أحببتها حتى الهوس::"ذات_النقاب "♡ بالدارجة مكتملة ♡

الجزء 58 والأخير

أحببتها حتى الهوس "ذات النقاب"🌹
بارت180
عائشة(بدات تتغوت)::ااااعع لللاا لاا أهيئ 😭
قرب فهد جبد مينوط ركبو ليها وهي غتتبكي مفهمات والو هز تيلي عيط البوليس أما ما تبقى هزو لؤي لوبيطال من غير محمد للي تبع بنتو وسيف تاهو مشا طاير وراهم لوبيطال أما شهناز سمعات الغوات لكن الوجع تجد لدرجة مرزات على سيف مغمضة عينيها
وصلو لوبيطال دخلو لؤي الغرفة العمليات وشهناز داوها لطبيبة للي متبعة عندها دقاتلها برا مهدئة ودارتلها الشيرو فحصاتها عاد خرجات عند سيف الدين
سيف الدين::كيف بقات
الدكتورة::الحمد الله على سلامتها البيبي وتاهي بيخير غا هو غنخرجلها دوا يتبت حملها ومتشوفو باس وغير يسالي السيروم تقدر ديها بقا جالس جنبها وساهي فيها هز تيلي عيط الخدامة علمها تطلع تجيبلها حويجها ونقابها أما بنتو راه مع مو بقا حداها تا جاو ليݣارد جايبينلو ساك خداه حطو عاد خرج عند مو سولهم على لؤي قالولو مزال فالعملية عاد عطاتو ضياء الدم خدا بنتو من عند مو ودخل عند مرتو جلس حداها بقا معاها تواني وبدات تتفيق حلات عينيها تترمش فالضو وتفكرات نهار طاحلها البيبي طرالها هكا بداو دموع يتسربو وبدات تتشهق هو ناض تيقلب فيها ومتتجاوبوش ورك على بوطون باش تجي طبيبة
سيف الدين::شهناز حبيبة مالك شنو تيضرك بيخير
شهناز::هننن أهيئ 😭
جات طبيبة بدات تتفحص فيها وبقات معاها تا سكتات
دكتورة::شهناز تتسمعيني قوليلي أبنتي واش تضرك شي حاجة خاصك تهضري غا على قبل جنينك باش نعرفو نتصرفو
شهناز(سكتات وشافت فيها)::هو مزال هنا ممشاش
الدكتورة(فهماتها وبتاسمات بحنية)::لا الحمد الله مزال شاد بلاصتو غا خاصك تبعي دوا ومتحركيش بزاف
بدات تضحك والدمتورة خرجات وهو عنق شهناز تيبوس فراسها وكنزة تتلعب بيدها
شهناز::الحمد الله(تنهدات)فينها عائشة شنو وقع
سيف الدين تنهد وجلس جنبها وبدا تيعاودلها شنو طرا فغيابها والرسالة للي تعطاتهم والبيسي وشنو فيه وعائشة وشنو دارت فلؤي
شهناز(حطات يدها فوق يدو وضغطات)::متخافش كلشي غيوللي بيخير عائشة ماشي لخاطرها عندها إنفصام أنا شفتها كانت رابطاني وو(بدات تتعاودلو شنو وقع)
سيف الدين (حك دقنو)::خاص نعيط الفهد تتبقى ختي ومعرفناش سبب مرضها
شهناز::راه يمكن بسباب خالك سمعت من سعاد بللي كانت عندو شي بنت من شي مرا أخرى وخداها ليها وعيشها مع مرتو جديدة لكن تخطفات البنت وفي الوقت للي تخطفات كانت ختك جالسة عندهم لهذا خالك بدا تيعاملها كأنها عفراء وتيعاود ليها على عفراء حتى أن مرت خالها كانت تتحبسها فالظلمة وهو تيجي يقنعها بللي هي عفراء وشخصيتها قوية وختك تخبات ورا هادشي
سيف الدين::إمتا عرفتي هادشي
شهناز::عرفتو نهار رجعنا القصر حيت أنا شفت عائشة لكن كيف تتعامل هنا متيبينش أنها نفسها لدرجة شكيت أنه غا ماسك باش يشكوني فيها دخلت واحد نهار بيتها قلبتو ولقيت مدكراتها بديت قرائتهم كانت أول الصفحات بنفس الخط وتتعاود فيهم المعانات مع خالها ومع مرتو ومع شنو باغين يدخلولها الدماغها دازو شي عشرة الصفحات من بعدها تبدل خطها وولات تدوي بواحد القوة حتى فكتابتها دكرات كيفاش ضربات مرت خالها وسيفطتها السبيطار وكيفاش رجعات الحضنكم وتما عرفت أنو كين إحتمال الإنفصام
سيف الدين::خاص المدكرة نديها الفهد
شهناز::رجعتها البيت ختك غيلقاوها فالمجر يالله نمشيو نشوفو لؤي
عاونها تنوض ولبسها وعيط الفرملية جابت كرسي متحرك وحيداتلها السيروم جلسها عليه ومدلها كنزة وتم دافع بيها وصل عندهم لقاهم مجموعين
سيف الدين::شنو وقع
رحمة::الحمد الله الضربة مكانتش غارقة دبا غينقلوه الغرفة أخرى
سيف الدين::مزيان الحمد الله
شهناز(تتشوف بينهم عاد دارت عند سيف)::فينها راضية
سيف الدين (كرز على فمو عاد تحنا تيدوي معاها)::إحم نتي مفخباركش لكن سهام عيطات لراضية تجي عندها وداتها لفين بغاوك تجي باش طع يقتلها وو
شهناز::بلاتي كيفاش طه وسهام مفهمتش وفينها راضية
سيف الدين (تنهد وبدا يعاود ليها)::وراه........غير هادشي ودبا راها فالعناية المركزة
شهناز::أهيئ 😭 ختي ديني نشوفها
دفعها غادي بيها وتيهدن فيها هز بنتو وعاونها وقفات تطل من الزاجة وتدعي مع ختها
بقات شويا ومشاو كانو داو لؤي لغرفة ثانية وسيف هز مو ومرتو وبنتو داهم لفيلتو حطهم وخرج مشا نيشان لعند البوليس لقا باه تما من وراهم جا جود وفيدو مدكرة ختو كان علمو سيف يجيبها عيطو الفهد خرج عندهم وعطاوها ليه
سيف الدين::ختي أفهد هاديك شخصوها وخليونا نوضفولها طبيبة مزيانة
فهد::واخا كون هاني
.....يتبع