العشق المظلم قصص مغربية

Part 10 : عودة الماضي

الجزء 10
اريج كيسمعات صوت اسراء بحال هكاك ناضت ديك الساعة بالخف هزات الطوموبيل و مشات متاجهة الاوتيل و المشكلة اريج فاش كتكون مستريسية كتبدا تفتف فالسوكان ، فالمهم بقات غادة حتى و صلات الاوتيل و هبطات للكاف باش تحط الطوموبيل و معا هيا دخلات كتقلب على بلاصة و كتفتف دخلات فشي شخص
حتى بركات على الفران بزربة ، و الدقة ماكنتش شي حاجة بحالا غير قاصتو شوية و هي تبلوكا بقات شحال كتستوعب انها كانت اتقتل شي واحد بهاد التفتفة اللي كاتشدها  عاد توكضات و هبطات تشوف داك الشخص الي قاصت لي حتى هو ماشفهاش لي عارف ان شي واحد كان قاسو و غير شوية مايقتلو 
...... : (كينفض حوايجو و هو هابط ) و القلاوي وا زبي واش شاد البيرمي فزحام (يلاه هاز راسو باغي يشنق عليه و هو يلقاها اريج البنت الي كانت داواتو شحال هادي ) هادي نتي ؟!
اريج: (عينيها مغرغرين ووجها ولا حميمر اصلا قلبها هشيش هي و مشات كتفقد واش وقعات ليه شيحاجة و شاداه من يديه ) سمحليا سمحليا والله ماقصدت سمحليا ، واش كضرك شيحاجة ، حاس بشي حاجة ماشي تالهيه ( اريج هنايا بكترة ما مخلوعة مارداتش ليه البال ) هانتا يلاه نمشيو للمستشفى نديرو كونترول خفيف ولا ...
ياسين :(يلاه هي بغات تكمل الهدرة و هو يشاد ليها وجها بين يديه و قاطعها ) شوفي فيا ، ما واقع والو هاني معاك صحيح فصيح
اريج : (منين دار هاكا فحالا فيقها و عقلات عليه ) ياسين سمحليا و الله ماقصدت
ياسين : ناري مزال عاقلا عليا مايمكنش ، ههه عرفتي شنو لا بغات تجي الموت دابا غير مرحبا
اريج: (ضحكها و خرجها من ديك الحالة اللي كانت فيها ) اويلي لا ماتقولش هكاك
ياسين : راه الي جا من عند بنت قلبي مرحبا
اريج : ولايني مكاتمركش هههه البنت الي تلاقيتيها تقولها هاد الهدرة
ياسين: ياك شفتي فين ولينا ،  ماشي مشكيل الي جا منك مرحبا
اريج: (بقات كضحك معاها هكا و نسات اسراء عاز شوية و تفكراتها ) ناري قفرتها خاصني نمشي
و مشات غادة مخلياه حتى شدها من يديها و جرها لعندو تا قرب ليها بزاف
ياسين : هاد المرة ما غاديش نفلتك ( جبد التيلفون و مدو ليها ) قيدي نمرتك
اريج كتباتها ليه و يلاه كانت غادا و هو يشدها تاني من يديها
ياسين : قولي ليا مالك مزروبة هاكا واش واقعة شي حاجة
اريج : لا بنت خالتي كاينة هنا و محتاجاني ضروري ، ههه و طلق دابا خاصني نمشي
ياسين : واخا اخير سؤال فين كنتي هاد العام ، قلبت عليك حتى عييت و مالقيتكش
اريج: ( بتاسمات و عرفات انه كيفما هو كان كيطيح ليها ف بالها مرة مرة ، تاهوا راه كان كيقلب عليها ) قصة طويلة الصراحة
ياسين : غانصوني ليك غدا تعوديها ليا
اريج : واخا نشاءالله غير دابا طلقني راني تعطلت
ياسين طلقها و هي مشات بقات غادا و هو متبع ليها العين تا مبقاتش كاتبان ليه و مشا تاهو لطوموبيلتو يقضي شغلو و هو غادي تفكر هضرت علي انها تقد تكون من المافيا و لكن بسرعة تاني قال مع راسو مايمكنش ، ما فيها حتى علامة كدل ان هاد الهضرة بصح اما اريج ف كي طلعات للاستقبال هزات التيليفون صونات ل اسراء قالت ليها فينك هاني جيت و اسراء قالت ليها هاني هابطة و ف ديك اللحظة فاش اريج كانت هزا التيليفون كتهدر شافها علي قال هادي شنو كدير حتا هي هنا هاد النهار تلاقاو فيه غير هوما يلاه كان غادي عندها يهدر معاها و ما تبان ليه غير اسراء لابسة ديك القويميجة ديالو جايها قصيرة شوية و دوك الرجلين البويض خلات كلشي غير كيشوف فيها اما هي فمزال شاعلة فيها العافية من الي كان دار ليها ، علي ماعرف مايدير واش يمشي عند اريج و لا اسراء شوية و هي تبان ليه اسراء غادا عند اريج عنقاتها و هبطو بجوج تاني لجيهة لاكاف ، علي تصدم شوية و لكن هو كان شاك انهم يقدرو يكونو كيعرفو  بعضهم و للاسف النظرية ديالو صحيحة و هنايا غادي يكون بصام على اسراء انها قحبة خدامة مع المافيا من الفوق و باغا طيحو شوية و هي طيح ليه ف بالو انه يتباعهوم يشوف فين غاديين حيت هوما ماشافوهش فاش شافهم ، و فعلا داكشي الي دار بقاتبعهوم حت و صلو لدار د اسراء و هي مزالة غير بديك القميجة ديالو ( هو كان لبس وحدا اخرى مابقاش عريان فاش عطاها ليها )
