحيل لا...
فورا دون اي مقدمات سقطت انچي ارضا.. جري خالد عليها بلهفه..
خالد: انچي انچي... فوقي عشان خاطري انچيييي
______________________________
روضه: وانت بق عايش لوحدك من امتي..
احمد: من ثانوي ممكن..
روضه: يعيني يعني مكنش في حد بيفضل يقولك ذاكر انت ثانوي عامه ي فالح وكدا..
احمد بضحك: لا مكنش عندي ي ستي..
فورا جرت احدي الفتيات الي احمد واحتضنته بدون مقدمات..
الفتاه: ميدوووو روحي وحشتني موووووت..
احمد بصدمه: احم.. عليا.. عامله اي اخبارك..
عليا: عامله اي.. هبق وحشه اكيد من غيرك انت ازاي متجليش البيت كل دا..
اقتربت الفتاه منه اكثر وهمست امام شفتاه: البيبيدول الي بتحبه موحشكش عليا...
لما تتمالك روضه نفسها لتسحب الفتاه من شعرها امام الجميع..
روضه: لا هو انتي الي هتوحشيه...
امسكت روضه الفتاه والقتها ارضا وظلت تضرب بها تحت صراخ الفتاة... وتجمع الجميع حولها..
نور بصراخ: روضه روضه خلاص وحياه امك روضاااا
كيان وهي تحاول شد روضه: البت هتموت ف ايدك حرام عليكي..
شهد: شديها ي كيان البت خلاص روحها هتطلع..
روضه بصراخ: تطلع دا انا هموتهااااا سبونيييييي
شمس وهي تسحب الفتاه الاخري مع شهد: ي روضه الناس بتتفرج عليكي.. اهدي ي بنتي..
احمد بغضب وهو يسحب روضه بشده من ذراعها: انتي اي الي بتعمليه دا فضحتينا.. سيبيها...
روضه بصدمه وغضب: فضحتك...؟! انت بتزعق فيا عشان دي.. صح ما هي دي مستواك.. انا الي غلطانه..
ودون تفكير او ادراك لشيء.. خلعت روضه خاتمها والقته بوجه احمد وجرت الي الخارج..
كان الجميع مصدوم مما حدث..وينظرون الي احمد وهذه الفتاه تبكي بشده..
عليا: دي مريضه نفسيا.. دي كانت هتموتنيي. اعااااا
كيان: انتم هتبصوا لبعض يلا نروح نشوفها..
شمس: خليكي انتي ي شهد مع نور هروح انا وكيان..
كريم: كيان اجي معاكي..
كيان: لا خليك..
كريم: طب كلميني..
جرت كيان وشمس الي روضه ولكن وجدوها ابتعدت و ركبت اول تاكسي وذهبت..
كيان وهي تحاول الاتصال بها: هي اكيد اتجننت اي الي عملته دا..
شمس: معلش بس احمد احرجها قدام الكل..
كيان: بس مش توصل انها ترمي الخاتم ف وشه وتجري دول لسه مكملوش اسبوع خطوبه..
محمد وهو يجري اليهم: لحقتوها..
شمس: لا للاسف..
محمد: احمد برضو زودها..
كيان: مش فاهمه حاجه اصلا اي الي حصل لكل دا ومين البنت دي..
محمد: احم... دي عليا كانت مرتبطه باحمد من فتره ويعني كانوا علي علاقه..
كيان: علاقه اي يعني كلام وكدا..
محمد: علاقه ي كيان.. يعني كانوا...
شمس: خلاص خلاص فهمنا انت هتشرح اي انت كمان..
محمد: الله وانا مالي مش هي الي بتسال..
كيان: اووف مش بترد خالص..
نور وماهر بسرعه: هي فين... روضه فين..
شمس: مشيت..
ماهر: اووف بجد يعني اي النحس دا محبكتش الخناق غير يوم الخطوبه..
كيان: برافو.. برافو بجد دا كل الي همك..
نور: مش قصده ي كيان..هو بس الموضوع يضايق..
جائت شهد واياد وكريم..
كريم: ها حد كلمها..
كيان: مشيت.. ومش بترد ع الفون..
شهد بغضب: معلش هو ابن البارده دا فين..
اياد باحراج من صديقهم: بيطمن علي عليا جوا..
شهد بغضب هي وكيان وشمس ونور ايضا..
شهد: ناااااعم بيطمن علي مين ي عنيااا....
نور: معلش هو انا ممكن اقول لفظ عيب عشان بجد هموت... هو بيعمل اي معلش قاعد مع الزباله الي جوا دي وسايب روضه الي هي مفروض خطيبته..
كيان: وسعولي كدا والله لروح اضربه...
كريم: اهدوا بس هو في اي..
