أحببتها حتى الهوس::"ذات_النقاب "♡ بالدارجة مكتملة ♡

الجزء 50

أحببتها حتى الهوس "ذات النقاب"🌹
بارت149
عند سيف الدين
طلع الصباح وهما مزال تيجريو فديك الغابة معارفين لاين يصدو كانو كلهم فطريق وحدة سيف لمح شي حاجة تتبري فالأرض هزها كانت طانݣة تاع مرتو حيت فاش طاحت المرة اللولة طاحتلها بلاما تحس
سيف الدين::حنا فالطريق صحيحة هادي تاع مرتي متأكد أنا خديتهملها فعيد ميلادها
طبطبو عليه دراري مزال تيزرعو فيه الأمل تا تسمعات طلقة نارية قلبهم كلهم نقز سيف بدا تيجري ومزال غادي بسرعة باغي يلقاها تا سمع الطلقة التانية صافي هنا فشل طاح فالأرض جاو خوتو نوضوه
جود::سيف شوف فيا أصاحبي شهناز بيخير تتسمع مغيوقع والو ربي فوقها وهو حاميها نوض نقلبو
بقا معاه تا ناض
سيف الدين::أه عندك الصح مرتي قوية ومغيقتلوهاش غتحمي راسها وغتحمي بنتها
بدا تيجري ويغوت بإسمها وخوتها معاه بقاو على هاد الحال تا وقف مصدوم من السلهام للي على الأرض تحنا بشوية ويديه تيترعدو ودراري واقفين جنبو هز السلهام يالله تيقلب فيه بدات شتا تتنزل قادو بشوية تا بانلو الدم فيه وبزاف هنا حس بقلبو تعصر طاح على ركابيه وعنق السلهام
عند شهناز
مزال تتجري وتتعرج رجلها توعتات فيهم نزلات شتا وهي تهز راسها الفوق
شهناز::أمطري يا سماء لعلها آخر أحزاني
تنهدات وعاود دوات
شهناز::ياربي يكونو داو بنتي ياربي إحميها ليا ياربي أمين
مشات تتقلب منين تخرج غادة بشوية عليها باش مديرش الصوت وقفات للحضة حيت حسات بنغزة فقلبها
شهناز::علاش حاسة بك مزير بحالا شي حد محتاجني يمكن بنتي هووف ياربي راك عالم
كملات طريقها وصلات لواحد الكوخ قربات تتقلب على بابو ناويا تطلب المساعدة حلات الباب مكان حد دخلات لقاتو مقاد كأن شي حد تيسكن هنا هزات فوطة بانتلها مسحات رجلها باش متدخلش الغيس عاد بدات تتمسح القفطان دخلات بشويا تتستكشف لقات فيه بلاصة تاع الحوايج بوحدها إستغربات شكون يسكن هنا وسط هاد الغابة عرفات من خلال الحوايج أن مرا للي ساكنة سمعات الهضرة وتقرقيب خرجات بشويا ناويا تعتادر على الدخول المفاجئ يالله غتخرج تا سمعات صوت مألوف وهي طل بانلها صلاح وشي مرا منقبة ومنى تصدمات بسرعة رجعات لدرسينغ تخبات فبلاكار تم وبقات تطل من القنت كانت المنقبة دخلات هي ومنى
منى::لالة شنو ندير واش نخيطلو بلا بنج
المنقبة::أه خيطيلو باشما بغيتي
منى::وخا ألالة عفراء
عفراء::شنو قلتلك متعيطيش بسميتؤ بابا بوحدو للي كان عندو الحق وهما قتلوه
منى::سمحيلي ألالة أنمشي الخدمتي
مشات تتجري واللوخرى دارت المراية حيدات نقابها ودارت جاهة شهناز للي حطات يدها على فمها مصدومة كانت نسخة طبق الأصل عليها
عند سيف الدين
الشتاء تنزل وكأنما تعلم حجم الألم والعاصفة التي تمر
وسط الغابة والشتاء ما زالت تنزل بغزارة طاح على ركابيه وغوت على جهدو
سيف الدين::شهناااااااااز
غوت مرارا وتكرارا ومعنق سلهامها قرب أسامة تيصبر فيه وتيعطيه أمل بقاو معاه تا ناض بزز غير ناض وقف عليهم فهد للي عيط لرياض سيفطليه لوكاليزاسيو
فهد::وأخيرا وصلتلك بنت أسيف عند راضية والبارح شويا متزهق البنت بسخانة رجع شوفها
سيف فاش سمع الهضرة على بنتو كأن روحو شويا رجعات تم غادي عندو
سيف الدين::يالله نشوفها بالزربة باش نرجع نقلب على شهناز ولا تاهي تم ياك دوي
فهد::سيف الدين تهدن أصاحبي راضية لقات غا البنت ملقاتش مرتك ولكن متأكد طالما فيد الله غينقدها يالله ونرجعو
بقاو معاه تا مشا معاهم نيشان لدار فهد كلع سيف يجري ودراري وراه بقا يدق راضية للي كانت تترضع البنت سمعات الدقان هزاتها و عنقاتها وخايفة يكونو وصلو ليها حلف فهد الباب ودخل سيف تيجري مع داخل الكوزينة يشوف فيها مع راضية تلقاتلو بموس كونما فهد ضربلها يدها تا طاح كون خشاتو فيه
راضية::نتوما كنت مخلوعة يسحابلي شي حد
سيف الدين::واخا عطيني كنزة
خداها من عندو تيقلب فيها وتيبوس وهي تضحك ضمها عاود وتيحاول ياخد قوتو منها على شحال عاد عطاها ليها
سيف الدين::جود غتبقى مع راضية وغتجيب مرتك الهنا غتقول الدار شي حاجة وتجيو باش تبقى حامي راضية وبنتي ومرتك راضية بنتي أمانة فرقبتك نتي خالتها والأقرب ليها لهذا مولفاك عفاك رديلها البال وهاهو جود معاك
جود::ولكن
فهد::غا بقا نيت أنا متنقدرش نبقى هنا وزيادة غنمشي مع سيف الغابة نقلب
جود:: واخا كون هاني
...يتبع