أحببتها حتى الهوس::"ذات_النقاب "♡ بالدارجة مكتملة ♡

الجزء 40

أحببتها حتى الهوس "ذات النقاب"🌹
بارت118
بقات ريهام حدا شهناز أما باقي البنات كانو تيتسخرو على الناس ومعاهم تا سهام بدات تتفيق شهناز فاقت ولكن هاد المرة ساكتة غا دموعها للي تينزلو ووجهها بهات عنقاتها ريهام تتحاول تصبرها بعداتها بشوية
شهناز::جيبيلي عبايتي وزيفي
مشلت جبداتهم عطاتهم ليها لبساتهم ودارت زيفها وتمات خارجة غا شافوها العيالات وناضو يسلمو ويقولولها البركة فراسك مكانتش تتجاوب كانت ساكتة حاسة بيدها تكسرات والحنينة عليها مشات شداتها راجية جلساتها فالصالة مع نسا وولا للي دخل يسلم عليها وهي ساكتة متتجاوبش
داز الوقت وجا سيف الدين كانو دفنوها دخل الدار باش يشوف مرتو غا شافتو ميلات شفاتيفها وناضت عنقاتو تتنخصص وهو تيسكت فيها ووالو تا بدات تترخالو فيدو هزها بالزربة
سيف الدين::ماما الما الما
دخلها البيتها وجابتلو مو الما رش عليها تا حلات عينيها
سيف الدين::جيبي شي حاجة نوكلها ليها من فاش ولدات مكلات وسمعت بعد الولادة تيكونو العايالات مفتوحة لهم الشهية
مشات جابتلو الماكلا للي هي خبز فيه دجاج خداه وهي مشات قرب حدا شهناز مبغاتش غير تتبكي ولكن بقا تيصبر فيها وتيفكرها فبنتها للي باقا تتسناها خدات وكلات وبقا جنبها
شهناز:: نخرجو عندهم
سيف الدين::غيكونو رجال دخلو فينو نقابك
شهناز::معرفتش
ناض تيقلب فجيهتها لقا واحد جا دارولها وشد من يدها وخرجو جلسها حدا مو عاد هو مشا جلس حدا رجال وعينو عليها
داز نهار غير فالعزايا شهناز مكانتش بقات معاهم بزاف حيت تتأزم فاش تتشوفهم تيبكيو خداها سيف ومشا لقصر نيشان بعد موصى مو تبقى مع راضية حيت عارف راضية ساكنة تم وعاد باش كون شهناز ممدمراش كانت غتوصي على نفس الحاجة
أصبحنا وأصبح الملك لله 🍁
فاقت شهناز راسها غيتفرق بسباب البكا ناضت قبل من سيف توضات وتدعي ربي يسمحلها حيت رغم أنها حائض ناويا تهز المصحف  خرجات وهزات كفوفها لسما تدعي لمها ولراسها بصبر فاق سيف على بكائها ودعائها تسناها كملات وجا جلس حداها وجرها معنقها وهي تتنخصص
سيف الدين::متبكيش ماماك غتكون في الجنة بإدن الله ومتنسايش قوله تعالى °وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون°
شهناز::ونعم بالله
ناضو وهو دخل يتوضى وهي جلسات فوق سريرهم قرات ما تيسر من القرآن وهو صلا عاد سدات المصحف ونزلو حطلها فطرات بزز كانت العائلة كلها من غير راجية كاملين عزاوها تا سعاد للي فاش جاو قالولها شنو واقع ولكن مقالولهاش موت لمياء بناتها عاقبهم باهم بأنه حبسهم فبيتهم أما سمية مرتو راه غا ساكتة ومنى بنتها تطرطى بين دراري كل مرة تتلوح الهضرة لواحد كملو الأكل وناض سيف الدين ومرتو ركبو وتاجهو لعند راجية وصلو ونزلو دخلو بزوج كانت الدار فيها غا العائلة كان تا الجد البارح مع الصدمة مشافتوش مشات حيدات النقاب وسلمات عليه وناضت مشات خلات عمتها تتشوف وتميق ورحيم مراقبها معرفش باش تيحس ولكن حاس بللي وميض عشقو ليها طفى مع حقيقة عمرو سيف جالس وتيشوف نضرلتو تعصب وناض تبعها جرها لبيتها نيشان
شهناز::مالك
سيف الدين::والو والو غير بقاي هنا حسن
فهماتو ومقالت والو حيت تاهي نضراتو زعجوها مشات جليات وهو خرج لقاهم مكينينش سول مو عرفهم طلعو الدار الفوق حيت المختار كان مزال منزل وخا مرتو نزلات
راجية::طلع تانتا أولدي عندهم
سيف الدين::واخا
طلع تاهو إيوا الباب مردود سمع مالم يكن في الحسبان سمعهم مناقشين ورحيم تيغوت ومعاجبو حال وهنا كتاشف أن المختار ولد المختار دخل وعلى وجهو صدمة شدو الجد
الجد حسن:: ولدي الله يرضي علك متقول والو شهناز مدمرة ولعرفات غتدمر كتر
رحيم::هه آش أتعرف بللي الشخص للي نواها حلالو صدق خوها
شمق عليه سيف مغدد عليه من زمان
سيف الدين::مال الحمار للي ولد مبغيتي تحشم مررررتيي هاااديك للي راك هاضر عليها وواخا تكووون بااها مغنخليكش تقرب صوبهاا وديني تندوز علك وديني أرحيم إتقى شري فأني من شر ما خلق
رحيم(هز يدو الفوق)::واخا غا طلق
جرو المختار والجد عاد نفضو وطلقو وياس يدو وتم خارج قبل دار شاف في الجد والمختار
سيف الدين::أنا دبا غنسكت ولكن راه غير يدوز الوقت وغنقولها ليها حيت مغنخبيش عليها حقيقة حياتها
نزل وخلاهم تيشوفو
جليلة::يعني نفهمو دبا بللي مبقا والو والحقائق يبانو
المختار::آش تتخربقي إنا حقائق
الجد حسن (ضرب بعكازو الأرض)::يالله نزلو وبراكا من السخافات
نزلو التحت بقاو تقريبا تا تغداو عاد بداو يتفرتكو وكلها دارو قبل ميكلع المختار وقفات قدامو شهناز
شهناز::السي المختار هاد الدار فسمية الوليدة والوليدة نهار حبستيني هنا كتباتها فسميتي يعني متفكرش تخرج ختي منها واخا
بقا كيشوف وطلع بحالو وهي تنهدات ودارت عنقات ختها بقاو معاهم تا تعاشات العشية ورجع هو وياها أما راجية رفضات تخللي دار صحيبتها وراضية بوحدهم
في القصر
دخلو شهناز وسيف يالله غيطلعو وهما يدخلو البوليس باش يعلموهم بالجديد وقفو بزوج وجاو حدا باقي العائلة
....يتبع