أحببتها حتى الهوس::"ذات_النقاب "♡ بالدارجة مكتملة ♡

الجزء التاسع

أحببتها حتى الهوس "ذات النقاب"🌹
بارت25
سيف الدين (قرب باس راس كنزة):باراكا علك اخالتي لشافوك تتبكي أيقولو غا راجل بنتها خيب هه
كنزة(بعدات من بنتها):هه شوف أولدي بنتي أمانة عندك منبغيهاش تضر
سيف الدين:كوني هانية
جرات شهناز ريهام عنقاتها
شهناز:شوف البهلة كيف تبكي ولا شفتي راسك غتبقاي بلا زواج متخافيش غير يبانلك راسك غتبوري وجي تخيري في العائلة ونزوجك ياك اخالتي راجية
راجية:هه اه مرحبا باقين تلاتة عزاب غا نيشي ونخطفوه ونزوجوك
ريهام:هه غاللي بغا يبكي علك تف
قلبوها ضحك وركبو فطموبيلات ركبات شهناز مع راجلها بوحدهم غا ركبات طلعات الزاج وهي تتسول فيه وهو نطالق
شهناز(بصوت منغنغ):واش متيبينش
سيف الدين:لا متيبينش
بسرعة حلات زيفها ونقابها وطلقات دموعها صعيبة تبعد على مها بالخصوص أنها متعلقة بيها هو شافها تتبكي تنهد
سيف الدين:كنتي تتصبريهم ودبا تتبكي
شهناز (تتنخصص ودوي):أنا هنن مببغيتش رجعني هنن
سيف الدين:رجوع الله براكا علك الله يرضي على بنتي راك طيبتي عينيك نهار توحشيها نديك عندها ولبغيتي كل نهار معنديش مشكل ونجيبها تال عندك غا باراكا علك
شهناز:أنا أهيئ 😭 بغيت ماما
طلقاتها ببكية مبقات باغا تسكت واحد اللحضة تخنقات بالبكا مبقات تطلع مبقات تتهبط خلعاتو بسرعة وقف لوطو وݣاع العائلة للي كانو تابعينهم فرحانين تاهما وقفو يعرفو آش كاين بانلهم سيف هاز قرعة الما وحل باب شهناز مخلوع وبينا فيه نزلات راجية تجري هي والعيالات بقاو غير رجال فلوطو ومعاهم سعاد وبناتها
خرج سيف هاز قرعة وتيجري حل عليها الباب وخوا فيدو تيكب عليها وحط يدو جيهت قلبها وضهرها تيحركهم بشوية هي بدات تتنفس وراجية جنبو تتكب فيدها الما وترش عليها جر عندو شهناز عنقها وتيدوز يدو على شعرها وتيقرا عليها القرآن تا بدات تترخا طل عليها لقاها غمضات عينيها قادها وسد الباب
سيف الدين:سمحولي الوليدة خلعتكم وعطلتكم
راجية:شنو وقعلها أولدي كانت بيخير
دليلة:اه البنت تغيرات شويا وتجيف
سيف الدين:غير حيت بكات بشكل متواصل تخنقات راه كانت غا صابرة الداخل غير دخلات الطوموبيل وطلقات دموعها باغا ماماها
رحمة:ايه صعيبة عليها حيت متعلقة بيها راه كنزة حنا غادين وتتوصي فينا عليها قالت لينا عمرها فرقاتها
سيف الدين (تيمسح على شعرو):الله يدير للي فيها الخير رجعو باش نمشيو
راجية:أنمشي معاك أولدي باش لوقعات شي حاجة نعاونكم
سيف الدين:واخا ركبي
ركبات هي ودليلة وما تبقى مشاو الطوموبيلات تفرقو عليهم
محمد:ياكما كين باس اختي
رحمة:غير مرت ولدك تخنقات بالبكا على ماماها
سعاد (ميقات):ايوا صافي فششتوها كثر من القياس
رحمة: لتزيديش فيه البنت حياتها كلها مع مها وجينا حنا وديناها طبيعي تبكي فينو الفشوش في الموضوع المهم جيت غا نقولكم شنو وقع الله يعاون
مشات من عندهم لطموبيلة راجلها حيت أصلا طموبيلة محمد عامرة بمرتو وولادو
