أحببتها حتى الهوس::"ذات_النقاب "♡ بالدارجة مكتملة ♡

الجزء السادس

أحببتها حتى الهوس "ذات النقاب"🌹
بارت16
حيد السمطة ورماها الأرض وبدا يخبط فيها بالسمطة تيضرب ووالو منزلاتش دمعة وبرا مزال كنزة تتغوت وتبكي على بنتها لاح السمطة وجرها من شعرها قابل وجهو مع وجهها
المختار:شنوو متوعتيش علااش متتبكيش بكي باش تسمعك بنتي ومتبقاش تبكي بكي غوتي طلبيني وغنحبس
شهناز(بجمود): قلبي مات مبقيت تنحس بوالو السي المختار غا ضرب وداكشي للي باغي عمرك تحلم بيه وأصلا عقابك عسير
المختار(دفعها وهز السمطة عاود خبطها رجلها):تتهديني ابنت الحرام المسخة تحل لك الفم
شهناز:يا قاضي الأرض ويلك من قاضي السماء اللهم جبر قلبي بكسر قلوبهم كسرا لا ينجبر(هو تيضرب وهي تدعي بصوت أعلى وهادشي تيزيد يعصبو)حسبي الله ونعم الوكيل يا قاضي السماء أنزل مقتك وغضبك على الظالمين حسبي الله ونعم الوكيل حسبي الله ونعم الوكيل
المختار(لاح السمطة):ودبا بقاي تدعي الله يلݣيها لك نتي ومك للي يسمعك تدعي تقولي تتصللي على هيضورة سبع
شهناز:ويل لك في يوم ليس لك الله يمهل ولا يهمل حسبي الله ونعم الوكيل الظالم
تم خارج وقفات وخسرات عليه فقط هضرة وحدة
شهناز:مللي تعاقب تفكر هاد الهضرة للي غنقولك دبا غتندم ابا وغتندم يوم لا ينفع ندم بقا مفكر أنه واحد نهار غتندم ومغتلقا تاواحد حداك وغتبكي من شدة ندمك ولكن الوقت أيكون فات الله معاك أسي المختار وبا هادي غتكون آخر مرة غتسمعها مني أنا اليوم كنهي كل العلاقات معاك ومتنساش فاش تخرج تسد الباب وراك
حل الباب وهي تدفعو كنزة ودخلات شدات بنتها تتقلب فيها لقات يدها زرقين وحنكها تاهو ورجليها كتر
كنزة:أهيئ 😭 الله يعطيه موصيبة الله على بنتي الله بكي أبنتي فرغي بكي
شهناز(الصمت)
مدوات متكلمات فقط بعدات مها ومشات تكات جلسات حداها مها تتلعب بشعرها وتتحاول تدويها ولكن والو بقات حداها تابانتلها نعسات وهي تعيط لريهام عوداتليها شنو وقع دازو فقط دقائق وهي تصوني ريهام دخلات لقات كنزة حالتها صبراتها ودخلات عند شهناز جلسات جنبها وخا ناعسة ومفيقاتهاش بقات شي ساعة أجالسة حداها عاد بدات تتفيق شافت حداها لقات ريهام ناضت جلسات بشوية وبقات تتشوف فيها
ريهام:حبيبتي بيخير أنقادلك دوا
هزات البوماد تتديرلها في البلايص المنفوخين وهي غا ساكتة حدها نطقات كلمة ورجعات تكات
شهناز:علمي الإدارة بللي مريضة وغناخد سيمانة وغنجيب شهادة طبية فاش نكون راجعة وخرجي وسدي الباب مباغاش إزعاج
مقدراتش تناقشها خرجات قالت الكنزة شنو كين وجلسات معاها تتصبر فيها وتيدعيو على المختار
دازت سيمانة بالتمام والكمال موقع تا تغير فهاد الفترة شهناز بقات فبيتها تتخرج غير تاكل مع كنزة حيت عارفاها غتبقى تبكي هذا لاش تتخرج متدوي ما تتكلم وتترجع البيتها الضربة للي في وجهها مبقاتش بينا بقا غا شويا فيدها وفي فخاضها طول هاد الفترة وهي حاسة بالفقصة بالخصوص فاش كانت تطل من الشرجم وتيبانلها باها معنق بنتو وغادين فرحانين العصاب ركب فيها ومقادراش تخرجو ومباغاش تدوي حيت لدوات دبا غتخرج فكلشي ولخرجات فكلشي تاحد مغيعجبو الحال وغتضر تا مها وهادشي للي مباغاش وفضلات تسكت ريهام مرة مرة تتجي تتحاول تخرجها من جوها ولكن والو فهاد الفترة في المدرسة جات راجية مع آدم حيت شهناز مبقاتش دخلات الواتس زائد سمعات من آدم بللي متتجيش المدرسة وجات تسول سولات ريهام وقالتلها بللي مريضة مبغاتش تعاودلها بالتفصيل حيت تتبقى حياة شهناز ماشي حياتها دارت معاها راجية باش اللخر تاع السيمانة تجي هي ودليلة يشوفو شهناز وريهام قبلات علمات كنزة بقدومهم وكنزة علمات بنتها للي مجوباتش بقات غا ساهية في الشرجم(فينما تتبغي تجلس في الشرجم تدير نقابها)