أحببتها حتى الهوس::"ذات_النقاب "♡ بالدارجة مكتملة ♡

الجزء 17

أحببتها حتى الهوس "ذات النقاب"🌹
بارت49
تعاشات العشية ووصل الوقت علاش التافقو خرج سيف الدين من الخدمة ركب فسيارتو وجا تا خوه ركب معاه ونطالقو الوجهة دار شهناز وصلو وعيط سيف غير فالتيلي ليها لقاها واجدة غا عيط خرجات هي وريهام أما راضية خرجات مع كنزة المارشي
شهناز للي من فاش علمها سيف وهي تطلب فريهام تخرج معاهم بزز تا قبلات وقالتها تا الراضية لكن كانت ديجا متافقة هي وكنزة يخرجو يتقداو من المارشي
ركبات شهناز اللور هي وريهام بعدما لقاو السلام
طول طريق وريهام ساكتة شهناز للي مرة مرة تدوي وصلو الريسطو هبطات شهناز هي وريهام للي معكزة عليها ودخلو الريسطو هما القدام ودراري وراهم جلسو وطلبو آش بغاو ريهام غا ساكتة تا الطلب طلباتو غا شهناز تحط الأكل كلاو وهادشي كلو مزال مدوواش كان الريسطو جنب البحر ريهام نقبات غا شوية وبعدات
جود::كولي
ريهام::شبعت الحمد الله
سيف الدين::شهناز أجي معايا نزلو شويا البحر
شهناز::هه واخا نوض ريهام تمشي
ريهام::لا غا خليني جالسة وسيري
شدات فدراع سيف ومشاو البحر بما أن البلاصة للي كانو فيها في الريسطو تطل على البحر فريهام بقات حاضياهم كيفاش منساجمين بتاسمات بلاما تحس فرحانة لصحبتها وبزاف على الأقل وحدة فيهم لقات للي يناسبها فاقت من سهوتها إثر جود للي جلس جنبها وهضر ضارت شافت فيه مبتاسمة
جود::تيبانو زوينين
ريهام::اه وبزاف
جود(حنحن)::بصراحة كنت باغيك فموضوع هام وهذا سبب هاد الخرجة
ريهام::الله يسمعنا خير
جود::غير الخير إنشاء الله أنا بصراحة من أول ما شفتك عجبتيني وكنت ناوي نفاتحك في الموضوع ولكن معرفتش كيفاش المهم بصراحة أنا ناويك الحلال
كمل هضرتو وحك عنقو بإحراج حيت مكانش ناوي يرميها هكا ولكن التوتر دارها
ريهام (مدة بقات ساكتة تا شافتو غيعاود يدوي وهي تهضر)::لا مموافقاش
جود(وسع عينيه بصدمة)::كيفاش ولكن أنا
ريهام(وقفات مخنزرة)::نتمنى الموضوع يتسد هنا وممحتاجا تاحد فحياتي
مشات خارجة وخلاتو جالس مصدوم وحاس بشي حاجة تهرساتلو الداخل دبا هي رفضاتو علاش تدارك أنها ناضت وهو يحط الفلوس وتبعها بقا وراها مقربش مقاد على قمعة أخرى هي نزلات وقفات على سيف الدين للي كان جالس في الرملة هو وشهناز
S&C......🥀
شهناز::علاش خرجنا وشنو قدية خوك عينو مزولهمش على ريهام
سيف الدين (عنقها جنب)::هه عرفتك أتلاحضي جود من أول مرة شاف صحبتك عجباتو واليوم ناوي يفاتحها فموضوع زواج يعني ناويها حلالو وبانلي حشمان وحنا كينين قلت النوضو ونخليوهم يختاليو ببعض ويقول شنو عندو
شهناز(بفرحة)::يااي إنشاء الله ربي يكمل عليهم
جلسات هي وسيف الدين فالرملة ومتكيالو على كتفو وتيضحكو ويتعاودو على شنو تيديرو فاش تيكونو بعاد على بعض تا وقفات عليهم ريهام هزو فيها راسهم بانتلهم مغوبشة عاد بانلهم جود وراها وباينة فيه مقلق وقفو
ريهام::يالله نمشيو عيت ولا شدولي غا طاكسي وبقاو نتوما
شهناز::لا غنمشيو كاملين
زادو القدام وشي مدوا شي ركبو ورجعو الدار فصمت هبطات ريهام هي اللولة نيشان الدار أما شهناز بقات جالسة
شهناز::جود شنو واقع
جود(تنهد):: صحبتك رفضات زواج بيا ومباغانيش نجبد معاها الموضوع
شهناز::ولكن هي كلما كنا تندويو علك كانو عينيها تيلمعو وكان باين بللي معجبة بك وكنت ديما تندعي متعلقش لتكون نتا متتبغيهاش متأكدة كين سوء تفاهم
جود::نتمنى دوي معاها وجاوبيني
سيف الدين:: يالله أشهناز تهلاي فراسك
هبطات شهناز بعدما ودعاتهم مشات دخلات الدار لقات ريهام مبدلة وجالسة مع كنزة وراضية تاهي مشات بدلات وجلسات جنبهم مدواتش فموضوع ريهام بقاو غا شويا تا وصل وقت نعاس كلاو دي سالاد ودخلو ينعسو ولكن شهناز فتاتحات الموضوع مع ريهام
شهناز::علاش رفضتي عرضو
ريهام::مباغاش ندوي في الموضوع نساي
سكتات شهناز ومدواتش بغات تعطيها وقت تفهم راسها عاد تعاود تدوي معاها
.....يتبع