مهم هبطو بجوج اسراء و اريج و دخلو بحالهم لدار لي كانت على شكل بتي فيلا صغيورة  فواحد الحي راقي شوية و كي سادو الباب علي جاتو ابيل و مشا بحالو
اما ف جيهة اخرى بالضبط عند سارة فالمشفى (سارة طبيبة فالمستشفى دالاعائلة ) كانت كتهدر هي و ملك فالتيليقون
ملك : ايوا هانتي اصحبتي دكشي لي بغا من شحال هدي هاهو قريب غيتحقق و تزوجي بعلي
سارة : لا باقي معرفناش علي مقال والو فهاد الموضوع و علاقتنا مبقاتش بحال شحال هادي كنحس بيه بعيد و حتا انا بعيدة
ملك : و ملكي نتي شنو كيهمك من غير تزوجو و الحب غيرجع من بعد
سارة : لا منقدش نعيش معاه و انا كنتسناه يرجع يبغيني و منكدبش عليك لا هو وافق تبارك الله موافقش ماشي مشكيل  ، را كلشي بالاقدار و المكاتيب
ملك : و الله ماعرفت مانقولك بنتي ليا كاع ما متحمسة لهادشي
سارة : نكدب عليك مابقيتش عارفة راسي شنو باغا و هادي اصعب حاجة
فهاد اللحضة سارة سمعات شي حد كيدق  : تفضل( داخل عندها هاد الشخص للبيرو و هي كانت عاطية بالظهر و كملات لهضرة مع ملك  )يلاه بسلاما عليك نتعاود نعيط ليك و قطعات و مع كضور كتفاجئ بشكون قدامها  و كتفكر كيفاش من بعد هاد السنوات عاد جاي خارج قدامها وخا اخيرة مرة شافتو فيها كانو صغار و لكن مستحيل تنساه مستحيل شي بنت تنسى اول حب ليها و لكن كيفاش وصل ليها و علاش تالمنبعد هاد الوقت كامل و لكن السؤال الاساسي علاش جاي فحاولات سارة انها ماتبيانش هاد دوامة الاسئلة الي عندها في بالها و هضرات
سارة : (بتثاقل) شحب الخاطر اسيدي
الشخص : (بقاكيشوف فيها شحال عاد هدر ) اهلا سارة لباس عليك
سارة : الحمد لله نقدر نعاونك ف شي حاجة اسيدي
الشخص :لا صراحة و لكن بغيت تعطيني شوية من وقتك نهضر معاك ف شي حاجة
سارة : لا ا سيدي انا هنايا باش كنخدم ماشي باش نهدر
الشخص : (بقا ساكت شحال عاد هدر ) ياك اسارة فاول لقاء لينا من بعد هاد السنوات كاملة هاكا غتعاملي معايا
سارة : اه ، عرفتي علاش حيت انا فالاصل  مخصني لا نهضر معاك لا تحاجا على قبل دكشي لي درتي فيا هادي شحال
الشخص : علاش نتي درتي فيا القليل
سارة : السي كريم مجاهد حنا مغنرجعوش الماضي شنو درت و شنو درتي دكشي مبقاش كيهم دبا لا عندك شي حجا بخصوص الخدمة مرحبا شي حجا خرا ممكن تفضل كاين مرضى كيتسناو
كريم : انا دبا مجيتش باش نمشي
سارة : نتا مشيتي شحال هادي ماشي عاد
كريم : و كنحلف ليك هاد المرة مغانمشيش ، فعطيني غير فرصة نشرح ليك الي وقع
سارة : ( طلقات ضحكة مستفزة ) سمحليا ماكيهمني لا حلوفك لا فرصتك ، انا و ياك سالينا داك النهار و كل واحد مشا بحالو و دابا يا ايما غتخرج يا ايما غنعيط لسكريتي
يلاه كانت غادا لجيهت الفيكس و هو يزرب عليها كريم قنتها على الحيط شد ليها يديها فيكسهم ليها مع الحيط و حط جبهتو مع جبهتها و نيفو مع نيفها و هي كتحاول تعافر معاه و تقوليه طلق
كريم: شوفي ليا فعيني و قوليلي ماباغلش تعرفي شنو طرا ديك اليلة ، شوفي لي فعيني و قولي لي عمرك فكرتي فيا و بلي نسيتيني
سارة : (كتحاول تهرب ب عينيها ) علاش جاي من بعد هاد الوقت كامل واش باغي دمر ليا حياتي اكريم ، سير بحالك سير ماتقصينيش مشاكيل باراكا غير داكشي اللي عشت شحال هادي بسبابك
كريم :(قرا ف عينيها انها مجروحة و باقي ما نسات تاهيا لي فات ) عارف انني جرحتك بديك الفعلة و لكن عندي اسبابي ، خاصك تعرفي شنو وقع
سارة : بهدوء انا مامستعدة نسمع والو ، ممكن تمشي بحالك
كريم:(بغا يخليها على خاطرها ) واخا انا غنمشي دابا و لكن غير باش نقولك راك مغاتهنايش مني حتى تعرفي شنو وقع ديك الليلة
و خرج كريم بحالو غادي و خالا من موراه عاصفة ديال المشاعر الي كان كيصحاب لمولاتهم راه ماتو و لكن القلب عندو كلام اخر ، كي خرج كريم سارة استرجعات الذكريات ديال داك النهار