ضياء غير رجعات تخشات فمها مبقات بغات تطلقها
أسامة:اتي راك خنقتي ليا الوليدة
جلال:أبعد من ختك
ضياء:دبا تانا فاش نتزوج غيديوني أنا مبغيتش أنبقى حدا ماما وبابا
دارت عنقات تا باها
أسامة:هه نهار الكبير هو للي تمشي فيه
ضياء(بدات تبكي):ياك ياك مأتوحشنيش هنن
أسامة:أناري أمالكم اليوما للي قلتلو شي حاجة يتقلق أرجوع الله أبنتي معندك فين تمشي مغتزوجيش أتجلسي حدانا غارتاحي
وصلو الطموبيلات الدار وبداو ينزلو دار سيف لعند شهناز باقا ناعسة شعرها كانت جامعاه سفنجة
راجية(حطات يدها على راس شهناز):شهناز بنتي فيقي
سيف الدين:غا خليها الوليدة عيات أنهزها
دليلة:الله يرضي علك أولدي
خرجو وخرج تا سيف ضار جيهتها رما عليها الشال مخربق وخلا النقاب فلوطو وهزها وهي زادت تمخشات فيه تم مدخلها ايوا كالعادة سعاد مسكتاتش وهو ممسوق الحد طلع مرتو البيتو حطها ودخل دوش وتوضى وخرج تيصللي هو متخشع وشهناز عاد فتحات عينيها على صوتو وهو تيقيم الصلاة جلسات تتستوعب تنهدات عاد ناضت بانتلها الفاليز تاعها محطوطة كان طلعها جود قبيلة جراتها ودخلات الدوش دوشات وتوضات ولبسات جوهرة كان ديك الساع العصر خرجات لبسات عباية وشال كان هو كمل قرب قبل راسها
سيف الدين: كيف بقيتي واش بيخير
شهناز:الحمد الله
بعد من طريقها خلاها تصلي أما هو جلس شاد شي ملفات بينما سالات وينزلو بزوج
كملات وحيدات العباية بقات بجوهرة قادات شالها وشافت فيه
شهناز(بتردد):بغيت نهضر معاك
سيف الدين:وخا أجي حدايا
حط شنو فيدو وهي جلسات جنبو تقابل معاها بقات تتلعب بيدها خيفا يكون بحال باها
شهناز(بزز باش نطقات):دبا بما أن هادوك للي لتحت تيجيوك وأنبقى نتلاقاهم بزاف واش غنبقى بالنقاب
سيف الدين:لا حيت كيف هما خوتي خوتك تنتي عاد باش نتي تديري النقاب حدا مك وباك لا دونك تا هادو عادي مي برا لا
شهناز(بتاسمات ليه):مباغاش نحيدو برا غير على الداخل(تسرسبات بلا سوالات)حيت بابا مكانش تيخليني نحيدو حدا جدو(عضات لسانها فاش عرفات شنو قالت
سيف الدين (تنهد وحط يدو على يدها):غنعوضك على كلشي ودبا نتي تحت دمتي تاحد معندو الحق يقيسك مفاهمين
شهناز:اه
جرها شاد من يدها ونازلين وهو محملش تنزل بلا نقاب ولكن راه بصح غتبقى معاهم كل نهار وهادشي للي خلاه يقول هكا وصلو التحت كان الكل جالس غير لقاو السلام وهزو راسهم فيهم بطبعة الحال المراوات للي معمرهم شافوها بقاو غا حاضينها جلسات وسطهم والرجالة غير هزو عينيهم وعاودو حدروها احتراما لمرت خوهم وهادشي تيديروه مع جميع مراوات خوتهم
سعاد:صافي تقزدرتي حيدتي النقاب اليوم غدا الزيف بعدو تخرجيلها طاي طاي
سيف الدين:مرت با نتابهي لشنو تتخرجي من فمك راه مرتي للي تدوي معاها دبا
سعاد:هاا معنيت والو أولدي غير قلت..
محمد:سعاااد
سدات فمها وشهناز أتضور فعينيها جات حداها راجية تضحك معاها وتتحاول تزول التوتر
دليلة:واش وجدتو الطقس اللول
راجية:اه الحمام واجد
.......يتبع