أحببتها حتى الهوس::"ذات_النقاب "♡ بالدارجة مكتملة ♡

الجزء الثاني

أحببتها حتى الهوس "ذات النقاب"🌹
بارت4
✨فدار الجرموني✨                
الدار مرونة والكل يتجارا هاللي تصايب فشعرها هاللي تقيس لباس
رياض:وسربيو خلاص
سعاد:وبشوي مالك غادي تخطب ليا القايدة منعرف آش عجبك فيها يتيمة وغنخطبوها غا من عند الجيران قلتلك نشوفلك مع بنت القاع والباع ولكن وجه الزلط تيقلب على الزلط
رياض:حشيان الهضرة هذا اعمتي وزيري معايا ديك للي معاجباكش عاجباني ولبغيتي تزوجي شي حد زوجي ولدك
تدخل سيف الدين عارف رياض أيخرج فيها طول وعرض
سيف الدين:أرجوع لله مالنا على هادشي رياض يالله نتسناوهم برا تيكملو
نعرفكم عليهم نبداو بكبيرهم وللي هي دليلة وهي أم لثلاتة تاع الولاد وزوج بنات راجلها توفى هادي ست سنين وقررات متفرقش شملها ورغمات ولادها يجلسو معاها فنفس الدار هما وولادهم من غير البنات هما للي مشاو لديور رجالهم
نبداو بالإبن البكر
محمد البالغ من العمر 67 عام مزوج براجيةعندها حاليا 60 عام
ولد معاها زوج ولاد سيف الدين عندو 29 عام عازب وكين جود عندو 23 عام وتاهو عازب
وعاود تزوج بوحدة أخرى ولا نقولو غلط معاها وخسر شرفها وقرر يسترها وجابها وعلن زواجو بيها بالطبع راجية متقبلاتش الأمر ورفعات دعوة طلاقها حاولو يصالحو بينهم ولكن كان راسها قاسح ولحد الآن راضية بقرارها وكانو الكلمات للي نطقت أثناء طلبهم ليها هما أنها متشركش حاجتها وبما أنو غلط يتحمل مسؤوليتو ولكن عمرني نسامحو ولحد الآن علاقتهم متوترة وشي متيدوي مع شي راجية قاسحة وزيادة راه بنت القاع والباع وعائلتها راه لباس عليهم داكشي علاش كان فيها تبعصيص يعني كلاص وعندها تفكير تتمشى عليه ومتتشقاش وكان بالنسبة ليها طلاقها منو راه عادي مكانش عندها تفكير جميع المغربيات بشأن كيفاش أيشوفوها الناس وهي مطلقة همها هو أنه خانها وموقفش هنا بغا يجيب الضرة مباشرة قررات طلاقها ماشي هي للي تدخل عليها الضرة وتشاركها ففراشها والدير معاها النوبة على راجلها تتبغي حاجتها ليها وهادشي ورتاتو السيف الدين للي إلى عجباتو شي حاجة فخاصها تكون ليه بوحدو
الزوجة التانية كان اسمها سعاد تزوجات بيه مباشرة بعد طلاقو عمرها حاليا 55 عام عندها زوج بنات وولد
اسم الولد هو لؤي عندو 24 عام اسم البنت اللولة هو عائشة وعندها 20 عام واسم البنت الثانية هو آية وعندها 19 عام
دبا ندوزو الإبن التاني تاع دليلة وللي اسمو جلال عمرو 58 عام مزوج بفاطمةللي عمرها 50 عام عندهم زوج ولاد وبنت
الولد اللول اسمو أسامة عمرو 35 عام مزوج برقية للي فعمرها 30 عام وعندهم ولد واحد اسمو آدم وفعمرو 11 عام دبا ندوزو الإبنو الثاني اسمو ليل فعمرو 25 عام مسافر تيقرا فإطاليا تابعاه ضياء فعمرها 18 عام
ندوزو الإبن الأخير لدليلة للي اسمو هشام فعمرو 54 عام ومرتو رحمة فعمرها 48 عام عندهم ولد واحد اسمو رياض عندو 28 عام
وهاكا أنكونو كملنا التعريف على الموجودين أما الباقي أي بنات دليلة مزال منتعرفو دبا تايبانو ويحن الله اليوم فدار سي الجرموني كولشي مرون مع الخطبة تاع رياض غادين يا لالة يخطبولو شي بنت عجباتو قالك كان شافها فواحد القهوة هي سيرفورة فيها وهو كان خدام وداز لتم وشافها وعجباتو وبلا ميحس بقا متبعها تا تعلق بيها وقرر يخطبها
للي مقلتلكمش هو فاش خدامين هاد عائلة الجرموني عندهم شركة المحاماة وخدامين فيها وللي مخدامش راه تيقرى
داز نهار وحل الليل ووصل صباح للي أحداتو كتيرة وغتغير حياة بزااف تاع الناس