أحببتها حتى الهوس::"ذات_النقاب "♡ بالدارجة مكتملة ♡

الجزء 13

أحببتها حتى الهوس "ذات النقاب"🌹
بارت37
سيف الدين::ماماك طاحت من دروج ودبا هي فلوبيطال
شهناز::مااما الله ياربي نوض نمشيو
وقفات خارجة وتتبكي تا شدها من يدها
سيف الدين::لبسي غنتسناك باش نمشيو عندها
دخلات بالزربة لاحت عليها عبايتها وفولارها ونقابها وخرجات عندو مشاو نزلو كانو غا الكبار للي فيقين
راجية::صباح النور
سيف الدين::الوليدة يالله معانا خالتي كنزة فلوبيطال
راجية غا سمعات هكاك وتبعاتهم بلا متقولها لشي حد ركبو ونطالقو وصلو الأوبيطال القاو المختار تم هو وراضية وسهام دخلو يتجاراو
شهناز::شنو واقع شنو قال طبيب
المختار::والو قال غا توعتات في رجلها
شهناز مدواتش معاه مشات دخلات عند مها هي وراجية كانت فيقا
شهناز(تتبوس راس مها)::ماما الحبيبة كيفاش طحتي ياكما هما دارولك شي حاجة
كنزة(بحنان)::الخوافة موقع والو راه طلعت نجيب نشير وتلواتلي رجلي فاش جيت نازلة
شهناز::ديما تنقولك مطلعيش فدوك دروج خيبين
راجية::ونقزتيها العفريتة على سلامتك
كنزة::هه عمري طويل
دخل سيف سلم عليها وعيط المرتو خرج معاها برا
سيف الدين (تيشوف فساعتو)::حياتي أنا عندي مرافعة وتعطلت هاكي سوارت طموبيل عطيهم الماما باش ترجعو الدار وبقاي جنبها صافي
شهناز::واخا الله يديك على خير
سيف الدين::أمين
هو مشا وهي دخلات بقات مع مها تا قادو أمور المشفى وجابو ماكلة كلاو عاد خرجوها كان المختار مشا هو وعائلتو عيات راجية هي وشهناز بطليب فكنزة تجلس معاهم وهي حلفات لخرجات من دارهم قالك بغات تبقى تم بزز باش قتانعات شهناز وداوها الدار ورجعو هما القصر دخلو مع وقيتت كسكروط
شهناز(حيدات لنقاب)::السلام
الجدة دليلة::وعليكم السلام فين كنتو صباح خرجتو ومقلتولنا والو
راجية::خالتي راه كنزة مسكينة طاحت من دروج وكانت فلوبيطال وغير سمعنا الخبار ومشينا بلا عقل
رقية::وكيف بقات دبا
شهناز::الحمد الله
فاطمة::وكون غاجبتوها تبقى معانا
راجية::عينا فيها ومبغاتش
بقاو على جماعة تا وصل الليل ودخلو العيالات الكبار وجدو العشا وبقا غا البنات في الصالة
رقية::شهناز عيت نعيط لريهام ولكن متتجاوبش
شهناز::تانا فصباح فاش وقع الماما هاد الحادثة عيطتلها كثر من عشرة المرات متتجاوبش
عائشة::ايوا البنت بغات تعطك التيساع وفوتيها
شهناز::بغيت غا نفهم واش دويت معاك قلتلك شي حاجة ودخلي سوق راسك وحتارميني شويا قبل منكون مرت خوك راني كبر منك
آية::ايوا باغا نحتارموك من البدية متدخليش بين خويا وبنت خالتي
رقية::البنات بردو صافي
لمياء::رقية خليهم يدويو عندهم الحق أصلا معرفت سيفي آش عجبو فيها
ضياء::البنات براكا
آية::ضياء مدوا معاك حد ودخلي سوق جواك
سلمى::البنات زدتو فيه وبلا قياس بعدو من البنت شويا
لمياء(تتميق)::ماشي نتي السرباية ويلي تانتي تحل ليك الفم ولا نعدرك طحتي على دجاجة بكامونها ضربة ولا في الأحلام
أية::هه أصلا قالوها زمان لبغيتي تزوج ولدك شوف نسابك وهي مكينش عندها للي نشوفو قتلاتهم بالفقصة ههه 😂
ضياء::أييية
سلمى معجبهاش الحال من الهضرة للي تقالت لا وللي زاد محملاتش هو عائشة وأية للي مساندينها وزيدي موضوع عائلتها وقفات معصبة ومشات البيتها وعينيها عامرين دموع هي ماشي حساسة ولكن مللي تيحك عليها شي حد تتقلق
رقية::البنات عيقتو وغيجي رياض وغيتفاهم معاكم غا عقلو
لمياء::ختي رقية تنحتارموك فمتدخليش أصلا هما سهاو ونساو راسهم وقيمتهم
عائشة::واللهيلا وحدة سرباية ومعندهاش تا العائلة واللوخرى عائلتها مخلاو فيها غا للي نساو
شهناز::أسمعي أديك المنتوفة راه محتارماك غا حيت مفيا منجبد شي مشكيل ولكن حدك تم مزال تجبديني نجبدلك فادك أنا ماشي سلمى الغزالة للي غنمشي نتسنى راجلي يجي أنا ندمك قبل ميجي
فهاد الوقت كانت سعاد جاية وسمعاتها شنو قالت
سعاد::ايه زيدي مزال نوضي نتي ضربيها أقليلة ترابي ولكن نعدرك وحدة ممربياش آش نتسنى منها
شهناز::أنا طالعة البيتي حسن منبقاو نتجابدو هنا ونولي ناتفة شي وحدة
طلعات وخلاتهم يبخو رقية بقات جالسة وحاطة يدها على خدها أما أدم فتيلعب فبيتو بالبلاي
.....يتبع