أحببتها حتى الهوس::"ذات_النقاب "♡ بالدارجة مكتملة ♡

الجزء 15

أحببتها حتى الهوس "ذات النقاب"🌹
بارت43
شهناز::ألو
سيف الدين::الحب لباس من صباح ونا نعيط
شهناز::الحمد الله وصلتي بيخير أنا كنت تنغسل الماعن هذا لاش مجوبتكش
سيف الدين::وصلت الحمد الله متكي دبا عاد كملت خدمتي مجانيش نعاس بلا بيك
شهناز::هه تانا تنفكر كيف أنعس بلا بيك ولفتك
سيف الدين::أحسن حاجة درت هي تزوجتك
شهناز::تا أنا والله
سيف الدين (تنهد)::فخبارك مزال مكملتي ليا على حياتك وشنو عندك علاقة بعمك
شهناز(سكتات شويا عاد نطقات)::ماشي دبا تنكونو مجموعين ونكمل لك
سيف الدين::إنشاء الله
شهناز::شنو درتي في القضية للي كانت عندك اليوم صباح
سيف الدين::نسيت معاودتلكش راه(بقا تيتحتت معاها فقضيتو وكيفاش تيكون الأمر وتاهي تتعاودلو على مهنة التدريس وشحال صعيبة بقاو على داك الحال تا أدن الفجر عاد قطعو ومشات شهناز توضات وصلات عاد نعسا أما كنزة وراضية فنعسو قبل منها نعسات راضية وكنزة في بيت واحد سيف الدين تاهو بدورو صلا ونعس)
أصبحنا وأصبح الملك لله ☀️
فاق سيف الدين غسل وجهو ونزل لقاهم فطرو نزل ودراري ورجال خارجين كين غا نسا
راجية::ولدي خارج
سيف الدين::اه عندي خدمة
الجدة دليلة::فينها مرتك أولدي
سيف الدين::البارح بقات مع ماماها بما أنها موعتة فرجلها
راجية::أه حسن
سيف الدين::يالله الله يعاون
رقية::جلس نجيبلك تفطر
سيف الدين::غناكل برا غا رتاحي
خرج نيشان الكافي فطر عاد نطالق الشركة هو مقالهمش الحقيقة حيت بالنسبالو هاداك الشي شخصي وخاص يبقى سر
عند شهناز
فاقت تاهي تال الوحدة ناضت تتكسل توضات وخرجات صلات زوج ركعات استخارة عاد مشات عند مها لقاتها متكية وتا راضيا متكية
شهناز::كين شي غدا
كنزة::اه راه طيبت شي غدا بقا غا الخبز سيري جيبيه
شهناز::واخا راضية يالله معايا نجيب الخبز
راضية::مفياش
شهناز::وتي نوضي من العݣز
ناضت راضية كانت لابسة بيجامة على شكل سروال لاسق شويا مع الفوق تاعو مطويلش بزاف جمعات شعرها اسفنجة مهملة أما شهناز لبسات عبايتها ونقابها وشالها وسباط وخرجات مشادة هي وراضية جابو الخبز راجعين تصادفو مع بديعة(لعقلتو عليها كانت شهناز مقربلاها معاها)
بديعة::اييوا بقينا تا شفنا الوسخ تيتمشى
راضية::كون تشوفي بنتك وتلميها غيكون حسن متبقاي ترمي في الهضرة
بديعة::مدويتش معاك ابنت سهام وكون أنا منك نتخشا فدارنا على الفضيحة تاعك
شهناز::وااا بديعة لدرت فك عقلي غنجفف بك الأرض سيري عطيني التيساع
راضية::أتبقاي داويا تا غنخرج فك
بديعة::تتحاماو أبنات المختار السايبات للي وحدة عطاتو بالعلالي وسحرات وتزوجات ووحدة عطاتو مخبي ودبا باينة غتسحري بحال ختك وتزوجي
شهناز::قلبتي عليها ابديعة
جراتها من شعرها وماشي خا طيحاتها وحبسات وإنما جرجرات فوق الحجر وتتركل مغدة وراضية طلعات تجري تعيط الكنزة كنزة للي غسمعات شنو واقع وهي الطل من الشرجم
كنزة::شهنااز تي طلقي الخطية
شهناز(طلقاتها وساست يدها)::ودبا أبديعة نهار تفكري تدقي عليا ديري فبالك أندق براسك الأرض
مشات وخلاتها جالسة تغبن وتغوت
بديعة::شووفو يا الناس الظلم والحݣرة شوفو بنات المختار تحاماو عليا وأنا مرة كبيرة
كنزة::وتي تلمي أبديعة قبل منزل نكمل علك وبانلي البنات مقاسوكش عطاتك غا وحدة على لسانك المبري منك
بديعة::واا الناس مرتو تاهي تحامات وعاجبها فعايل بناتها
شهناز(ضارت عندها):: راه أنرجع لجدك نشتف علك
شداتها سكينة حابساها وتطلب
سكينة:: ها العار أختي شهناز لمطلعي ها العار شوفي مك كي مهولة علك
بقات تتبرد السوق والجارات تيسكتو فبديعة عاد طلعات شهناز بدلات وحطات الغدا وجلسو يتغداو
....يتبع