أحببتها حتى الهوس::"ذات_النقاب "♡ بالدارجة مكتملة ♡

الجزء 32

أحببتها حتى الهوس "ذات النقاب"🌹
بارت94
طلعات شهناز هي وراجية دخلات شهناز البيتها وراجية تاهي كملات طريق البيتها لمياء شداتها سعاد من يدها طلعاتها البيتها وطلعو معاها تا بناتها بقاو غا اللوخرين هبطو هبطو تجمعو فالصالة أصلا العشا مبقالو والو سيف الدين طلع تاهو يحالو البيتو دخل لقاها تضور فالبيت كان معصب بزاف وقف عليها وهي تربع يدها وبدات تتحرك رجليها الدليل على العصاب للي راكبها دبا
سيف الدين::شنو هادشي درتي اليوم شنو قالت طبيبة أشهناز
شهناز(طلقات يدها وقربات الوجهو مغددة)::سوقك واش سوقك ولا بقات فك حبيبة القلب
سيف الدين::آش تتخربقي بديتي تاني فهادشي باش باغا نحلفلك بللي مدرت والو
شهناز(كانت مزولة زيفها دوزات يدها على شعرها)::متشرحليش صااافي رتاااح أنااا مبااغا شررح عيييت أزمر عيقتي عليا كل مرة نتسنى فك تجري عليها ووالو شنوو مزاال تتسنى
سيف الدين صافي صبرو نفد يمكن أول مرة يصبر لشي حد بهاد الدرجة اه باغيها ولكن حاس بللي هاد الفترة خنقاتو بزاف هادي وجهة نظرو وقال تحل الموضوع نهار تيقاتو ولكن مؤخرا ولات تتنݣر على هاد الموضوع بزاف حس بيها مبقاتش باغاه وتتقلب على السبة مشافش من وجهة نظرها ومن شنو تتسمع كل نهار من عند عشيقتو مغيفهمش هادشي هو قرب بسرعة معصب شد فكها بقوة وقربها ليه مغدد
سيف الدين::علااش تتقلبي أشهنااز التقااي شري خليني نبقى على قانوني ومنعصاش فك الله
شهناز ماشي أقل منو تاهي متتحنيش الراس ومستحيل تخليه يمحيها من الوجود هي ماشي كنزة باش أتخللي راجلها يغلط ويزيدها بالنفخة هي محساتش بنارو وبشنو تدير كل نهار ونݣيرها للي تيحسسو أنو إنسان غير مرغوب فحياتها تامن حقو الطبيعي بكترة نݣير مبقاش تياخدو بزاف وهادشي بحد داتو معصبو وبزاف هي شافت فقط من وجهة نظرها دفعاتو بكل جهدها تا طلق منها ورفعات صبعها فوجهو
شهناز(بصراخ)::لاااا أسيف ماااشي أنا للي نتهدد سمعتييي آخر مرة تقرب صوبي ولا قسما بالله تااندمك على نهار للي خلااقيتي فييه خخخخرجج قووود عليااا الزاا**مل
ايوا سيداتي وسادتي ديجا قلتهالكم البنت تتعصب تتخسر وتترجع الشريميلة هو وقف ممستوعبش شنو قالت تصدم
سيف الدين::عاوديها مسمعتش
شهناز(كلها رجعات تترعد حلات الباب وبدات تغوت الكل سمع غواتهم وطلعو تامن دوك العوجات جاو)::خرررج براااا أسيييف براااا مبقييتش حااملة خليييقتك خرجج عند ديك القحح***بة الله يطليكم الله يعطيكم أغبارة برااا
بدات تتنهج هو شافهم تجمعو وتا عمامو وهي خصرات الهضرة ضغط على قبضة يدو وقرب عندها قجهاا ولكن مموركش مو شهقات وبدات باغا تفك ولكن حبسها جود حيت عارفو مموركش
سيف الدين (همس فودنها)::تتخصري الهضرة أشهناز وااش باغا نقتلك هااا وزايداها خارجة بلا زيف
شهناز عينيها تعماو بعدات يدو بالنطرة وبدات تغوت وتخبط فرجليها
شهناز::برااااا متتتقرررببش صوبيي خرررج عليااا سييف الدين طلقنيي أه طلقني مبقيتش قااادرة
سيف الدين::هه نطلقك(بهدوء قرب رجع زغبة تاع شعرها اللور)ممطلقش
شهناز(صافي وصلات الحد برودو عصبها أكثر بدات تتنتف فراسها وتغوت)::اااااععع ااااععع
هو قرب تيبعد فيدها شدها غا بزز عنقها وخلاها تتغوت تا سخفات فيدو فمها بياض هو تخلع عليها هزها حطها فبلاصتها وهز الما تيرش عليها تواني وبدات تتفيق حلات عينيها عليه شافت فيه مطولا وتفكرات شنو دارت وندمات أه ندمات حيت خلات عصبيتها تحكمات فيها ولكن تضغطات بزاف وتا هاد الندم محساتش بيه قوي حاسة فقط بللي غلطات وندم خفيف للي بسرعة تناساه بدات تتبكي محاساش على راسها باغا غاتخرج شنو داخلها قربات راجية عنقاتها ودراري جرو سيف الدين بقات غا راجية وريهام مع شهناز والكل نزل
راجية::شش موقع والو كلشي بيخير تهدني
شهناز::خالتي سمحيلي ولكن مغنزيدش دقيقة هنا غنخسر جنيني لزدت دقيقة هنا
ريهام::فين غتمشي واش تسطيتي نتي عارفا سيف مدار والو علاش هادشي
شهناز(وقفات تضور فالبيت وكل عين تخرج زوج دمعات وشادة شعرها)::وااش ماتسمعيش سمها كل نهار وكيفاش تتبقى تهضر وسيف الدين مزال مناوي يدير والو واااش نتوما باغين تحمقوني صباح أنا وراجلي وهي دخلات مدرمة البيتي أنا وصلت الحد. التحمل وغنمشي بحالي راجلي عارفاه مغابطش وتايقا فيه ولكن مستجيل نبقى نضغط على راسي باش نتقبل الأمر بينما مولات المشكل هنا
راجية::بنتي غير جلسي تنفسي ترتاحي هو راه مغلطش يعني متسوقيش
شهناز::خالتي أنا مقادراش نبلع أنها تمتعات بجسدو مقادراش نتخيل الوضع باش صورات دوك تصاور(بدات تتشهق)نهاار رجعت من الدار نهار نعسات معاه هي أنا شفت مصة فعنقو وكدبت عيني ومسولتوش أهيئ 😭 ومزال الحد الآن مقلتلو والو حاولت ندوزها على جالو ولكن هي كل نهار تتفكرني لدرجة غا البارح عطاتني تصويرتو عريان كلو ويدها فهمو الله يعطيها غا موصيبة وقالتلي مبغيتش نوريهالك قبل على ود العائلة أهيئ 😭 شنو ندير أنا
ريهام(عنقاتها)::المشيان ماشي حل جلسي تهدني
راجية بقات ساكتة ملقات متقول علاش عندها الحق تمنعها بعدا ماهي على ود راجلها خانها تطلقات ومرضاتش تسمع منو تا مبرر أما شهناز فاتتها وعطات لراجلها فرصة يبرر
شهناز بعدات ريهام وهزات الفاليز تاعها تتجمع حوايجها ووجهها خالي من التعابير فقط شي دمعات تينزلو الراسهم
.....يتبع