———فلاش باك ————-
سارة و كريم كانو الحب الاول ديال بعضياتهم و كانو كيبغيو بعضياتهم بزاف و قبل من علاقة سارة و علي ( اصلا سارة و علي مكانوش كيبغو بعضياتهم كانو غير اصدقاء بزاف و فواحد المرة تبادلو القبل و علي صحاب ليه بلي ولا ف علاقة مع سارة حيت كانت كتعجبو و صراحة حتى هي كان كيعجبها و لكن كانت كتقول ما يمكنش يكونو بجوج ) المهم فواحد النهار قررو يهربو سارة و كريم يخويو المدينة فين كانو و السبب راجع لبزاف د الحوايج اللي كانو كيطراو ف حياتهم فسارة تاجهات للبلاصة فين دايرين بقات كتسنا ساعات و ساعات و والو مجاش كريم كتاصل بيه تيليفون طافي فالاخير استسلمات و قررت انها مترجعش لدارهوم حيت صافي ما بقا ليها اصلا رجوع 
——————- نهاية الفلاش باك ——————

فيق سارة من السهوة ديالها غير الهاتف ، جاوبات و من مور ماسالات الابيل ديالها خرجات ديك الساعة بحالها
دازو ساعات و بالضبط جيهت واحد القهوة
سلوى: (غادة كتمشى بالزربة ) سربي اصحبتي راه تعطلنا
ليلى: ( تابعاها كتلهت ) نتي لي تعطلتي اختي ماشي انا
سلوى : و غير طلقينا دابا
ليلى: مافهمتش نتي غادا تخدمي انا لاش جايباني معاك
سلوى : و ناري ماتقدريش تسكتي شوية
ليلى : وا تي سيري كلشي عايق بيك طايحة فيه و دايرة السبة بالخدمة
سلوى : ( وقفات المشي و دارت عندها ) واش دابا بنت ليك انا لي صونيت ليه لا هو لي صونا ليا قاليك اه حقا بغا دوك les plans حيت راه مشاو ليه
ليلى : ايوا اختي سيفطيه ليه باغ ميل
سلوى : وارا قلتها ليه ، قاليا بلي ماعندوش داك اوجيسييل ديال اوتوكاد (خاص بالهندسة )
ليلى : و لكن دابا غير بيناتنا كيعجبك شوية
سلوى : بغيتي صراحة راه ماشي غير شوية ، راه بزاف و لكن واياك دابا ندخلو لتما و تشوهينا راني عارفة لسانك سليط ماكاتغيزونيش شنو كتقولي
ليلى: ياك اختي ضاربة معاك هاد الطريق كاملة مجرجرة باش نسمع الهدرة
سلوى : صافي نساي نساي ماقلت والو ، عرفتي فاش ندخلو كومندي لي بغيتي مزيانة
ليلى: قسما عظما كون ماكانت كرشي ذلاني ماكنت دخلت معاك
سلوى : و دابا غير يالاه
دخلات سلوى للمقهى فين كان داير معاها ، كان باغي يجي بوحدو و لكن هو مكايفهمش فهادشي بزاف حيت هو مختص غير فادارة الاعمال فضطر انه يجيب معاه واحد مكلف بهادشي اي بهاد المجال لحسن الحظ كان ولد عمتو يلاه شافتو سلوى و بتاسمات مشات فالاتجاه ديالو و ليلى من اللور غير تابعاها ، تاهو غير شافها بتاسم و قف يسلم عليها
سلوى: اهلا اهلا سي امين العلامي ، كنتمنى مانكونش تعطلت عليك
امين : لا لا تاحنا لقيتونا يلاه وصلنا
سلوى: سي فهد لاباس عليك
فهد : ناري اختي سلوى وتقول واش عندي مع هاد السي خليها غير فهد
امين : عييت مانقولها ليها والو واش بغات تحيد منها
فهد : اجي مغاتعرفيناش على اللي معاك
ليلى : (كانت واقفة من مور سلوى مابايناش ) لا لا ا خويا ماعندي ما ندير بمعرفتك
تصدمو من هدرتها وايلي هادي شنو كتقول ، يلاه بعدات سلوى و بغات الدور باش تهدر معاها و هما يسمعو فهد تاني
فهد: هادي نتي ههههه

        يتبع ......