شمس: في اي ازاي يعني انت مش شايف صحبك.. لا دا هبل بجد سايب خطيبته وقاعد مع الحربايه دي..
دخلت الفتيات الي احمد بغضب...
اياد: بصراحه عيل وسخ.. اي الي بيهببه دا..
كريم: انا ذات نفسي مستغرب..
ماهر: مع انه عيل واطي.. بس انا خايف عليه من الفرق 911الي دخلت دي..
محمد بضحك: بصراحه لو موتوا يستاهل..
اياد: هو تقريبا حد لعب ف اعدادات الواد دا..
كريم: تفتكروا حن..ثواني ي ابن الجزمه انت جاي تفركش مع البت وبكره كتب كتابيييي عايز البت تنكد عليااااا..
ماهر ومحمد واياد بعدم فهم: كتب كتابك اي.. دي حيله خطوبه..
كريم بضحك: هههه لا بجد عيب عليكم.. تفتكروا دي حاجه من طرازي يعني..
اياد: بص انا عارف النظره دي.. انت مجهز حاجه صح
كريم: عيب عليكم... دا انا الحوت..
ماهر: تفتكر كيان هتوافق..
كريم: والله لو هتوصل اني اخطفها واكتب عليها غصب عنها هعملها انا مجنون وهي عارفه..
محمد: كلنا عارفين ي حوت..
اياد: طب و امك..
كريم: عادي هعمل زيك انت احسن مني.. ههددها اني هاخدها و اسافر لو موفقتش.. وهي روحها فينا..
محمد: يخربيتكم يلا نشوف الولا هيموت ف ايدهم..
هنا رن هاتف كريم..
كريم: الو خالود.. حبيبي..
خالد: كريم الحقني بسرعه انا ف المستشفى..
كريم بقلق: في اي مالك.. بتعمل اي هناك انت كويس..
خالد: انا كويس مش انا الي تعبان دي انچي..
كريم بصدمه: انچي.. انتم فين انا جاي حالا..
اياد: في اي... مالها انچي..
كريم: مش عارف خالد بيقول انهم ف المستشفى..
ماهر: احيه بق هو يوم باين من اوله... بركاتك ي ست نور...
جري كريم واياد الي سيارتهم بسرعه واتجهوا الي المستشفى..
محمد: تعالي نشوف البنات وبعدين نحصلهم..
ماهر: يلا بسرعه..
جري الاثنان الي الحديقه...
__________________________________
فتحت ساره عيناها لتجد نفسها ممدده علي الكنبه بداخل فيلا نور...
ساره: اااه راسي.. انا بعمل اي هنا..
لتسمع صوت يأتي بتجاهها..
الشاب 1:اخيرا... صحيتي... اي كل دا مش عايزه تصحييي..
الشاب2:بس ي بغل انت.. حمد الله علي سلامتك.. انتي كويسه..
ساره بصدمه: انت... انتم.. انت واحد ولا اتنين... اعاااا انا بشوف عفريت صح.. انت شوفتك وانت شوفتك برضو... لا ثواني بس انتم نفس الشكل ونفس الصوت بس اختلاف ان دا عنده ذوق ومتربي والتاني دبش ومترباش..
الشاب 1:اي دبش ومترباش دي ما تتلمي...
ساره: اه اهو انت الدبش.. ثواني انا لسه نايمه صح.. دي اخره الي بيتفرج علي افلام رعب.. بقيت مجنونه
الشاب 2:بصي انا هفهمك بهدوء كدا بس ممكن تهدي وتشربي المياه دي..
اخذت ساره كوب الماء واغمضت عيناها وفتحتها مره اخري..
ساره: بسم الله الرحمن الرحيم انتم لسه موجودين..
الشاب 1:هو حد قالك اننا عفاريت بت انتي عبيطه ولا شكلك كدا..
الشاب 2:ممكن تسكت عشان انت الي بتعصبها سبني انا هفهمها..
الشاب1:شكلها مش بتفهم اصلا بس حاول..
ساره: اخرس خالص ي دبش انت سيب العسول دا يتكلم..
الشاب 2:طيب ركزي معايا.. بصي ي ستي اولا احنا مش واحد احنا اتنين اخين توأم.. يعني انتي مش شايفه غلط ولا عفريت ولا اتجننتي..
ساره: يعني انتم توأم ونفس الشكل ونفس الصوت ونفس الكليه واختلافكم بس الشخصيه واستيل اللبس..
الشاب1:اي دا طلعت بتفهم..
ساره وهي تضربه: حد قالك اني غبيه..
الشاب2 بضحك: معلش حقك عليا انا عمر بيحب يهزر كتير..
ساره: اسمك عمر.. وانت اسمك اي..
الشاب 2:عمرو..
