أحببتها حتى الهوس::"ذات_النقاب "♡ بالدارجة مكتملة ♡

الجزء 56

أحببتها حتى الهوس "ذات النقاب"🌹
بارت173
ناضت لبسات ودارت نقابها ولبسات بنتها بشوية مع ناعسة عاد هزاتها بالمهل وهز سيف الغطا حطو فوق بنتو وشهناز قاداتو هز سوارتو وشد من يدها وتمو نازلين
شهناز::مهزيناش حويجنا
سيف الدين::الحوايج راه عندنا تم
شهناز::أه صافي واخا
ركبو ونطالقو وصلو القصر دخلو كانت كنزة فاقت دخلو كانو مجموعين فالجلسة لقاو السلام وجلسو كانو ولاد رقية بزوج كينين ومعاهم تا ولد سلمى وجات تا كنزة جلسات معاهم تيلعبو وآدم حاضيهم وتيلعب معاهم
لؤي::إحم بما ان كلشي مجموع بغيت نعلمكم بللي فنهاية الأسبوع غنعقد أنا وضياء
بداو تيباركو ليهم للعلم ولديهم كانو عارفين هادشي حيت بإتفاقهم
فهد::إحم بصراحة بما أن الكل هنا بغيت نعلن شي حاجة وأوميمطو بغيت ختي شهناز توسطلي
شهناز::فاش
فهد::بصراحة انا بغيت نخطب راضية
راضية بدات تتكحب وحلاتلها مكانتش متوقعاه يجبد الموضوع دبا بدات سلمى تدوز على ضهرها وعطاتها الما تا رجعات فيها النفس وهي تهمسلها
سلمى::أتي بسم الله علك
شهناز::بصراحة لبغيتي تخطبها راه كينا مها دوي معاها أما أنا منزيدكم غا الخير
فهد::هو معرفتش كيف ندوي مع ماماها هذا لاش قلت نقولهالك
شهناز::أه واخا مرحبا أنا نعيط ليها ونقولهالها
راضية::بلاش دوات معايا صباح وقالتلي نجي عندها حيت توحشتني
شهناز::واخا غتعلميها
راضية::أه ولكن تا اللخر تاع شهر حيت دبا هي مسافرة
شهناز::إيوا صافي الله يسر ليكم
راضية&فهد::أمين
~~~~تسريع الأحداث~~~~
داز أسبوع متغير فيه والو من غير فهد للي غبر حيت تيحاول يوجد ملفات باش يقفل القضية وتا سيف الدين دوا معاه وبداو تيخطو شنو غيديرو فنهار للي تعطاهم في البطاقة أما شهناز ولات غا تترض واليوم حلف سيف تيديها لوبيطال حيت كترات بزاف ولات تتاكل بلا عقل وترد كانت فايقة اليوم لبسات باش ينزلو لكن كرشها تقلبات دخلات تجري الدوش
وسيف تبعها لقاها تترض وتبكي حاسة بمصارنها غيخرجو جا من وراها تيدوز على ضهرها ناضت سخفانة تخشات فحضنو تتشمشم فريحتو باش توݣض هو تيدوز على ضهرها
سيف الدين::خاص نمشيو العند طبيبة كترتي هاد الأيام
شهناز(تتنهج)::واخا
طل عليها بانتلو صفرة هزها وداها حطها فوق سرير حل ليها الزيف تنفس وهبط يجري جاب الما
راجية::ولدي فينها مرتك
سيف الدين::عيانة شويا ونزلو
حركات راسها وهو طلع لبيت وسد الباب مشا تيشربها وهي عاد مشات منها شوية السخفة
سيف الدين (حيدلها الما):: دبا شويا
شهناز::الحمد الله
سيف الدين::فينها كنزة
شهناز::فاش خرجتي جات راضية عندي وقلتلها تنزلها
سيف الدين::مزيان نيت باش نمشيو لطبيبة
شهناز::إحم غا بقا غنمشي أنا وراضية راك شفتي البارح كنزة تاهي ردات بزاف ومنعساتش غندوزلها وندوز ليا
سيف الدين::واخا لكن خللي زوج تاع ليݣارد يتبعوكم
شهناز::واخا
سيف الدين::متأكدة غتمشي نتي وختك
شهناز::أه متخافش وغنرجع بكري ليوم سبوع دراري
سيف الدين::واخا خللي تيلي تاعك حداك نعيطلك
شهناز::واخا
نزلو بزوج كانت راضية لابسة وشادة كنزة تاهي ملبسينها فطرو وطلعات شهناز دارت نقابها وخرجات هي وراضية نيشان لوبيطال أول حاجة شدو رونديفو عند طبيبة تاع ليبيبي هي اللولة وجلسو يتسناو
......يتبع