أحببتها حتى الهوس::"ذات_النقاب "♡ بالدارجة مكتملة ♡

الجزء 24

أحببتها حتى الهوس "ذات النقاب"🌹
بارت70
خديجة::خويا بيخير ولكن كولشي منك الزرمونية نتي وختك جايين تحاماو وجايبين رجال
ولد خالها::حشومة هادشي والله مخاصكمش تخرجو العيب مع عائلة العريس
شهناز(تتݣفض فيدها وحاسة مزال بالوجع الخفيف)::شنااهو لا نتا لهي بالرب ومتزمو داك الدلقوش تنوريك حشومة الحشومة هو رعاوين يتزوجو بلالياتهم ولا نسيتو نفكركم الباب المترع والخارج مولود والداخل مفقود ونتا الرعواني مخليها تدخل للي بغات هي وختك تامن هاد رعاوين للي معاك مشاركين معاكم تريكة المسخ لعنة الله عليكم إلى يوم الدين
ولد خالهم::اييه جمعي فمك للي شاف النقاب يقول هنا نبات
سيف الدين::طلق طلق نوريه طلللق أزبل بالرب تنشرشمك مرتي الزاا** متحلش عليها فمك المراوات بيناتهم آش دخلك
جود::من الأحسن الأخ تسكت حيت لطقتو غيعاودلك الملامح
فطوم(دفعات دراري وتمات جايا مݣفضة لشهناز يسحابلها هي راضية لكن هيهات جات تا رحبة فليو وبغات تعطس ههه 😂😂
فطوم::تحل لك الفم أبنت كنزة ولكن حنا كبرناها لك أما نهار تغاوتي مع بنتي وضربتيها كنت نجي نشتف علك(كانت شحال هذا في الحمام شهناز فرشخاتلك خديجة)
شهناز::هه ضحكتيني أفطوم واللهيلا قولي هاكا كنتي تݣفضي فاش تترشقلك على ختي وأجي نوريك
جراتها من شعكيكتها تا طاحت مكربعة وجلسات فوقها وشادة يدها برجليها ونتوما عارفين شهناز الخيورات للي عندها العباية مع الجلسة طلعات جاب الله فاش مشات الدارهم لبسات سروال حيت كنزة قالتلها البرد ممزيانش الولادة تتعدبي بدات تتصرف فيها وحدة ورا وحدة وتنتف بغات تقرب خديجة وهي تشدها راضية للي من الأصل كانت مغددة عليها بداو يتناتفو بزوجات شادين شعر بعضياتهم وريهام تلفات مع متتعرفش الضارب معرفات شكون تفك بدات سهام تتفك فبنتها وكنزة تتفك تاهي فبنتها سيف بعد منو جود ومشا هز مرتو وتيفك فيدها للي فيها شعر فطوم للي تتغوت لربي للي خلقها يالله مقرب ليها هيثم وهو يجرو جود ودخل فيه براس طاح مغيب وولاد خالو ضريرين بيه
جود::رتاح ممسالينش لك دبا
مشات جلس تيشوف فيهم وشاد مرتو حداه تيتغزل فيها
جود::غزالي وأخيرا غتكوني ليا
ريهام::أويلي الناس مقربلينها ونتا تتفكر فهادشي
جود::وأنا مالي مرتي جنبي وخويا قاد بمرتو واللخرى مبيني وبينها تا صلة وأجي نقولك أزيني
سيف وأخيرا فك يد مرتو من شوية شعر تاع فطوم للي وجهها حمار بتصرفيق وتشعكات بدات تتبكي عاوناتها كنزة نوضاتها وجلساتها تتنحط وتنخصص
كنزة::شفتي قلتلك داك النهار فاش تبريتي بللي سلكيها راه لنزلات التاكليها وبقيتي تضوري تكلتيها دبا شفتي
فطوم::ياك أحتي كنزة وليت نتضرب وسط داري بالله تا نطلق ولدي من بنتكم
شهناز(شادها سيف وتتنطر)::باقا تا دوي أمريبة الفم واااش مزال محشمتي نجي نهرس والديك
زماتو فطوم وسهام كانت فكات خديجة وراضية وجرات بنتها وتمو خارجين تا سيف هز مرتو معاجبو حال وهي وتتنطر حمر فيها وهي تبت عمرها شافتو معصب هكا ونضرتو مفشكلة خرجو لقاو الجوقة بنادم تيطال
جود::يالله للي عندو شي دار يمشي ليها
تفرتكو وهو جر مرتو مشا ركبها اللور وهو ركب فبلاصة الشيفور علاش حيت سيف كللو تيترعد بالعصاب
شهناز تتحس بيه تيترعد عرفاتو معصب بزاف وتكمشات فيه بالخصوص حاسة بالوجع تيتزاد وقف سيف وهز راسو الفوق ساط عاد دوا
سيف الدين::راضية باقا باغاه راجلك ولا ناويا تطلقي
راضية::لا بغيت براتي صافي مستحيل نكمل
سهام::أويلي واش هبلتي صبري أصلا شكون غيصرف عليك وفين غتجلسي
شافت فمها بصدمة حسات بوخزة فقلبها وااه هادي مها للي تتشوف فيها
سيف الدين (حرك راسو)::واخا هاد الأيام غتطلقي وغندمو على أي حاجة دارهالك كنواعدك أما بالنسبة الخدمة قالتلي شهناز عندك الديبلوم في السكريتاريا لبغيتي تكوني سكريتيرتي لبغيتي تبداي غدا مرحبا
كنزة(طبطبات على ظهر راضية)::وأنا جي جلسي معايا
سهام::هاكا حسن فوتيني غا أنا وداري ودبري راسك بغيتي تطلقي طلقي
مشات وخلات راضية تتشوف ودموع تجمعو فعينيها شدات فيها كنزة
كنزة::متديش عليها يالله نمشيو ترتاحي راك عيانة
جرات الفاليز من بعد مودعات سيف ومشاو سيف الدين مدواش حدو ودعهم تاهو ومشا بشهناز الكوموبيل حلات ريهام من الداخل وهو دخلها حطها جنب ريهام وسد الباب ومشا البلاصتو
....يتبع