ساره: احيه بق و دا من قله الاسامي..
عمرو: لا ي ستي انا بابا كان عايز عمر وماما عايزه عمرو وسبحان الله ربنا رزقهم بتوأم نفس الشكل كمان عشان ميزعلش حد منهم..
عمر: ما تحكلها قصه حياتنا احسن..
عمرو: ي ابني بق بطل السم الي طالع منك دا..
ساره: اه ياريت..
عمر: ي ستي انا مروح اصلا.. جاي ولا اي يعم النحنوح..
عمرو: فكك منه المهم انتي كويسه صح..
ساره: اه الحمدلله بقيت احسن شكرا..
عمرو بابتسامة: العفو.. تحبي اوصلك..
ساره: لا اصلا اختي وصحابها وخطبها هنا..
عمرو: بجد طب ياريت نتعرف عليهم..
ساره: اه تعالي نشوفهم..
خرجت ساره مع عمرو وعمر الي الحديقه..
لتجد كيان تجري ومعها شمس ونور و شهد.. وامامهم ماهر ومحمد..
ساره وهي تجري اليهم: كيان في اي..
كيان بسرعه: انتي فين من الصبح.. اووف المهم خالد ف المستشفى تعالى بسرعه..
ساره بخوف: اي خالد بيعمل اي ف المستشفى...
كيان: مش عارفه يلا بسرعه هاتي شنطتك..
ركبت كيان مع شمس ومحمد بسيارتهم..
ونور مع ماهر ومعهم شهد..
عمرو: ممكن اوصلك عشان اطمن..
عمر: هو في اي انا مش فاهم حاجه..
عمرو: اركب بس وهي هتحكي ف الطريق..
بعد قليل من الوقت..
وصل الجميع الي المستشفى...
________________________________
كان خالد يمسك يدها وهي نائمه وبيدها محاليل..
خالد: مش عارف ازاي دا حصل بس انا فعلا حبيتك و اتعلقت بيكي.. عشان خاطري متبعديش..
دخل كريم واياد بسرعه...
لاحظ كريم امساك خالد ليدها والدموع التي بعينه..
اياد: اي الي حصل انچي ملها..
خالد: اغمى عليها واحنا ف المطعم..
كريم: مطعم اي و ليه اغمى عليها فجاه..
جاء الطبيب وطرق الباب..
اياد: ملها ي دكتور انا اخوها..
الطبيب: اهدوا مفيش حاجه هي بس ضغطها وطي تقريبا اتصدمت من حاجه سمعت حاجه فرحتها اوي او زعلتها اوي ف اثر علي ضغط الدم واغمي عليها هي هتفوق كمان شويه اول ما المحلول يخلص..
كريم: تمام شكرا..
نظر كريم واياد اليها بحب اخوي شديد..
كريم: اخص عليكي ي انوچ تتعبي وبكره كتب كتابي.. بق كدا تزعلينا..
اياد: تزعلنا اي الدكتور بيقول هتفوق دلوقتي..
خالد:كريم اياد.. انا..
كريم: انت اي..
خالد: انا... انا...
اياد: في اي ي ابني ما تنطق انت علقت..
خالد بسرعه: انا بحب انچي..
اياد: نعم..
كريم بابتسامة: اي بيقولك بيحب انچي هو اي الي نعم..
اياد: وانت اي برود دمك دا..
كريم: عشان انا عارف من اول مره شوفتهم فيها..
خالد بتعجب: عارفه من الاول ازاي..
كريم بابتسامة: عشان انا واختك بدأنا كدا برضو مش طايقين بعض وبعدين عشقتها واياد وشهد كذلك جننو بعض ودلوقتي مراته اهي وانتم برضو..
خالد: يعني يعني.. انت مش معترض. 
كريم: علي حسب..
خالد: بمعني..
كريم: يعني لو انچي قالت انها مش بتحبك يبق خلاص... لو قالت انها بتحبك يبق..
دخلت كيان بسرعه الي الغرفه..
كيان بلهفه: خالد خالد حبيبي..
جرت عليه واحتضنته بشده..
خالد: اهدي اهدي ي بنتي في اي انا كويس ي كوكي..
كيان: بجد انت كويس اومال بتعمل اي هنا..
كريم وهو يبعدها عن حضن خالد: اختي الي تعبانه مش هو وشيلي ايدك دي كدا انتي مجنونه هتحضنيه..
كيان بصدمه: مجنونه؟ دا اخويا..
كريم: والله لو ابوكي طلع من تربته ما انتي حضناه برضو..
كيان: دا الي هو ازاي..
كريم: دا الي هو كدا بق مش عجبك..
كيان: كدا ازاي بصفتك اي معلش لا احنا لسه متخطبناش حتي..
