أحببتها حتى الهوس::"ذات_النقاب "♡ بالدارجة مكتملة ♡

الجزء 34

أحببتها حتى الهوس "ذات النقاب"🌹
بارت100
عند شهناز فالحمام
مدورين سطولة سلاو الحكان وليماسك ودبا تيغسلو فشعوراتهم مدخلات غا خديجة خت هيثم للي غرق فالحباسات دبا دخلات جلسات وحاضياهم ومغدد كانت مع صحاباتها مشافتش شهناز شافت غا راضية شهناز كنت منزلة شعرها قدامها وتتغسل فيه سمعات قوة الهضرة وهي تبدى تشلل فيه
خديجة(ناضت جات وقفات على راضية للي كانت عاد كملات شعرها)::طحتي بين يدي المجدامة أنا تدخلي خويا الحبس الموسخة
راضية::خديجة سيري أختي خوك دارها بيدو وهاوا تيخلص(بسخرية)سمعت بللي تزوجتي هه وراجلك نهار الأول سيفطك السبيطار ومجاش داك ومعقلش علك وشوهك فالدرب ونتي دبا جلسة مع مك
خديجة::بزاااف علك القح***
شهناز كانت رجعات شعرها اللور وتتمشط وتشوف فيها
شهناز::سمعتي بللي القح** متيعفوهم غير للي ديجا كبرو فحجرهم
راضية::ههه وراه مها هكاك الله يستر
خديجة::تانتي هنا (بسخرية) نتي بالضبط مدويش حيت أصلا وسخك طالي الدرب وهاوا تا راجلك لاحك فاش عرفك حاملة ببنت
شهناز::هاد سكينة خاصها الحريݣة غا غادة وتنشر فالإشاعات ولكن هانية اللهما راجلي يرجعني معزز مكرمة وتاحد معارف واش خلاني ولا لا ولا يجيبني من سبيطار منتوفة ويرميني فدار مي ويقولي سلݣوطة بقاولك غا العساسة تاع سبيطارات ههه
هزات خديجة الطاسة وضرباتها على راس شهناز للي مشافتهاش ولكن راه مع دربات مع ناضت راضية شداتها من شعرها وخشاتلها راسها فسطل ناض الغوات ودخلو الݣلاسات تيفكو شهناز شادة بلاصة الضربة حيت دازلها الدم منها خرجو برا كانت غا جرحة صغيرة مع الدم سخون بقا تينزل دواوها عاد دخلات كانت راضية عاد طلقات ديك العوجة للي ولات جفاف شهناز مقرباتلهاش كون جاتها وهي محاملاش كانت مع تضربها مع تنوض تديرلها كثر من راضية ولكن فاش فحصات مؤخرا قالتلها طبيبة حاولي على راسك من العصاب حيت راه غتولدي البنت بشي مرض ولا غتولد ميتة شدات راضية من يد ختها تا جلسات وصحابات خديجة هزوها خرجوها برا حيت سخفات
راضية::بيخير
شهناز::الحمد الله عندها زهر حاملة أما كون جلس عليها
راضية::بردت فيها جنوني كان خاصني نشويها نهار الأول للي زطمات عليا فيه زيدي نغسل لك شعرك باش تخرجي
كملو تمحيمتهم بالخف وخرجو لقاوها متكيا والبنات تيشربوها الحامض
راضية::الساك أختي
عطاتها الصاك وجاو بدلو
عند سيف الدين
حلاتلو كنزة دخل جلس وصيبات براد أتاي حطاتو معاه الحلوة والخبز وجلسات
كنزة::مرحبا بولدي قولي كلشي داز بيخير
سيف الدين::الحمد الله كلشي تفك وقاللي الفقيه الحمد الله تنصليو أما كون شحال هذا تمكن منا السحر
كنزة::الحمد الله كول أولظي شهناز دبا شويا وتجي راه مشات غا الحمام
سيف الدين::الراسها
كنزة::لا معاها ختها ووصيتهم ميديروش شي حركات متخافش
جالسي تا سمعو شي حد فالزنقة تيغوت كنزة طلات كنزة
كنزة::نعام أولد سكينة
ولد سكينة::خالتي كنزة بنتك الضاربات فالحمام مع بنت فطوم
كنزة::أويلي أويلي
دخلات تولول وسيف سمع كلشيناض مخنزر خايف على مرتو مفكروش أن راضية للي الضاربات حيت شهناز للي دمها سخون خرج بلا عقل طلاقا معاها جاية وبنادم يطال تا سكينة وقف قدامها تيقلب فيها لمح الضربة فجبهتها وتم غادي الحمام
شهناز(شداتو)::سيف أويلي فين غادي
سيف الدين::غادي نوريها تحط علك يدهاا
بزز باش شداتو وعنقاتو
شهناز::رجوع الله تهدن موقع والو توحشتك
سيف الدين::تا أنا (خاد.نفس عميق) عرفتي توحشت ريحتك وكنت مقطوع فاش مشيت
راجل سكينة::تبارك الله على بنت المختار تحاب فالزنقة مبقيتو تحشمو
سيف الدين::أشريف تتسالني شي حاجة مرتي اللهيجعلني نبوسها نتا آش دخل ملتك
راضية::شفتي كون ديتيها غا فمرتك للي نهار كللو مدلية من الشرجم كون راك راجل
سيف الدين::أه قولي ديك البرݣاݣة مرتو بفف لا حول ولا قوة إلا بالله زيدو نتوما
دخلو وخلاو معصب طلع جر سكية من شعرها وهي تتغوت وكلها العصى والجيران كلهم سمعو تا شهناز
شهناز::المسخوطة غيعطبها
راضية::سرها
جلسو فالمراح وجابتلهم كنزة الما
كنزة::آش قالتلك طبيبة أشهان مضاربيش خطر على البيبي ونتي متتسمعيش
شهناز::أرجوع الله مضاربتش كون الضاربت فنضرك خديجة غتبقا الداخل كون خرجو مها بلومبيلونص
كنزة::ايوا قالي ولد سكينة بنتك الضاربت
شهناز::الله يخليها قاعدة هو ومو تبرݣيݣ فالدم راه ديك خديجة جات تتهضر وجاوبتها معجبها حال غفلاتني وضرباتني بالطاسة دازلي الدم ناضتلها راضية شنتفاتها أنا مبغيتش نحط يدي فيها تنولد
سيف الدين::وناويا تولدي وتجي تفرشخي عباد الله
شهناز::لهلا يوريك صايبت لاليست على سميات للي عصبوني ومضربتهمش على ود حملي
بقاو بضحكو وشربو أتاي عاد ناض سيف الدين
سيف الدين::شهناز جمعي حويجك ويالله نمشيو خالتي الله يجعل البركة وبقاو تجيو عندنا
تسالنو وناضت راضية عاونت شهناز فحوايجها وسلمات عليها
سيف الدين::راضية غدا جي بكري باش تقادي ليضوسي قبل منجي
راضية::واخا كون هاني
خرج ركبو حل ليها الباب وعاونها تركب السيدة كرشها مبومبية وسد الباب ومشا حل الكوفر حط الفاليز وسدو ورجل ركب ونطالق
شهناز::شنو درتي فداكشي
......يتبع