أحببتها حتى الهوس::"ذات_النقاب "♡ بالدارجة مكتملة ♡

الجزء 53

أحببتها حتى الهوس "ذات النقاب"🌹
بارت161
في القصر
كانو مجموعين تيفطرو تا هضرات الجدة
الجدة دليلة::بنتي سعاد كيف داير خوك كنت تنبغي نسولك ولكن تيمشي من بالي
سعاد(بتوتر)::إنا خويا
الجدة دليلة (رفعات حاجبها)::ياك عندك واحد وهو للي خرج سيف من الإدارة
سعاد(بفقصة)::جدة متديش عليا حرقة خويا مباغاش دوز وكللو على ود شهناز
راجية::أجمعي راسك هو دارها بيدو
سعاد::كون ما تدخلها كان يبقى فخدمتو وكيموتش بالفقصة(ناضت لاحت الفرشيطة وطلعات البيتها)
محمد::ملقيتو غا هاد الموضوع فالفطور
الجدة دليلة::إمتا مات خوها
محمد::مات شهرين تقريبا كنتو ملهيين بمشاكل الولاد وهاد القضية هذا لاش مقلنالكم والو
جود::كيف مات
محمد::سمعت من مرتو بللي ورا ما خرجو سيف تا بلاصة مقبلاتو يخدم وتأزم وولات مرتو خدامة وتتصرف عليهم تا مؤخرا نتاحر
هشام::لا حول ولا قوة إلا بالله علاش مجاش هضر معانا كنا نعاونو
عائشة::كون بغيتو تعاونوه ݣاعما تلوحوه نهار الاول مسكين خالي
ناضت طلعات قبل ميضورو فيها أما أية من آخر قتلة خدات دخلات سوق جواها مبقاتشي تدخل فتا أمر
فاطمة::غنمشيو اليوم حنا العيالات عند شهناز تمشي أسمية
سمية (بلهفة)::اه نمشي
ضياء(بهمس لنجمة)::مالها قالتها بديك الطريقة
نجمة(تاهي بهمس)::منعرف شنو تيضور فداك الراس عندها
عند شهناز
عيطاتلها راجية علماتها بقدوم نسا كلهم
شهناز::سيفي المراوات تاع العائلة كلهم غيجيو يعني منشوفكش التحت الزين تاعي
سيف الدين::اووه المدام تتجري عليا راه غا الوليدة وعماتي
شهناز::لا راه لقيت ميساج من راضية قالتلي عمتي وبنتها تاهما جايين
سيف الدين::أه واخا أنا غنبقى فبيتي عندي شي خدمة
شهناز::وخا أنا غنطلعلك الغدا ودبا شد بنتك خليني نوجد الغدا
سيف الدين::علاه راه كين الخدامات
شهناز::لا باغا نطيب الراسي وشدها
سيف الدين::واخا ألالة
هز بنتو وشهناز قاداتلو فوق الفوطوي اللعاب حطها تلعب وجلس جنبها أما شهناز جمعات شعرها ودارت زيف حياتي ومشات الكوزينة
صوفيا::لالة بغيتي شي حاجة
شهناز::أه بقاي تمديلي شنو نقولك أه شكون تيتسخر هنا
صوفيا::ليݣارد
شهناز::وخا قولهم يجيبولي ورقة بسطيلة
صوفيا::كينا ألالة قوليلي شنو نقاد ونقادلك
شهناز::لا غنقاد الراسي نتي غمديلي
بدات تطيب اول حاجة الحشوة تاع البسطيلة ناويا دير بسطيلة بالحوت خلات داكشي يطيب ومشات تتقاد فكيكة وخلات صوفيا مقابلة الحشوة لتحرق غير طابت وطفات عليها كانت شهناز خشات الكيكة وبدات تطلع فلاكخيم
أما سيف الدين غير دازت شي ساعة وهي تبدا تبكي بنتو جلسها قدامو وخدملها الرسوم وبدا يتفرج هو وياها
دازت تلاتة سوايع كانت شهناز سلات البسطيلة وحاطاها فوق الطابل مطيباتهاش خلاتها هكاك أما كيكة كانت قاداتها وزوقاتها وخشات فالتلاجة تبرد وكانت قادات تا شوربة تاع الحوت جاها الحماس اليوم على الحوت تشهاتو كانت مغطياها والخبز طايب تاهو عجناتو هي صوفيا كانت تتغسل غير الماعن هي والخدامات اللوخرين ومرة مرة صوفيا تتعطيها شي حاجة محتاجاها ولا تقابلها شي حاجة المهم شهناز صيبات تا لاصوص وسيبيا تاهي نوعات حتى أنها قادات دجاجة فيها الفيغميسيل الداخل عاد كملات وخلات كلشي فبلاصتو
شهناز::هانتوما كملت بقا دجاج يسخن والبسطيلة تحمر وسيبيا تقلا المهم أنا غنطلع نبدل وهادشي غير يجيو ضياف وبداو تطيبو للي يطيب وتسخنو للي يسخن وتعلموني باش نقولكم فين تقادوه
صوفيا::واخا ألالة
خرجات شهناز من الكوزينة تطرطق عنقها عيات شافت فراجلها جالس تيتفرج وبنتو متكيا عليه ضحكات من منظرهم عاد طلعات البيتها هو مردش البال مركز فالتلفازة كتر من بنتو
....يتبع