أحببتها حتى الهوس::"ذات_النقاب "♡ بالدارجة مكتملة ♡

الجزء 28

أحببتها حتى الهوس "ذات النقاب"🌹
بارت82
سيف الدين::شش مغيوقع والو ربي كبير تهدني
خرج تيجري بيها ركب فسيارة خوه وخوه ساق ومرتو جنبو وتبعوهم باقي العائلة من غير الجدة وزهرة وبناتها ومعاهم تا سعاد وبناتها ولمياء ورقية وولدها
وصلو دخل سيف تيجري بيها دخلوها عاود ليزيغجونص ودخلات دكتورتها سيف جلس شاد فراسو وحوايجو فيهم الدم جلسات مو حداه عنقاتو وهو معارضش فقط ساكت وريهام تتبكي وجود معنقها تيسكت فيها ونجمة تتصبر في ضياء للي كلها تتقفقف حيت حضرات الكلشي لؤي تيشوف فيها من بعيد
داز الوقت وخرجات طبيبة حيدات الكمامة ووقفات قدامهم تجمعو عليها
محمد::شنو واقع
الدكتورة جنيدة::الحمد الله على سلامتها ولكن خاصها الراحة غنبقى نقولها ونعاودها هاد الأشهر حساسين خاصها تنقض من العرا والتوتر والعصاب الجنين بيخير وتا مو بيخير مسيو سيف تقدر تفضل معايا البيرو
حرك راسو وتبعها وهو تيحمظ الله أنهم بيخير وكلشي كان تيحمظ الله دخل سيف عندها البيرو جلس وتيتسناها تدوي
الدكتورة جنيدة::كيف قلت برا هي وجنينها بيخير ولكن بكل صراحة وضع مرتك تيسوء أكثر يعني الولادة غتكون صعيبة بالخصوص حنا شاكين أنو يكون عندها العصاب في القلب حيت فينما تتجيبوها معصبة تيكون إنتفاخ في العروق للي متاصلين بالقلب هذا لاش خاص غير تفيق تخضع الراديو باش نعرفو السبب أما النزيف احم جا حيت مارستو الجنس ومحاولتيش عليها وهادشي خلاها تنزف ولكن موقعش إجهاض
سيف الدين (مسح وجهو)::علاش مقلتيشالممراسة ممنوعة
جنيدة::حيت ممنوعاش غير المرأة تاعك كان ضاربها البرد ومع المساج كان غينزل غا شويا مغتأترش بتاتا على الجنين ولكن حيت درتيلها المساج ومارستو هذا لاش جاها نزيف
سيف الدين::نفهم من كلامك بللي تحبس المساج وبللي خاصها تبقى ليوما تدير التحاليل عاد تمشي
جنيدة::اه أمسيو
سيف الدين::واخا
جنيدة::إحم مسيو فاش تفيق مرتك ونديرولها التحاليل نتأكدو من الشكوك خاصكم تختارو
سيف الدين::نختارو كيفاش
جنيدة::للأسف لكان شكنا فمحلو فغيكون خطر عليها في الولادة وإحتمال 50٪ تموت هي و50٪ يموت الجنين يعني خاصكم تختارو واش تغامرو ولا تنزلو قبل ميوللي خطر عليها
ناض خرج بلاما يجاوبها وعقلو تيفكر حس براسو مضغوط ومهرس مشا الغرفتها لقاهم دخلو وجالسين معاها هي للي مزال ناعسة
سيف الدين::تقدرو تمشيو غنبقى معاها خاصها تدير شي تحاليل عاد ترجع الدار
راجية::علاش شنو عندها أولدي
سيف الدين::والو الوليدة غا تحاليل روتنية
بزز قنعهم بللي مواقع والو عاد مشاو وهو بقا جالس جنب شهناز ويدو شادة يدها تا بدات تتفيق هو شافها فاقت ورك على البوطون باش يجيو
شهناز حلات عينيها وبقات تترمشهم مفاهمة والو ثواني تتفكرات شنو وقع تلقائيا دموعها سالو غمضات عينيها تتبكي ومتتسمع والو تا سيف للي تيعيطلها مسمعاتوش دخلات طبيبة شافت حالتها وقربات تتغوت بإسمها وتتمخض فيها تا حلات عينيها
جنيدة::موقع والو جنينك بيخير مخاصكش توتري شش
شهناز عاد شهقات ورجعات فيها الروح عنقها سيف وهي تمخشات فيه أكثر مدة عاد بعدها وهزها غادي بيها فين غتدير الراديو
شهناز::فين ماشين
سيف الدين::غير عندك فحص
شهناز::مناش النزيف
سيف الدين::من الممارسة
خرجات عينيها وتخشات فيه مبقاتش دوات وهو ضحك وصلو حطها وبداو لها الفحص وهو جنبها كملو وبقات فبلاصتها تواني عاد هزها داها البيت لقا ساشي عرف خوه للي جابها هز تيلي تاعو ولقا ميساج من عند جود قالو فيه جا وملقاهمش سول وعرفهم في غرفة الفحص وخلا ليهم الساشي تاع حوايج شهناز ودار لتحت ملاحظة ريهام وماما للي جمعو الحوايج
ضحك سيف وقرب تيلبس فيها وهي ساكتة حاسة بشعور فشكل داخلها
شهناز::سيف الدين تاعاش الفحص
سيف الدين (بلع ريقو)::دوري نقاد نقابك
شهناز دارت قادلها يالله أينوض وهي تشد يدو وجلساتو وتتسناه يدوي وهو عرف راسو مغيفلتش هو يقولها تقرير طبيبة بالحرف هي تلقائيا شدات على كرشها
شهناز::مغنزلوش أسيف الدين واخا يكون خطؤ على حياتي
سيف الدين (شدلها فيدها)::أنا غنساندك فكلشي فحياتنا ولكن موتك لا منقدرش نكمل بلا بيك
شهناز::يكون خير مزال متقرر والو
...يتبع