أحببتها حتى الهوس::"ذات_النقاب "♡ بالدارجة مكتملة ♡

الجزء 57

أحببتها حتى الهوس "ذات النقاب"🌹
بارت177
نطالق سيف مكسيري وفهد اللور مورك على فين تطعنات أما دراري لقاو القبض على صلاح وطه وتا منى للي كانت حاضرة لكن مخبية فواحد البرميل كانت تتسجل فيهم باش تسيفط العفراء الساعة حصلها أسامة وشدها تصرفيق للي كلات من عندو مكلاه حد ݣاع الفقصة خرجها فيهم داوهم كلهم التحقيق وعرفو بللي راضية تضربات
وصل سيف الدين المشفى ودخلو راضية كحالة مستعجلة نيشان لغرفة العمليات
عند شهناز
بقات فالقصر بكن قلبها ممهنيهاش بالخصوص فاش عيطات لسيف ومجاوبهاش سمعات الدقات وجات حلات الباب أصلا كانت دايرة زيفها
شهناز::شنو بغيتي
عائشة::نور الهدى التحت وبغات تشوفك
شهناز::واخا هانا جايا
قربات طلات على بنتها ناعسة عاد نزلات لقات العائلة مجموعين ومكيناش نور الهدى للحضة قلبها نقز على بنتها طلعات تتجري فدروج ناسية حملها قبل متوصل البيتها حسات بخبطة على راسها كانت نور الهدى مولاتها جراتها داتها لواحد الباب سري كين فالقصر تاحد معارفو هو على شكل بيت وعازل للصوت خشاتها تما وربطاتها عاد خرجات تتقاد فشعرها
عند سيف الدين
كان معاهم فلوبيطال وعيط تا الدار علمهم ولكن للحضة شد جيهة قلبو حس بيه بحالا غيخرج من بلاصتو معرفش مالو
في القصر
غير عرفو ناضو يمشيو وراجية تاهي بدات تتبكي طلعات تدق على شهناز ناويا تقولها الخبار لكن مامن مجيب حلات الباب غير حلاتو تسمع صوت كنزة تتبكي على جهدها وبحكم الغرفة عازلة للصوت والباب مسدود متسمع والو دخلات راجية هزاتها تتسكت فيها وتتقلب على شهناز في البيت ملقاتهاش تا فالدوش والو خرجات هازة كنزة يالله نازلة تا لمحات فطريق براسلي تديرها شهناز هزاتها مستغربة وبدا الخوف يتسلل الكيانها بدات تتغوت على رجال للي كانو تجمعو التحت باش يمشيو لوبيطال هبطات عندهم وتتبكي
راجية::أهيئ 😭 محمد شعناز مكيناش أهيئ 😭
تصدمو طلعو يقلبو ووالو جلسات راجية تتسكت فكنزة وفاشلة
عند سيف الدين
بقا معاهم كانو تا دراري وصلو عليهم بقاو مدة وسيف غا ساكت حاس بشي حاجة مهياش وتيتسناهم يجيو خرجات الدكتورة
الدكتورة (تتحيد الكمامة)::البنت الضربات ضربات متابعين إضطرينا نزولو جزء من الكبد حيت تصاب إصابة خطيرة ودبا الحمد الله قدرنا نعتقوها لكن غتبقا أسبوع تحت الحراسة ومغتفيقش حيت غنبقاو نعطيوها مخدر حيت لخليناها غتفيق وغتحرك وممكن يتسبب فخطر أكبر
فهد::الحمد الله واخا منين غنشوفها
الدكتورة::من الزاجة مي متبقاوش بزاف
مشات اما سيف طبطب على صاحبو وقنعو يمشيو يبدلو حالتهم وافق ورجعو كاملين القصر مع الدخلة تيبانو رجال مكشكشين سيف قلبو بدا يتقبض أكثر فأكثر دخل مسرع وقف على مو للي هازة بنتو معنقاها
سيف الدين::فينها شهناز دويو
سعاد::هربات
ضياء(بدات تتبكي)::خويا لقينا غا ݣورميطتها معرفناش فينها قلبنا القصر كللو سفاه على علاه
سعاد::سكتي نتي قالاك راه باينة هربات أصلا نعار اللول قلتلكم متليقش ليه ونتوما راسكم قاسح
يالله غيدور فيها راجلها وهو يجي آدم تيجري
أدم::عمو عمو لقيت هادي فبيتك كنت تنقلب على خالتو شهناز ولقيتها
شد محمد الجوا للي كان ماد أدم لسيف للي واقف ساكت ويدو تيزير فيهم حل محمد جوا وبدا تيقرا عليهم
محمد::سيف الدين أنا مبقيتش قادرة على هاد الحياة معاك نتا وعائلتك كل نهار مشكل مرة بنتك مرة نتا ودبا حاملة مغنقدرش نبقا نخاطر براسي نتمنى تعيش أحسن أنا راه لقيت للي يبغيني ونبغيه شهناز
سيف الدين جر البرا من عند باه تيشوف فالخط هو عارف خط مرتو مستحيل يتلفو وهذا خطها متأكد مليون فالمية كيفما متأكد أنها مستحيل تخليه وتا إلى خلاتو متخليش بنتها
سعاد::هاا للي قلت
سمية::والله إلى عندك الصح بالله تا طلعات متتسواش
سعاد::شفتي أراجية قلتهالك قبل ميتزوجو
جود::غتتتسكتي لا
سعاد::ديها فراسك مالي داويا علك راه داويا على مرت خوك للي مرمدات راسنا فالأرض
سيف الدين سرعان ما مشا داك البرود كمش الورق ودار مشا يجري معرفوه كيف وصل لمرت باه دبهالها بقجة تا وجهها زراق وغوت فوجهها
سيف الدين::كنقسم بالرب العالي تا موتك غيكون على يدي أمرت الوليد
بداو يجرو فيه وتا لؤي للي واخا معرت شنو يوقع تتبقى مو
لؤي::زݣااا أسيف طلق
طلقها سيف بدات تتكحب قرب سيف لعند بنتو للي تتبكي خداها المو وطلع بحالو البيتو بعدا عيط لخدامة تجيبلو بيبغو مقادة لبنتو حط بنتو فسرير قلبها واش دايرة شي حاجة لقاها مخصرة الكوش عاود صايبلها وقادلها ولبسها دقات الخدامة أدن ليها بدخول دخلات وعطاتو البيبغو وخرجات وسدات الباب حط هو شويا الحليب على يدو لقاه دافي عاد هزها رضعها كمل ليها وهزها تا تݣرعات عاد دارها فحضنو تيراري بيها تا نعسات عاد حطها فسريرهم وكالاها بالمخاد وناض تيقلب فبيتو على تيلي تاعها لقا تيلي تحت الكوافوز هزو لقاه شاعل هزو حللو عارف الكود قلب فالكالوندغيي كان مكتوب اليوم غيسالي كلشي وغيرجع سيفي نصالحو هز راسو الفوق حابس دموعو هاد الكتبة كانت كفيلة تعرفو أنو مهرباتش ومعياتش منو وخا مشكش أنها خانتو لكن خاف تكون مشات حيت مخاصماه
......يتبع