كريم: اه وانا مش بقول كدا بصفتي خطيبك اصلا..
كيان: اومال بصفتك اي..
كريم بابتسامة: بصفتي جوزك.. وقرة عينك..
كيان: الي هو ازاي معلش..
كريم: اممم بصراحه لازم اقول بق..
نور وشهد: احنا بنقول كدا برضو..
ماهر: مش فاهم ازاي هي اخر واحده تعرف اصلا..
كيان: في اي انا مش فاهمه حاجه.. خالد ساره في اي
كريم: في ي ستي ان انا..
انچي: ااااه انا فين.. اياد.. كريم..
كريم بسرعه هو واياد: ايوه ي روحي انتي كويسه..
انچي: اه.. انا بعمل اي هنا..
كريم بمرح: شوفي كنتي فين ومع مين بق ي هانم..
انچي: انا اخر حاجه فكراها.... ي نهااااار خالد الاكونت Dark Moon عرفته.. لا مكدبتش والله مكنتش اعرف..
اياد: اهدي اهدي في اي..
انچي: خالد خالد هيسبني انا.. انا بحبه ي اياد.. بحبه ي كريم هيسبني..
كل هذا وهي غير واعيه ولم ترى هذا الي يقف خلف اياد..
ضحك كريم واياد والجميع عليها....
انچي: انتم بتضحكو ليه انا عايزه خالد انا بحبه... والله بحبه..
كيان بضحك: طب خلاص ي هبله فضحتي نفسك..
انچي بصراخ: مليش دعوه انا عايزه خاااالد انا بحبوووو حراام عليكم كداااا.
شهد بضحك وضربت خالد يتقدم امامها: ما تطلع يالي جننت البت انت..
ظهر خالد امامها وهو علي وشك ان يسقط من الضحك..
خالد بضحك: طب لما انتي واقعه كدا مجنناني معاكي ليه...
انچي واحمر وجهها بشده: ها.. انت انت هنا من امتي
شمس بضحك: من ساعه فين خالد فين خالد بحبه بحبه..
محمد بضحك ايضا: لالا بصي بصراحه هو هنا من اول ما جيتي اصلا متحركش من جنبك..
كريم: نقول مبروك بق.. حد يزغرط..
كيان وساره وشمس: لولولولولولولولولولولولي..
كريم: زغرطي مره كمان بق.. عشان ي ستي بكره كتب الكتاب..
كيان: كتب كتاب مين..
كريم بيئس: امي... كتب كتاب امي..
كيان بغباء: هي طنط اطلقت من عمه.. لا وهتجوز تاني.. يعيني.. وعزماكم..
كريم بهبل معها: اه وطبعا فرحتنا مش هتكمل الي بيكي اوعي تتاخري..
كيان بجد: لالا مش هاجي عمه يزعل مني..
كريم بصراخ: اعااااااا بت انتي هبله ولا بتستهبلي.. بكره كتب كتابنااااا
كيان بضحك: بكره الخطوبه ي حبيبي لسه..قدامنا كتير علي كتب الكتاب دا..
كريم: صح معاكي حق لسه كتير لسه حوالي 14ساعه كدا..
كيان: اه سنه بس مش كتير 14سنه..
شمس وشهد ونور ف نفس واحد: سااااااااعه مش سناااااااااا
كيان: نعم ثواني انتم قصدكم ان بكره كتب الكتاب..
كريم: اياد وصيتي تقتل البت دي بعدي انا تعبت..
صعد كريم علي سرير انچي ووقف عليه..
كريم: بت والله ارمي نفسي من هنا وانتحر اه بقولك اهو...
ضحك الجميع علي كريم وتصرفاته مع غباء كيان..
_____________________________________
كيان: اعااااااا فاضل نص ساعه ومش لقيه الجزمه اعااااااا هعييييط... منك لله ي كريم منك لله..
نور: اهدي ابوس ايدك هنلقيها.. هتكون فين يعني..
شهد: تاخدي جزمتي طيب..
كيان: عايزه جزمه بيضا ي حوله انا العروسه..
شهد: انا غلطانه وبعدين في عروسه تضيع فرده جزمه.. انتي فاكره نفسك سندريلا وهو الامير هيجي يلبسك الجزمه..
ساره: اهي اهي لقتها...
انچي: اخيرا.. حرام عليكي ي كيان انتي ازاي ترمي جزمتك.. انا مش فاهمه..
كيان: اووف المهم روضه لسه مجتش..
نور: لا للاسف..
كيان: وانسه شمس فين هي كمان..
شهد: بتختار جرفاتت محمد ي ستي..
كيان: ي محني.. لازم الماتشنج يعني صح..
ساره: المهم اي رايكم ف الدريس.. حلو..
شمس ونور: قمر ي روحي ما شاء الله..