أحببتها حتى الهوس::"ذات_النقاب "♡ بالدارجة مكتملة ♡

الجزء السابع

أحببتها حتى الهوس "ذات النقاب"🌹
بارت19
        ✨فدار البناني✨                
شهناز لبسات قفطان مع شال والنقاب ورفضات تحط مايكاب نزل باها فاش وصل الوقت هو ومرتو وبنتو مكرهاتش تجري عليهم ولكن مها طلباتها وهذا السبب لاش بقات ساكتة دخلات البيتها هي وريهام سمعو زغاريت برا طلات ريهام
ريهام:هه عدوستك فرحانة بك أزمر تتزغرت وتعاود هاهما غيدخلو ويلي الدرب كلو يطالو هه مساكن أيتفقصو بقاو فيا
شهناز:تي دخلي راه أصلا فيا الخلعة وا الباك اعباد الله ومحسيتش بهاد الخلعة
ريهام:هه عادي عرفتي والله إلى عريسك زوين
شهناز:كوني تحشمي راه مزال مقبلت
✨عند الجرموني✨                
وصلو الدار وغنزلو وبدات راجية تزغرت وتبعاتها رقية تمو داخلين وهازين الورد والكادوات تحل الباب ورحبات بيهم كنزة وتا المختار للي تيقلب غا كيفاش يتفك أما مرتو بقات جالسة هي وبنتها تيتفرجو غا شافتو راضية وهي تهمس المها
راضية:هذا للي قلتلك عجبني ياكما هو للي غيخطبها
سهام:محال وجهها وجه واحد شمكار
بداو تسلام وسهام تبعكك وسعاد نفس الشي
فاطمة(بهمس):شكون هادي للي تتبعكك واش مت العروسة
راجية(بنفس الهمس):لا مها هي للي رحبات بينا في الباب هادي مرت باها
رحمة(سمعاتهم وهمسات ليهم):ايوا شوفلكم تا سعاد كيف تبعكك ناري بزوجهم وجههم قاسح
كنزة:مرحبا بيكم
دليلة:ترحب بك الجنة أبنتي
جلسو وجابت كنزة أتاي والحلوة وخرجات تا ريهام سلمات وعوناتها أما سهام وراضية جالسين منفخات
جود عاود غمز ريهام تيعجبو يشوفها مزنݣة هي غا غمزها وجهها حمار ومشات دخلات لبيت شهناز مبقات خرجات رياض شاف البلان وقرب حداه ودوا
رياض:اداك ها يشوفك خوك يديرلك محاضرة تجمع شوية
جود:هه وتيعجبني نغيضها
سلمى(نغزات راجلها تا شاف فيها):غنمشي عند البنات ياك عادي
رياض:اه غاسيري
ناضت ومشات نيشان البيت دخلات عليهم
سهام:ويلي فين مشات البنت
كنزة:الدار دارها راه صاحبت بنتي قبل متكون من عائلة العريس
زمات سهام فمها وتتوعد الكنزة بالشر
محمد:ندخلو في المعقول سي المختار حنا جينا طالبين راغبين فبنتك المصونة لولدنا سيف الدين
راضية اقال سميتو هزات عينيها مصدومة وتتنغز في مها
سي المختار:مرحبا بيكم وحنا قابلين
دليلة: لا أوليدي عيطو على العروسة نشوفو واش قابلة
المختار محاملش يستشار معاها باغي نيشان يصدرها ولكن ضروري يديرلهم الخاطر
المختار:راضية نوضي عيطي الختك
ناضت راضية تخبط محاملاش الوضع دقات في الباب وهو يتحل
عند شهناز
جالسة على أعصابها مخلوعة وخيفا تكون تسرعت
ريهام:هوف هانا جيت
شهناز:مالك حمرة
ريهام:ها والو والو نساي عليا هادشي هه مرت بات العريس جالسة وتنفخ ومرت باك تانتي نفس الشي عرفتي هربوه ليا
شهناز:هه تتوحلي امع الطيابات أما مالين العرس راه مطمرين
ريهام:وهانتي تشوفي
داز غا شوية وتمات داخلة سلمى
سلمى:عروستنا وأخيرا أتعيشي معايا هه
شهناز:مزال مقررت واش نتزوج بيه ولا لا
سلمى:يشويني فيك سيف الدين راه هو المتدين فخوتو وزيدي عليها داخل سوق راسو وضريف يناسبك والله
شهناز:معرفتش خفت يطرالي بحال ماما
سلمى(جلسات حداها):شوفي ماشي كلشي فحال باباك كين حجر وطوب وعلى حساب ربي وفيمن طيحك شوفي غا أنا ورياض
شهناز:يا خوفي نكون تسرعت ولا عرفتو شنو مبقيتش خارجة نتي عاد مزوجة وضروري أتكوني معاه مزيان
سلمى:أويلي على البنت بلاتي نتي تليقلك غير رقية هي للي دوزات بزاف في زواجها
ريهام:صبري هنا أنا نكلم رقية تعطك رأيها
خرجات وخلات سلمى مضاربة مع شهناز للي بغات تحيد حويجها وتكا قالك مبقات باغا زواج مع حلات الباب لقات راضية واقفة تدق جراتها ومشات بيها الصالون
ريهام:غا جلسي أنا دبا غنجيبها
راضية:هنيتيني
.....يتبع