أحببتها حتى الهوس::"ذات_النقاب "♡ بالدارجة مكتملة ♡

الجزء 36

أحببتها حتى الهوس "ذات النقاب"🌹
بارت106
مع نزلات بانولها دراري داخلين محسات غا برجليها قادوها ليهم توقفات عليهم وشدات فسيف ناسية راسها
سلمى::سيف الدين خاص نقولك شي حاجة
شدها رياض مخنزر وتم مخرجها الجردة ودراري تابعينو ومعاهم سيف الدين
رياض::آش ديك الشدة
سلمى::التلفة والله سيف الدين أجي
قربو دراري ضارو بيها
سلمى::خويا أسامة متقول والو الأدم واعدتو
أسامة::هي شي موصيبة جديدة
سلمى::لمياء محاملاش
سيف الدين::كيفاش
جود::ولكن كرشها
سلمى::أدم سمعها تدوي مع ديك منى وهي يمكن فرملية وصحبتها وكانت عطاتها دوا تينفخ الكرش باش تبان حاملة
سيف الدين::يعني هاد الأمر تحل سمعيني أسلمى متقولي لتاحد شي حاجة خللي هادشي هنا ها رياض يشرحلك علا
سلمى::واخا
دخلو دراري بقا غا رياض مع سلمى مربع يدو شافت فيه بنصف عين
سلمى::صافي فهمت آخر مرة والله غير مع التلفة والرهبة وكلشي تخلط منعاودش
رياض(تنهد)::المرة جاية نخلطلك الملامح
سلمى::اييه لقدرتي الديرها غا ديرها قولي شنو كين
شرحلها الوضع بإختصار وحلفات متقولها الحد عاد دخلو جلسات فبلاصتها وطمنات رقية على أدم أما رجال كلهم فالصالة التانية سيف الدين كان مع رجال وناض باش يشوف شهناز دخل العند نسا ملقاهاش
سيف الدين::جدة مبانتلكششهناز
الجدة دليلة::لا جيت ملقيتهاش
رقية:: طلعات البيتها
سيف الدين::ياكما فيها شي حاجة
بنت عمت محمد1::عشنا وشفنا تفقنين والفشوش تا الجلوس مجلساتش معانا
سيف الدين::تنضن الأمر متيخصكش لديتيها فراسك غيكون أحسن مشا وخلاها وسعاد طلقاتها بضحكة
سعاد::ههه 😂 زعما نتي ومك تيعجبكم القميع
عند شهناز
شافت الفيديو من أولو الآخرو تعصبات وبشاعت المنظر متقبلاتوش فكرات ألف مرة فراجلها فاش غيشوف الفيديو هي تتعرفو مزيان متأكدة غيدير شي حاجة فراسو مستحيل يتقبل أن وحدة لغبات فجسدو بديك الطريقة بقات تتعاود الفيديو كأنها باغا تأكد من شي حاجة تحل الباب قفزات وبالزربة زولات الكلي وبقات شاده فدها مدرقاه بالكمايم
سيف الدين::مالك علاش طلعتي
شهناز(توترات مي تبتات راسها)::والو طلعت غا نرتاح وهزيت بيسيك تنقلب على شي فيلم ووالو
حطات البيسي وقربات حداه
شهناز::علاش طلعتي
سيف الدين (حط يدو على حنكها)::طلعت نشوفك خفت تكون بيك شي حاجة
شهناز::فين كنتي قبيلة فاش طلعت مبنتيليش
سيف الدين::عيط لينا فهد البوليسي عقلتي للي مكلف بقضيتك
شهناز::أه شنو بغاك
سيف الدين::والو غا قالي لقاو الخدامة ولكن ميتة وموصلو الوالو
شهناز::أه جا معاكم
سيف الدين::أه دبا غيتحط الأكل غتاكلي هنا ولا مع المراوات
شهناز::مجاتش نخليهم وناكل هنا غناكل معاهم يالله نزلو
زلات هي وياه وكلها تتغزز على شنو شافت وفابلها سؤال واحد ديك العقوبة منمن حاملة غتقولو ة فعلها باردة غنقولكم هي مزال ممستوعباش شنو شافت وخايفة على راجلها فنسبة خوفها طغات على نسبة عصبيتها أما سيف الدين مقالهاش كلشي حيت عارفها مزيان وعارف لعرفات بللي محاملاش وبللي عندها علاقة بديك محاولة القتل غتنزل تهرسها نزلو مشا لرجال وهي جلسات مع نسا كان الأكل تحط زولات النقاب وبدات تتاكل
بنت عمت محمد2::زوينة بعدا كان يسحابلي غا شي خيبة واش دايرة التجميل بانولي حناكك ماشي طبيعيين
راجية::كولي كولي وبقاي حاضياها
مزال داوين توحلات الشهناز بسرعة مداتلها ريهام الما وهزاتلها كنزة يدها تا تقاد تنفسها
كنزة::باسم الله علك أبنتي شافك ربي بملوكو مشافك عبد مشرط حنوكو
عمت محمد1::ولينا نتلاوحو بالهضرة
الجدة دليلة::خليونا هاني وكولو
بقاو ياكلو كملو وتحط الديسير وكمل كلشي وقادات كنزة لبنتها النقاب
أسماء::شهناز بانتلي ختك راضية تضور بحالا دار باها قولها كلشي مزوج
كنزة::عديمة التربية أش هاد الطريقة تدوي بيها على بنتي وهي أشرف منك
راضية للي كانت ناضت الطواليط بعدما خادت الإدن وعاد راجعة تساطحات مع فهد
فهد::سمحيلي(هز ساكها طاح مدولها)مقصدتش
راضية(شدات صاكها)::أك مي وللي ترد البال
مشات وخلاتو تيشوف فيها ويحك فراسو
شهناز جلسة مع نسا وهما يدويو ومرة مرة يدورو البنات كلهم يرميو الهضرة وسعاد تجاوبهم وتحشيلهم لمياء جالسة هازا تيلي وممسوقاش بقاو على هاد الحال تا ناضت لمياء إستأدنات وطلعات البيتها شهناز غا شافتها ناضت وهي تنوض تاهي
.....يتبع