أحببتها حتى الهوس::"ذات_النقاب "♡ بالدارجة مكتملة ♡

الجزء 52

أحببتها حتى الهوس "ذات النقاب"🌹
بارت157
حل الباب ودخل لقاهم مجموعين
فهد::لقينا شهناز
جود::الحمد الله شنو وقع فين لقيتوها زعما واش بيهير
فهد(جلس)::إيوا فاش دخلنا عاود الغابة لقينا كوخ فالوسط وو...(عاودلهم شنو وقع وشنو قالتلهم طبيبة)إيوا خوك قرر يفصل راه قالي نجيبلو بنتو
راضية:: الحمد الله واخا غنوجدلها كلشي ودينا عندهم نعطيهم البنت ونرجع الدار
فهد::واخا
ريهام::الحمد الله بعدا جود واش غنرجعو القصر
جود(حك دقنو)::غنرجعو اليوم ولكن غدا غنمشيو الدارنا بمعنى غنسكنو الراسنا
ريهام::ويلي علاش
جود::كنت مقرر نفصل شحال هذا وسيف كان مقرر قبل مني ولكن أنا قلتلو ميفصلش تتولدي ونفصلو أنا وياه إيوا بعد شنو وقع توقعتو ميخليش مؤتو وبنتو تم وتانا منغامرش بك
ريهام::أه فهمتك ولكن
جود::صافي هضرة وحدة
ريهام::واخا
راضية جمعات حويج كنزة بعدما بدلاتلها ولبسات وهزات ساك كنزة فيد وكنزة فيد عاد خرجات عند فهد
راضية::مشينا
فهد::واخا يالله
خرجو ركبات فلوطو ولكن اللور على ود البنت وهو ساق ومتاجه لدار سيف أما جود غير مشاو جمعو بالزهم وتاهما نطالقو القصر
بعد شويا الوقت وصل فهد الدار لقا ليݣارد مطوقين البلاصة شافوه مباشرة تاصلو بسيف حيت عطا أوامر باش تاحد ميدخل وخا يكون من العائلة
S&C......💐
إبتعدت الأجساد ولكن الأرواح ببعضها تشبتت فلا الكلمات ستوفي حقك ولا التعبير يمنح مكانتك فأنت النور وسط العتمة والتوبة وسط المعصية أنت منتقبتي الفاتنة بعينك أسكرتني فحلال عليك تعلقي بك

وصلو كانو ليݣارد مطوقين المكان كان علمهم فاش فاق فالمشفى يتصافو أماما بيتو
الݣارد::مسيو سيف الدين أمنا كلشي وتاحد مغيعبر السور
سيف الدين::مزيان
قرب لشهناز حل الباب وبغا يهزها لكن مخلاتوش
شهناز::لا مغتهزنيش أصلا موعت فكتفك غا عاوني نتمشى
سيف الدين::لا غتوعتي كثر
شهناز::لا دويت
تنهد وعاونها نزلات وشد من خصرها باليد للي مضاراهش وهي حطات يدها بدزو على دراعو للي شادها بيها وتم غادي معاها دقة دقة وخا توعتات مقالت والو وهو حس بيها وهزها من خصرها بيد وحدة وتم غادي توصل الأسانسور طلع وهي وقفات مكالية عليه غير تحل وهزها دفع باب العربة ودخلها حطها فوق سرير وجلس تيرد النفس
شهناز::سيف فاش دخلنا بانولي الخدامات إمتا لحقتي تجيبهم
سيف الدين::ديجا كنت مخطط ننتاقلو هنا بعد ولادت ريهام وكنت حطيت خدم ينضفو الدار ويقادو كلشي تا الحوايج كنت فينما تنخرج تنشريهم ونجيبهم يرتبوهم
شهناز::هه كنتي معول
سيف الدين::إيه أمنتقبتي
تكا تيشوف فيها وهي تتشوف فالبيت ومبتاسمة حطات يدها حيدات نقابها وزيفها تطلق شعرها ناضت بشوية
سيف الدين::فين غادة رجلك مزال متقدريش توقفي بيهم
شهناز::ندوش شوف حالتي كيف ولات
سيف الدين::تانا وليت حالتي ندخلو ندوشو بزوج
شهناز::لا
سيف الدين::لا الزين أه
جا هزها بيد وتيضحكو دخلها الدوش حطها فو واحد الحيد تما تاع رخام
سيف الدين::تسناي نجبدلك شنو تلبسي ونجيب الفوطة ونجي صافي
شهناز::واخا
قرب خطف قبلة وبعد تيضحك حل الروبيني وحط ليبخودوي وخلاه يعمر وخرج مشا لدريسينغ جبدلها شوميز فالغوز مفتوح من صدر حط دواها وتا كريماتها يعني وجد كلشي تا حويجو وهز الفوطات دخل لقاها سدات الما حيت عمر ورغوا هز بواطة فيها الورد رشو فوق الرغوة ومشا جاب فاصمة ضد الما مدهالها وتحنى قدامها
سيف الدين::قاديلي
شداتها من عندو كان حيد تريكوه قاداتهالو وقربات باستو فعنقو حساتو تبورش
سيف الدين::علاش تتقلبي أمنتقبتي
شهناز::هه والو
.....يتبع