أحببتها حتى الهوس::"ذات_النقاب "♡ بالدارجة مكتملة ♡

الجزء الثالت

أحببتها حتى الهوس "ذات النقاب"🌹
بارت7
عند شهناز
وصلو دخلو لبسو الطابليات وبداو الدراسة تاتيتسمع الغوات خرجات شهناز هي وصحيبتها قدقد شافو فبعض وتلجهو لباب الدخلو لقاو شي ولد شادو الحارس تاع الباب ومرتو تتصرفقو وهنا السيدة شهناز طلعو ليها الݣناوة مشات تجري شدات الدري وراها
شهناز: واش هبلتو إنا حق عندكم تضربو فالولد ونتي شكون وآش دخلك المؤسسة
مرت الحارس(زوبيدة):أنا مو
شهناز:وتكوني تا جداه معندكش الحق تضربيه ريهام خرجي الولد من المؤسسة وقولو يعطك نمرة والديه حيت باينين ماشي ولديه الدري تيترعد وأنا أنعطي الدراري تمارين وتا فقسمك باش يتلاهاو
ريهام:اه واخا
جرات ريهام الدري للي كان آدم وخرجات بيه جراتو غادا بيه تشري ليه الما تا حسات بالدري طار من يدها وشي حد تيقلب فيه خلعها مللي بدا تيغوت عليها وعينيها غرغرو
سيف الدين:شكوون نتي وآش قربك ليه
ريهام:أنا مدرت والو غير تنعاونو أنا استاذة هنا
سيف عاود شاف فآدم وحناكو حمرين وسولو وعاودليه آدم أن ديك مرت الحارس صرفقاتو وأن زوج أستاذلت عاونوه هزو سيف ومعصب شاف فيها
سيف الدين:سمحيليا ضنيت فك سوء عفاك الإدارة ديني ليها
تامات غادة وهو تابعها دخلو الإدارة تاتيسمع صوت أنتوي تيدوي دخل وكانو نيت مجموعين تم أول ما لمحت عينو هو بنت منقبة وتتهضر وباينة معصبة قدر يفهم من هضرتها أنها تدافع على آدم
شهناز:تاااواااش تخورجتي فعقلك تتقوللي عادي واسمعني اسييي المدير راه لجاو عائلتو أنقولهم الحقيقة ومغنخبيش وشفتي تا إلى مجاوش أنا انسول الدري ونعيط ليهم نتا دباا ترضى ولدك يديرو فيه هكاا هذا راه الظلم والسكوت على الظلم جريمة لكانو موالفين يفطيو على وسخهم أنا لا ولكانت عندها عداوة مع شي حد تمشيليه متقربش لدري صغير
المدير:حتارمي راسك ولمنفدتيش آش قلتلك وتسترتي فغتطردي
شهناز:وميشرفنيش نبقى معا موسخين بحالكم وشفتي غا عائلة الولد والله إلى أتعرف وأنوقف معاهم وأنرفعو دعوة وغنشهد وهاد الخدمة أسي راه نتا محتاجني ماشي أنا وعطا الله المدارس الله يقلل من مثالك تفوو
المديير(هز يدو يصرفقها محس تا شدها شي حد وورك أشافو صفار):موس موسيو سسيف الدين
سيف الدين:وتتمد يدك على بنت تتستقوي على مرأة وضارب ليا ولد خويا تبارك الله داكشي للي بقا أنا راه مأنتجابدش معاكم بيناتنا المحاكم ومتنساوش راسكم معامن طحتو وغدا منصبك أيمشي ولقدرتي طرد شي واحد طردو ووريني
المدير:اا لا راه كنت انعيط أسمعني
شهناز:وبااز من صباح ونتا تخرج فعينيك غا جا هو تدهشتي وبعدا أنا خارجة خارجة من الخدمة واللهما نخلصك على هاد تمارة للي ضربت ورفعان اليد عليا
هزات واحد الكاس وعطاتو الرلس بلا محنة راه شهناز هادي وفاش تتشوف الظلم تتوللي غا معصبة حيت عاشت الظلم وتكونات عقدة نفسية عندها وكانت تمنات شي حظ يعاونها
المدير:اااه أندعيك الموسخة
شهناز(ببرائة):اووه ماي سيدي ربي تقسحتي أزلقلي الكاس اووه السيفي تاعي هذا همم تتمنظر مزيان(هزاتو هو وتاع صاحبتها ومداتهم ليها)ودبا دعيني بالوصف حيت مأتعرفنيش وبالنسبة لريهام فراه متتعرفنيش ريهام تتعرفيني
ريهام:شكون نتي اختي
شهناز:شفتي ودبا شرب البحر وهاد المدرسة تاتحيد منها نتا ونرجع ليها تشاااو اه وبالمناسة السمطة تضور والبزيم تيقسح رد بالك حيت للي تديرو دبا أيرجع لك على الله ميخرجش فولادك
مشات وخلات سيف وراها مصدوم مكانش متوقعها تدير ليه هكا
هي غا خرجات وهزات شكارتها وودعات التلاميذ وصاحبتها نفس الشي أخرجو وعطاو رجليهم الريح وشهناز أمازادت ضراتها رحلها موقفو تال راس الدرب
شهناز:هووووف عيت الله يعطيه موصيبة خلانا نجريو
ريهام:ناري يختي ضروري من صداع مزال مسخنتي تا بلاصتك فلقتيه
شهناز: هههه 😂😂 وهو للي قالك رفع يدو على لالاه يسحابلو أنسكت ليه بربي تنحرو نحير جمل زيدي لداركم مفيا منتحرك رجلي ضروني
ريهام:أنا الخلعة فشلاتني أنمشي لدارنا
نفاصلو تم وكلها رجعات الدارهم كانت العشرة ونص ديك ساع وصلات الباب عمارتهم ولقات الحرات جالسين حدا بابهم ومعندها منين الدوز والظاهر الجارات مناوينش خير
شهناز(بصوت هادء):ممكن ندوز أندخل
عقلتو على الجارات تاع قبيلة وراه هما نفسهم غا سكينة ممعاهمش
الجارة3:شكون نتي وأصلا حنا تنتحتو سيري قضي حاجة تنكملو
الجارة2 غا حاضية شهناز وتمصمص في فمها وشهناز النظرات تاعها مخفاوش عليها وشمأزات منها
شهناز:أختي الدار دار بونا وعبيد بونا تيطردونا هي تاعتك هادي خلينا مزيان ونوضي راه عار الجار على جارو وجارك قبل دارك
الجارة1:اهاه عندك الصح ابنيتي دوزي
ناضت وخلات ليها منين الدوز ولكن داك الثالتة ممسروطاش ليها شهناز وقفات قدامها و فعاتها
يالله شهناز ݣفضات تريشها وهي تطل كنزة كنزة للي كانت تتنصب فالغدا سمعات كثر الهضرة وطلات أشاف شهنا وهي تبدا تولول عارفة لناضت مأتعقل على حد وهي تغوت من الفوق
كنزة:بدييعة تفرقي ليا من بنتي بلاما نهبط لك
بديعة بعدات من طريق وراه فايتة واكلة قتلة من عند كنزة طلعات شهناز وقبل لاحت الهضرة
شهناز:عوض ماتجلسي تبرݣي سيري الدارك وقابلي راجلك باش ميهزش عينو فوحدة خرى ونزيدك للي غرو الشيطان وزرع فقلبو حسد عند ربي حسابو طلعات وخلاتهم....يتبع