أحببتها حتى الهوس::"ذات_النقاب "♡ بالدارجة مكتملة ♡

الجزء الثامن

أحببتها حتى الهوس "ذات النقاب"🌹
بارت22
راجية:دبا مبقيتش خالتك عيطيلي ماما
شهناز:واخا غنحاول نولف
شدات منها راجية ومن الفوق تطل سهام وراضية بدات راجية تقرا القرآن على مرت ولدها وصلات لوطو ركباتها جنب راجلها وركبات هي اللور ونطالقو وصلو العدول نزلو غا الرجالة شهناز لمحات جدها خرجات من حداهم ومشات تتجري تلاحت فحضن جدها
شهناز:جدو جدو توحشتك
حسن:هه غزالتي وأميرتي غتزوج تانا توحشتك
شهناز:علاش مجيتيش عندي
حسن:راك عارفة ابنتي مع المرض مبقيتش تنتحرك بزاف مي اليوم عرس أميرتي جيت نحضرلو ونشهد في زواجها مي قبل تنشوف هاد العريس
قربو رجالة تسالمو معاهم شهناز مزال فحضن جدها
حسن:فينو العريس
سيف الدين:أنا علاش
حسن:سمعني أولدي غنعطيك عوينة للي عندي راه لمشيتي تبكيتيها أنجي ناخدها لك بنتي شهناز تحطها على الجرح يطيب متجرحهاش
سيف الدين:بنتك أمانة فرقبتي عمري نخصر ليها
حسن:يرضي عليك
شهناز جاتها البكية بعدات من جدها وبقاو عينيها في الأرض تتحاول تكبح دموعها فيها البكية حيت هاد الهضرة خاص باها يقولها ماشي جدها سيف حس بيها تقرصات حيت تاهو فهم بللي باها للي خاصو يقول هكا ولكن لاحض نهار الأول بللي علاقتهم بعيدة كل البعد على أب وبنتو وبالخصوص أنو حضر نهار كنزة عودات لراجية فاش نهارت شهناز بغا يقرب يعنقها ولكن مزال محرمة عليه كانت حادرة راسها تا سمعات الصوت للي كرهاه من كل قلبها تتهز فعينيها وتدعي ربي ميكونش للي فبالها
رحيم:أميرتنا صغيرة غتزوج ومسلماتش على عمها
شهناز شافتو و قلبها رتاجف رجعات خطوة اللور
رحيم:فين غادة مأتسلميش عليا
تخبات ورا سيف الدين للي حس بخوفها وبسرعة وقف في وجه عمها
سيف الدين:هه أندخلو نعقدو وديك ساعة تسالمو زربان
سمعات هضرتو وبسرعة تمات غادية ناحية العدول وسيف الدين وراها تابعها وممخليش عمها يقرب دخلو وجلسو أمام العدول
العدول:آنسة شهناز البناني بنت المختار البناني واش قابلة تزوجي بسيف الدين الجرموني ولد محمد الجرموني وتكوني معاه في السراء والدراء
شهناز:قابلة
العدول:واش قابلة
شهناز:قابلة
العدول:سي سيف الدين الجرموني ولد محمد الجرموني واش قابل تزوج بشهناز البناني بنت المختار البناني وتكون معاها في السراء والدراء
سيف الدين:قابل
العدول:واش قابل
سيف الدين:قابل
العدول:الصداق واش خدتيه ابنتي
سيف الدين:مزال غتاخدو فاش نوصلو الدار
العدول:متافقين يعني
شهناز:اه
العدول(دور ليهم الدفتار):تفضلي وقعي
وقعات ووقع سيف الدين وعطاو الشهود وقعو عاد وقفو تيباركو ليهم قبل رأسها وهمس بخفوت
سيف الدين:مبروك علينا
شهناز:مبروك
جرها جدها معنقها فرحان وخارجين تم مقرب ليها رحيم وهي تفلت ومشات وقفات حدا سيف الدين هو تم جاي ليها بارك السيف وقرب ليها وهي زادت تخبات ورا سيف للي جرها ووقفها قدامو وحاوط خصرها تا حنيكاتها حمارو مخلاهش يقرب منها
رحيم:حضنتي عليها أرا نعنق بنت خويا
سيف الدين:أسمحلي أنا مغيار ومتنبغي تاحد يقيس حاجتي وخا يكون باها دبا ولات تاعي منقدرش نمدها لك بارك ليها من بعيد
رحيم ضغط على يدو مفقوص أما شهناز فرحات حيت مخلاهش يقرب ليها جرها معاه ركبو والعائلة تيباركو نطالقو الدار غير وصلو ونزلو بدفوع وزغاريت والعروسة حدا عريسها والدرب مستغربين من أن ق** كيف سماوها تاع الدرب تزوجات
دخلو وطلعو سطح فين كينا الحفلة سيف الدين مفلتش يد شهناز كنزة كانت عارضة تا على شي عيالات تاع الدرب من بينهم سكينة عقلتو عليها برݣاݣة الدرب وبديعة تاهي للي جات وخا متعرضاتش وجارة بنتها حداها
دخلو بزغاريت جلسو فمكانهم وبدا الغنا شهناز مراضياش على شنو دارو وتا راجلها نفس الشي حيت أصلا الغنا حرام وزيدي عليها تا هاد بنات الدرب للي باركين يلوزو تضور مرة مرة تخطف الشوفة فراجلها تيبانلها حادر راسو وبينا فيه محاملش الوضع قربات حداه وهمسات ليه