أحببتها حتى الهوس::"ذات_النقاب "♡ بالدارجة مكتملة ♡

الجزء 43

أحببتها حتى الهوس "ذات النقاب"🌹
بارت127
نزلات شهناز وسيف وبنتهم معاهم هازها باها جلسو بغات تاخد من عندو البنت ومخلاهاش باس تاكل فخاطرها ونيت جلسات حطاتلها تتاكل بانلها لجو مكهرب مي تفادات تسول تتكون مع البنات وتسولهم هزات بتيبان للي باغا وحطات قدامها
سعاد::اووه شهناز مفتوحة لك الشهية زعما أنا قلت من الحقيقة للي(مكملاتش هضرتها بسباب خبطة محمد على الطابلة)
محمد::سعاااااد
سعاد::هاا مالك تتغوت
سيف الدين (ضاغط على سنانو)::مرت باااا خليني محتااارمك ولزمي حدك وخلينا نفطرو فخاطرنا
شهناز غا تضور عينيها مفهمات والو ومهتماتش من الأصل هزات تتكمل ماكلتها تا سمعات الهضرة للي وحلاتها ليها شويا ومتجيف عطاها سيف الما عاد رجعات فيها الروح
عائشة::زعما قلت عمرك تسامحي خويا ولكن منتسالكش من ورا معرفتيه كدب علك ومقالكش بللي رحيم عمك يعني للي كنتي معتابراه عمك طلع خوك من باك
كلشي خرج فيها عينو هما حبسو سعاد طلعات بنتها كثر منها غير جافت شهناز تخلعو بسرعة عطاتها راجية الما وسيف تيحاول يبقى مبرد قدامها وقدام بنتو باش ميخلعهمش
سيف الدين (يدو على ضهرها)::بيخير
شهناز(مصدومة شافت فيه)::واش الهضرة للي قالت بصح
سيف الدين (تنهد)::يعني نص فيها صحيح
شهناز(وقفات وعينيها غرغرو):كنتي عارف
سيف الدين (تاهو وقف)::أنا مكنتش باغي
شهناز(قاطعاتو)::كنتي عارف اه لا
سيف الدين:اه
شهناز(جلسات بسرعة منهارة على الكل تخلطاتلها ضحكة مع دموع)::ههه يعني طول حياتي عشت فكدبة هه لا وزوينة راجلي عارف وتاهو ساندهم يكملو كدبتهم واو زعما عائلتنا مكينش فحالها
عطا بنتو المو عاد قرب ليها
سيف الدين (جلس قرفصاء قدامها)::شهناز خليني نشرح لك أنا
وقفات ودموعها ديزين شافت فيه نظرة للي لخصات بزاف تاع الحوايج وكسراتو من الداخل كانت نظرة كلها عتاب ولوم وانكسار وكره رجعات باللور وتتحرك راسها بلا
شهناز:لا أنا مختاريتش هاكا أهيئ 😭 (تم باغي يقرب)متقربش بعدد متبقاش تحاديني خللي بيناتنا التيساع
طلعات تتجري ومخلياه وراها مصدوم عينيه حمارو ضار شاف في ختو شوفة القتيلة تا تخلعات ومشات تخشات فمها هز سوارتو وخرج وخلا مو تتغوت عليه تسمعو روايض تحكو تاع لوطو تاعو طلعات راجية هازة البنت دخلات عند شهناز لقاتها تتبكي جلسات جنبها
راجية::شنو ديك ردة الفعل أبنتي
شهناز:: خالتي عيت والله
راجية::تهدني أنا بحال ماماك وخا مغنعوضهاش ولكن عرفي ديما أني غنبقى حالة لك حضني وقتما بغيتي تشكي عليا وسيف تيقيني عرف فوقت موت ماما فنظرك كون تحطيتي فموقفو تقوليهالو وهو أصلا محطم فكري فهادشيهو خرج دبا معصب حيت غضبك منو صعيب يتقبلو هو للي فاش حسك غتخليه بكى
شهناز(عنقاتها وتتنخصص)::الأحدات جاو متابعين كنحس بالخنقة هادشي علاش درت هكا أما أنا عادراه حيت تانا كنت خبيت عليه باش ميتأزمش
بقات تتسكت فيها وبنتها غا شافتها تتبكي بزاف وهي تبدا تجر فيها وتبكي
راجية::شوفلك البعلوكة خارجة قبيحة شو كيف تتجر تسحبني تنضربك ههه
شهناز::هه شابها مها
هزاتها شهناز وتتمسح دموعها عنقتها وناضت راجية إستأدنات وخرجات أما شهناز هزات تيلي سيفطتلو ميساج فيه جي دبا
هو كان غادي فطريق مكسيري تا وصلو الميساج شافو قلبو دق خاف تكون قررات تمشي قلب الدورة ديك الساعة وكسيرة وصل مع فهد قدقد طلع تيجري وخلاه تيشوف جاو دراري سلمو عليه
رياض::متديش عليه راه عنظو مشكل مع مرتو هذا لاش نقزك
فهد::معليش عادرو
كانت جاية راضية عندهم
راضية::خويا أسامة تكلم لرقية
أسامة::واخا
رياض::زيد دخل أفهد نيت تشوف ليث وتا كنزة
دخل وكانت راضية سابقاهم جلسات وفهد تقصد يجلس حداها ونيت دارها وخلاهم تا جلسو وجلس جنبها عاق بيه رياض كيف ديما يقلعها طايرة لا هو لا ليل للي تغامزو بزوج وبداو يضحكو
رياض::هانتا ها ولدي مغمض عويناتو
فهد:: تبارك الله غاهو مدا فك والو أبا رياض
رياض::لاواه راه توحمات عليا زعما دبا يكبر وتشوفو
بداو يضحكو عليه أيوب جاي تيحبو لصق فرجليه وهزو تيضحك
فهد::هانا على الفزغول كبر وولا يحبو حبيب عمو الفنيكيش مووااح وخرج محنك
أسامة::شابه مو ههه 😂
فهد::تاولد رياض محنك ههه 😂
رياض::أي دري صغير محنك
.....يتبع