أحببتها حتى الهوس::"ذات_النقاب "♡ بالدارجة مكتملة ♡

الجزء 30

أحببتها حتى الهوس "ذات النقاب"🌹
بارت88
مشات شهناز وخلاتهم دخلات الكوزينة خدات كاس العاصير وجلسات تشربو تا وقفات عليها وحدة من الخدامات
الخدامة::لالة سي سيف الدين طلبك برا
شهناز (باستغراب)::فين برا
الخدامة::في الدخلة تاع الباب قالك خرجي عندو
شهناز::واش نتلقالو في الباب تاع الحديد
الخدامة::اه طلبك تخرجي تما تيتسناك
شهناز::واخا(ديقات عينيها فيدها وهي تدرقها اللوخرى)
ناضت وكلها تساؤل طلعات البيتها قادات نقابها وعبايتها وهزات تيلي تاعها وخرجات من الباب حلولها ليݣارد الباب الكبير خرجات تتشوف حواليها مبانلهاش سيف تمشات القدام وتتعيط السيف متيجاوبش
عند دراري
كان وصل وقت رجوهم وراجعين كلهم مصافين بقا غا جود وسيف للي تعطلو دخلو دراري في الوقت للي شهناز ناضت وبعدها عاد تم جاي سيف وجود جود كان سابق سيف سيف شاف أبيل من شهناز بحكم غيوصل دبا مجوبهاش جود لمح شهناز في طريق ولمح شي لوطو جايا قاصدها بالزربة فرانا تاتسمعات في الداخل عندهم الفران وخرجو كلهم يتجاراو بالخصوص فاشسمعو صوت جود
عند شهناز
مللي مجاوبهاش ضارت راجعة الداخل تا سمعات الفران وغوت جود للي خرج وجاي ناحيتها ضارت تتشوف علاش تيغوت ضربلها الضو فعينيها جا كلشي بالزربة
جود::شهنااااز عننندااااك
سيف الدين للي حضر الكلشي فرانا تاهو ونزل بالزربة كان جود جرها عنقها وترمى بعيد على الطنوبيل وكالا عليها الدقة أما هي غمضات عينيها وبكترة الخلعة غيبات سيف الدين الما بركلو فركابي فاش حس بيها غتضبع منو كونما خوه جا تيجري عندهم أما أسامة بالربة ركب فسيارة جود وتبع ديك لوطو
سيف الدين::شهناز شهناز
تيحاول يفيقها ووالو هزها من فوق خوه ودخل تيجري والعائلة وراه وجود عاونو رياض وليل تا دخلوه يدو كلها دم تحردات مشات ريهام جابت الإسعافات وجلسات تبكي وتداوي ليه
راجية ولجدة كانو الداخل تا جات الخدامة علماتهم خرجو عندهم الصالة تيجريو
الجدة دليلة::شنو واقع
راجية::ولدي جود شنو طرا
جود::معرفتش كيفاش داز كلشي بالزربة
سعاد (ميقات)::معنق البنت وتتقول كلشي بالزربة بقالك غتبوسها
جود::واش متتمرݣيش البنت شويا وتنتاقل لعند ربها ونتي باغاني نوقف نتفرج فيها
زهرة::وراه مكدباتش قلتو البنت منقبة دونك متلسقهاش فك ومتكيها علك بقالك غا تبوسها نيت
سيف الدين (بصراخ)::بااااارااكاا
قفزهم هو فمرتو ولا فيهم هما
رقية::خويا عيطت الطبيبة قريبة توصل
هشام::شنو واقع مفهمنا والو
جود::كنت جاي أعمي وكنت سابق سيف تا بانتلي شي طموبيل قاصدة شهناز فرانيت ونزلت عندها
رياض::كانت مقصودة يعني
ليل::شكون هاد زمر عاود فينو أسامة
رياض::عيطتلو غا دبا هاوا راجع قالي ضاعتلو لوطو مي لقا شي حاجة غتنفع
جلال::أنا عيطت البوليس
داز شويا الوقت وسيف مدواش مزال ساكت حدو فاش غوت ورجع سكت وبقا شاد فيد مرتو كان حيدها النقاب ومخلاو ريحة والما ومفاقتش
الخدامة::دكتورة جنيدة وصلا ألالة
الجدة دليلة::دخليها
دخلات الطبيبة ودخل تا أسامة قلبات نبضها وفحصاتها
الدكتورة جنيدة::الحمد الله موقع والو غير الخلعة للي خلاتها تسخف غير شويا وتفيق مي تنعاود نكرر خاصها ترد البال الراسها فهاد الفترة بالخصوص وقعلها نزيف بزاف المرات زيادة على أنها جهضات الأول
حركلها سيف راسو ورتجية وصلاتها الباب وجات الصالة جلسات شهناز شوية الوقت وفاقت قافزة وتتبكي جرها سيف عنقها تيسكت فيها كان تقريلا متوقع ردة فعلها
شهناز::أهيئ 😭 أنا بيخير ياك موقع والو فينو جود تاهو بيخير
سيف الدين::شش موقع والو وتا جود بيخير غا توعت فيدو
.....يتبع