أحببتها حتى الهوس::"ذات_النقاب "♡ بالدارجة مكتملة ♡

الجزء الرابع

أحببتها حتى الهوس "ذات النقاب"🌹
بارت10
بقاو جالسين معاها تال تسعود ونص عاد ناضو لديورهم شهناز دخلات الدار لقات مها نعسات دخلات تاهي بدلات ونعسات أما ريهام دخلات ملقات حد مشات نيشان البيتها بدلات ونعسات
أصبحنا وأصبح الملك لله ☀️
فاقت على صوت المنبه ناضت بسرعة حكات سنيناتها ولبسات كسوة في القهوي وفوقها واحد لعيبة تاعها فحال العباية فنفس اللون من وراها دارت نقابها  في الباج مايل الغوز بيبي طالو باج عاد خرجات
كنزة:بنتي أجي تفطري
شهناز:معليش اماما أنفطر برا مع ريهام حيت البارح فاش طلاقيتها وخا تضحك أنا متأكدة فيها شيحاجة
كنزة:واخا أبنتي الله يعاونك ويبعد علك ولاد الحرام
شهناز:أمين
عند ريهام
فاقت على صوت باها تيفطر وينݣر
الجيلالي:غاتبقا خامرة ياك قالك غتخدم وتخرج تخدم خلااص تجيب متاكل أنبقا خدام عليها
ربيعة:عيشك أزماني حاول عليها راه باقا صغيرة
الجيلالي:عارف مقصر من جيهتك أحياتي وعارف تتخبي عليها ولكن متنسايش بللي راه ديما مسبقة معاك العيب
ربيعة:منديش عليها راها بنتي
الجيلالي:قلبك هشيش وهادشي للي تيحمقني فك
جر مرتو جلسها قدامو وبداو في المسخ أما ريهام ولفات كل صباح تسمع هاد الديسك الحافي لبسات وخرجات لقاتهم فداك الوضع بالزربة حلات باب الدار وخرجات تتجري موقفات تا الراس الدرب عيفها منظرهم بقات تتستغفر الله تا جات رفيقة روحها
شهناز:صباح الورد الزين ديالي فطرتي
ريهام:منين صبحت على واحد المنظر روعلي خاطري
شهناز جراتها المحلبة جلسو كلاو تا شبعو عاد ناضو
شهناز:يالله طلقي رجلك
ريهام: عاد كنتي تتعرجي
شهناز:أسكتي رجلي من البارح وهي عاطياني صداع نضت فالليل درتلها المساج ودبا غير تنفورصي باش منتعطلوش
ريهام:مسخوطة ولابسة الطالون
شهناز:راك عارفا بللي هذا ستايلي وواخا رجلي ضاراني مي منستغناش عليه هه
وصلو ودخلو مشاو الإدارة تعرفو على المدير عاد مشاو الأقسامهم
✨فدار الجرموني✨                
جالسين على مائدة الفطور مترأسة الطبلة الجدة دليلة
رقية:سربي أمامي كول تعطلتي ليوم
آدم:مفيا منمشي أصلا مزال مجابولنا أساتذ تيدخلونا غير مع أقسام آخرين
أسامة:عيطت غير صباح المدير قالي بللي جابو أساتذ للقسم تاعك يالله نوض أبابا أصلا راك معطل
آدم:أنا كملت شكون أيديني مغيخليونيش ندخل
رقية:نوض أنا غنديك
راجية:غير خليك معاونة رحمة فتجهيزات لضريب صداق مبقالو والو أنا غندي أميري صغير
آدم:وراه كبرت
راجية:ايه كبرتي غا زيد
سعاد:كون غا سمعتو ليا ومزوجتوش رياض بديك خيتي راه غير طامعة فيه
رياض(خبط الفرشيط):واش مزال مباغاش الدخلي سوق راسك
دليلة:براااكا هاد الموضوع طول ونتي أسعاد مسوقكش حنا راه متنميزوش بين الغني والفقير يكفي تكون متخلقة أما نتا أرياض راه كينين حنا هنا حتارمو راسكم
رياض:سمحيلي أجدة(ناض باس راسها)خليتلكم الراحة الوليدة راه السيمانة جاية غنديرو الكاغط وراه عيطاتلي البارح سلمى قالتلي غدير حفلة خفيفة حيت صحاباتها مبغاوهاش تمشي بلا والو
رحمة:أصلا كنت أنا أنديرلها حفلة ضروري بالخصوص هي يتيمة وأنا مباغاهاش تحس بالنقص مزيان مللي صحاباتها فكرو فيها
عند راجية
ركبات فلوطو تاعها وركب حداها آدم ونطالقات وصلات المدرسة بلاصات ونزلات ونزل تا آدم
آدم:جدة غدخلي معايا
راجية:هه تتشرفني بجدة تا قولي طاتي حسن
آدم:وراه بابا تيقولي قولها جدة حيت قدك قد جدة رحمة
راجية:يشويني فيك راني صغر منها زيد أولد أسامة شي نهار نعصيك زيد زيد
دخلات سولات عاد تاجهات بيه القسم وفنفس الوقت تتفكر كيفاش أتطلاقا مع المنقبة للي سلبات لولدها عقلو وصلات القسم ودقات ومن حسن حضها لقاتها منقبة أصلا هي ديجا سولات وعرفات من الحارس للي في الباب بللي كينا غاوحدة للي منقبة فهاد المدرسة شافتها فرحات ولكن مبيناتش.... يتبع