أحببتها حتى الهوس::"ذات_النقاب "♡ بالدارجة مكتملة ♡

الجزء 18

أحببتها حتى الهوس "ذات النقاب"🌹
بارت52
خرج من الدوش لبس ونزل خرج نيشان باغي غا ينسا أما شهناز صباح كللو وهي تضور مع راضية تا جاتها الدخة عاد جلسو يرتاحو
شهناز::لا لا انا فيا الوجع والدوخة قريبة تجيني ليغيݣل مستجيل نبقى ندور هنا نمشي فيها
راضية::أصلا كملت بقاولي أشي لعيبات
كنزة::تعطلتي أبناي غا سيري انا وسهام نكملو شنو باقي
شهناز::واخا غنمشي خليتلكم الراحة
ناضت شيرات الطاكسي عطاتو العنوان ورجعات القصر دخلات لقاتهم مجموعين تيهضرو لقات السلام وطلعات بدلات ونزلات جلسات معاهم راجية مكانتش كينا خارجة هي وفاطمة ورحمة وتا الجدة يتقداو شي حوايج
شهناز::كيف بقيتي مع حمالتك
رقية::هانتي تتشوفي تعدبت عاد لأيامات وليت تنتروع بزاف
كانت مرأة جالسة معاهم عاد ردات شهناز البال
شهناز::السلام
المرأة(تتميق)::مرت سيف الدين هي نتي
شهناز(تاهي ميقات فيها)::شكون نتي
سلمى(نغزاتها)::هه مديش عليها غا شهناز مفخبارهاش بللي جيتو هه ختي شهناز هادي عمت راجلك زهرة وراه عندها زوج بنات خرجو مع جدة وعدوساتنا
شهناز(خنزرات كثر)::مزيان
زهرة::ياك قلتيلي أسعاد منقبة فينو النقاب وراجلي جا معايا عندو زهر خارج مع رجال اللوخرين وهو متشدد كون شاف هاد الشوهة يعطيها موعضة
شهناز::نقابي مسوق حد فيه ألالة زهرة ولكان راجلك متشدد يتشدد على راسو وتنضن كون كان راجلك راجل(طلعات فيها ونزلات حيت كانت لابسة غا كلون وديباردو وكلشي معزول وكون غا كانت شي فورمة عندها)كون بان على لبسك أمدام وهنا كينين رجال للي منهم خوتك وولادهم عيب تجلسي قدامهم بهاد الحالة
زهرة::هييه كيفاااش تتجرأئي ممربياش
سعاد::شهناز
شهناز::نعام
رقية::هه خالتي راه شهناز مقاصداش غير غير
سعاد::غا سكتي نتي
سعاد::كرأي من عندي رجعي نقابك حيت بمسبتك ولينا نخافو على رجالنا لتطيريهم ولجمي فمك وݣفضي وطيبي باش يبقى وليدي سيف يشوف فك
تجاهلاتها وبدات تطل تحت سبطها
سلمى::مالك
زهرة::بينا ملقات باش تجاوب سيادها ودارت راسها تتقلب
شهناز::لا تنطل على رأي خالتو سعاد حسيت بيه لصقلي فبانطوفتي
سعاد::شنووو
شهناز(هزات كتافها)::نتي عارفة أن رأيك آخر همي فوفري كل مجهودك وخبيه ليك أتحتاجيه من هنا القدام وللي جاي منضنش ساهل على حساب شنو تديري تنضن لعرف سيف الدين مغيعجبو حال(وقفات)خليتلكم الراحة أنمشي نصللي
مشات وخلاتها وراها أتبخ الدم
سعاد::سمعتوها ياكو ممربياش
زهرة::عندك الصح لسانها سليط
رقية::سمحولي غنوض نشوف ولدي واش جا
سلمى::احم ديني معاك
كلهم بداو يمشيو بقات غا سعاد وبناتها وزهرة
سعاد:أنا غندمها غا بلاتي يجي ولدي سيف
عائشة:ماما كون غير فكرتي فشي خطة نتهناو منها طلعاتلي فراسي
سعاد::زهرة شفتيها شنو نديرو
زهرة::تيجي سيف ونوريها ومغنفوتهاش ليها
.....يتبع

أحببتها حتى الهوس "ذات النقاب"🌹
بارت53
دخلات البيتها توضات وصلات عاد رجعات نزلات لعند رقية لبيتها دخلات لقاتها هي وسلمى جالسين وحداهم آدم تيلعب فتيلي تاعو غا شاف شهناز وهو ينوض
أدم::أنمشي البيتي أماما
خرج تيجري
شهناز::مالو معايا
رقية::ممالو والو تلقاي غا باغي يلعب أجي جلسي
جلسات شهناز وحيدات زيفها ترتاح
سلمى::تسطيتي تتجاوبي معاها
شهناز::هي للي بدات وأصلا علاش خيفين منها
رقية::مخيفينش ولكن ديك السيدة مصافياش لدرجة نهار جات أول مرة وشافتني حيت محملاتنيش خاصماتني أنا وراجلي ممعرف آش قالتليه راه كيف السوسة وزيدي عليها تتعطي العائلة الوجه تاع اللطافة ديما كنت تنبان أنا للي خيبة تامن خالتي راجية تتيق فيها
شهناز::ضبر راسها أنا معنديش مع التمثيل والدير للي بغات ونشوف راجلي شكون يتيق لتيقها مبقا عندي كلام متيقهاش نعرفو عرفني شنو تنسوا
عند ريهام
مشات القهوة وجلسات ووراها مباشرة جا تاهو وجلس مقابل معاها هي تتفرك يدها بتوتر معارفا شنو تقدم ولا توخر
جود::احم ريهام
ريهام::هاا
جود::تنضن كنتي باغاني فشي حاجة
ريهام(غمضات عينها وخدات نفس عميق عاد دوات وعينيها مزال مغمضين)::أنا مقصدتش نرفض عرضك بالعكس تانا من نهار اللول بغيتك ولكن من شنو وقع تيسحابلي شفقان عليا تا شرحاتلي شهناز ووعاتني لكان باقي الوقت نتمنى متخليتيش
بدات تتحل عينيها بشوية لقاتو باقي على حالو ووجهو خالي من الملامح تنهدا وبانت علامات الخيبة على وجهها بتاسمات بزز عاد دوات
ريهام::ماشي مشكل لتراجعتي أصلا نستاهل سمحلي ضيعتلك وقتك
تمات نايضة هو وقف وجرها حضنها والإبتسامة مكتاسحة وجهو
جود::هوووف وأخيرا عرفتي شحال فرحان كنت تنتسناك ايمتا تحني فيا الله بغيتك اليوم قبل غدا غندوي مع الوليدة تخطبك
بعدها تيشوف فيها تاهي فرحانة
ريهام::إنشاء الله
عند شهناز
كملات الجمعة وناضت البيتها دخلات تكا تا لمحات شي حاجة تتلمع هزاتها كانت براصلي مكتوب فيها لمياء
شهناز::شنو تدير هاد البراصلي فيدي بففف