أحببتها حتى الهوس::"ذات_النقاب "♡ بالدارجة مكتملة ♡

الجزء 47

أحببتها حتى الهوس "ذات النقاب"🌹
بارت139
عاود جبدو باش يعاود خشيه يالله غا يعاود يخشيه سمع الدقان بسرعة هز موسو ونقز من البالكو مشا أما شهناز شدات فالبلاصة للي ضربها فيها وناضت تتبكي مقادراش تتغوت وهمها دابة بنتها واش بيخير نايضة تتجر فرجلها ومحنية
عند راجية
كانو نزلو البنات التحت وكلشي تجمع بقات غا شهناز
راجية::نطلع نقولها تهبط باش نيت دير كسكروط
سعاد::الفشوش الخاوي
راجية::مسوقكش
طلعات راجية تدق على شهناز حيتالباب مسدود من الداخل تخلعات فاش مجوباتهاش وبدات تدق بالجهد للي لتحت يمعوها وتمو طالعين تا رجال للي كانو عاد داخلين يتجمعو فديك الوقت شهناز كانت تتحارب لقات بنتها مكيناش خافت كثر يكونو داوها قربات الباب تتفتخ فيه ويدها كلها دم مع حلات الباب ترمات فيد راجية راجية طاحت معاها وتتغوت لربي للي خلقها
راجية::شهناااااااز ااااااهلعو يتجاراو إثر هاد الغوتة سيف غا شاف حالتها عطا البنت المرت عمو وجا هزها بالزربة ونازل يجري
شهناز(تدوي بشوية):: سيف بنتي
سيف الدين::شش متفورصيش على راسك بنتنا بيخير
دخل الطموبيل هازها وجا رياض ساݣ نيشان المشفى
دخلوها كحالة مستعجلة وبقاو برا تيتسناو جايا رحمة وݣاع العائلة وتا راجية للي مزال تترعد كنزة كانت طالقة حلوقها تا جا هزها سيف معنقها تا سكتات أسامة ولؤي غير مشاو العائلة وهما يوصلو خبروهم الخدامات بشنو واقع وتبعوهم يتجاراو وصلو جلسو مع الباقي فهد كان تيدير إتصالاتو البوليس يجيو ونيت جاو خداو إفادة الكل بقات غا المعنية بالأمر
دازت ساعتين عاد خرجات الدكتورة
الدكتورة::على سلامتها الحمد الله متقاسش شي عضو خيطناه وخاصها الراحة شهر يعني متحركش شي حركة بالجهد ولا على غفلة
سيف الدين::الحمد الله
الدكتورة::غينقلوها دبا وتقدرو تخرج ها اليوم على سلامتكم
مشات ونيت وراها خرجو شهناز والبوليس بقاو برا مع فهد وتا رجال بقاو برا سيف هز بنتو من عند مو
سيف الدين::سيري مع جود جيبي المرتي متلبس
راجية::واخا أولدي
مشات موومع جود حابت شنو غيخص شهناز يالله غتخرج من البيت شافت شي حاجة فالأرض هزاتها خشاتها فجيبها ونزلات مشات هي وجود وصلو القاو العايالات عندها الداخل غا رجال للي برا وحداهم سيف الدين ممخليهمش يدخلو
راجية::فاقت أولدي
سيف الدين::أه فاقت دخلي عندها بدلولها
راجية::واخا
دخلات وجود بقا تيشوف فيهم
جود::شفتوها ولا مزال مالكم جالسين هنا
رياض::وخوك قالك تتلبس مرتي زيفها عاد دخلو وهاحنا جالسين
سيف الدين::ومالك باغيني ندخلكم العند حرمتي وهي ممغطياش حمدو الله متنديرلهاش النقاب قدامكم
أسامة::ههه 😂 لا نتا بزاف
جود::عادرك العشير تانا مرتي متشوفوهاش بلا زيف
لؤي:: دوماج البنت للي غناخد ممتحجباش
فهد::العشران خاص تاخدو الإحتياط هاد الهجوم جا على غفلة
أسامة::نسيت مقلتلكمش سلمت الأدلة البوليس يعني شهناز تفكات
ليل:: علاش سلمتيهم بلاما نشوفوهم
لؤي::كنا جايين الدار تا تبعونا شي وحدين وباين هدفهم كسيرا أسامة مبقاش دار وراه تا وصلنا المقر دخلنا حطينا الدليل وخرجنا لقيناهم مشاو
سيف الدين::يعني لاعبين معانا قاش قاش شي حد تيعاونهم من الداخل مستحيل مزال نخللي مرتي وبنتي الراسها
كنزة كنت فحضنو وتتماطا لأيوب للي كان شادو أسامة جراتو من شعرو تا غوت غوتة وحدة وطلقاتو وبدات تضحك
سيف الدين::آش درتي أكنزة ويلي دربي مومو
أسامة::شد عليا بنتك صافي أبابا جيتي مع وحوش أولدي صافي صافي شش
جود::ههه 😂😂 وقبيحة بنتك الخوادري شدلك أبا أسامة
سيف الدين::مها قبيحة وبغيتوها تخرج ضريفة
ليل::زعما نتا ضريف بااز
خرجات عندهم راضية
راضية::خويا كملات اللبس
ناضو دراري دخلو هما وسيف وتا البوليس وقف سيف عند راسها باسو ليها وشد فيدها
البوليسي::مدام الجرموني بغينا نعرفو شنو وقع بالتفصيل
فهد::قولي أي تفصيل متخافيش
شهناز(غمضات عينها تنهدات عاد دوات):: كنت ناعسة تا حسيت بشي حد تيلعبلي بشعري كنت نسحابو راجلي وفتحت عيني لكن كان شي حد ملتم عينيه كوحل قاليا سلمي على ماماك أه وباش منساش كون مقربتيش لبنتي مكنتش نقرب لك أشهناز ونتي جنيتي على راسك أديوس
البوليسي::شكون بنتو
شهناز::معرفتش
قيدو كلشي ومشاو وسيف غا مخنزر باين طالعلو زعاف كان مورك على يدها توعتات وحطات يدها التانية فوق يدو تا شاف فيها ورخف على يدها
راضية::درت إجراءات الخروج
سيف الدين::مزيان هاكي كنزة
هزاتها راضية وسيف تحنا هز مرتو كانت دايرة نقابها خرجو واللوخرين وراهم راضية لمحات شي حد تابعها بدات تتزرب فخطواتها ومع كانت هي اللورانية تخلعات دار فهد بانتلو صفرة بقا يتسناها توصلات ليه
فهد::آش تم
راضية::معرفتش شي حد تابعني
دار وراهم مبانلو حد جراها جات قدامو هي وكنزة وهو بقا وراها
.....يتبع