أحببتها حتى الهوس::"ذات_النقاب "♡ بالدارجة مكتملة ♡

الجزء 16

أحببتها حتى الهوس "ذات النقاب"🌹
بارت46
شهناز(وقفات تتمسح فدموعها ومغدة)::غنخرج ندوز على مو أنا نوريه
مشات تتجري هزات موص تاع دبيحة وتمات خارجة سيف قلباتلو نوامر تاع مخو وزاد تصدم بيها وشاف جانب آخر منها
كنزة(بدات تتندب)::أويلي أويلي على بنت الحرام سيف حبسها دير شي حاجة
ناضلها سيف شدها وحيدولها وهي تتغوت تا همسلها عاد سكتات
سيف الدين(بهمس)::غناخد حقها وديني تغناخدو تهدني عمري خلفت وعدي
وقف جود تيطرطق فعنقو وتيزول المݣان وحيد تا تيلي والبسطام من جيبو
سيف الدين (للي دار نفس الشي)::شي كوكبا العشير
جود(بضحك)::خللي ليا للي قاسها
سيف الدين (فاهم خوه وشايف نظراتو ليها)::جاتك
راضية::تتهضرو مبردين من نيتكم
جود قرب لريهام وهضر
جود::وحياة الوليدة تا غنخليك تاخدي حقك نجي لقاك لبستي شهناز منوصيكش
سيف الدين (عاد شاف شعورات قربها ليه)::سيري تلبسي ولبسي البنت ومتخرجيش تنقولهالك وقادي نقابك أبنتي قبل منقادلك دماغك
شهناز::صافي صافي
هما خرجو وهي دخلات لبسات عبايتها وشالها وهزات نقابها فيدها وجابت بيجامة وعباية وزيف لصحبتها عاوناتها لبساتها وداواتلها رجلها وهي غا تتبكي وكنزة جنبها تتواسيها تا راضية تتحاول تخفف عليها
شهناز جرا ريهام للي تتمشى بشوية ومشاو الشرجم تيطلو وتا راضية وكنزة ماو الشرجم اللاخر تيتفرجو
سيف الدين خرج هو وجود وسدو الباب وتقابلو لك مع با الجيلالي للي تيعرعر مجا فين يكمل تعرعيرو تا دخل فيه سيف براس زعزعو
سيف الدين::هادي باش تعلم تعاير شرف مرتي
هشام::هييه آش يسحابلك راسك
يالله جاي تا تلقاليه جود بكروشية تسرح فيها الأرض
معطلوش في البلاصة تلاح يضرب فيه ويسب ليه العروقة وجدور وسيف الدين تاهو شنق على الجيلالي وحيت جاه قليل الصحة مضربوش بكروشي غا تيصرفق فيه وسي الجيلالي ولا شرويطة مقادر تا يدافع على راسو وربيعة تتجر فسيف وتغوت وهي تهضر شهناز من الفوق كانت عدلات نقابها قبل متدلا
شهناز::أديك المنتوفة أتبعدي من راجلي ولا نهبط نفرس مك
ربيعة::وبنت كنزة الله يرضي علك ها العار قولهم غنمشيو غا باراكة
الجيران شافو الطرح حما كثر من القاي عاد تدخلو تيفكو سيف غا بانلو الجيلالي بدا تيقلب العوينات وهو يطلقو جا مخبوط على ضهرو ومرتو تشبحات معاه تتبكي وتنحط تم
الجار::حشومة أولدي الراجل قد باك
سيف الدين::فعايلو فعايل براهش ومرتي للي قرب منها وديني تندوز عليه وخا يكون قد جدي
جود::حيد قبل من نخلد الز* بوك معاه
بعدو من جود للي هز سي شرويطة للي ولا واقف أبزز عين مفتوحة وعين مسدودة وشاف في الشرجم
جود::رييهام نزلي
شافت شهناز فسيف للي حركلها راسو وشدات من ريهام ونزلو بزوج حللو الباب وخرجو والدرب تيتفرج مد جود يدو لريهم مشات عندو وشهناز مشات عنقات راجلها للي عاق بللي غايرة هه تاهو لمح بنات الدرب كيف لمحاتهم تاهي تيتعوجو ويغمزوه همس ليها
سيف الدين::نتي للي تنشوف أما غيرك متيبانش ليا ومخاصكش تغاري منهم هما للي يغارو منك
زاد ضمها ليه وقبل راسها
جود شد ريهام حطها قدام هشام
جود::ضربيه ورضي شنو دار ولا غاشوية من شنو تتحسي
بقات مترددة مدة وغا تتفكر فاش كان تيتحرش بيها ويقولها نتي ديالي وهي تجمعها معاه بتصرفيقة وهو مقادر يدير والو حيت وراها راجل خاف يقول حاجة ويسيفطوه القبر بدات تتركل فيه وتنتفو وتغوت آخر حاجة دارتها عطاتو الحجر طاح تيتلوا عنقها جود وهي تتبكي قرب سيف منو وزولهالو عطاها الشهناز
سيف الدين (ربط على كتف خوه)::وآتو البيوت من أبوابها
مشا طلع وخلاه تيضحك فهم بللي راه عارفو وتاهو وراه طلع هز مݣانتو وكلشي تيخصو وسيف نفس الشي
سيف الدين::يالله خلينالكم الراحة شهناز وقع شي أمر عيطيلي
ودعوهم ومشاو وشهناز حطات الريهام التاكل وخا بزز باش تتبلع وعاد داتها البيتها ونعسو
....يتبع