أحببتها حتى الهوس::"ذات_النقاب "♡ بالدارجة مكتملة ♡

الجزء 51

أحببتها حتى الهوس "ذات النقاب"🌹
بارت153
عند سيف الدين
وصلو الغابة دخلو عاود من جيهة القاعة وتفرقو تيقلبو سيف جرا تيغوت بإسمها وصل الكوخ وكانو دراري تيعيطوليه فتيلي جاوب وهو داخل الكوخ
ليل::فينك راه تجمعنا فين تافقنا ومجيتيش واش لقيتيها
سيف الدين::لا لقيت كوخ أنا نسيفطلكم البلاصة
سيفطلهم المكان ودخل شاف قطن فين الدم وبرا وخيط واللوازم الطبية بدا تيقلب مشات الدريسينغ حل الباب دخل بانلو القفطان تاع مرتو هزو فيدو وهو يتحل الباب
رياض::قلبنا الكوخ بقا غا هنا
دخلو دراري تاهما كان دريسينغ خاوي مفيه تا حد
سيف الدين(شاد فيدو قفطان مرتو)::كانت هنا متأكد بدلات حويجها ولا بدلوهم ليها المهم هذا ديالها فينك أشهناز
فوسط الغابة
تتجري على حر جهدها وصلات عاود جهة الكوخ حسات براسها بحالا فمتاهة تسلتات من اللور تاع الكوخ ناويا تدخل من تم باغا تقلب على شي تيلي ولا شي حاجة توصلها لراجلها
دخلات تتسلت طيحات واحد الساك معلق تم هزاتو بالزربة علقاتو عاد تمات تتسلت يالله غتضور باش تدخل الدريسينغ تا تحط فردي على راسها بقات جامدة فبلاصتها
عند سيف الدين
فهد::غتكون قريبة من هنا يالله تحركو
تمو خارجين وصلو المراح
فهد::عاونوني نهز هاد الضمادات باش نعرفو مولاها
قرب رياض تيهز بليݣة وتيحطلو فالساشي تا البرا هزوها يالله نواو يخرجو تا تسمع تقرقيب
سيف الدين::شش شي حد هنا
فهد::خليكم ورايا
هز فرديه وتمشا بشوية وسيف وراه ودراري بقا فبلاصتهم ومستعدين لأي حاجة فهد بانتلو شي وحدة وقفات عاطياه بظهر حط ليها فردي على راسها
عند عفراء
بقات فمكانها مغيبة دخل الرجل تاع قبيلا تيقلب عليها دخل الدريسينغ ملقاهاش يالله خارج لمح القفطان هزو
الرجل::شهناز كانت هنا فاااك
رما القفطان وهز تيلي تيعيط العفراء وتيسمعو تيصوني فدريسينغ بقا متبع الصوت رد الباب وبانتلو مرمية وشوية الدم نازل خرج عينو
الرجل::فااك غنشدها غنقتلها هي للي دارتلك هكا
هزها وخرج بيها من اللور تاع الكوخ مشا تيجري تال طموبيلتو ودخلها وكسيرا
عند راضية
هازة كنزة تتنعس فيها تا جاها ميساج من عند مها مدات كنزة لجود هزها وهي هزات تيلي تشوف شنو كين حيت مها مبقاتش تتعيطلها شافت الميساج وإستغربات
سهام✉️::جي غدا عندي وباتي معايا توحشتك
حطات تيلي مجوباتهاش وبانت فيها متعجبة
ريهام::آش تم
راضية::معرفتش ماما جرات عليا آخر مرة ودبا جاني ميساج غريب من عندها قالتلي جي باتي عندي
ريهام::متعرفي تكون باغا تصلح أمورها معاك
جود::بين ليلة ونهار ميمكنش من الأحسن تخللي تنلقاو شهناز وتفكري فحل
راضية::وي عندك الصح
عند أسماء
فاقت اليوم كان ياسين حداها فالغرفة بتاسمات
أسماء::بغيت الما
جابلها الما شربات وعاونها تقادات
ياسين::باباك وماماك نزلو الكافي شويا ويرجعو
أسماء::المهم نتا هنا
ياسين::آخر مرة نخليك الراسك
أسماء(بتاسمات لكن سرعان ما جمعاتها تفكرات شي حاجة)::شكون لقاني فالممر واش نتا
ياسين::لا أحدى الضيوف
أسماء(بتاسمات)::خاص نشكر للي لقاني أما كون مت
باقين داوي تا دخلات البنت للي لقاتها هازة بوكي حطاتو وسلمات عليها
البنت::على سلامتك أختي من نهار لقيتك ومنعستش وحلفت تا نطمأن علك باش نرتاح
أسماء بقات مستغربة ولكن رغم كلشي جوبتها
أسماء::ربي يخليك
بقات غا شوية ومشات وأسماء دارت لياسين
أسماء::واش هي للي لقاتني
ياسين::أه هي ومن زهرك جبدتيها وهي تبان
أسماء::أه
ضحكات معاه ومبيناتلوش شكها حيت هي متأكدة أنها شافت شي رجل فحصها ولكن كان كلشي مضبب لهذا مقادراش تحدد الأمر
.....يتبع