أحببتها حتى الهوس::"ذات_النقاب "♡ بالدارجة مكتملة ♡

الجزء العاشر

أحببتها حتى الهوس "ذات النقاب"🌹
بارت28
شهناز(توترات من نظراتو)::احم كملت نزلو
سيف الدين (تنهد)::بانلي غنتراجع بلاش متنزلي نتي أنبقاو هنا
شهناز(خرجات فيه عينيها)::أويلي ولكن ماما
سيف الدين (قرب باس راسها)::قبل منزلو باغي نوصيك وخا أيبانلك زدت فيه ولكن ماشي بيدي
شهناز(حادرة راسها)::همم
سيف الدين (هز ليها راسها تاتقابلو عينيهم)::أول حاجة زولي هاد ليلونتي وآخر مرة تحطيهم(دورها تاتقابلات مع المراية وهو وراها محاوط خصرها)زوليهم(مدات يدها حيداتهم وهو قبل خدها)شوفي شحال تتباني زوينة متبقايش تحطيهم عينك المخضرات سلبوني عقلي فخليني ديما نتمعن فخضرتهم يا أحلى ما وقع فحياتي
زادت تزنݣات كثر وجهها حمار بزاف وهو مبتاسم تتعجبو حشمتها دورها قابلها معاه وتنهد
سيف الدين::بغيت فاش نزلو تخللي بينك وبين عمك مسافة يعني متخليهش يعنقك غتقولي بللي تنزيد فيه ولكن هو بالضبط شوفاتو ممريحينيش فخليك بعيدة عليه
شهناز(بسرعة هزات راسها فيه)::واخا معنديش مشكل أصلا عمري خليتو تجاوز الحد
بتاسم وجرها بدون ميدوي مبغاش يحكر ويسولها مالها معاه حيت هو لاحض نهار عقدهم كيف كانت تترجف حلو الباب ونزلو وصلو التحت لقاو رجال فصالة والمراوات فصالة
سيف الدين::بغيتي تجي معايا تسلمي على باك ولا تمشي نيشان العند العيالات
شهناز(بتاسمات)::أنمشي العند العيالات مجاتش ندخل وسط رجال
سيف الدين::واخا المهم دخلي عند نسا حيدي نقاب لبغيتي ومتخليش شي حد يتطاول علك وجلسي حدا الوليدة ممنوع تخرجي من هنا الجردة حيت تيكونو ليݣارد
شهناز::واخا
قبل يدها عاد طلقها دخلات عندهم وهو مشا العند رجال سلم عليهم وجلس معاهم هي مع دخلات ناضت كنزة تعنق وتبوس فرحانة جلساتها حداها وحيدات شهناز النقاب
سعاد::عاد جاية من اللول كان خاصك تنزلي تستقبليهم
شهناز(تنهدات)::راه كانت ماما راجية وفيها الكفاية
راجية(فرحات بكلمة ماما):: ايه أنا كينا مكين لاش تا بنتي تنزل ترحب بيهم
سهام(تتميق)::صافي وليتي تحيدي النقاب
راضية(تتعيوج)::قلتهالكم أماما راه كانت تتسنى غير تخرج من تحت جناح بابا ودير مبغات
سعاد::هي كانت موالفة أصلا بينا فيها
ريهام::ماشي زدتو فيه عيب هكا وهي مدارتلكم والو وتنضن الموضوع يتسد هنا وهي حيدات النقاب أو خلاتو فمن الأصل بينها وبين راجلها
عائشة::تحل لك الفم زميه وتكمشي حدا صحيبتك
دليلة::براااكا مبقيتو تحتارمو حد
جليلة::لواه الحاجة راه مكدبوش على البنت راه هي سيرتها سابقاها
نور الهدى::لهلا يوريكم كيفاش تاحبسها خالي المختار راه حصلها ناعسة مع واحد
شهناز وقفات بالصدمة هادو عائلتها زعما يالله أتنساحب تا تسمعات صرخة قفزاتهم كلهم كان هو ومن غيره سيف الدين للي خرج يهضر مكالمة راجع تا سمع شنو قالو عروق جبهتو تنفخو وهو تيشوف كيفاش متاهمينها ومضورينها وهي غا حادرة راسها
سيف الدين::برااااااكاااااا وديييينييي تنننندمك
غا قالها وتم جاي ناحية نور الهدى معصب وغير اتهامها تيتعاود فدماغو الرجالة غير سمعو غواتو ناضو يجريو تا لقاوه قاجها هو للي غا وصل ليها قجها تا خرجو عينيها صافي تعمى هو كلشي تال حاجتو وميحمل للي قربلها خوتو وولاد عمو قربو تيجروه وهو غا تيسب ومعصب وبات نور تيحاول يفك بنتو هو وولدو
طه::وطلقها ازبل غتقتلها
صلاح::وفكي أشهناز ونتي تتفرجي راه بنت عمتك زعما