أحببتها حتى الهوس::"ذات_النقاب "♡ بالدارجة مكتملة ♡

الجزء 49

أحببتها حتى الهوس "ذات النقاب"🌹
بارت145
جبد فرديه بغا يضربها بيه وتبفكر الصوت ومجايبش كاتم الصوت حيت كان فنيتو غيقتلهم في الطواليط ويهرب أما دبا لضرب غا هادي غيقدرو يعتقو شهناز وهادشي للي مبغاش يكفي أنها كثر من شهرين وهي تتعتق من يدو ضرب أسماء بالخلف تاع المسدس الراس طاحت ودماياتها غا مزيدين مشا هو تيجري
في الوقت للي شهناز وأسماء تيحاربو قاتلهم كان لؤي وضياء سيناو عقدهم وولد عم أسماء جا ناوي يفاجأها ويدي مع سيف الدين حيت شافها تعطلات باش تخبرو قرب لسيف سلم عليه وحيت تيعرفو هضرو عادي
سيف الدين::فين أ ياسين لباس علك
ياسين::الحمد الله كنت باغيك فموضوع
بعدو على الناس وبدا ياسين تيعاودلو وتا على قدومو
ياسين:: كنت تنتلاقا معاها تخبية وتنخرج نتسلت وهادشي كللو بسباب فيروزة أسماء مفخبارهاش بللي عمي رفضني على ودها حيت فيروزة بحكم خدامة معايا واحد نهار لبسات قناع ختها وجات عندي وتصورات معنقاني وسيفطاتهم الباها قالتلو تيخونك ولد خوك وهادشي خلا عمي خدا عليا نضرة خيبة ورفض يعطيهالي
سيف الدين (كانو خوتو جاو مع الموضوع)::بلاتي كيفاش لبسات القناع
ياسين::علاش مفخباركمش فيروزة إختصاصها هو صنع أقنعة مشابهة الممتلين باش منلقاوش مشكل فغياب شي شخصية مالكم مصدومين لؤي مبروك أخويا
لؤي(تاهو فاش شافهم تجمعو جا)::شكرا ولكن أسماء للي تتقادهم
ياسين::لا فيروزة وأصلا هي للي عندها ديبلوم وتاحد ميقدر يقادهم بلا داك الديبلوم حيت شي مواد تيكونو عارفينهم غا هما وحتى أنهم تيتشراو بداك الديبلوم
سيف الدين تفكر فاش شرحاتلهم بدقة على القناع
سيف الدين::فاك كيفاش مرديناش البال ليل سير حبسها أنا نشوف مرتي فينها
مزال عاد دوا طفات الأغنية باش يباركو زعما العرسان الساعة تسمعات غوتة خلات الكل مشاو يجريو وتا ياسين معاهم كانت وحدة من الحضور مشات الطواليط مع وصلات الكولوار بانتلها بنت طيحة قربات تا بانلها الدم والبنت تتهضر بصعوبة غوتات على جهدها وتتقفقف ياسين شافها هكاك بالزربة قرب حطها فحضنو وتيغوت
ياسين::أسمااااء عيطو الإسعاف
أسماء::سيف
قرب ليها سيف
أسماء::شهناز عتقها
مع قالتها غيبات هو ناض تيقلب ويغوت جاو للي مكلفين بالقاعة جابو الكميرا وأسماء داوها لوبيطال مشاو معاها العائلة والبنات كلهم بقاو غا رجال ومعاهم ياسين تاهو شافو الكميرات وشنو وقع وكيفاش تضربات أسماء شاف سيف الدين مرتو هربات من اللول
سيف الدين::غنخرج نقلب خاص نلقاها
فهد::تهدن الدوريات تاع الشرطة كلهم تيقلبو فالمنطقة
سيف الدين::مغنبقاش نتسنى
خرج وتبعوه ولاد عمو وتا خوه وياسين بقا فهد ورجال الكبار تيحاولو يوصلو لشي حاجة
عند شهناز
مزال تتجري حفيانة ورجلها كلهم تجرحو ومعامها غير بنتها دخلات الغابة وتخبات بين شجر صغير جبدات سدرها تترضع بنتها باش تسكت بقات معاها تا نعسات ناضت هازاها وتتبكي وتضور فالغابة باغا غامنين تخرج سمعات تحراك وهي تخبا
الرجل::شهنااازتيي فيينكيي نتي وكنييزتي
شهناز سدات فمها ودموعها نازلين ضامة بنتها وساقلة
دازت مدة وهي فمكانها فينما تبغي تخرج تتسمع تحراك تطل تتلقاه مزال تيقلب فنفس المنطقة شافت فبنتها ودموع فعينيها هزات راسها فسما للي خيم ضلام وبقا غا نور تاع القمر للي مضوي عليهم مكانش عندها حل آخر بنتها عندها أهم من نفسها
....يتبع