أحببتها حتى الهوس::"ذات_النقاب "♡ بالدارجة مكتملة ♡

الجزء 45

أحببتها حتى الهوس "ذات النقاب"🌹
بارت133
سيف الدين شاف فالباب تاع بيتهم مسدود مشات جرو لقاه تسد وهو يجي عنقها وتيمسح دموعها
سيف الدين::شش عارفك متتكدبيش ولكن كان خاص نمثل بللي متيقتكش
شهناز::علاش
سيف الدين::فاش دخلنا دفعنا الباب على أساس غيتسد لكن ميمعتوش تسد فاش ضرت بانلي مبسم وشي حد واقع هذا لاش خليتهم يسمعو شنو بغاو وسدو الباب أحي تشوفي
جرها وراها بقعة تاع الغيس في الطابي
سيف الدين::ها دليلك أنو شي حد كان هنا
عنقاتو شهناز تتبكي على هادشي للي واقع
شهناز::آش بغاو منا
سيف الدين::تنواعدك مغيوصلوش لك نتي وبنتي غنحمبكم وخا نعرف بحياتي وأنا متأكد هذا للي دخل دخل من الباب حيت البالكو متيتحلش من برا وخا يجيب للي بغا وإلى كان دخل منو يعني شي حد من الدار حلو ليه
شهناز::خيفا بزاف
سيف الدين::أنا معاك تهدني
بقا معاها تا سكتات ومشاو ينعسو هي نعسات وهو بعدها وناض حل البالكو تيطل منو هز البغاسلي للي طايحة في الأرض ديجا شايفها رفع حاجبو هز تيلي عيط الدراري يتجمعو وخرج ونزل البيرو تاعهم دخل لقاهم جالسين تيتسناو
فهد::عيطت الراضية فاش مشينا السبيطار باش تشوف الغيس للي قالت مرتك قالتلي والو ملقات تا حاجة
أسامة::متكونش تتخيل بالخلعة تاع اليوم
جود::منضنش جيت ريهام قالتلي بللي فاش مشينا كانت طالعة لبيت شهناز تجيب النقاب باش تعطيه لشي حد يجيبو ليها قالت فاش دخلات البيت حسات بشي حد مراقبها لدرجة خلات النقاب وخرجات بالزربة كانت مخلوعة جيت لقيتها فالبيت سادة عليها
لؤي(خنزر)::هادشي مبقاش يعجب خاص نجيبو كميرات تال وسط الدار على هاد الحساب
سيف الدين::طالما للي دخل عارف البيوت وعارف شنو تيدير فتا الكاميرات عارف مكانهم وأنا تايق أن مرتي شافت للي قالت حيت الغيس لقيتو فالطابي وخا مسحو نساو الطابي عاد باش(جبد الݣورميط)لقيتها فالبالكو
رياض(حيدهالو من يدو)::تاع مرتي هادي وأنا للي كنت كمونديتلها عليها
سيف الدين (ربع يدو)::عارف وكينين زوج إحتمالات الأول للي منضنش يكون بصح وللي هو أنها مشاركة فالأمر والثاني أنو باغين يورطوها
رياض::ميمكنش هي كانت معانا فاش وقع كلشي
فهد::خللي البراسلي عندك أرياض عطيهالها وسولها حسن متبقى تفكر
تدق الباب
جود::دخل
دخلات راضية وفهد تيحنزز فيها توترات بدات تتلعب فيدها
راضية:: خويا سيف جيت نقول شي حاجة شفتها ومقدرتش نصبر تال صباح
سيف الدين::شنو كين
راضية::فاش طلعت نقلب على الغيس شفت فالبالكو سلمى
رياض::كيفاش
راضية::كانت واقفة تتشوف فالتحت فاش عيطتلها مجوبتنيش تا حركتها عاد دارت عندي ولونها مخطوف سولتها مالك قالتلي والو وزادت نزلات
رياض(ناض غادي جاي)::ميمكنش كينا شي حاجة لا لا سلمى مديرهاش ياكو
لؤي::تهدن
فهد::حاولي تفكري شي تفصيل
راضية::بلاتي أنا شميت ريحة فيها فشكل غير المعتاد
فهد::إنا ريحة
راضية::معرفتش والله
سيف الدين::لتفكرتي شي حاجة قوليها لينا صافي
راضية::واخا تصبحو على خير
خرجات وخلات رياض متوتر خايف تكون مرتو وبزاف سيف الدين مقال والو حدو خرج مشا لبيتو والباقي تيواسيو رياض وتيحاولو يخليوه تايق فمرتو عاد طلعو كلها مشا لبيتو لؤي إتاجه لبيت ضياء لقاها ناعسة هزها وخرج بيها داها البيتو قادها فالتكية وتكا حداها
أصبحنا وأصبح الملك لله 🍁
الليل كامل وشهناز تتقفز وسيف معاها ممخليهاش فينما تقفز يقبل راسها ويقولها أنا معاك فاقو ناضو توضاو كانت شهناز كملات ربعينيتها نهار زارت مها هزات البنت بدلاتلها
شهناز::سيف البارح واش نضتي من حدايا فاش نعس
سيف الدين::أه هبطت عند دراري ورجعت تطيت جنبك
شهناز::أه
هز بنتو عاد نزلو جلسو فالطابلة كان الكل مجموع
رياض مقدر يقول المرتو والو بقا مكمدها تيتسنى الوقت المناسب
شهناز(كلشي تيفطر وتاهي تتفطر تفكرات شي حاجة وهزات راسها فسلمى)::سلمى علاش جيتي عندي البارح فالليل
سلمى(وجهها باين عليه التساؤل)::أنا مجيتش كنت ناعسة
شهناز::لا راه جيتي وكنتي تتقلبي فالأرض فاش حليت عيني وسولتك قلتيلي جيتي تشوفيني وطاحتلك ݣورميطتك قلتلك تا غدا ونقلبلك عليها ورجعت نعست
سلمى(باستغراب )::لا مجيتش ميمكنش كنت ناعسة
شهناز::إدن غنكون تخيلت
فطرو وناضو دراري البيرو تيهضرو
رياض::شي حاجة ماشي هي هاديك مرتي ميمكنش الديرها
سيف الدين::شهناز تقدر تكون غا حلمات
تدق الباب دخلات شهناز هازة البنوتة جات حدا سيف وخلاها جلسات فبلاصتو وبقا واقف جنبها
شهناز::خويا رياض بصراحة مكنتشي تنحلم ودبا عاوداتلي راضية شنو شافت داك نهار سلمى مديرهاش راها ختي قبل متكون صحبتي ولكن أنا متأكدة البارح جات العندي وحتى أني حليت عيني شفتها تا خرجات وشفت حدايا سيف مكانش عاد رجعت نعست
رياض::معرفتش أنا تخربقت
....يتبع